Liv Kastell Boterel 2004

Liv Kastell Boterel 2004 veu happyans kewer dynn hag a hwarva dy’Lun an 16ves a vis Est, 2004 yn treveglosow Kastell Boterel ha Porthkragen yn Kernow North. An treveglosow a wodhevis meur a dhamach wosa myns ankoth a law an dohajydh na. Y feu meur a imachys Kastel Boterel y’n paperyow nowodhow ha der an pellwolok, mes ny veu marnas an nowodhow leel ow tochya an happyans yn Porthkragen. An Maynorieth Kerghynedhel a leveris bos an happyans yn-mysk a gwettha yn Breten Veur bythkweth. An diskargans moyha veu a-dro dhe 140 kumeks, ynter 5pm ha 6pm. Y’n gwella prys, ny vervis nagonan.

Ensampel a	liv
Dedhyans	16 Est 2004
Restrennow kelmys war Gemmyn Wikimedia

Ayr tomm a vovyas tro’ha arvor Kernow North boregweyth an 16ves. Res veu dhodho omsevel dres an alsow, ha dalleth gul glaw. 185mm a law a godhas war an tir ughel a-dhelergh Kastel Boterel ha 200mm yn Prasdowrgi. A-dro dhe 3.45pm, kevys veu 24mm a law yn 15 mynysen.

Dowrdresen Kastel Boterel rag 16ves Est 2004

Drefen henna, nivel an dowr y'n avon a omsevis 2m (7 tros-hys) yn unn our. Lettys veu movyans dowr gans gwydh stag a-dryv pons. Pan dorras an lettyans, fos a dhowr 3m (10 tros-hys) eth war-nans. Estemys yw dell resas 20 mivil kumek a dhowr war-nans Dowr an Velinji an jydh na.

Damach an liv

Nans kul serth Dowr an Velinji

Moy a dhamach

Golghys veu 75 a gerri, 5 karavan, 6 drehevyans ha niver a skathow dhe’n porth. Distruis veu 100 a dreven ha negesyow. Seyth tro askel a sawyas a-dro dhe 150 a bobel dhyworth aga thoyow ha kerri. Kost an damach veu £15 milvil.

Achesonyow rag an liv

Kyn feu myns an glaw war an jydh na mar ankoth, yth esa niver a achesonyow erel rag an liv.

• Ledrow serth an nans a gawsas dowr dhe dhrehedhes an avon yn uskis.
• Ny veu meur a wydh y’n kreungylgh dhe sugna dowr dhyworth an gweres.
• An kreungylgh o vyghan, ytho byghan o an termyn dhe’n dowr drehedhes an avon.
• Yth esa kemper yn kres an dreveglos, le may junyas diw avon.
• Golghys veu gwydh war-nans an avon, ha mos yn stag yn-dann pons.

Towlow dhe lettya livyow y'n termyn a dheu

Wosa an liv, yth esa niver a dowlow dhe lettya liv rag hwarvos y’n termyn a dheu. Yth esa nebes anedha ynjynorieth gales, hemm yw drehevel po chanjya kesweythow gwrys. An re erel o ymjynorieth vedhel, hemm yw, fordhow a oberi gans argerdhow naturel dhe lettya liv.

Ynjynorieth gales

• Ledenhes veu ponsow dhe alowa moy a dhowr yn-danna.
• An park kerri re beu omsevys may na wra godhevel liv y’n termyn a dheu.
• Drehevys veu fosow dhe lettya dowr rag dos dres an glannow.
• Yn kres an dreveglos, downhes veu kanel an avon dhe alowa moy a dhowr dhe resek.

Ynjynorieth vedhel

• Dre blansa moy a wydh, le a dhowr a dhrehedh an avon, awos i dhe sugno dowr dhyworth an gweres.
• Kanel blethys a lett dowr awos bos an avon moy ledan.
• Removys veu gwydh ryb an avon dh’aga lettya mos yn stag yn-dann ponsow.

• 
  Mappa garow Kastel Boterel
• 
  Achesonyow an liv yn Kastel Boterel
• 
  Towlow dhe dhigelmi kudynnow liv yn Kastel Boterel