Dä Lemma-Titel he es jeschrieve un bochstabeet en de Sproch vum Oot.
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
![Thumb](http://upload.wikimedia.org/wikipedia/commons/thumb/9/93/Bensberg_Rathaus2.jpg/320px-Bensberg_Rathaus2.jpg)
Bänsberch, op Huchdütsch Bensberg, es e Veedel vun Jläbbisch, watt upp Huchdütsch Bergisch Gladbach heeßen deht, em Berjische Land.
Dröm eröm
Anno dozomol
Bänsberch jitt et alld zick 1139. Se han en Urkund us dä Zigg jefunge. Un do steiht Wicherus de Benesbure als Zeuje dren. 1101 es et Berjische Land en de Besetz vun de Jrafe vun Berch jekumme. Die hatten en Bänsberch en Burch. Die wor däm Kurfürs Jan Wellem nit jod jenoch. Däm Jan Wellem sing Frau, dat Anna Maria Luisa, dät sich üvver de miserabel Heizung beklare. Deswäje hätte 1703 e neu Schloss baue losse. Dat jov Arbeid un trok vill Lück noh Bänsberch. Noch mieh Arbeid jov et dann em 19. Johrhundert em Berchbau. En neu Technik för de Verhüttung dät et müjelich maache, de Zinkblende ze notze, die se beslang nit notze kunnte. Dat jov noch ens Arbeid ze basch. Hückzedaachs kammer em Berchbau nix mieh verdeene. Et längs han se am Lüderich en dr Ääd noh Ääz jebuddelt. 1978 han se de Grube Lüderich zojemaat.
Noh'm Zweite Weltkreech trok et die Minsche vun Kölle op et Land noh Bänsberch un en et Berjische Land. Dänne Kölsche jinge de Lück laufe. Met Enjemeindungsplän han se dann versök, die Avwanderer widder enzesammele. Nä wat jov dat ene Buhei! All hatten se eije Plän: dr Oberkreistirektor, dr Rejierungspräsident, ene janze Püngel Jodachter, de Stadt Kölle, de Stadt Berjisch Jladbach, de Stadt Bänsberch un de Inneminister. Am Engk jov et dann 1975 en Kommunale Neujliederung. Bänsberch es zickdäm e Veedel vun Berjisch Jladbach.
Verkehr
Zick 1913 jitt et en Stroßebahn vun Kölle noh Bänsberch. Am Engk vun dä Linnich han se em Bänsberch zeletz sujar e Stöckelche U-Bahn jebaut.
Bänsberch litt an de Autobahn A4.
Zom aanluure
- Dat neue Schloss Bänsberch vun däm Jan Wellem es hückzedaachs e Hotel. Wä jet an de Föß hät, kann hee fürslich esse, drinke un och üvvernaachte.
- Dat neue Rodhuus hät dä Architek Gottfried Böhm janz jescheck an dat ahle Schloss draanjebaut. Wäje däm eijesennije Toon spreche die Bänsberjer vum Aapefels.
Wäpsigge
- www.lust-auf-bensberg.de - Internetportal für Bensberg und Umgebung
- www.02204.info/bensberg/museum/museum.htm - Bergisches Museum für Bergbau, Handwerk und Gewerbe
- www.erdbebenstation.de - Erdbebenstation Bensberg der Universität zu Köln
- www.02204.info/bensberg/brauchtum/archiv.htm - Karnevalsmuseum und Archiv für Brauchtumspflege
- www.bensberg-im-blick.de - Fotos nicht nur aus Bensberg
För noh ze lese
- Kurt Kluxen: „Geschichte von Bensberg“. Paderborn, 1976.
- Willi Fritzen: „Die alte Grafen- und Herzogsresidenz Bensberg“. Bensberg, 1985.
- Peter Köster: „Städte-Ehe — Die Neugliederung von Bensberg und Bergisch Gladbach, 1964–1976“. Stadtarchiv Bergisch Gladbach. Beiträge zur Geschichte der Stadt Bergisch Gladbach Band 6. Bergisch Gladbach, 1999. ISBN 3-9804448-3-X
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.