Континенттик климат – материктин ички (океан, деңиздерден алыс) бөлүктөрүндө кургактыктын атмосферага тийгизген таасиринен пайда болгон климат. Континенттик климат Евразиянын борбордук бөлүгүнө жана Түндүк Америкага мүнөздүү. Мелүүн алкактарда абанын температурасы жыл (жайы ысык, кышы суук) жана сутка ичинде кескин өзгөрүп турат. Деңиз климатынан жаан-чачындын аз жаашы, булуттуулуктун аздыгы, шамалы басаң болгондугу, абанын жылдык орточо температурасынын төмөндүгү, аба ырайынын бат-бат өзгөрүп турушу жана атмененын чаңдуулугу менен айырмаланат. Климаттын континенттүүлүгү материктин ичин карай күчөйт. Кыргызстан аймагына да Континенттик климат мүнөздүү. Анда абанын жылдык орточо температурасы өрөөндөрдө 5–6°Сден 10–13°Сге чейин, бийик тоолуу зонада –7… –8°С. Абсолюттук минимум –3,6°Сди (Ак-Сай өрөөнүндө), абсолюттук максимум 44°Сди (Чүй өрөөнүнүн түндүгү) түзөт.
- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
