![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/Jesus-Christ-from-Hagia-Sophia.jpg/640px-Jesus-Christ-from-Hagia-Sophia.jpg&w=640&q=50)
Иисус Христос
From Wikipedia, the free encyclopedia
Иисус Христос (комиöн лыддьöны Сус Кристос, важ элл. Ἰησοῦς Χριστός) - христоса вичкуын медрадейтана чужöм, мессия, кöда йылісь вöлі одзвыв шуöм Важ Йитöтын. Унажык конфессияын веритöны, штö сія - куим чужöма Енлісь öтік ипостась - Ен Зон (мöдік кык торыс - Ен Ай да Ен Вежа Лов). Иисус пö ловзьöма кулöмись. Ислям лыддьö Иисусöс пророкöн да мессияöн, а иудаизм оз пукты сійö ни пророкö, ни мессияö. Сы йылісь, кыдз олöма Иисус Христосыс му вылын, мийö тöдамö Буръюöррез (Евангеллёэз) сьöрті. Иисус пö вöлі ыстöм му вылö Ен Айсянь, медбы аслас кулöмöн мезмöтны отирöс мыжасянь, кöда ны вылö усьöма нёштöма олöм шогья.
![Thumb image](http://upload.wikimedia.org/wikipedia/commons/thumb/5/52/Jesus-Christ-from-Hagia-Sophia.jpg/640px-Jesus-Christ-from-Hagia-Sophia.jpg)
Евангеллёэз сьöрті Иисус вöлі еврей. Ас дырни оліссез сійö лыддьöмась велöтісьöн да веськöтісьöн. Мортыс вöлі пыртöма Пыртісь Иванöн да сетöма вартны пернаö Иудеяись прокуратор Понти Пилатöн сы понда, мыля мöдіс лэбтыны отирсö Рим империялö паныт.