![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Wolkenstockwerke.png/640px-Wolkenstockwerke.png&w=640&q=50)
Булут
From Wikipedia, the free encyclopedia
Булут — суу тамчыланы, буз кристалланы неда аланы къатышларындан къуралгъан, джерге тиймеген, кёз бла кёрюннген массады.
Атмосферада кёб болгъан зат суу тылпыуду. Ол тылпыудан, булутда температурагъа кёре суу тамчычыкъла, буз кристалла къураладыла (булут элементле), температура −10 °C-дан джылы болса сууу тамчычыкъла къураладыла,-10-15 °С температурада буз кристаллчыкъла къурала башланадыла эмда масса къатыш болады, температура −15 °С-дан энишге тюшсе уа булутну къурамы буз кристалладан къуралады. Миллиардла бла тамчычыкъ эмда кристалланы бирге туруулары, кёзге булут кибик кёрюнедиле. Булутла бютеую бла кёрюнедиле эмда асламысы бла акъдыла, алай а боз неда къара кёрюнюрге боллукъдула. Къара кёрюнюулерини себеби, бек къалын неда къысыкъ болуулары эмда аны ючюн кюн джарыкъны ётелмегениди.
Булут элементлени бир бирлерине къошулуб уллайгъанлары бла, эмда аланы ауурлукъдан энишге тюшюулерини терклиги кёлтюрюлгени бла, ала джерге булутладан джауум болуб агъадыла.
Булутланы асламысы тропосферададыла. Тропосфера булутла тюрлюлеге эмда типлеге юлешинедиле.
![Thumb image](http://upload.wikimedia.org/wikipedia/commons/5/58/Wolkenstockwerke.png)