Keremê Seyad
pêşkêşkar û rêveberê radyoyê Radyoya Êrîvanê bû From Wikipedia, the free encyclopedia
pêşkêşkar û rêveberê radyoyê Radyoya Êrîvanê bû From Wikipedia, the free encyclopedia
Keremê Seyad (jdb. 1938, gundê Hekoyê, qeza Talîn, Ermenistan – m. 28ê adara 2021ê Ermenistan), pêşkêşkar û rêveberê radyoyê Radyoya Êrîvanê bû.
Keremê Seyad | |
|---|---|
 Keremê Seyad (2018) | |
| Jidayikbûn | Keremê Seyad 1ê kanûna paşîn a 1938an |
| Mirin | 28ê adara 2021an Ermenistan |
| Hevwelatî | Ermenistan |
| Pîşe | Rêveberê radyoyê ,Pêşkêşkarê radyoyê û nivîskar |
| Salên çalak | 1960 - 2016 |
biguhêre | |
Malbata wî sala 1918a ji ber zilmê, ji Qersê koçberî Ermenistanê bûne. Xwendina xwe li dibistana gundê Hekoyê temam dike.
Di sala 1938an de li gundê Hekoyê, qeza Talîn a Ermenistanê ji dayik bûye. Di rojnameya bi navê "Bolşêvîkyan Droşov" de nivîsên xwe belav dike. Bi wan nivîsên xwe bi nav û deng dibe. Gotarên wî di rojnameyên Ermenistanên ên bi navê "Avangard", "Sovêtakan Hayastan", "Komûnîst" de tên weşandin.
Keremê Seyad hema wê malê de sala 1938an li gundê Hekoyê hatiye dinyayê. Xwendina xwe di dibistana gundë Hekoyê di dehsaleya navîn de temam dike. Hela hê salên hînbûnê de wî li pêşeya rojnamevaniyê hez kiriye.
Keremê Seyad bi nivîsên xwe bi rojnameya "Bolşevikyan Droşov" ve tê girêdanê û gelek nivîsên balkêş dide weşandinė. Riya rojnamevaniyê rûmet pêşiya wî vedibe. Nivîsarên wî di rojnameyên "Avangard", "Sovētakan Hayastan", "Komûnîst" ên Komara Ermenîstanê û parên radyoya Yêrêvanê ên rûsî, ermenî, kurdî de tên weşandin. Ji sala 1955an de gelek mijarên wî li rojnameya kurdî a "Riya Teze de ronahî dibînin û di xeberdanên radiyoya kurdî de tên belavkirin.
Di sala 1960an de Xelîl Mûradov wî dawetê Radyoya Êrîvanê dike. Ew di sala 1960an de di Radyoya Êrîvanê de wek spîker dest bi kar dike. Bi gotina xwe ya "Yêrîvan xeber dide" jî tê zanîn.
Piştî belavbûna Yekîtiya Komarên Sovyet ên Sosyalîst aboriya Ermenistanê kete haleke nebaş. Di vê demê de Keremê Seyad di radyoyê de tenê ma. Vladîk Zadayan wê çaxê ji ber tinebûna xebatkaran xwestiye ku beşa kurdî ya radyoyê bide girtin, lê Keremê Seyad wê demê kurê xwe Tîtal û keça xwe Leylê jî dixe nav kadroya xebatkaran. Herçiqas birayê wî, wî û malbata wî ji bo îmkanên baş dawetê Rûsyayê kiribe jî ew neçûye Rûsyayê û xebatên beşa kurdî ya radyoyê daye dewamkirin.
Keremê Seyad bi qasî 5 salan jî di rojnameya Riya Teze de korêktorî kiriye, xebitiye. Ji xeynî wê korêktoriya bi dehan kitêban kiriye. Herwisa tevî xebatên hazirkirina fîlma kurdî a bi navê "Zerê" jî bûye.[1]
Ew heya 2016an tevî kurê xwe Tîtalê Kerem di Radyoya Êrîvanê de xebitiye. Lê piştî sala 2014an ji ber sedemên tendiristiyê xwe ji karên radyoyê vedikişîne.
Ji bo 50' mîn salvegera radyoxeberdanên kurdî li Ermenîstanê, keda Keremê Seyad ji aliyê Serokkomarê dewleta Ermenîstanê û serokatiya radyoyé de bilind hatiye qîmetkirin. Ji aliyê serokatiya radyoyê ve ew layiqi prêmiya "Qelema zêrîn", hurmetnima û rewa bûye. Sala 2006an Keremê Seyad ji aliyê Serokkomarê Ermenîstanê Robert Koçaryan de bi midala zêrîn ve hatiye rewakirinê û layiqî navê rojnamevanê Ermenistanî emekdar bûye.
Bona xebata bênavbir a salên dirêje adyoyê, Serokkomar Robert Koçaryan bi xwe Keremê Seyad pîroz kiriye. Lê sala îsal di 50 saliya xebata bênavbir a radyoyê de temam bû. Van rojên dawiyê serokatiya radyoya Ermenîstanê bona hurmeta Keremê Seyad civîn pêk anî. Di vê civînê de Kerem dîsan bi hurmt qedir giran hat rewakirin. Di derbarê şerê li dijî gelê Kurd li başûrê Kurdistanê de, radyoyên dinyayê agahî didan. Guhê Keremê Seyad tim li ser radyoyê bû. Ewî her dem bi hisreteke xerîbiyê aliyê Başûr dinihêrî û difikirî, ka wê rojek bê, Kurdistan azad be û ew here elatê xwe bibine.
Keremê Seyad di 28ê adara 2021ê de çû ber dilovaniya Xwedê.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
