Генотип — белгилүү бир организмдин бардык гендеринин жыйындысы. «Генотип» терминин 1909-ж. даниялык генетик В. Иогансен киргизген. Азыркы генетикада генотип өз алдынча кызмат кылуучу гендердин жыйындысы гана эмес, ар кандай деңгээлдеги (мисалы, бирдей же түрдүү гендин) аллелдеринин ортосундагы ген элементтеринин бүтүндөй системасы деп каралат. Генотип хромосомасындагы организмдин түзүлүшүн, өсүшүн жана тиричилик аракетин, башкача айтканда организмдин бардык белгилерин (фенотип) көзөмөлдөйт. Генотип тукум куугучтуктун айрым бир белгисин эмес, чөйрөнүн шартына организмдин реакциясынын нормасын көрсөтөт. Белгилердин фенотиптик көрүнүшүнө чөйрө таасир тийгизет, мисалы, суук жерде багылган коён кара, ал эми мелүүн алкактагысы ак (мурду, кулагы, буту жана куйругу кара) түстө болот.
Булактар
- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
