Arth yowynk yw henwys arthik po orsik. Arthes benow yw orsesow po arthesow.
Peryllus dhe dus yw neb ehen. An ehennow ma yw arth gwynn, arth gweusek, hag arth gell, le mayth aga bos ogas dhe dus yn arbennek. Krev yw oll ehennow hag i a yll ladha den, mes gohelus yns i hag avoydya tus dre vras. Orses a vynn difres aga orsigow mars aga klewes peryl.
Arth gell (Ursus arctos) a ehok rag boosArth du Asi (Ursus thibetanus) a dheber mor
Arthes yw ollboosa hag i a dheber lies sort a voos. Neb ehennow a yskynn gwydh rag frooth ha know. An arth gwynn a dheber bronnviles mor dre vras. An panda bras a dheber bambou dre vras. Yma tavas ha diwweus hir dhe'n arth gweusek rag dybri moryon, moryon gwynn, ha preves erel. Arth gell a yl pyskessa, ehek rag ensampel, mes nyns yw oll aga boos.
Kota arvow a deylu Pennarth po Penarth a Gernow. Gwynn, chevron yntra tri fenn arth skwardys Du, starnys Owr.
An hanow a Arthur Gernow, Myghtern a Vreten, yw dhyworth an ger arth.
An hanow Bjorn yw dhyworth an ger rag arth y'n tavosow a Swedherwyk, Island, Norgagh, ha Danmark, mes Otso yw yn Pow Finn. Ursula (benow) hag Urs (gorow) yw henwyn dhyworth Latin.
An styr a hanow teylu McMahon yw map arth yn Wordhonek.
Yma arthes war kotys arvow a neb teyluyow gernowek kepar ha kota arvow Pennarth (Gwynn. chevron yntra tri fenn arth skwardyek Du. starnyow Owr.) ha'n grib Pendarves (Arthik Ermin. starn Owr.).
Lien ha kannow
Yma kan Piknik an Orsigow gans Jimmy Kennedy, tralyas dhe Gernowek gans Ken George.
Winnie-the-Pooh ha Orsik Paddington yw arthes yn hwedhlow flehes.
Panda bras (Ailuropoda melanoleuca) y'n Bark Miloniethel Kenedhlek Smithsonian, Washington DCArth Andes (Tremarctos ornatus) yn milva HoustonArth mel (Helarctos malayanus) y'n vilva ha pyskva ColumbusArth gweusek eyndek (Melursus ursinus ursinus) y'n Bark Miloniethel Kenedhlek, Statys UnysArth du Amerika (Ursus americanus) yn Statys UnysArth gell (Ursus arctos) yn milva Moskva