![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8b/Anopheles_mosquito_engorged_with_human_blood.jpg/640px-Anopheles_mosquito_engorged_with_human_blood.jpg&w=640&q=50)
Безгек чиркейи
From Wikipedia, the free encyclopedia
Безгек чиркейи, анофелес - (Anopheles) курт-кумурскалар классындагы чиркейлер уруусу. Оозу сайып сорууга ылайыкталган. Буттары денесинен эки эсе узун; ургаачысы айбан жана адам канын сорот, эркеги өсүмдүк ширеси менен азыктанат. Жумурткасын нымдуу жерге таштайт. Өөрчүшү сууда өтөт. Жумурткадан өөрчүп чыккан личинка 4 жолу түлөп, куурчакчага айланат. Жершарында 300, КМШ өлкөлөрүндө 7 түрү ошондой эле Кыргызстанда да учурайт. Алар безгек мителерин оорулуудан таза адамга жугузат. Чиркейдин чагышынан сактаныш үчүн ар түрдүү дарылар, көбүнчө диметилфталат пайдаланылат.
![Thumb image](http://upload.wikimedia.org/wikipedia/commons/thumb/8/8b/Anopheles_mosquito_engorged_with_human_blood.jpg/640px-Anopheles_mosquito_engorged_with_human_blood.jpg)