Edwin Chirgwin
From Wikipedia, the free encyclopedia
Edwin Chirgwin, Map Melyn (6 Ebrel 1892 - 11 Du 1960) o dyskador, prydydh ha bardh Gorsedh Kernow.
Genys veu 6 Ebrel 1892 yn Lulynn, an kynsa a bymp flogh dhe Edwin Chirgwin (1863-1925) ha Catherine Jane Collins (1864-1926). Kunteller tollow o ober y das (ha meliner kyns henna). Trigys ens i yn Trewordhavow, yn Pluw Bowl.
Wosa gasa skol, Chirgwin eth dhe vos dyskador darbarer y'n skol leel. Yn 1913 yth eth dhe dhyski yn Skol Mebyon Porthia, mes yth omjunnyas dhe Droslu Skav Dug Kernow (Sowsnek: Duke of Cornwall's Light infantry) yn 1914. Ev a servyas avel sineller yn Eynda ha'n Est Kres bys dhe fethans an Turkys yn 1917. 1/4a Battalyon an DCLI eth dhe Eynda y'n lester Assaye yn Hedra 1914, mos dhe Aden yn mis Genver 1916, hag Ejyp ha Palestin yn mis Genver 1917. Chirgwin a'n jeva skians meur a'n Bibel, ytho an batelow koneryek a veu pur gales drefen bos oll an henwyn tylleryow mar aswonnys dhodho.
Yn Metheven 1924 ev a dhemedhas Elizabeth Dorothy Thomas (1901-1981) yn Pennsans o bardhys hy honan yn-dann an hanow bardhek Gwreg Map Melyn
A-dhia 1926 dh'y omdennans yn 1956 ev o penndyskader Skol Ryskarasek (St Cleer). Ev a wre dyski Pader an Arlodh ha Kredo an Aposteleth dhe dhyskyblon an skol. Yn y dermyn difresek, ev a skrifa ow tochya an termyn eus passyes yn Kernow, kepar ha lien gwerin, hwedhlow leel, yeth, bardhonieth hag istori. Ev a gevrannas dhe baperyow nowydh ha lyvrow termyn yn fenowgh, aretha, skrifa lyvrigow a-dro dhe'n yeth Kernewek, ha treylya tekstow kryjek kepar ha hymnys ha lyvrow an Bibel. Ensamplow a'y skrifow yw One Thousand Place Names of Cornwall ha Yn Kernewek Lavar E! (Say it in Cornish - yn prynt hwath).
Chirgwin a veu gwrys bardh a Orsedh Kernow yn 1932 yn Dons Maen, Pluwveryan, gans an hanow bardhek Map Melyn. Ev o Skrifennyas an Orsedh ynter 1944 ha 1960 ha kyns henna, Kannas an Orsedh. Y noy, John Jenkin, o Skrifennyas an Orsedh 1992-2001.
Edwin Chirgwin a redyas pregoth y'n kynsa servis synsys yn Kernewek a-dhia 1678 yn Eglos Tewydnek yn 1934. Herwydh Peter Berresford Ellis, ev o an gwella a brydydhyon Kernewek arnowydh oll, gans kanow kepar hag An Jynjy gesys dhe goll, Den Hanternos, An Velin Goth, Gorthewer ha Ro dhymmo-vy dha dhorn.
Yn Nessa Bresel an Bys, Chirgwin o yn Jibraltar. Ev a gesskrifa gans A.S.D. Smith (Caradar) hag erel yn Kernewek. Degemerys veu Kernewek gans an censoryon kasorek (feth a veu merkys gans paper nowydh an West Briton).
Edwin Chirgwin a verwis 11 Du 1960 yn Truru.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
