ರೋಟ ವೈರಸ್
From Wikipedia, the free encyclopedia
'ರೋಟ ವೈರಸನ್ನು ೧೯೭೩ರಲ್ಲಿ ರೂಥ್ ಮತ್ತು ತಂಡದಿಂದ ಎಲೆಕ್ಟ್ರಾನ್ ಸೂಕ್ಷ್ಮದರ್ಶಕದಿಂದ ಕಂಡುಹಿಡಿದರು. ಈ ಸಮಯದಲ್ಲಿ ಆಸ್ಫತ್ರೆಗೆ ಸೇರುವ ಶೇಕಡ ಐವತ್ತರಷ್ಟು ಜನ ಈ ವೈರಸ್ಸಿನ ದಾಳಿಗೆ ತುತ್ತಾಗಿದ್ದರು. ಈ ವೈರಸ್ಸಿನಲ್ಲಿ ಏಂಟು ಬಗೆಗಳಿವೆ,ಅವುಗಳೆಂದರೆ ಏ,ಬಿ,ಸಿ,ಡಿ,ಈ,ಎಫ಼್,ಜಿ ಮತ್ತು ಏಚ್ ರೋಟ ವೈರಸ್ ಗಳಿವೆ.ಇದು ರಿಯೋವಿರಿಡೆಯೆಂಬ ಎರಡು ಕಂಬದ ಅರ್.ಎನ್.ಎ (ರೈಬೋ ನ್ಯೂಕ್ಲಿಕ್ ಆಮ್ಲ) ವೈರಸ್ಸಿನ ಜಾತಿಗೆ ಸೇರಿದೆ. ಈ ವೈರಸ್ ಪ್ರಾಣಿಗಳಲ್ಲಿಯೂ ಸಹ ಸೋಂಕನುಂಟುಮಾಡುತ್ತದೆ. ಈ ವೈರಸ್ ಚಿಕ್ಕ ಮಕ್ಕಳಲ್ಲಿ ಬಹಳ ಹಾನಿಯನ್ನು ಉಂಟು ಮಾಡುತ್ತದೆ. ಕ್ರಮೇಣ,ಪ್ರಪಂಚದಲ್ಲಿನ ಎಲ್ಲಾ ಮಕ್ಕಳು,ಐದು ವರ್ಷ ತುಂಬುವ ಮೊದಲೇ ಈ ವೈರಸ್ಸಿನ ಹಾನಿಗೊಳಗಾಗುತ್ತಾರೆ. ರೋಟ ವೈರಸ್ ಸಾಮಾನ್ಯವಾಗಿ ಎಳೆಯ ಮಕ್ಕಳಲ್ಲಿ ಅತಿರೇಕದ ವಾಂತಿ,ಅತಿಸಾರ ಮತ್ತು ಬೇದಿಯನ್ನು ಉಂಟುಮಾಡುತ್ತದೆ. ವಯಸ್ಕರಲ್ಲಿ ಈ ವೈರಸ್ ತುಂಬಾ ಕಡಿಮೆ ಕ್ರಮೇಣದಲ್ಲಿ ಸೋಂಕನ್ನು ಉಂಟುಮಾಡುತ್ತದೆ. ಈ ವೈರಸ್ ಸಣ್ಣಕರುಳಿನಲ್ಲಿರುವ ಜೀವಕೋಶಗಳನ್ನು ನಾಶ ಮಾಡಿ 'ರೋಟವೈರಸ್ ಗ್ಯಾಸ್ಟ್ರೊಎನ್ಟರಿಟಿಸ್ ರೋಗವನ್ನು ಉಂಟುಮಾಡುತ್ತದೆ. ಚಿಕ್ಕಮಕ್ಕಳಲ್ಲಿ ರೋಟ ವೈರಸ್ ಸಾಮಾನ್ಯವಾಗಿ ಒಂದು ಸರಳ ಖಾಯಿಲೆಯಾಗಿದ್ದರು,ಬಹಳಷ್ಟು ಮಕ್ಕಳು ಸಾವನ್ನಪ್ಪುತ್ತಿದ್ದಾರೆ. ಅಮೇರಿಕದಲ್ಲಿ ಈ ಖಾಯಿಲೆ ಬಹಳ ಮಾರಣಾಂತಿಕವಾಗಿ ತುಂಬ ಜನರನ್ನು ಬಲಿಪಡಿಯುತ್ತಿದ್ದರಿಂದ ಅಲ್ಲಿನ ಸರ್ಕಾರ, ಈ ಖಾಯಿಲೆಗೆ ಪುನರ್ಜಲೀಕರಣ ಚಿಕಿತ್ಸೆಯನ್ನು ಕೊಡಲು ಸಾರ್ವಜನಿಕ ಆರೋಗ್ಯ ಕೇಂದ್ರಗಳನ್ನು ತೆರೆಯಿತು.
![Thumb image](http://upload.wikimedia.org/wikipedia/commons/thumb/f/f7/Rotavirus.jpg/220px-Rotavirus.jpg)