Мителер
From Wikipedia, the free encyclopedia
Мителер (байыркы грек тилинен παράσιτος — «арам тамактануучу») — ээсинин (башка организмдин) эсебинен тамактануучу, көпчүлүк учурда аларга зыян келтирүүчү организмдер. Мында бири (мите) экинчисин (ээсин) жашоо чөйрөсү, азыгы катары пайдаланат. Мителер ээсинин каны, лимфасы, ткандары жана сиңүүгө даяр тамак-ашы менен азыктанып, ага зыян келтирет, начарлатат, кээде өлүмгө дуушар кылат. Аларга зоомителер (жөнөкөйлөр, гельминттер, курт-кумурскалар жана башкалар), фитомителер (бактериялар, козу карындар, айрым татаал түзүлүштөгү өсүмдүктөр) жана вирустар кирет. Көбүнчө мителер өзү жашаган ээсин ооруга чалдыктырат, кээде оорутпайт. Мындай учурда ээси — мите алып жүрүүчү, оору таратуучу булак болуп калат. Жашаган жерине карата мителер эктомителер жана эндомителерге айырмаланат.
![Thumb image](http://upload.wikimedia.org/wikipedia/ky/thumb/3/35/%D0%9F%D0%B0%D1%80%D0%B0%D0%B7%D0%B8%D1%82%D1%82%D0%B5%D1%80.jpg/220px-%D0%9F%D0%B0%D1%80%D0%B0%D0%B7%D0%B8%D1%82%D1%82%D0%B5%D1%80.jpg)
![Thumb image](http://upload.wikimedia.org/wikipedia/commons/thumb/7/7e/Anopheles_stephensi.jpeg/640px-Anopheles_stephensi.jpeg)
![Thumb image](http://upload.wikimedia.org/wikipedia/commons/thumb/b/b1/Cimex_lectularius.jpg/640px-Cimex_lectularius.jpg)
![Thumb image](http://upload.wikimedia.org/wikipedia/commons/thumb/b/bc/ES_Valencia_Sierra_Aitana_Orchidea.jpg/640px-ES_Valencia_Sierra_Aitana_Orchidea.jpg)