Русина Анна Степановна

Шаблон:Серпасыс абу

Русина Анна Степановна

Русина Анна Степановна (1915—1975) — нималана коми актриса, Коми АССР-са нимйӧза артист, РСФСР-са нимӧдана артистка. Медводдза верӧсыс — серпасалысь Н. Л. Жилин, мӧдыс — Сергей Александрович Русин, коді вӧлӧма 1950-ӧд воясӧ Коми АССР-са торговля министрӧн. Нывдырся овыс — Тарабукина.

Олан туй

Анна Тарабукина чужӧма Кардор губерняысь Яренск уездса Емдінын (ӧні Коми Республикаын Емдін районса Емдін сикт) 1915-ӧд вося ӧшым тӧлысь 6 (19)-ӧд лунӧ. 1932—1936-ӧд воясын велӧдчӧма Ленинградса театральнӧй училишӧлӧн коми студияын. Помалӧм бӧрын пырӧма уджавны Драма театрӧ.

Кулӧма 1975-ӧд вося кӧч тӧлысь 22-ӧд лунӧ Сыктывкарын.

Ворсӧмъяс

Аслас ворсӧмнас вермис вӧрзьӧдны сьӧлӧмсӧ быд видзӧдысьлысь. Петкӧдчис рытыввывса классическӧй драматургияын: В. Шекспир, Р. Шеридан, К. Гольдони, Б. Шоу.

Творчествоын ыджыд вермӧмӧн лои А.Островскийлӧн «Приданнӧйтӧм ныв» пьесаын Ларисаӧс ворсӧм (1945). Тайӧ образас и серпасалӧма актрисаӧс Н. Жилин, сылӧн верӧсыс.

Анна Тарабукиналы медводдзаяс лыдын (Пантелеймон Мысовкӧд ӧттшӧтш) Коми АССР-ысь Вылыс Сӧветса Президиумлӧн шуӧмӧн вӧлі сетӧма «Коми АССР-са нимйӧза артист» ним 1943-ӧд вося косму тӧлысь 10-ӧд лунӧ.^[1]

Рольяс

• Луиза Миллер («Коварство и любовь», Ф. Шиллер)
• Косова («Земля», Н. Е. Вирта)
• Дездемона и Джульетта («Отелло» и «Ромео и Джульетта», Шекспир)
• Софья («Горе от ума», А. С. Грибоедов)
• Шура Азарова («Давным-давно», А. К. Гладков)
• Элиза Дулитл («Пигмалион», Б. Шоу)
• Лариса («Бесприданница», А. Н. Островский)
• Негина («Таланты и поклонники», А. Островский)
• Нина («Маскарад», М. Ю. Лермонтов)
• Таня («Таня», А. Н. Арбузов)
• Глория («Остров Афродиты», А. Парнис)
• Нора («Кукольный дом», Г. Ибсен)
• Мария («Школа злословия», Р. Шеридан)
• Аня («Вишневый сад», А. П. Чехов)
• Люба Шевцова («Молодая гвардия», А. Фадеев серти)
• Машенька («Машенька», А. Афиногенов)
• Верочка («Месяц в деревне», И. Тургенев)
• Таня Егорова («За вторым фронтом», В. Н. Собко)
• Валя («Русские люди», К. М. Симонов)
• Лена Журина («Счастье», П. Павленко да С. Радзинский)
• Агафья («Усть–Куломское восстание», Н. Дьяконов да С. Ермолин)
• Лиза («Дни войны», Н. Дьяконов да С. Ермолин)
• Степанида («Печорская быль», М. Калинин)

Наградаяс

• Коми АССР-са нимйӧза артист (1943)
• РСФСР-са нимӧдана артистка (1946)
• Уджвывса Гӧрд Дӧрапас орден

Ӧшмӧсъяс

• Клейн А. Русина (Тарабукина) Анна Степановна // Коми Республика. Энциклопедия: в 3-х т. — Сыктывкар: Коми кн. изд-во, 1999. — Т. 2. — С. 563.
• «Коми-театр ру» сайтын Тарабукина А.С. йылысь
• Тарабукина-Русина Анна Степановна, Коми народная артистка // «foto11» сайт
• Звездный час Анны Тарабукиной (Русиной) / Спецпроект Национальной галереи Республики Коми: К 105-летнему юбилею актрисы

Ыстӧдъяс

1. Коновалова М. Почётные звания Республики Коми // Республика Коми: энциклопедия: в 3-х т. — Сыктывкар: Коми кн. изд-во, 1999. — Т. 2. — С. 495.