Qedra zahirî

Qedra zahirî yekeyek e ku nîşan dide ka cismekî esmanî (roj, stêr, heyv, gerstêrk) ji dinê çiqas geş xwiya dibe. Dîroka pîvana qedra zahirî ya cismên esmanî digêhije dewrên kevin, dema stêrnasê yewnan Hîparkûs (190-120 berî zayînê) û Betlemyûs (100-175 piştî zayînê). Wan stêr gorî geşiya wan kiribûn şeş paran. Gorî vê parvekirinê stêrên herî geş wek yên bi 1'emîn mezinahî, yên bi kêmtirîn geşî jî wek 6'emîn mezinahî hatin tesnîfkirin. Dûv re ew mezinahî bi herdu hêlan de hat zêde kirin. Di sala 1850'î de ji hêla Norman Robert Pogson mezinahî wek logarîtmîk hat salixandin û bi vê ve stêreka 1'emîn mezinahî 100 caran ji stêreka 6'emîn mezinahî geştir e.

• Bi teleskopên mezin ve stêrên heta 22 mezinahî tên dîtin.
• Cismên ji stêrên di beşa 1'emîn mezinahî geştir, bi mezinahiyeka negatîv ve tên nimandin, mîna Gelawêj −4,4 m û Roj −26 m.^{[çavkanî hewce ye]}

Pitirîn qedra zehirî

Qedra zahirî ya maksîmûma hin cismên esmanî

Nav	Cûreya cisim	Qedra zahirî ya maksîmûm
Roj	stêr	−26,73 mag
Heyv	peyk	−12,73 mag
Gelawêj	gerstêrk	−4,67 mag
Berçîs	gerstêrk	−2,94 mag
Behram	gerstêrk	−2,91 mag
Tîr	gerstêrk	−1,9  mag
Qurix	stêr	−1,46 mag
Suheyl	stêr	−0,73 mag
Keywan	gerstêrk	−0,47 mag
Veqî	stêr	0,03 mag
Stêra Bakur	stêr	1,97 mag
Ûranûs	gerstêrk	5,5 mag
Neptûn	gerstêrk	7,8 mag
Plûton	gerstêrk	13,9 mag

Senifandina stêrên dîtbar

Stêrên heta 6'emîn mezinahî bi çavên rût dikarin bên dîtin. Lê yên ji wê zeyîftir encax bi hin alavan dikarin bên dîtin. Stêrên ku bi çavên rût tên dîtin hana tên senifandin:

• 1'emîn mezinahî: 23 stêr
• 2'emîn mezinahî: 70 stêr
• 3'emîn mezinahî: 170 stêr
• 4'emîn mezinahî: 430 stêr
• 5'emîn mezinahî: 1200 stêr
• 6'emîn mezinahî: 4000 stêr

Çavkanî