![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/48/Serpens_constellation_map.svg/langkw-640px-Serpens_constellation_map.svg.png&w=640&q=50)
Serpens (ranneves)
From Wikipedia, the free encyclopedia
Serpens yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Hy hanow yw Latin rag sarf. Onan a'n 48 ranneves restrys gans Ptolemy y'n 2a kansvledhen, dibarow yw drefen bos rynnys dhe dhiw rann, Serpens Caput (Penn an sarf) ha Serpens Cauda (Lost an sarf) gans ranneves Ophiuchus (Deger an sarf) y'n kres.
![]() | |
Ensampel a |
ranneves ![]() |
---|---|
Synsys ynno/i |
Serpens Caput, Serpens Cauda ![]() |
![]() |
Steren splanna Serpens yw an gowrsteren rudh Alpha Serpentis, po Unukalhai, yn Serpens Caput, splannvraster 2.63. Ynwedh yn Serpens Caput yma krenvonni Messier 5 y hyllir y weles gans dewlagas, keffrys ha ster varyansel R Serpentis ha Tau4 Serpentis. Yn-mes a Hyns Sen Jamys yma "Seyfert's Sextet", onan a'n bonniow galaksi doosa aswonnys; Arp 220, galaksi isrudh fest splann; ha Taklen Hoag, galaksi bysow tanow.
Yth a rann a blayn an Hyns Sen Jamys dre Serpens Cauda, hag yw leun a daklow galaktek, kepar ha'n Niwlen Ster Er (IC 4703) han bonni ogas Messier 16. An Niwlen Ster Er a vusur 70 bledhen wolow gans 50 bledhen wolow hag a gomprehend "an Kolovennow Gwrians", teyr homolen a bolter, meur a vri drefen an skeusen tennys gans Pellweller Efanvos Hubble; Niwlen Ster Pedrek Rudh (onan a nebes taklow steroniethel gans shap pedrek); ha Westerhout 40, ranndir furvya ster bras hag ogas.
- Delinyans a Ophiuchus ha Serpens a 1825
- Serpens Caput y'n ebron
- Serpens Cauda y'n ebron
- Messier 5
- "Seyfert's Sextet", bonni a alaksiow
- Arp 220
- Galaksi bysow Taklen Hoag
- An skeusen a vri a'n Niwlen Ster Er, tennys gans an Pellweller Hubble
- 3C321 - dew alaksi ow junya
![]() |
Erthygel kott yw hemma. Ty a yll agan gweres y wellhe! Mar kodhes moy a-dro dhe'n desten ma, klyck chanjya ha dalleth skrifa! |