Къурч пакт
Германия бла Италияны арасында 1939-чу джыл къол салыннган аскер кесамат / From Wikipedia, the free encyclopedia
Къурч Пакт (нем. Stahlpakt, ит. Patto d'Acciaio), официал аты Германияны бла Италияны арасында Шохлукъну эмда Бирликни Пакты (нем. Freundschafts- und Bündnispakt zwischen Deutschland und Italien, ит. Patto di amicizia e di alleanza fra l'Italia e la Germania) Италия бла Германияны арасында аскер эмда политика бирликди.
Къурч Пакт | |
---|---|
Кесаматны типи | Аскер-политика биригиу |
Къол салыннганы — джери |
29-чу май 1939 джыл Берлин, Германия |
Къол салыннганды | Иоахим фон Риббентроп Галеаццо Чиано |
Джанла | Германия
Италия |
Тиллери | Немец тил, Итальян тил |
Аллында пакт Япония, Италия эмда Германияны арасында ючлю биригиу болуб нюзюрленнгенди. Япония пактны фокусу Совет Союзгъа къаршчы болурун излегенди, Италия бла Германия эсе уа фокусну Британ Империя бла Франциягъа къаршчы болурун излегендиле. Бу ангылашмазлыкъ себебли, пакт Япониясыз, Фашист Италия бла Нацист Германияны арасында къабыл этилгенди, 1939-чу джылны 22-чи майында, Италияны тыш кърал ишлерини министри Галеациио Чиано бла Германияны тыш кърал ишлерини министри Иоахим фон Риббентроп къол саладыла. Коминтернге Къаршчы Пакт эмда Ючлю Пакт бла бирге , "Ось" бирликни тамалы болгъанды.[1] Пакт эки бёлюмден къуралгъанды. Биринчи бёлюмюнде Германия бла Италияны арасында ышаныулукъну, шохлукъну андан ары бардырыууну юсюнден белгиленнгенди. Экинчи бёлюмю таша протоколдан къуралгъанды эмда аскер биригиуню юсюнден баргъанды.[2]