ಪ್ಲಾಸ್ಟಿಕ್
From Wikipedia, the free encyclopedia
ಪ್ಲಾಸ್ಟಿಕ್ ಎಂದರೆ ಸ್ವಾಭಾವಿಕವಾಗಿ ಪ್ರಕೃತಿಯಲ್ಲಿ ದೊರೆಯುವ ಅಥವಾ ಕೃತಕವಾಗಿ ತಯಾರಿಸಿರುವ ಮತ್ತು ಶಾಖಪ್ರಯೋಗದಿಂದ ಮೆದುವಾಗಿ ಅಚ್ಚು ಹೊಯ್ಯಲು ಒದಗುವ ಮೆದುಪದಾರ್ಥ. ಇವನ್ನು ರಾಳ, ಮರವಜ್ರ ಎಂದೂ ಕರೆಯವುದುಂಟು. ಕೆಲವು ಸೂಕ್ಷ್ಮಾಣುಗಳು ತಮ್ಮೊಳಗೆ ಸಂಯೋಗಹೊಂದಿ ದೈತ್ಯಾಣುಗಳಾಗುತ್ತವೆ. ಈ ಪ್ರಕ್ರಿಯೆಗೆ ಪಾಲಿಮರೀಕರಣವೆಂದು ಹೆಸರು. ಇದರಲ್ಲಿಯ ಮೂಲಾಣುಗಳಿಗೆ ಮಾನೋಮರುಗಳೆಂದೂ ಫಲಿತ ದೈತ್ಯಾಣುವಿಗೆ ಪಾಲಿಮರೆಂದೂ ಹೆಸರು. ಪಾಲಿಮರುಗಳು ಉದ್ದ ಆಕಾರದ ಸರಪಣಿ ಮಾದರಿಯ ಅಣುಗಳು. ರಾಸಾಯನಿಕ ಬಂಧಗಳು ಈ ಸರಪಣಿ ಅಣುಗಳನ್ನು ಒಂದಕ್ಕೊಂದು ಬಂಧಿಸುತ್ತವೆ. ಈ ಬಂಧಗಳಿಗೆ ಅಡ್ಡಕೊಂಡಿಗಳೆಂದು ಹೆಸರು. ಪಾಲಿಮರುಗಳ ಗುಣಗಳು ವಿಶೇಷವಾಗಿ ಅವುಗಳ ಅಣುರಚನೆಯನ್ನು ಅವಲಂಬಿಸಿವೆ. ಇವು ಬಹುತೇಕ ಅಗ್ರ್ಯಾನಿಕ್ ವಸ್ತುಗಳು. ಹಲವು ಇನಾಗ್ರ್ಯಾನಿಕ್ ಪ್ಲಾಸ್ಟಿಕ್ಕುಗಳೂ ಇವೆ. ಕೆಲವು ಲೋಹದ ಮತ್ತು ಎಲ್ಲ ಮರದ ಪೀಠೋಪಕರಣಗಳಿಗೆ ಬದಲಾಗಿ ಇವನ್ನು ಉಪಯೋಗಿಸಬಹುದು. ಬಹುಶಃ ಮಾನವ ಮೊದಲು ತಯಾರಿಸಿದ ಪ್ಲಾಸ್ಟಿಕ್ ಎಂದರೆ ಸೆಲ್ಯೂಲಾಯಿಡ್. ಈ ಶತಮಾನದ ಪ್ರಾರಂಭದಿಂದಲೂ ಉಪಯೋಗದಲ್ಲಿರುವ ಮತ್ತೊಂದು ಪ್ಲಾಸ್ಟಿಕ್ ಎಂದರೆ ಬೇಕಲೈಟ್.