From Wikipedia, the free encyclopedia
Sagittarius yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Onan yw a 48 ranneves an stergylgh renkys gans steronydh a'n 2yl gansledhen Ptolemy. Hy arwodh steroniethel koth yw (♐︎). Hy hanow yw an Latin rag "sether". Representys yw Sagittarius yn fenowgh gans centaur ow tenna gwarak. Y sev yntra Scorpius hag Ophiuchus dhe'n west ha Microscopium dhe'n est.
Ensampel a | ranneves, ranneves y'n stergylgh |
---|---|
Rann a | Hanterkylgh Nevek an Dyghow |
Restrennow kelmys war Gemmyn Wikimedia |
Kres an Hyns Sen Jamys yw desedhys yn rannbarth howlsedhas Sagittarius. Drefen henna, yma lies bonni ha niwlen ster ynni. Yn despit dhe'y hanow, nyns yw α Sgr (Rukbat, glin an sether) an steren splanna y'n ranneves, splannvraster 3.96. An splanna yw Epsilon Sagittarii (ε Sgr) ("Kaus Australis," po "rann soth an gwarak"), gans splannvraster a 1.85.
Sagittarius a gomprehend diw gomolen ster meur. An Gomolen Ster Meur yw ranndir splanna an Hyns Sen Jamys. An Gomolen Ster Byghan po Messier 24 a's teves splannvraster a 2.5. Yn Sagittarius yma lies niwlen ster, kepar ha Messier 8 (Niwlen Ster Morlynn), Messier 17 (Niwlen Ster Omega) ha Messier 20 (Niwlen Ster Trifid).
An bennfenten radyo komplek Sagittarius A a sev yn Sagittarius ynwedh, ogas dhe'y gans Ophiuchus. Steronydhyon a grys bos onan a'y gesrannow, aswonnys avel Sagittarius A*, keffrysyes gans toll du kowrek yn kres an galaksi, gans gronnedh a 2.6 milvil gronnedh an Howl.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.