Втюрина Людмила Зарниевна

Шаблон:Серпасыс абу

Файл:Втюрина.jpg

Зарни Люся — коми гижысь

Втюрина Людмила Зарниевна
Чужан лун:	1964-ӧд вося тӧвшӧр тӧлысь 11-ӧд лун(1964-01-11) (60 арӧс)
Чужанін:	Кельчиюр, Изьва район, Коми Республика, РСФСР[d], Сӧветскӧй Социалистическӧй Республикаяслӧн Союз
Мыйся уджыс:	поэтесса, писательница, библиотекарь

Втюрина Людмила Зарниевна (Зарни Люся; 1964) — коми гижысь.

Олан туй

Зарни Люся чужӧма 1964-ӧд вося тӧвшӧр тӧлысь 11-ӧд лунӧ Коми АССР-ын Изьва районса Кельчиюр сиктын. 1979-ӧд воын помалӧма Кельчиюрса нетыр школа, 1981-ӧд воын — Красноборса шӧр школа. 1985-ӧд воын помалӧма Перымын канмуса культура институтысь библиотека пакультет. 1985-ӧд восянь уджалӧ Сыктывкарын, С.Я. Маршак нима Коми Республикаса челядьлӧн национальнӧй библиотекаын веськӧдлӧма отделӧн.

Гижан удж

Людмила Втюриналысь кывбуръяссӧ йӧзӧдлiсны республикаса газет-журналлӧн лист бокъяс вылын, а сiдзжӧ «Сыктывкар», «Был у меня хороший друг», «Собрание разлук», «У камелька», «Kuum ӧӧ» (эст кыв вылын) небӧгъясын.

2006-ӧд воын Зарни Люсялӧн петӧма «Шоныд діяс» медводдза небӧг, 2010-ӧд воын «Народная библиотека» серияын — «Майбыр кад» кывбур ӧктӧд.

Зарни Люся гижӧ рочӧн, комиӧн да изьва кылӧн кывбуръяс да проза. Изьва кылӧн гижӧдъяс петавлісны «Арт» журналлӧн 2012 вося 2-ӧд номерын.^[1] Изьва сёрнисикасӧн йӧзӧдӧма «Дзоляньлӧн дзольгӧм» да «Менам шоныд діяс» повесьтъяс.

Челядьлы кывбуръяс петісны «Шоныдін» небӧгын (2018).

2015-ӧд восянь пырӧ Россияса гижысь котырӧ.^[2]

Людмила Втюрина дасьтылӧма «Дзолюк» радиопередачалы некымын сценарий, а сідзжӧ коми челядь литератураысь некымын материал. Лӧсьӧдӧма челядь уджъясысь некымын сборник, краеведениеысь да коми литератураысь 60 сайӧ библиотека удж.^[3]

Небӧгъяс

• Шоныд діяс: Кывбуръяс / Лӧсьӧдіс В.В. Тимин; Ред. П.И. Симпелев; Серпасаліс Л.Ю. Щербакова. — Сыктывкар: Коми небӧг лэдзанін, 2006. — 48 л.б. (тираж — 500)
• Майбыр кад. — Сыктывкар, 2010.
• Кывбуръяс [Препринт]. — Сыктывкар, 2011.
• Тӧвся ӧшкамӧшка. — Сыктывкар, 2013.
• Олӧмлы ода. Ода жизни. Кывбуръяс. Стихи / Серпасаліс С.Г. Семяшкин. — Сыктывкар: ООО «Изд-во «Кола», 2014. — 224 с.
• Втюрина Л.З. (Зарни Люся). Дзолянлӧн дзольгӧм (Журчание родника): повести и стихотворения. — Сыктывкар: ООО «Коми республиканская типография», 2016. — 192 с. (тираж 300) (изьва сёрнисикасӧн да роч вылӧ вуджӧдӧмӧн)
• Шоныдін. — Сыктывкар, 2018.

Наградаяс

• Коми Республикаса нимӧдана уджалысь (2015)^[4]

Ӧшмӧсъяс

• Людмила Втюрина «Арт» журналлӧн сайтын

Ыстӧдъяс

1. Втюрина Л. «Сьӧлэм вылын сэтшем югыд мыляке...» // «Арт» журнал, 2012 во. 2 №.
2. «Комиинформ» сайт (2015.01.23; рочӧн)
3. Морохина В. Коми писательница Людмила Втюрина выпустила сборник стихов для детей «Шоныдiн» («Теплая сторонка») // «Комиинформ» юӧр сетан агентство (2019.01.14 лун; рочӧн)
4. Ряд жителей Коми награждены почетными званиями и грамотами // «Комиинформ» сайт (2015.04.28; рочӧн)