From Wikipedia, the free encyclopedia
А́врил Рамо́на Лави́н[1] (ингил. Avril Ramona Lavigne, ХАФА(ингил.) [ˈævrɨl ləˈviːn][2], ХАФА(фран.) [avˈril laˈviɲ]; туугъаны: 27 сентябрь 1984 джыл) — канадалы джырлаучу къыз, джырланы автору, дизайнер эм актрисады. Аны дебют альбому Let Go 2002 джылда чыкъгъанды эм 16 млн копия тираж болуб сатылгъанды[3]. Аны ызындан чыгъаргъан Under My Skin (2004) эм The Best Damn Thing (2007) альбомлары дуния чартланы (аланы ичинде — американ Billboard 200[4] дегенни да) башында болгъандыла. Лавин беш джыры — «Complicated», «Sk8er Boi», «I’m With You», «My Happy Ending» эм «Girlfriend» — дуния чартланы ал тизгинлерин алыб тургъандыла. Бютёу дунияда аны альбомларыны 30 млн-дан артыкъ копиясы сатылгъанды[5]. 2011 джылны январь айында болумгъа кёре, Аврил Лавин АБШ-да эм белгили джырлаучу къызладан бириди, кесини да 11,5 млн альбому сатылгъанды[6]. Billboard журнал, 2000-чи джылланы артистлерини рейтингинде Лавинни 10-чу оруннга салгъанды, коммерциялы джетишимине кёре уа — 28-чи оруннга[7][8]. Тёртюнчю студиялы альбому — Goodbye Lullaby, 2011 джылны мартында чыкъгъанды[9][10].
Музыкалы карьерадан сора да Аврил Лавин дизайн бла эмда кинематография иш бла кюрешеди. 2006 джылда «Over the Hedge» мультфильмни персонажын сёлешдиргенди эм «Фастфудну миллети» фильмде ойнагъанды. 2008 джылда Лавин, Abbey Dawn атлы кийим линияны кёргюзгенди, 2009—2011 джыллада уа «Black Star», «Forbidden Rose» эм «Wild Rose» духланы чыгъаргъанды.
Аврил Лавин, бютёу дунияда 100-ден кёб премияны лауреаты эм номинанты болгъанды, аланы ичинде — «Грэмми» премиягъа 8 номинация[11]. Россияда джырлаучу къыз, MTV Russia Music Awards 2007 премияны Эм иги тышкъраллы артист категорияда лауреаты болгъанды[12].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.