Зубр (лат. Bison bonasus, L. 1758) — көңдөй мүйүздүүлөр тукумундагы ача туяктуу жаныбар. Дене узундугу 3,5 м, бийиктиги 2 мге, салм. 1,2 тга жетет. Башы чоң, мүйүзү кыска. Маңдайында көкүлү, ээгинде сакалы, көкүрөгү менен жонунда жалы бар. Өңү күрөң. Жыныстык жактан 2-3 жашында жетилет, 1 эркеги, 2-6 ургаачысы чогуу жашайт, 9 ай көтөрүп, август сентябрда 1 музоо тууйт. Өсүмдүк менен азыктанат. Зубрлар Европа токойлорунда көп болгон. Азыр жапайы түрүндө кездешпейт. 20-кылымдын башында коруктарда гана сакталган. Аны көбөйтүүнүн натыйжасында сактап калууга мүмкүн болду. Таза кандуу зубрдан башка аргындары өстүрүлгөн. Европанын бир катар өлкөлөрүндө атайын өстүрүүчү жайларда, Беловежа чер токоюнда, корук ж. б. жайларда асыралат. ТКЭСтин Кызыл китебине катталган.
Колдонулган адабияттар
- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
