From Wikipedia, the free encyclopedia
Lowen (liesplek - low) yw an hanow kemmyn dhe esel a'n skorren Phthiraptera, a gomprehend ogas dhe 5,000 eghen a hwesker teuregel diaskel. Aswonnys re beu Phthiraptera avel urdh, infraurdh ha parvurdh y'n termyn eus passyes avel sewyans a dhisplegyansow yn hwithrans fylogenynnek.
Arviles dre res yw low, ow triga war gneus ostysi goos tomm a gomprehend pub eghen a ydhyn hag enevales, a-der untollegyon, pangolinow hag eskelli kroghen. Karyoryon yw low a dhisesys kepar ha typhus.
Trigys yw low knias yn blew po pluvennow aga ostyas ow tybri kneus hag atal, mes low sugna a wan knias an ostyas ow bosa war woos ha golivow erel. I a spen oll aga bewnans war unn ostyas, ow klena aga oyow, gelwys nedh dhe vlew po pluvennow. An oyow a wor dhe nymfow, ow moutya teyrgweyth kyns dos ha bos tevesigyon, argerdh a gemmer peder seythen. Dustuni genynnek a lever dell esplegyas low dhyworth Psocodea, aswonnys avel low rusk. An menhesennow kottha a low yw dedhyes dhyworth an Amser Paleogen.
Tus a wra ostya diw eghen a low - lowen an penn ha lowen an korf yw iseghennow a Pediculus humanus; ha lowen an kedhoren, Pthirus pubis. Pediculus humanus a'n jeves an genom lyha a neb hweskeren vytholl. Usys yw avel organedh 'model', an desten a lower a hwithrans. Low o rann a wonisogeth denel yn pub tyller bys dhe'n Osow Kres po awosa. I yw rann a henhwedhlow, kanow ha novelow kepar ha 'Finnegan's Wake' gans James Joyce. I a hwer y'n deray brysysel delusional parasitosis. Lowen o testen a-varr yn korrwelieth, owth omdhiskwedhes yn lyver Robert Hooke yn 1667, Micrographia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.