وایرسن ہنز قسم یم گیسٹرو اینٹرائٹسُک سبب بنان چِھ From Wikipedia, the free encyclopedia
نورووائرس یَتھ کنہ ساتہٕ ونٛدس مَنٛز الٹی کرن وول بگ تہ ونٛنہٕ چھ یوان، چھ گیسٹرو اینٹرائٹسک ساروٕے کھۄتہٕ عام وجہ۔[1][2] خصوصیت چھ خوٗنہٕ وَرٲے دستہ، اُلٹی تہٕ یٔڈ دگ۔[3][4] بُخار یا سردری تہ ہیٚکہ گژھتھ۔[3] علامَتھ چھےٚ عام طور وایرسس گژھنہٕ پتہٕ 12 پیٚٹھٕ 48 گھنٹن تام پٲدٕ گژھان، تہٕ صحت یاب گژھنس چھ عام طور 1 پؠٹھٕ 3 دۄہ مَنٛز گژھان۔[3] پیچیدگی چھ غٲر معموٗلی آسان، مگر اَتھ مَنٛز ہیٚکہ جَسمُک آب کم گژھن شٲمل ٲستھ، خاص طور پٲٹھؠ نوجوانن، بُزرگن تہٕ یِم باقٕےبؠمارؠن مَنٛز مُبتلا آسن۔[3]
نورو وایرس | |
---|---|
دَرجہٕ بٔندی ناو | Norovirus |
دَرجہٕ بٔندی مَنٛز دَرجہٕ | جٲتؠ |
آبٲیی نٕسٕل | Caliciviridae، Picornavirales |
Taxonomic type | نوروالک وایرس |
اَمِیُک اَثر | گیسٹرواینٹیراٹس |
مُطالہٕ کَرُن | گندٕ آبٕچ نگرٲنی |
یہِ وایرس چھُ عام طور فیکل-آرل وتہ سٟتؠ پھلتھ ہیکان۔[5] [5]یہِ ہیٚکہ آلودٕ کھیٚنہٕ یا آبہٕ یا مُبتَلا نفرٕ سٕنٛد رٲبطہٕ ذٔریع گژھِتھ۔ [5] یہِ ہیٚکہ آلودٕ سطحو ذٔریعہٕ یا بؠمار نفرٕ سنٛدس ہوا ذٔریع تہ پھلتھ۔ خطرٕ کیٚن عُنصرن مَنٛز چھ غأر محفوٗظ کھؠنٕچ تیٲری۔[5] تَشخیٖص چھُ عام طور علامتن پؠٹھ مبنی آسان۔[5] تصدیٖقی جانچ چھِنہٕ عموٗمَن دٔستِیاب آسان مگر عوٲمی صحت ادارن ہٕنٛدِ ذٔریعہٕ چھِ وَبا پھٔہلنَس دوران ہیٚکَن یہِ کرنہٕ یِتھ۔[5]
روک تھامس تہٕ بچاوَس مَنٛز چھِ مُنٲسِب اَتھٕ چھلُن تہٕ آلودہ سطحَن ہُنٛد جراثیم کشی شٲمِل۔ [6] الکحل پؠٹھ مبنی ہینڈ سینیٹائزر ہیٚکَو علاوٕ اِستِمال کٔرِتھ مگر یہِ چھُ اتھہٕ چھلنہٕ کھۄتہٕ چھِ کم کارگر آسان۔ [6] نورو وایرسُک چھُنہٕ کانٛہہ ویکسیٖن یا مخصوٗص عیٚلاج۔ [6] اِنتِظامس مَنٛز چھُ مددگار دیکھ بھال شٲمِل یِتھ کٔنہِ زن کٲفی سیال چیز چیٚنہٕ خٲطرٕ یا نالَس مَنٛز دِوان چھِ[7] اورل ریہائیڈریشن حل چھِ چیٚنہٕ خٲطرٕ ترجیحی سیال، حالانٛکہِ کیفین یا شراب ورٲے ہیٚکن باقٕے مشروباتن مَنٛز مدتھ کٔرِتھ۔[7]
نورو وایرَس کِس نٔتیٖجس مَنٛز چھِ عالمی سطحَس پؠٹھ ؤریَس مَنٛز تَقریٖبں 685 ملین بؠمارِ ہٕنٛدؠ کیس یِوان تہٕ 200000 ہلاکتہٕ گژھان۔[8] [9] یہٕ چُھدۄشوٕنی ترقی یافتہٕ تہٕ ترقی پذیر دُنیاہس مَنٛز عام۔[10][11] پانٛژ ؤری کھۄتہٕ کم وٲنٛسہِ ہِنٛدؠ لُکھ چھِ اکثر متٲثر گژھان، تہٕ اَتھ جمٲژ مَنٛز چھِ امہِ کِس نٔتیٖجس مَنٛز ترقی پذیر دُنیاہَس مَنٛز تَقریٖبَن 50,000 ہلاکتہٕ گژھان۔ [9]نورو وایرس انفیکشن چھُ عام پٲٹھؠ ونٛدٕ کٮ۪ن رٮ۪تن مَنٛز گژھان۔[9] یہِ چھُ اَکثَر وَبا پھٔہلنَس مَنٛز گژھَان، خاص پٲٹھؠ تِمَن مَنٛز یِم نزدیٖکی علاقَن مَنٛز روزان چھِ[11]۔ اَمہِ وایرَسُک ناو چھُ نوروالک، اوہایو شہرَس پؠٹھ تھاونہٕ آمُت، ییٚتہِ 1968 مَنٛز اَکھ وبا پھٔہلیو۔[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.