Cecilia Payne-Gaposchkin

Skiensydh a'n Wlaskor Unyes o Cecilia Payne-Gaposchkin (10 Mis Me 1900 – 7 Mis Kevardhu 1979), a aswonnys en fenowgh avel steronydh, akademek ha sterfysegydh.

Cecilia Payne-Gaposchkin
Genys	Cecilia Helena Payne  10 Me 1900  Wendover
Mernans	7 Kevardhu 1979  Cambridge
Trigva	Lexington
Kenedhlogeth	Pow Sows Statys Unys
Alma mater	Pennskol Harvard Kolji Radcliffe St Paul's Girls' School Newnham College Pennskol Kergront
ymgynghorydd y doethor	Harlow Shapley Arthur Eddington
Galwesigeth	steronydh, dyskador pennskol, astrophysicist
Arvether	Harvard College Observatory Pennskol Harvard Smithsonian Astrophysical Observatory
Tas	Edward John Payne
Pries	Sergei Gaposchkin
Neskerens	Dilys Powell, Cecilia Gaposchkin
Pewasow	Pewas an Arethor Henry Norris Russell, Pewas Annie Jump Cannon yn Steronieth, Esel an AAAS, Rittenhouse Medal
Eseleth	Akademi Art ha Godhonieth Amerika, Kowethas Filosofiethek Amerika, American Astronomical Society
Sinans

Cecilia Payne-Gaposchkin

Manylyon personel

Genys veu Cecilia Helena Payne an 10ves Mis Me 1900 en Konteth Buckingham, onan a dri flogh dhe Emma Leonora Helena (née Pertz) hag Edward John Payne, dadhelor a Loundres. Hy thas a verwis pan o hi pajar bloodh. Res o hy mamb maga an teylu war hy honan woja hedna. An teylu a removas dhe Loundres pan o hi dewdhek bloodh, ha hi eth dhe Skol Mowysi Sans Pol pan o hi etek bloodh. Ena Gustav Holst, deskajor musek e'n skol, a venja hi dhe sewya resegva en musek, bes gwell o genji skiens. An nessa vledhen, hi a gavas skolheygieth rag studhya yn Pennskol Kergront. Na wrug hy fanja gradh drefen hy reydh. Nw wrug Universita Kergront rei gradh dhe venenes bys en 1948. Woja omvetya Harlow Shapley hi a gawas gront rag studhya en mirva Harvard en 1923. En 1933 hi a omvetyas an sterfysegydh Russek Sergei Gaposhkin en Almayn. Anjei a dhemedhis an nessa vledhen.

Resegva

En 1925 hi o an kensa den dhe waynya PhD en steronieth a Golji Radcliffe, Universita Harvard. Titel an assay o ' Ayrgylghow sterek: kevro dhe'n studhyans aspiansek a wiskansow gorthtreylyek ster '. Hy diskudhans o bos an keth levels perthynek a vetelyow e'n Howl hag e'n Norvys ha planetys erel, bes bos lower moy a hidrojen a heliom e'n Howl. E'n termyn na, kesakordyans skiensydhyon o bos an keth levels a bub elven e'n Howl ha Norvys. Steronydh Otto Struve a dheskrifas hy ober avel "an assay PhD moyha brintin a skrifys en steronieth besketh".

Woja hebma hi a studhyas ster chanjus, ow kul 3,500,000 a aspiansow anedha. En hy nessa lyeer, hi a dhisplegyaa an fordhow usys gen ster rag esplegya. En 1956 apoyntys veu hi avel professor, an kensa benyn en Harvard. Awen o hi rag lies benyn aral en steronieth hag e'n skiensow erel.

En-mysk an pewasow gwaynys genji rag hy ober ew an re ma a sew. Pewas Henry Norris Russell ha Pewas Steronieth Annie J. Cannon.

Cecilia Payne-Gaposchkin yn Harvard

Eseleth fondyansow adhyskansek

• Universita Harvard
• Mirva Kolji Harvard

Eseleth a vagasow ha kowethasow

• Akademi Artys ha Skianseth Amerika
• Kowethas Filosofek Amerika
• Kowetha Steroniethel Amerika

Ma an erthygel ma usya an Furv Skrifys Savonek a-barth Kernowek diwedhes.