From Wikipedia, the free encyclopedia
Претория – Түштүк Африка Республикасынын борбору. Гаутенг провинциясынын административдик борбору. Шаар тектирчелүү платодо, деңиз деңгээлинен 1370 м бийиктикте, Апис дарыясынын боюнда жайгашкан. Климаты субтропиктик. Эң ыссык айы январдын орточо температурасы 25°С, эң суук айы июлдуку 10°С. Жылдык жаан-чачыны 750 мм. Калкы 1,7 млн (2010). Эл аралык аэропорту бар. 1855-жылы бурлар тарабынан негизделген. 1860-жылдан Трансваалдын, 1910-жылдан Түштүк Африка Союзунун (1961-жылдан ТАРдын) борбору. Кара металлургия, машина куруу, текстиль, химиялык , тамак-аш өнөр жай ишканалары иштейт. TAP Илимдер академиясы, университеттер, китепканалар, муниципалдык сүрөт галерея, музейлер (анын ичинде ачык асман астында, тарыхый-маданий), Түштүк Африка геология кызматы, «Радклифф» обсерваториясы бар. Шаарга жакын жерде Африкадагы алгачкы алмаз табылган. Туризм өнүккөн. ТАРды түзгөн алгачкы президент М. Преториустун ысмынан аталган.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
