![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/92/Asclepius_-_Museum_of_Epidaurus_Theatre.jpg/640px-Asclepius_-_Museum_of_Epidaurus_Theatre.jpg&w=640&q=50)
Medhegneth
From Wikipedia, the free encyclopedia
Medhegneth yw an skiens ha praktis a witha godhevysi, menystra an diagnosans, ragwolok, lett, dyghtyans ha hebaskheans aga shyndyans po kleves, ha skoodhya aga yeghes. Medhegneth a yssyns dyffrans a braktisyow gwith yeghes esplegys dhe ventena ha daskorr yeghes der an lestans ha dyghtyans a gleves. Y'n jydh hedhyw, medhegneth arnowydh a us godhoniethow bewvedhek, hwithrans bewvedhek, genynnek ha teknegieth vedhek, yn tipek dre dhroggys po leuvvedhegneth, mes ynwedh dre sawments mar dhyffrans avel bryskosoleth, devisyow medhek, dewynnyans, hag erel.
![Delow Asclepius, gans y welen, duw hen grek a vedhegneth y'n Gwithti Epidaurus yn Pow Grek.](http://upload.wikimedia.org/wikipedia/commons/thumb/9/92/Asclepius_-_Museum_of_Epidaurus_Theatre.jpg/640px-Asclepius_-_Museum_of_Epidaurus_Theatre.jpg)
Medhegneth re beu gwrys a-dhia osow kynsistorek mayth o sleyneth gans junyansow kemmyn dhe gryjyansow kryjyek ha filosofek a gowethas leel dredha. Rag ensampel, den medhegneth a wrussa gorra erbys ha leverel pysadow rag yaghheans, po hen filosofer a wrussa usya sygera goos herwydh an tybiethow glyborieth. Yn kansvledhynnyow a-gynsow, wosa an sordyans a skiens arnowydh, an brassa rann a vedhegneth yw kesunyans a sleyneth ha godhonieth. Kynth yw an gis ober gwrias sleyneth dyskys dre braktis, godhvos an pyth a hwer orth nivel gogellek ha molekulek y'n gwiasow gwriys yw aswonnys dre wodhonieth.
Furvow a vedhegneth kynswodhoniethek yw henwys lemmyn medhegneth hengovek po medhegneth werin. Dyghtyansow hengovek po ken dewisyow a vedhegneth gans kudynnow a sawder po effeyth yw gelwys pomstry.
Yma'n erthygel ma owth usya an Furv Skrifys Savonek a-barth Kernowek kres.
![]() |
Onan a'n kans erthygel posekka war Wikipedya yw an erthygel ma. |