From Wikipedia, the free encyclopedia
Словен тил (словен. slovenski jezik, slovenščina) — къыбыла-славян тиллени кюнбатыш къауумуна кирген тилди. Сёлешгенлени саны 2 миллион чакълы барды. Аланы асламысы Словенияда джашайды. Словен тил лужиц тилледен сора экили санны сакълагъан джангыз славян адабият тилди. Словен тилни кесини аты (словак тилдеча) «славян тил» магъананы тутады (тенглешдир: эс.-слав. словѣньскъ)
slovenski jezik, slovenščina | |
---|---|
Къралла: | Словения, Австрия, Италия, Маджар, Хорватия |
Официал статусу: | Словения, Европа бирлик |
Бютеу сёлешгенле: | 2,2 млн |
Джазыу системасы: | Латиница (словен алфавит) |
Категориясы: | Индоевропа тилле |
— Индоевропа тилле | |
ISO 639-1 | sl |
ISO 639-2 | slv |
Бёлюмю: | |
Слоганы: | Prosta enciklopedija |
тюрлендириу ![]() |
Словен диалектни биринчи джазма юлгюсюне «Брижин (Фрейзинген) юзюклени» (словен. Brižinski spomeniki) санайдыла.Ала 972 бла 1093 джылланы арасында джазылгъандыла. Бу дин текст латиницада джазылгъанды. Славян тилледе сакъланнга эм эски джазмаланы бириди бу.
Словен адабият тилни XVI ёмюрде къуралыуу реформаторла Примож Трубарны (1508—1586), Адам Бохорични (1520—1598) эм Юрий Далматинни (1547—1589) атлары бла байламлыды. Ол заманда бусагъатдагъы Словения Сыйлы Рим империяны, Австрия империяны эм Австрия-Маджарны кесеги болгъанды, ол къраллада немец тил башчылыкъ этген къауумну тили болгъанды, словенча къара халкъ сёлешгенди.
![]() |
![]() |
Немец тил словен тилге уллу этки этгенди, ол себебден бусагъатдагъы сёлешилген словен тилде кёб германизм барды. Сёз ючюн, словенча тамырлы blazina (джастыкъ) деген сёз бла бирге австрий-немец Polster («поуштер» деб айтылады, [poʊʃtər]) сёз да хайырланады. Аны кибик, солвен тилде славян тамырлы izvijač (бургъуч/отвертка) сёз бла бирге šrauf’ncigr (айтылгаъны «шрауфнцигр», [ʃraʊfəntsɪgər], нем. Schraubenzieher) сёз джюрюйдю. 1920 джылгъа дери белгили словен алимлени асламысы кеси тиллеринде джазмагъандыла, ол заманда лингва-франка болгъан немец тилде джазгъандыла кёбюсюне.
XVIII ёмюрдe адабият тилни тамалы долень диалектледен шималгъа, Люблянагъа тая башлайды. Алайы долень эмда горень диалектлени арасында орта орун алгъанды. Бусагъатдагъы словен тилни долень консонантизми бла горень вокализми барды дерге боллукъду.
Иллиризм эмда панславизм серб-хорват, чех эмда орус тилледен алыныулагъа себеб болгъанды.
1850 джыллада словен адабият тилни къуралыуу бошалады. Адабият тилни къуралыууна эмда айныууна кесини адабият чыгъармачылыгъы бла католик епископ Антоний Мартин Сломшек уллу юлюш къошханды.
Глаголица бла кириллицаны хайырландырыуда аз юлгю барды, асламысы бла словен тилде латиницаны хайырланнгандыла, алай а анда [ʒ], [ʃ] эмда [tʃ] ючюн белги болмагъанды. Бу проблемагъа, заманына кёре, тюрлю-тюрлю оноу этгендиле.
![]() |
![]() |
![]() |
Словен тил бирикмеген тилледенди. Аны 40 диалектден асламысы барды, ала 8 къауумгъа юлешинедиле: корош, тенгиз, ровтар, горень, долень, штайер, паннон эмда кочев (алгъын немецле джашагъан Кочевье шахарда джашагъанланы джангы къатыш къаууму).
Бир къауум диалектледе эки къауумну да халлары барды, сёз ючюн, корш эм горень къауумну (Австрияны къыбыласында, Кранска-Гораны диалекти), тенгиз эм долень къауумланы (Италияда резьян диалект).
![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.