![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Virgin_Islands-map-CIA.jpg/640px-Virgin_Islands-map-CIA.jpg&w=640&q=50)
Виргин аралдары
From Wikipedia, the free encyclopedia
Виргин аралдары, Вёржин (англисче Virgin Islands) – Кариб деңизинин Кичи Антил аралдарынын ичиндеги архипелаг. 100дөн ашык майда аралдардан туруп, Британдык, Америкалык жана Испандык Виргин аралдарына бөлүнөт. Атлантика океаны жана Кариб деңизи менен курчалып жатат. Жалпы аянты 0,5 миң км2ден ашык. Мезозой-кайнозой заманынын акиташтегинен түзүлгөн. Ири аралдарында (Сент-Томас, Тортола ж. б.) байыркы кристаллдык жана жанартоо массивдери кездешет. Бийиктиги 527 мге чейин (Тортола аралдарындагы Род-Таун чокусу). Климаты тропиктик, пассаттык, ысык (айлык орточо температурасы 24°-26°С), дайыма нымдуу (жылдык жаан-чачыны 1000-1500 мм); тез-тез ураган (катуу шамал) болуп турат. Тортола аралдарында гана агын суу бар. Ферралит топурагы басымдуу. Дайыма жашыл нымдуу токоюнун 2/3 бөлүгү а. ч. жерлерине айландырылган. Виргин аралдары 1493-ж. X. Колумб тарабынан ачылган.
![Thumb image](http://upload.wikimedia.org/wikipedia/commons/thumb/7/78/Virgin_Islands-map-CIA.jpg/640px-Virgin_Islands-map-CIA.jpg)