ಬಿಲ್ಲವರು
From Wikipedia, the free encyclopedia
ಬಿಲ್ಲವ (ಬಿರುವೆರ್-ತುಳು ಭಾಷೆಯಲ್ಲಿ) ಭಾರತೀಯರ ಒಂದು ಜಾತಿಯ ಹೆಸರು. ಇವರು ಕರಾವಳಿ ಕರ್ನಾಟಕ ಮತ್ತು ಕೇರಳದಲ್ಲಿ ಕಂಡುಬರುತ್ತಾರೆ. ಇವರು ಅಳಿಯಸಂತಾನ ಪದ್ಧತಿಯನ್ನು ಅನುಸರಿಸುತ್ತಾರೆ. ಈ ಜನಾಂಗದ ಮುಖ್ಯ ಭಾಷೆ ತುಳು ಹಾಗೂ ಕುಂದಾಪ್ರ ಕನ್ನಡ. ಬಿಲ್ಲವರು ತುಳುನಾಡಿನ ಮೂಲ ನಿವಾಸಿಗಳು. ತಮ್ಮದೇ ಪ್ರಾಚೀನ ಸಂಸ್ಕ್ರತಿ ಆಚರಣೆ ಸಂಪ್ರದಾಯವನ್ನು ಹೊಂದಿರುವ ಇವರು ದೈವಾರಾಧಕರು. ನಾಗಾರಾಧಕರು, ಭೂತಾರಾಧನೆಯ ಮೂಲ ಪುರುಷರು. ಎಂದು ತುಳುನಾಡಿನ ಇತಿಹಾಸದಲ್ಲಿ ಬಿಲ್ಲವರ ಪಾತ್ರ ಮಹತ್ತರವಾದುದು. ಇವರನ್ನು ಪೂಜಾರಿ, ಪೂಜಾರ್ಮೆ, ಬಿಲ್ಲವ, ಬಿರುವ, ಬಿರ್ವೆ ಎಂದು ಕೂಡ ಕರೆಯುತ್ತಾರೆ. ಬಿಲ್ಲವ ಎಂಬ ಶಬ್ದ ಬೇಟೆಗಾರ ಎಂಬ ಶಬ್ದದಿಂದ ಬಂದಿರುವುದು. ಇವರು ಅರಸರ ಬೇಟೆಗಾರ ಯೋಧರು ಆಗಿದ್ದರು.