From Wikipedia, the free encyclopedia
Elven gymyk yw thuliom, niver 69 y'n Vosen Beriodek. Y furvell yw Tm. An hanow a dheu dhyworth an hanow Greka rag Loghlyn, Thule. Onan a'n elvennow dor-tanow po lanthanid yw thuliom. Nyns eus rann vewoniethel dhe thuliom, mes nyns yw gwenonek.
Ensampel a | Elven gymyk |
---|---|
Furvell gymyk | Tm |
Dydhyas diskudhans | 1879 |
Niver atomek | 69 |
Elektronegedhegedh | 1 |
Rann a | lanthanid, period 6 |
Restrennow kelmys war Gemmyn Wikimedia |
Diskudhys veu thuliom gans Per Teodor Cleve (1840-1905), kymygydh a Sweden, kettermyn ha diskudhans holmiom. Kevys yw yn mynsow munys gans lanthanidow erel yn monow kepar ha gadolinit. Askorrys yw a-dro dhe 50 tonnas a thuliom an vledhen, dre vras yn China. Pur gostek yw thuliom. Kost polter thuliom 99% pur yw $70 an gramm.
Keworrys yw thuliom gans holmiom ha kromiom dhe oberi laserow garnet ytriom-aluminiom. Usys yns yn leuvvedhegneth, gans an luyow ervys, hag yn keweronieth. Usys yw an isotop thuliom-170 avel pennfenten dewynnow-X gans medhogyon ha medhogyon dens. Gorrys yw yn notennow arghantti euro avel musur gorthfugya. Usys yw thuliom ynwedh yn ughkendegoryon tempredh ughel.
Poos atomek thulion yw 168.93, y boynt teudhi yw 1545°C ha'y boynt bryjyon yw 1950°C. Y dhosedh yw 9.3kg an liter. Alkan splann arghansek yw, medhel lowr dhe dreghi gans kollell.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.