From Wikipedia, the free encyclopedia
Tollek an kankres (Kembrek - rhedwr crancod, Sowsnek - crab plover) yw edhen y'n teylu Dromadidae. Ankler yw y golm goos dhe remenans an urdh Charadriiformes, nebes ow leverel y vos ogas dhe'n mengelvinigow, erel ow leverel y vos nessa dhe'n golanes. Ev yw an unnik eghen y'n kinda Dromas. Dibarow yw yn-mysk ydhyn hirgam drefen ev dhe usya tommder an nor rag gweres gori an oyow.
Tollek an kankres Dromas ardeola | |
---|---|
Tollek an kankres | |
Klassans bewoniethek | |
Gwlaskor: | |
Fylum: | |
Klass: | |
Urdh: | Charadriiformes |
Teylu: | Dromadidae |
Kinda: | Dromas (Paykull, 1805) |
Ehen: | D.ardeola |
Gwrandrans tollek an kankres Gwyrdh - ow maga Glas - heb maga |
Hevelep yw an edhen ma orth tollek, mes gans garrow hir loos ha pig krev, poos du hevelep orth skaraw. Y big yw dibarow yn-mysk ydhyn hirgam ha perfydh rag dybri kankres. Ydhyn trosek yns i. Trigys yns i war arvorow an Keynvor Eynda. Kowethyadow yns i, kevys yn bagasow meur, yn arbennik boregweyth ha tewlwolow. I a neyth yn tollow tewesek yn glannow tewesek. An seson dinythi yw yntra mis Ebrel ha Gortheren. Trigys yns i yn bagasow meur a 1,500 a ydhyn ha moy. I a dhedhow unn oy (treweythyow dew), hag yw meur kehevelys dhe vyns an korf. Tempredh toll an neyth yw perfydh drefen tommder an howl, ha'n kerens a yll gasa an neyth heb bos attendys hedra 50 our. Ny yll an ydhnigow kerdhes a'n neyth rag nebes dedhyow wosa gori. Wosa pluvya, i a's teves termyn hir a witha gans an kerens. Ha'n gorow ha'n venow a with rag an ydhnigow.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.