ಹರಿಯಾಣ
ಭಾರತದ ರಾಜ್ಯ / From Wikipedia, the free encyclopedia
ಹರಿಯಾಣ ಉತ್ತರದಲ್ಲಿರುವ ಭಾರತದ ರಾಜ್ಯ. ಇದನ್ನು ಹಿಂದಿನ ಪಂಜಾಬ್ ರಾಜ್ಯದಿಂದ 1 ನವೆಂಬರ್ 1966 ರಂದು ಭಾಷೆಯ ಆಧಾರದ ಮೇಲೆ ವಿಭಾಗಿಸಿ ಹೊಸ ರಾಜ್ಯವನ್ನಾಗಿ ಮಾಡಲಾಯಿತು. ಸುಮಾರು 44,212 ಕಿಮಿ2 (17,070 ಚದರ ಮೈಲಿ)ಯಷ್ಟು ಹರಡಿರುವ ಈ ರಾಜ್ಯ ವಿಸ್ತೀರ್ಣದಲ್ಲಿ 21 ನೇ ಸ್ಥಾನದಲ್ಲಿದೆ. ಭಾರತದ 2011ರ ಜನಗಣತಿಯ ಪ್ರಕಾರ, ಜನಸಂಖ್ಯೆಯು ಹದಿನೆಂಟನೇ ಅತಿಹೆಚ್ಚು (25,353,081) ನಿವಾಸಿಗಳನ್ನು ಹೊಂದಿದೆ.
ಹರಿಯಾಣ | |
ರಾಜಧಾನಿ - ಸ್ಥಾನ |
ಚಂಡೀಘಢ - 30.73° N 76.78° E |
ಅತಿ ದೊಡ್ಡ ನಗರ | ಫರೀದಾಬಾದ್ |
ಜನಸಂಖ್ಯೆ (೨೦೧೧) - ಸಾಂದ್ರತೆ |
25,353,081 (೧೮ನೇ) - 573/km² |
ವಿಸ್ತೀರ್ಣ - ಜಿಲ್ಲೆಗಳು |
44212 km² (೨೧ನೇ) - ೨೨ |
ಸಮಯ ವಲಯ | IST (UTC+5:30) |
ಸ್ಥಾಪನೆ | ನವೆಂಬರ್ ೧, ೧೯೬೬ |
ಅಧಿಕೃತ ಭಾಷೆ(ಗಳು) | ಹಿಂದಿ, ಪಂಜಾಬಿ, |
Abbreviation (ISO) | IN-HR |
ಅಂತರ್ಜಾಲ ತಾಣ: haryana.gov.in | |
ಹರಿಯಾಣ ರಾಜ್ಯದ ಮುದ್ರೆ |
ಚಂಡೀಘಢ ನಗರವು ಹರಿಯಾಣದ ರಾಜಧಾನಿಯಾಗಿದ್ದು, ರಾಷ್ಟ್ರೀಯ ರಾಜಧಾನಿ ಪ್ರದೇಶ (ಏನ್. ಸಿ. ಆರ್.) ದ ಫರಿದಾಬಾದ್ ನಗರವು ರಾಜ್ಯದ ಅತ್ಯಂತ ಜನನಿಬಿಡ ನಗರವಾಗಿದೆ. ಗುರಗ್ರಾಮ್ ನಗರವು ಹಣಕಾಸು ಕೇಂದ್ರವಾಗಿದ್ದು, ಇಲ್ಲಿ ಪ್ರಮುಖ ಫಾರ್ಚ್ಯೂನ್ 500 (ಫಾರ್ಚೂನ್ ನಿಯತಕಾಲಿಕೆ ಪ್ರಕಟಿಸಿದ ಜಗತ್ತಿನ 500 ಪ್ರಮುಖ ಕಂಪನಿಗಳ ಪಟ್ಟಿ) ಕಂಪೆನಿಗಳಿವೆ. ಹರಿಯಾಣ ಭಾರತದ ಶ್ರೀಮಂತ ರಾಜ್ಯಗಳಲ್ಲಿ ಒಂದಾಗಿದೆ. 2012-13ನೇ ಸಾಲಿನಲ್ಲಿ ದೇಶದಲ್ಲಿ ಮೂರನೇ ಅತಿದೊಡ್ಡ ತಲಾ ಆದಾಯವನ್ನು ₹119,158 (US $1,900) ಮತ್ತು ₹132,089 (US $ 2,100) 2013-14ನೇ ಸಾಲಿನಲ್ಲಿ ಹೊಂದಿದೆ. ರಾಜ್ಯವು ದಕ್ಷಿಣ ಏಷ್ಯಾದಲ್ಲಿನ ಆರ್ಥಿಕವಾಗಿ ಅಭಿವೃದ್ಧಿ ಹೊಂದಿದ ಪ್ರದೇಶಗಳಲ್ಲಿ ಒಂದಾಗಿದೆ. ಅದರ ಕೃಷಿ ಮತ್ತು ಉತ್ಪಾದನಾ ಕೈಗಾರಿಕೆಗಳು 1970 ರ ದಶಕದಿಂದ ನಿರಂತರ ಬೆಳವಣಿಗೆಯನ್ನು ಅನುಭವಿಸಿವೆ. 2000ರಿಂದೀಚೆಗೆ, ಭಾರತದಲ್ಲೇ ಅತಿಹೆಚ್ಚು ತಲಾ ಬಂಡವಾಳವನ್ನು ಸ್ವೀಕರಿಸಿದ ಹೆಮ್ಮೆ ಈ ರಾಜ್ಯದ್ದು.
ಹರ್ಯಾಣದ ಉತ್ತರಕ್ಕೆ ಪಂಜಾಬ್ ಮತ್ತು ಹಿಮಾಚಲ ಪ್ರದೇಶವಿವೆ. ರಾಜಸ್ಥಾನ ಪಶ್ಚಿಮಕ್ಕೆ ಮತ್ತು ದಕ್ಷಿಣಕ್ಕೆ ಗಡಿಯಾಗಿದೆ. ಯಮುನಾ ನದಿ ಉತ್ತರ ಪ್ರದೇಶದ ಪೂರ್ವದ ಗಡಿಯನ್ನು ನಿರ್ಮಿಸಿದೆ. ದೆಹಲಿಯ ಉತ್ತರದ, ಪಶ್ಚಿಮ ಮತ್ತು ದಕ್ಷಿಣದ ಗಡಿಗಳನ್ನು ರೂಪಿಸುವ ಮೂಲಕ ದೇಶದ ರಾಜಧಾನಿ ದೆಹಲಿಯನ್ನು ಮೂರು ಕಡೆಗಳಲ್ಲಿ ಸುತ್ತುವರಿದಿದೆ. ಈ ಪರಿಣಾಮವಾಗಿ, ಯೋಜನಾ ಮತ್ತು ಅಭಿವೃದ್ಧಿ ಉದ್ದೇಶಗಳಿಗಾಗಿ ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ ದಕ್ಷಿಣ ಹರಿಯಾಣದ ದೊಡ್ಡ ಪ್ರದೇಶವನ್ನು ಸೇರಿಸಲಾಗಿದೆ.