From Wikipedia, the free encyclopedia
Король Фахдны кёпюрю (араб. جسر الملك فهد, ингил. King Fahd Causeway) — Эль-Хубар шахарны (Сауд Арабия) Бахрейн (айрымкан кърал) бла байлагъан, кёпюрле бла плотиналадан комплексди. Кёпюрге ат, Сауд Арабияны королю Фахд ибн Абдель Азиз ас-Саудну аты бла берилгенди.
Объектни ишлениуюню юсюнден келишимге 1981 джылны 8 июлюнда къол салыннганды, юч джылдан ишлениб башланнганды. Король Фахд бла шейх Иса ибн Салман аль-Халифа, 1982 джылны 11 ноябрында кёпюрню тамалына биринчи ташны салгъандыла. Кёпюр, 1986 джылгъа ишлениб бошагъанды, 25 ноябрда ачылгъанды.
Проект, бютеулей Сауд Арабияны ачхасына этилгенди, 1,2 миллиард американ доллар джоюлгъанды. Кёпюрню юсю бла салыннган тёрт ызлы джолну 25 километр узунлугъу барды.
Кёпюрлени комплекси юч кесекге бёлюнеди: Эль-Хубар шахардан Сауд Арабия бла Бахрейнни чегиндеги джасалгъан айрымкангъа элтген юч кёпюр (аланы ичинде 5194 метрли эм узун кёпюр); джасалгъан айрымкандан Умм аль-Насан айрымкангъа элтген кёпюр; эмда Умм аль-Насанны Бахрейн айрымкан бла байлагъан дагъыда бир кёпюр.
2003 джылны февралында Король Фахдны кёпюрюнде Бахрейнни полициясы, Аль-Каида террорист организация бла байламлы болгъан беш адамны арестге алгъанды.
![]() |
![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.