![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Collage_of_Nine_Dogs.jpg/640px-Collage_of_Nine_Dogs.jpg&w=640&q=50)
Ki
From Wikipedia, the free encyclopedia
Keun (Canis lupus familiaris) yw bronnviles hwarhes, yn le enevales gwyls naturel. Megys vons yn gwreydhek dhyworth bleydhyow nans yw lies bledhen (i o an kynsa enevales dhe vos megys). Studhyansow dyffrans a gampoll dell hwarvsa henna nans yw po 15,000 bledhen po 100,000 bledhen. Ki yw an dingo ynwedh, mes lies dingo a dheu ha bos enevales gwyls arta ha bewa yn anserghek a dus le mayth yns i trigys yn Ostrali.
Ki dov | |
---|---|
![]() | |
Naw sort a geun | |
Klassans bewoniethek | |
Gwlaskor: | |
Fylum: | |
Klass: | |
Urdh: | |
Teylu: | Canidae |
Kinda: | Canis Linnaeus, 1758 |
![Thumb image](http://upload.wikimedia.org/wikipedia/commons/thumb/d/d6/GermanShep1_wb.jpg/320px-GermanShep1_wb.jpg)
Hedhyw, lies ki yw usys avel eneval dov, ha re erel dhe weres tus yn aga ober. Eneval dov gerys-da yns i drefen aga bos gwariek, kowethek, leel ha goslowes orth tus. 30 milvil a geun yw kovskrifys avel enevales dov y'n Statys Unys. Keun a dheber ha kig ha losow kegin, yn fenowgh kemyskys ha gwerthys yn shoppys avel boos ki. Keun yn fenowgh a ober, rag ensampel avel keun kreslu, keun luyow arvek, keun gweres, keun messajys, keun helghya, keun bugelya po keun sawya.
Ki yowynk yw gelwys kolyn bys dhe vos a-dro dhe vloodh.
Gelwys yw keun treweythyow "an gwella koweth dhe dhen" drefen aga bos synsys avel enevales dov, leel ha da gensi bos yn-mysk tus. Da yw gans keun bos chersys, mes saw pan hallo gweles leuv an chersyer kyns chersya. Na godh dhe nagonan chersya ki a'n tu war dhelergh.