Sedher konna rudh

An sedher konna rudh (Gavia stellata) yw eghen a edhen dhowr divroansek a'n hantergylgh kledh. An moyha lesrannys y'n bys yw y'n teylu sedher, i a vag y'n tiredhyow Arktik dre vras hag i a wav yn arvoryow kledh. 53-69 centimeter (21-27 meusva) yw aga hys, 91-120 centimeter (36-47 meusva) yw aga askelva, ha 1–2.7 kilogram (2.2–6.0 peuns) yw aga poos, an lyha ha'n skavva sedher y'n bys yw an sedhoryon konna rudh. Loosek dhe wynn a-is yns yn gwav gans briansennow rudhek y'n prys maga. An moyha a'ga boos yw puskes, mes diwelvennoges, pythow losowek, prevyon ha divellkeynoges erel yw dybrys treweythyow ynwedh. Eghen unpriosel yw an sedher konna rudh gans kevrennow par duryadow. An dhew a weres gwruthyl an neyth, gori an oyow (dew oy yn neyth dre vras) ha maga an ydhnigow.

Sedher konna rudh
Tevesik yn pluv maga ha ydhnik
Klassans bewoniethek
Gwlaskor:	Animalia
Fylum:	Chordata
Klass:	Aves
Urdh:	Gaviiformes
Teylu:	Gaviidae
Kinda:	Gavia
Ehen:	G. stellata
Hanow dewhenwek
Gavia stellata (Pontoppidan, 1763)
i a dryg omma yn hav rag an prys maga, i a wav yn mor
Kesstyrynnow
Colymbus stellatus Pontoppidan, 1763 Colymbus lumme Brünnich, 1764 Colymbus septentrionalis Linnaeus, 1766 Gavia lumme Forster, 1788 Colymbus mulleri Brehm, 1826 Urinator lumme Stejneger, 1882

Yma poblans bras dres an bys dhe'n sedher konna rudh gans gwandrans bras dres an bys, mes yma neb poblansow ow lehe. Skolyansow oyl, bewva gellys, defolyans ha rosow pyskessa yw peryllyow brassa dhe'n eghen ma. Preydhoryon naturek, ow komprehendya neb eghennow golan, lowarn rudh ha lowarn Arktek, a wra dybri oyow hag ydhnigow. Gwithys yw an eghen gans kevambosow keswlasek.

Mirva

• 
  Sedher konna rudh tevesik
• 
  Sedher konna rudh yn pluv maga yn Island
• 
  Ydhnik
• 
  Profil a sedher konna rudh ow neyja
• 
  Sedher konna rudh ow sevel
• 
  Ydhnik ow tybri pysk
• 
  Oyow
• 
  Ydhnik ha tevesik
• 
  Sedher konna rudh yowynk