From Wikipedia, the free encyclopedia
لڈر وادی [1]لڈر چھ اَکھ ہمالیٲیی وادی یۄس ہندستان کہ زیر انتظام کشمیرس مَنٛز ضلع اننت ناگ کِس جۆنوٗب مشرقی کونس مَنٛز بنان چھ۔ لڈر دٔریاو چھ وادی مَنٛز وسان۔ وادی ہنٛد دروازٕ چھ اننت ناگ قصبہٕ پؠٹھ 7 کلومیٹر شُمال مَشرقس مَنٛز تہٕ جموں و کشمیر چہ رؠتہٕ کالٕچ رازدٲنہ سری نگر پؠٹھ 62 کلومیٹر جۆنوٗب مشرقس مَنٛز واقعہٕ۔ لدرچھِ 40 کلومیٹر زیٖٹھ وادی ، یَمیُک اوسط کھجر 3 کلومیٹر چھ۔ [2]
لِدَر وٲدی | |
---|---|
مُلُک | ہِندوستان |
اِنتِظٲمی حِصَس مَنٛز | جۆم تہٕ کٔشیٖر (رِیاسَتھ) |
جغرٲفی نۄقطہٕ | 33°46′35″N 75°12′48″E |
وادی لدر چھےٚ اننت ناگ ضلعہٕ کِس پہلگام تحصیل کس دایرہ اختیارس مَنٛز واقع۔ اَمہِ [3] سرحدس پؠٹھ چھ مغربس مَنٛز وادی کشمیر تہٕ شمالس مَنٛز وادی سندھ تہٕ یہِ چھ 40 کلومیٹر زیٖٹھ۔ اَتھ چھ زیٛادٕ کھوتہٕ زیٛادٕ 5 کلومیٹر کھجر۔ لڈر طاس چھ جنوبس تہٕ جۆنوٗب مشرقس مَنٛز پیٖر پَنٛجال رینج سٟتؠ شمالس مَنٛز وادی سندھ تہٕ شمال مشرقس مَنٛز زنسکار رینج سٟتؠ گھیرتھ۔ لڈر ڈرینیج بیسنک رۄقبہٕ 1134 کلومیٹر 2 یہِ چھ لڈر دریاو کس بہاؤ سٟتؠ بنان ۔ یہِ دٔریاو چھ مشرقی لڈر تہٕ مغربی لڈرس مَنٛز پھلان۔ مشرقی لڈر پہلگام پؠٹھٕ چندن واری برونٹھ مشرق کن واتان تہٕ شیش ناگ سَر تہٕ شیشرم گلیشیر کِس علاقس مَنٛز شۆروٗع گژھتھ مشرق پؠٹھ مغربس کُن چھِ وسان۔ [4] لڈر کولہوئی گلیشیر پؠٹھہٕ شۆروٗع گژھان تہٕ چھ واریہن الپائن چراگاہن مَنٛز سبز مخروطی جَنٛگلن مَنٛز پکان۔[2] وادی لڈر چھےٚ باقٕے ضِلن میٖژ آب فراہم کران تہٕ کاشکٲری باپتھ آب پاشی کران۔ لڈر دٔریاو چھ آرو وادی مَنٛز بَکان تہٕ چھ واریاہن قدرتی نشاناتن تہٕ سیاحتی مُقامو کِن گُزران یمن مَنٛز آرو پہلگام بیتاب وادی تہٕ اکاد شٲمل چھ۔ لڈرک اہم قصبہٕ چھ منڈلان، لاریپورا، فراسلون، اشمکام تہٕ سیر حمدان۔[5]
لَڑر وادی بَنییہِ لچھَ بٕدؠ ؤرِیو کھۄتہٕ زِیٛادٕ تِکیٛازِ لَڑر دٔریاو چھُ ہِمالیٲیی پہاڑن مَنٛز ژٔٹِتھ ۔ اَز چھُ دٔریاو اننت ناگ کؠن علاقن مَنٛز سیٚکھ جمع کران۔[6]
وادی لڈر [7] چھ واریہ گلیشیر سٟتؠ بھرتھ نالہٕ تہٕ دٔریاو لڈر چھ مختلف قسمن ہنٛد ٹرٛوٹھ گاڈن ہُنٛد گرٕ۔ وادی چھ ہمالیٲیی کرؠہنَن ہاپتَن ہنٛز قدرتی روزن جاے۔ [8][5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.