From Wikipedia, the free encyclopedia
Pavel Alexandrovich Florenski (21 mis Genver 1882 – mis Kevardhu 8, 1937) o prontor Ewngryjyk, duwonydh, filosofer, mathemategydh, fiseger, ynjynor tredanel, deviser, liesroasek ha neomerther.
Genys veu ev yn 1882 y’n cita Yevlakh (hedhyw yn Azerbayjan). Ev a studhyas yn skol nessa yn Tbilisi kyns ev dhe vos dhe Moskva rag studhya mathematik yn Pennskol Moskva. Mathemategydh Nikolai Bugaev o y brofessor ena, hag bardh Andrei Beli o y geskoweth klass ha kothman. Y’n termyn na, esel awedhyansek a vovyans arwodhieth rusek o Florenski.
Wosa y radhyans, Florenski a haghas profyans ober avel dyskador y’n bennskol ha ev a dhallethas studhya duwonieth. Diwettha pan o prontor, ev a skrifas tekstow a-dro dhe filosofieth, art, kryjyans ha lien gwerin. Florenski a assayas displegya sistem filosofek a gesun godhonieth ha kevrinieth. Ev a skrifas dielvenansow awedhyansek a-dro dhe ikonys ynwedh.
Wosa governans kemynegorek dhe dhegea managhtiow yn Russi, Florenski a dhallethas oberi rag an governans avel ynjynor tredanel, hag ev a dhellos a-dro dhe fysegieth ha mathematik.
Yn 1933 Florenski a veu pellhes dhe gamp prison, hag yn 1937 an kreslu kevrinek a ros breus dhe’y diswrys. Ev a veu eksekutys yn mis Kevardhu y’n geth vledhen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
