eghen a les From Wikipedia, the free encyclopedia
Plans bleujennek byghan yw mellyonen rudh (Latin: Trifolium pratense; Kembrek: meillionen goch; Sowsnek: red clover) ha kevys yw a-dro dhe 300 eghen dhyffrans yn teylu mellyon. Heb ankresyans, y hyll tevi dhe ughelder a 20 - 80cm, mes an ughelder a greg war nas an gweres. Hys an del yw 15-30mm ha'y les yw 8-15mm, gwyrdh gans shap loor war hanter pella an dhelen. Liw an vleujen yw rudhwynn tewl, 12-15mm hy hys.
Mellyonen rudh | |
---|---|
Mellyonen rudh (Trifolium pratense) | |
Klassans bewoniethek | |
Gwlaskor: | |
Ughrannans: | Tracheophytes |
(anrenkys): | Angiosperms |
(anrenkys): | Eudicots |
(anrenkys): | Rosids |
Urdh: | Fabales |
Teylu: | Fabaceae |
Isteylu: | Faboideae |
Kinda: | Trifolium |
Hanow dewhenwek | |
Trifolium pratense Linnaeus | |
Usys yw an plans, yn hengovek, rag niver a glevesow drefen hy dhe gomprehendya an re a sew: kalciom, kromiom, magnesiom, niacin, fosforos, potassiom, thiamin ha Vitamyn C. Ottomma an plans a gomprehend an moyha a isoflavinow a bub plans y'n bys (kymygen a omdeudh yn dowr hag a ober avel estrojen).
Leverys yw an del seghys dhe wul te yaghus a wra dader rag drog-goans. Usys yw ynwedh dhe wellhe payn amseryow hag osteoporosis. Da yw ynwedh rag drehevel pur pan vo an klav ow kodhevel a bas drog, hag ynwedh dhe wellhe skansgroghen (psoriasis) ha klavor gleb (eczema).
Hwithrans godhoniethel a-dhiwedhes a dhiskwedh bos lower a isoflavinow kepar ha genistin y'n vellyonen rudh, a's teves gnasow pur haval dhe estrogen, ha hemm yw an skila hy bos da rag koselhe paynys an misastel po menopos ha krevhe an golon.
Lies hwithrans godhoniethel a hwer a-lemmyn a vir orth effeyth mellyon rudh war glevoryon a wodhev a ganker.
Tevys yw yn efan avel trevas megyans, posek drefen hy dhe stagella nitrojen, a wra ynkressya frothuster gweres. Tennvosek yw ynwedh dhe hwesker, unn ponegyer posek yw Bombus ruderatus, po gwenenen wyls an lowarth.
Jowann Richards a skrifas novel yn Kernewek henwys Blas a Vellyon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.