Pri

Pri yw karrek wodhosek gwrys a berthyglow pur vunys a dheu dhyworth tewedhans karrygi erel. An pethyglow yw treusperthys gans avonow po rew hag ena godhesys.

Pri Loundres yw gell war an mappa

Mappa a dhororieth Pow Sows soth-est ow tiskwedhes priow Loundres (gell) ha Gault (gwyrdh) ha krey yntredha

Ensampel a	material
Klass	godhes klastek, stoff furvadow, stoff gravyans
Synsys ynno/i	Pri gwynn, dowr, liw
Restrennow kelmys war Gemmyn Wikimedia

Yn fenowgh pri yw kevys war wols ledrow krey, r.e. an Gonyow soth yn Pow Sows. Pri a furv tirwedhow medhel, drefen ev dhe kawsya tirslynkow pan vo glyb, yn fenowgh gans tylleryow leun a dhowr.

Andewenadow yw pri, ha tipek yw lower a woverow arenebel. Yma dhe bri meur a vethynnow, ha nyns yw eskniys yn es.

Gwriansow denel

Mengleudha yw kemmyn yn ranndiryow pri, ha usys yw dhe wul pottys ha bryckys, gul paper, hag yn ensampel kaolinit, rag priweyth. Yma lies mengleudh kaolinit yn ranndir Sen Austel, yn Kernow.

Pur bosek yw ranndiryow pri rag ammeth, awos ev dhe gomprehendya meur a vethynnow, hag awos bos an tirwedh mar wastas, ytho kavadow yw rag jynnow bargen tir. Y hyllir usya an tir rag ammeth aradow, lowartha losow hag ammeth leth.

Pri yw usys yn art rag gravyansow. Eghennow dyffrans a bri, pan vo usys gans monyow ha studhyow fornya dyffrans, a wra lestri pri dor (earthenware), lestri pri men (stoneware) ha lestri pri china (porcelain).

• 
  Tirwedh krey ha pri (an Gonyow soth)
• 
  Alsow pri yn Martha's Vineyard, Massachusetts, Statys Unys
• 
  Poll pri ogas dhe Telford, Pow Sows
• 
  Kaolinit, usys dhe wul priweyth
• 
  Poll pri Hwel Martyn yn Kernow
• 
  Pri Kimmeridge, a vri yn ollvysel rag y venhesennow
• 
  Ichthyosaur kevys y'n Pri Kimmeridge
• 
  Gweres leun a dhowr displegys war bri
• 
  Diskwedhyn yn Gwithti Priweyth Bernard Leach yn Porthia