From Wikipedia, the free encyclopedia
Losow avi yw bagas a blansow sempel. Godhonydhyon a grys dell veu losow avi an kynsa sort a bryophyta dhe esplegya. I a grys kewni, korndhel ha plansow moy komplek dhe esplegya dhyworth losow avi wosa henna drefen dustuni TDN.
| Losowen avi Efander menhesennow: Ordowek – lemmyn 472-0 Ma | |
|---|---|
 | |
| Losowen avi an palmwydh | |
| Klassans bewoniethek | |
| Gwlaskor: | |
| (anrenkys): | Embryophytes |
| (anrenkys): | Setaphyta |
| Rannans: | Marchantiophyta |
| Klassys | |
| |
Losow avi yw klassys y'n bryofytow, bagas a blansow heb kellow dhe waya dowr. Hemm yw prag yw res dhedha bewa ogas dhe bennfenten, avon po tyller mayth yw kevys meur a niwl po glas. An bagas ma a gomprehend kewni ha kordhel. Taksonomieth re's klassas yn rannans henwys an Marchantiophyta.
Losow avi yw plansow byghan gans korfow platt. An hanow losowen avi a dheu dhyworth an Osow Kres may feu dewisys medhegnethow herwydh an kryjyans fals similia similibus curentur (haval a wellha haval). Shap an avi yw gwelys y'n losowen avi Marchantia, rag ensampel, a wre berwys yn gwin avel medhegneth erbynn kudynnow avi. An hanow a veu treusworrys dhe oll an bagas.
Losow avi a wra devnydh a'n keth system ha kewni rag dinythi. I a's teves sporofytow ha gametofytow hag a geschanj TDN. An sporofytow yw gwelynnow hag a dyv sporangia, saghow byghan gans sporow ynna. An sporow yw pur vyghan, kepar ha ponn, hag a neyj dhe ves war an gwyns. Plansow sempel yns i.
,_plate_82.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
