From Wikipedia, the free encyclopedia
Gorlost yw hanow kemmyn bagas a hwesker gans an hanow skiansek Dermaptera. Y hyllons plegya aga eskelli yn-dann rag-eskelli berr hevelep dhe ledher. Yma a-dro dhe 1,000 eghen a worlost. Ny wrons lesa dises vytholl, po gul damach dhe dus mes i a yll bos pla dhe drevasow. An brassa rann anedha a's teves hys a 10-14mm, kyn hwrello boghes eghennow drehedhes 80mm. An brassa rann a worlost yw olldhebroryon.
Gorlost Efander menhesennow: Triassek – lemmyn 208–0 Ma | |
---|---|
![]() | |
Gorlosten gemmyn (Forficula auricularia) | |
Klassans bewoniethek | |
Gwlaskor: | |
Fylum: | |
Isfylum: | |
Klass: | Insecta |
Is-klass: | Neoptera |
Urdh: | Dermaptera De Geer, 1773 |
Yma dhe bub gorlosten teyr rann korf, penn, thoraks ha torr. Aga liw yw gell tewl, rudh po du. I a wra devnydh a'ga thavellow (desedhys war aga pennow) rag blasa hag omglewes. Kyn hyllons neyja, ny wrons yn fenowgh. Nebes gorlost a's teves linennow war aga thoraks ha torr. Gorlost gorow a's teves 'cerci' (pynchoryon byghan) kromm war aga thorrow ha gorlost benow cerci ewn rag dalghenna boos. Treweythyow gorlost gorow a wra devnydh a'ga cerci rag omladha gorlost gorow erel.
Gorlost a vyw a-derdro'n bys, a-der Antarktika. Enevales a'n nos yns i, ow kudha yn-dann del po yn gwydh kodhys. Kevys yns i y'n chi, dell yw usys yn celders po stevellow omwolghi, le mayth usi tylleryow leyth ha skeusek.
Pub gorlosten a dheber losow, kewni ha fong. I a dheber ponn bleujyow ha frooth kepar hag avalow y'n kynnyav. Gorlost y'n chi a yll dybri kevnis po kelyon. Ydhyn a avoydya dybri gorlost awos aga sawor drog.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.