Павлова Надежда Мисаиловна

Шаблон:Серпасыс абу

Павлова Надежда Мисаиловна
Чужан лун:	1966-ӧд вося ода-кора тӧлысь 21-ӧд лун(1966-05-21) (56 арӧс)
Чужанін:	Семуков, Емдін район, Коми Республика, Российская Советская Федеративная Социалистическая Республика[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	писательница

Павлова Надежда Мисаиловна (1966) — коми гижысь.

Олан туй

Надежда Павлова чужӧма 1966-ӧд вося ода-кора тӧлысь 21-ӧд лунӧ Емдін районса Семуков грездын. 1987 воын помалӧма Перымса канму культура институт. Уджалӧма Емдін районса Айкатылаын культура керкаын да «Радуга» содтӧд тӧдӧмлун сетан шӧринын. Уджалӧ педагог-котыртысьӧн челядьлы 23 №-а содтӧд тӧдӧмлун сетан шӧринын, мый уджалӧ Сыктывкарын Коми национальнӧй гимназияын.

Гижан удж

Надежда Павлова гижӧ висьтъяс да кывбуръяс. Медводдза гижӧдсӧ (висьт) йӧзӧдӧма «Войвыв кодзув» журналын, кор велӧдчӧма шӧр классъясын. Комиӧн кывбуръяс гижны босьтчӧма институт помалӧм бӧрын. Йӧзӧдӧма «Шондіа асыв» (2006) да «Кор алӧй биӧн ойдас лежнӧг» (2011) кывбур чукӧръяс.

Сёрӧнджык босьтчис гижны пьесаяс.

2007 воын лоӧма вермысьӧн «Эзысь борд» литературнӧй конкурсын «Поэзия» нимпасын, 2008 воын — «Публицистика» нимпасын.

2015-ӧд восянь пырӧ Россияса гижысь котырӧ.

Небӧгъяс

• Павлова Н. Шондіа асыв: кывбуръяс. — Сыктывкар: Коми небӧг лэдзанін, 2006. — 45 л.б.
• Павлова Н. Муслун вабергач: [кывбуръяс]. — Сыктывкар: Коми Республикаса гижысь котыр, 2010. — 32 л.б.
• Павлова Н. Кор алӧй биӧн ойдас лежнӧг: кывбуръяс / Ред. А.Г. Елфимова; серпасаліс Н. И. Гиголян. — Сыктывкар, 2011. — 174 л.б.
• Павлова Н. Енэжӧ содъяс: кывбуръяс, висьт / Серпасаліс Н. И. Гиголян, В. И. Нефёдов. — Сыктывкар: [б. и.], 2016. — 159 л.б.

Ӧшмӧсъяс

• «Финноугория» юӧр сетан шӧрин
• Куклина Р. Парма бӧрдӧ, повзьӧдлӧ, эскӧ...: (Надежда Павловалӧн «А вӧрыс быттьӧ бӧрдӧ» пьеса йылысь) // Войвыв кодзув. — 2009. — 3 №. — Л.б. 77—79.
• Календарь знаменательных и памятных дат Республики Коми на 2016 год / ГБУ РК «Национальная библиотека Республики Коми»; сост. В.Н. Казаринова; ред. Е.П. Березина. — Сыктывкар, 2015. — С. 36.

Ыстӧдъяс