ಸಿಡ್ನಿ ಹಾರ್ಬರ್ ಸೇತುವೆ
From Wikipedia, the free encyclopedia
ಸಿಡ್ನಿ ಹಾರ್ಬರ್ ಬ್ರಿಡ್ಜ್ ಇದು ಕಬ್ಬಿಣದ ಕಮಾನು ಸೇತುವೆ ಆಗಿದ್ದು ಸಿಡ್ನಿ ಹಾರ್ಬರ್ನ ಸುತ್ತ ಇದೆ. ಇದು ರೈಲು, ವಾಹನಗಳು, ಸೈಕಲ್‌ಗಳು ಮತ್ತು ಪಾದಾಚಾರಿಗಳಿಗೆ ಸಿಡ್ನಿ ಸೆಂಟ್ರಲ್ ಬ್ಯುಸಿನೆಸ್ ಡಿಸ್ಟ್ರಿಕ್ಟ್ (ಸಿಬಿಡಿ) ಮತ್ತು ಉತ್ತರ ದಡ (ನಾರ್ಥ್‌ ಶೋರ್) ನಡುವೆ ಸಂಪರ್ಕ ಸೇತುವೆ ಆಗಿದೆ. ಈ ಸೇತುವೆಯ ಮೇಲಿನಿಂದ ಗೋಚರಿಸುವ ಸುಂದರ ಹಾರ್ಬರ್ ದೃಶ್ಯ, ಅಲ್ಲಿಯೇ ಹತ್ತಿರದಲ್ಲಿರುವ ಸಿಡ್ನಿ ಒಪೆರಾ ಹೌಸ್ ಇವು ಸಿಡ್ನಿ ಮತ್ತು ಆಸ್ಟ್ರೇಲಿಯಾದ ಪರಿಚಯಾತ್ಮಕ ದೃಶ್ಯಗಳಾಗಿವೆ. ಈ ಸೇತುವೆಯು ಇದರ ಕಮಾನು ಹೊಂದಿರುವ ರಚನೆಯಿಂದಾಗಿ ಸ್ಥಳೀಯವಾಗಿ "ದಿ ಕೋಟ್ ಹ್ಯಾಂಗರ್ " ಎಂದು ಹೆಸರಾಗಿದೆ.[1]
| ಸಿಡ್ನಿ ಹಾರ್ಬರ್ ಸೇತುವೆ | |
|---|---|
 | |
| ಅಧಿಕೃತ ಹೆಸರು | Sydney Harbour Bridge |
| ಸಾಗಾಣೆ | Trains, Motor vehicles, pedestrians and bicycles |
| ದಾಟು | Port Jackson |
| ಪ್ರಾದೇಶಿಕ | Sydney, Australia |
| ವಿನ್ಯಾಸ | Through arch bridge |
| ಒಟ್ಟು ಉದ್ದ | 1,149 m (3,770 ft) |
| ಅಗಲ | 49 m (161 ft) |
| ಎತ್ತರ | 139 m (456 ft) |
| Longest span | 503 m (1,650 ft) |
| ಕೆಳಗಿನ ತೆರವು | 49 m (161 ft) at mid-span |
| ನಿರ್ಮಾಣ ಆರಂಭ | ೨೮ ಜುಲೈ ೧೯೨೩ |
| ನಿರ್ಮಾಣ ಮುಕ್ತಾಯ | ೧೯ ಜನವರಿ ೧೯೩೨ |
| ತೆರವು | ೧೯ March ೧೯೩೨ |
| ನಿರ್ದೇಶಾಂಕಗಳು | 33°51′08″S 151°12′38″E |
ಎನ್ಎಸ್ಡಬ್ಲ್ಯೂ ಡಿಪಾರ್ಟ್‌ಮೆಂಟ್‌ ಆಫ್ ಪಬ್ಲಿಕ್ ವರ್ಕ್ಸ್‌ನ ಡಾ.ಜೆ.ಜೆ.ಸಿ ಬ್ರಾಡ್ಫಿಲ್ಡ್ ಅವರ ಮಾರ್ಗದರ್ಶನದಲ್ಲಿ ಮಿಡ್ಲ್ಸ್‌ಬ್ರೊನ ಆಂಗ್ಲ ಸಂಸ್ಥೆ ಡೊರ್ಮನ್ ಲಾಂಗ್ ಆಂಡ್ ಕೊ ಲಿಮಿಟೆಡ್ ನಿರ್ಮಾಣ ಕಾರ್ಯವನ್ನು ಮಾಡಿತು. ೧೯೩೨ರಲ್ಲಿ ಇದು ಸಾರ್ವಜನಿಕ ಬಳಕೆಗೆ ತೆರೆಯಲಾಯಿತು.[2] ಗಿನ್ನಿಸ್‌ ವರ್ಲ್ಡ್ ರೆಕಾರ್ಡ್‌ನ ಪ್ರಕಾರ ಇದು ಪ್ರಪಂಚದ ಅತಿ ಉದ್ದದ ಕಮಾನು ಇರುವ ಅಗಲವಾದ ಸೇತುವೆ ಆಗಿದೆ.[3][4] ಅಲ್ಲದೆ ಇದು ಪ್ರಪಂಚದಲ್ಲಿ ಐದನೇ ಅತಿ ಉದ್ದ ಕಮಾನು ಇರುವ ಹಾಗೂ ಅತ್ಯಂತ ಉದ್ದದ ಕಬ್ಬಿಣದ ಕಮಾನು ಇರುವ ಸೇತುವೆ ಆಗಿದೆ. 134 metres (440 ft)(ಜಲ ಮಟ್ಟದಿಂದ)[4] ೧೯೬೭ರವರೆಗೆ ಹಾರ್ಬರ್ ಬ್ರಿಡ್ಜ್ ಸಿಡ್ನಿಯ ಅತ್ಯಂತ ಎತ್ತರದ ನಿರ್ಮಿತ ಆಕೃತಿಯಾಗಿತ್ತು.[ಸೂಕ್ತ ಉಲ್ಲೇಖನ ಬೇಕು]
ದಕ್ಷಿಣದಲ್ಲಿ (ಸಿಬಿಡಿ) ಸೇತುವೆಯು ಮಿಲ್ಲರ್ಸ್‌ ಪಾಯಿಂಟ್‌ನಲ್ಲಿ ದಿ ರಾಕ್ಸ್ ಸ್ಥಳದಲ್ಲಿ ಸ್ಥಾಪಿತವಾಗಿದೆ. ಅಲ್ಲದೆ ಉತ್ತರದಲ್ಲಿ ಮಿಲ್ಸನ್ಸ್ ಪಾಯಿಂಟ್‌ನಲ್ಲಿ ಕೆಳಗಿನ ನಾರ್ಥ್‌ ಶೋರ್ ಪ್ರದೇಶದಲ್ಲಿ ಕೊನೆಯಾಗುತ್ತದೆ. ಇದು ಅದರ ಮುಖ್ಯ ರಸ್ತೆಯ ರಚನೆಯಲ್ಲಿ ಆರು ಪಥಗಳ ವಾಹನ ಚಲನೆಯ ರಸ್ತೆಯನ್ನು ಹೊಂದಿದೆ. ಹಾಗೆಯೇ ಇದರ ಪೂರ್ವ ಭಾಗದಲ್ಲಿ ಎರಡು ಪಥಗಳ ವಾಹನ ರಸ್ತೆಯನ್ನು (ಮೊದಲು ಎರಡು ಟ್ರ್ಯಾಮ್ ಟ್ರ್ಯಾಕ್‌ಗಳನ್ನು ಹೊಂದಿತ್ತು) ಮತ್ತು ಪಾದಾಚಾರಿ ಮಾರ್ಗವನ್ನು ಹೊಂದಿದೆ. ಇದರ ಪಶ್ಚಿಮ ಭಾಗದಲ್ಲಿ ಎರಡು ರೈಲ್ವೆ ಟ್ರ್ಯಾಕ್ ಮತ್ತು ಸೈಕಲ್ ಪಥವನ್ನು ಹೊಂದಿದ್ದು ಪಶ್ಚಿಮ ಭಾಗವನ್ನು ಪೂರ್ವ ಭಾಗಕ್ಕಿಂತ ಹೆಚ್ಚು ದೊಡ್ಡದಾಗಿಸಿದೆ.30.5 cm (12 in)
ಸೇತುವೆಯ ಗುಂಟ ಇರುವ ಮುಖ್ಯ ರಸ್ತೆಯನ್ನು ಬ್ರಾಡ್ಫೀಲ್ಡ್ ಹೈವೆ ಎಂದು ಕರೆಯಲಾಗುತ್ತದೆ. ಅಲ್ಲದೆ ಇದು 2.4 kilometres (1.5 mi) ಉದ್ದವಿದ್ದು, ಇದನ್ನು ಆಸ್ಟ್ರೇಲಿಯಾದಲ್ಲಿರುವ ಅತಿ ಕಡಿಮೆ ಉದ್ದವಿರುವ ಒಂದು ಹೆದ್ದಾರಿಯನ್ನಾಗಿಸಿದೆ.2.4 kilometres (1.5 mi) (ಬ್ರಿಸ್ಬೇನ್‌ನ ಸ್ಟೋರಿಬ್ರಿಡ್ಜ್‌ನಲ್ಲಿರುವ ಬ್ರಾಡ್ಫೀಲ್ಡ್ ಹೆದ್ದಾರಿಯನ್ನೂ ಕೂಡ ಅತಿ ಕಿರಿಯ ಹೆದ್ದಾರಿ ಎಂದು ಕರೆಯಲಾಗುತ್ತದೆ.)
ಕಮಾನು
ಈ ಸೇತುವೆಯಲ್ಲಿಯ ಕಮಾನು ಎರಡು ೨೮-ಪ್ಯಾನೆಲ್‌ಗಳ ಕಮಾನು 18 m (59 ft) ಹಿಡಿಕೆಗಳನ್ನು ಹೊಂದಿದೆ; ಇವುಗಳ ಎತ್ತರವು ಸೇತುವೆಯ ನಡುವೆ ಮತ್ತು ಕೊನೆಯ ಭಾಗದಲ್ಲಿ ಭಿನ್ನವಾಗಿದೆ. 57 m (187 ft)
ಕಮಾನು ಸುಮಾರು ೫೦೩m ಕಮನು ಹೊಂದಿದೆ ಮತ್ತು ಇದರ ತುದಿಯ ಸಮುದ್ರ ಮಟ್ಟಕ್ಕಿಂತ ಮೇಲಿದೆ. ಅದೇನೆ ಇದ್ದರೂ ಬಿಸಿಲ ದಿನಗಳಲ್ಲಿ ಕಬ್ಬಿಣವು ಹಿಗ್ಗುವುದರಿಂದ ಸೇತುವೆಯ ಎತ್ತರವು ಹೆಚ್ಚಾಗುತ್ತದೆ. 18 cm (7.1 in)134 m (440 ft)[5] ದೊಡ್ಡದಾದ ಕಬ್ಬಿಣದ ಪಿನ್‌ಗಳು ಕಮಾನಿನ ಪ್ರತಿ ಕೊನೆಗೂ ಬೆಂಬಲ ನೀಡುತ್ತವೆ. ಇದು ಉಷ್ಣತೆಯ ಹೆಚ್ಚಳ ಹಾಗೂ ಸೇತುವೆಯ ಉಬ್ಬುವಿಕೆಯನ್ನು ಇದು ಸಹಿಸಿಕೊಂಡು ಅದಕ್ಕೆ ದಾರಿ ಮಾಡಿಕೊಟ್ಟು ಸೇತುವೆಗೆ ಆಗುವ ಅಪಾಯವನ್ನು ತಪ್ಪಿಸುತ್ತದೆ.
ಈ ಸೇತುವೆಯಲ್ಲಿರುವ ಕಬ್ಬಿಣದ ಒಟ್ಟೂ ತೂಕ, ಕಮಾನು ಮತ್ತು ಅದರ ಕೊನೆಯವರೆಗಿನ ಒಟ್ಟೂ ತೂಕವು ಸುಮಾರು ೫೨,೮೦೦ಟನ್‌ಗಳಷ್ಟು ಇದೆ. ಇದರ ಕಮಾನು ಮಾತ್ರ ಸುಮಾರು ೩೯,೦೦೦ ಟನ್‌ಗಳಷ್ಟು ತೂಕವನ್ನು ಹೊಂದಿದೆ.[6] ಸುಮಾರು ೭೯%ಕ್ಕಿಂತ ಹೆಚ್ಚಿನ ಕಬ್ಬಿಣವನ್ನು ಇಂಗ್ಲಂಡ್‌ನಿಂದ ಆಮದು ಮಾಡಿಕೊಳ್ಳಲಾಗಿದೆ ಹಾಗ ಉಳಿದದ್ದನ್ನು ಆಸ್ಟ್ರೇಲಿಯಾದಿಂದ ತರಿಸಿಕೊಳ್ಳಲಾಗಿದೆ.[7] ಆಸ್ಟ್ರೇಲಿಯಾಕ್ಕೆ ಕಬ್ಬಿಣವನ್ನು ರಪ್ತು ಮಾಡುವ ಮೊದಲು ಇಂಗ್ಲಂಡ್‍ನ ಬಿಲ್‌ಸ್ಟನ್, ವೆಸ್ಟ್ ಮಿಡ್‌ಲ್ಯಾಂಡ್ಸ್‌ನಲ್ಲಿಯ ಆಲ್ಫ್ರೆಡ್‌ ಹಿಕ್‌ಮನ್ ಸ್ಟೀಲ್‌ವರ್ಕ್ಸ್‌ನ ಜಾರ್ಜ್ ಸ್ಕಾರೊಟ್‍ ಎಂಬ ಲೋಹ ತಜ್ಞ ಮತ್ತು ಪರಿಕ್ಷಾ ಗೃಹದ ಮುಖ್ಯಸ್ಥನಿಂದ ಟೆಸ್ಟ್ ಮಾಡಿಸಲಾಗಿತ್ತು.[ಸೂಕ್ತ ಉಲ್ಲೇಖನ ಬೇಕು] ಸೇತುವೆ ನಿರ್ಮಣವಾಗಬೇಕಾದ ಸ್ಥಳದಲ್ಲಿ ಗುತ್ತಿಗೆದಾರರು ಎರಡು ವರ್ಕ್‌ಶಾಪ್‌ ಅನ್ನು ನಿರ್ಮಿಸಿದ್ದರು. ಇದು ಈಗಿನ ಲುನಾ ಪಾರ್ಕ್‌ನಲ್ಲಿತ್ತು. ಇಲ್ಲಿ ಕಬ್ಬಿಣವನ್ನು ಗ್ರೈಡರ್ ಮತ್ತು ಇನ್ನುಳಿದ ಭಾಗಗಳಾಗಿ ಪರಿವರ್ತಿಸಲಾಗುತ್ತಿತ್ತು.[7]
ಈ ಸೇತುವೆಯು ಆಸ್ಟ್ರೇಲಿಯಾದಲ್ಲಿ ತಯಾರಿಸಲಾದ ಹಾಗೂ ಕೈಯಲ್ಲೇ ಕೂರಿಸಲಾದ ಸುಮಾರು ಆರು ಮಿಲಿಯನ್ ರಿವಿಟ್‌ಗಳನ್ನು ಹೊಂದಿದೆ. ಕೊನೆಯ ರಿವಿಟ್ ಅನ್ನು ೨೧ ಜನವರಿ ೧೯೩೨ರಲ್ಲಿ ಕೂರಿಸಲಾಯಿತು.[7][8] ರಿವಿಟ್‌ಗಳನ್ನು ಕೆಂಪಗೆ ಕಾಯಿಸಿ ಪ್ಲೇಟ್‌ಗಳಲ್ಲಿ ಕೂರಿಸಲಾಗುತ್ತಿತ್ತು. ಕೊನೆಗೆ ತುದಿಯನ್ನು ವಾಯುಚಾಲಿತ ರಿವಿಟ್ ಗನ್‌ನಿಂದ ಹೊಡೆದು ಗೋಲಾಕಾರವಾಗಿಸಲಾಗುತ್ತಿತ್ತು.[9] ಇಲ್ಲಿ ಬಳಸಲಾದ ಅತಿ ದೊಡ್ಡ ರಿವಿಟ್ 3.5 kg (8 lb) ತೂಕ ಹೊಂದಿದ್ದು ಇದು 39.5 cm (15.6 in) ಉದ್ದವಾಗಿತ್ತು.[6][10] ದೊಡ್ಡ ಕಬ್ಬಿಣದ ರಚನೆಗಳನ್ನು ಮಾಡುವುದು ಅಂದು ನಡೆದುಕೊಂಡು ಬಂದಿದ್ದ ಒಂದು ಪದ್ದತಿಯಾಗಿತ್ತು. ಆವತ್ತಿನ ಸಮಯದಲ್ಲಿ ದೊಡ್ಡ ಕಬ್ಬಿಣದ ರಚನೆಯಲ್ಲಿ ವೆಲ್ಡಿಂಗ್‌ ಮಾಡುವುದು ಚಾಲ್ತಿಯಲ್ಲಿರಲಿಲ್ಲ. ಅಲ್ಲದೆ ಬ್ರಿಡ್ಜ್‌ಗೆ ವೆಲ್ಡಿಂಗ್‌ ಅನ್ನು ಬಳಸುವಷ್ಟು ಅದು ಅಭಿವೃದ್ಧಿಯಾಗಿರಲಿಲ್ಲ.[9]
ಮಹಾದ್ವಾರಗಳು
89 m (292 ft)ಸೇತುವೆಯ ಎರಡೂ ಕಡೆಗಳಲ್ಲಿ ಎತ್ತರದ ಕಾಂಕ್ರೀಟ್ ಕಮಾನುಗಳಿವೆ. ಇವುಗಳನ್ನು ಗ್ರಾನೈಟ್ನಿಂದ ಸಿಂಗರಿಸಲಾಗಿದೆ.[11] ಮಹಾದ್ವಾರಗಳನ್ನು ಜಾನ್‌ ಬರ್ನೆಟ್‌ ಆಂಡ್ ಪಾರ್ಟನರ್ಸ್‌ನಲ್ಲಿದ್ದ ಸ್ಕಾಟಿಶ್‌ ಕಟ್ಟಡ ವಿನ್ಯಾಸಗಾರ ಥಾಮಸ್ ಎಸ್. ಟೈಟ್‍[12][13][14] ವಿನ್ಯಾಸಗೊಳಿಸಿದ್ದ.[14]
ಸುಮಾರು ೨೫೦ ಆಸ್ಟ್ರೇಲಿಯಾ, ಸ್ಕಾಟಿಷ್ ಮತ್ತು ಇಟಾಲಿಯನ್ ಶಿಲ್ಪಕಾರರು ಮತ್ತು ಅವರ ಸಂಸಾರವನ್ನು ತಾತ್ಕಾಲಿಕವಾಗಿ ಸಿಡ್ನಿಯ300 kilometres (186 mi) ದಕ್ಷಿಣ ಭಾಗದ ಮೌರ್ಯ, ಎನ್‌ಎಸ್‌ಡಬ್ಲ್ಯೂಗೆ ಸ್ಥಳಾಂತರಗೊಂಡಿದ್ದರು. ಅಲ್ಲಿ ಸೇತುವೆಯ ಮಹಾದ್ವಾರಗಳಿಗಾಗಿ ಗ್ರಾನೈಟ್ ಕೆಲಸವನ್ನು 18,000 cubic metres (635,664 cu ft)ಮಾಡುತ್ತಿದ್ದರು.[7] ಶಿಲ್ಪಕಾರರು ಗ್ರಾನೈಟ್‌ಗಳನ್ನು ತುಂಡು ಮಾಡಿ, ಸುಂದರಗೊಳಿಸಿ, ಪಾಲಿಶ್ ಮಾಡಿದ ನಂತರದಲ್ಲಿ ಬ್ಲಾಕ್‌ಗಳನ್ನು ಗ್ರಾನೈಟ್ ಬ್ಲಾಕ್ ಸಾಗಣೆಗಾಗಿಯೇ ನಿರ್ಮಿಸಲಾದ ವಿಶೇಷ ಹಡಗುಗಳಲ್ಲಿ ಸಿಡ್ನಿಗೆ ಸಾಗಿಸಲಾಗುತ್ತಿತ್ತು.[7] ಮಹಾದ್ವಾರ ನಿರ್ಮಾಣಕ್ಕೆ ಬಳಸಲಾದ ಕಾಂಕ್ರೀಟ್ ಕೂಡ ಆಸ್ಟ್ರೇಲಿಯಾದ್ದೇ ಆಗಿದೆ.
ಸೇತುವೆಯ ಕಮಾನಿನ ಹಾಗೂ ಮಹಾದ್ವಾರ ಭಾರವನ್ನು ತಡೆದುಕೊಳ್ಳಲು ಆದಾರ ಅತ್ಯಗತ್ಯ. ಕೆಳಭಾಗದಲ್ಲಿರುವ ಆಧಾರಸ್ತಂಭವು ಈ ಕಾರ್ಯವನ್ನು ನಿರ್ವಹಿಸುತ್ತದೆ. ಅಲ್ಲದೆ ಮಹಾದ್ವಾರಗಳಿಗೆ ಯಾವುದೇ ನಿಶ್ಚಿತ ಆಕಾರದ ಉದ್ದೇಶ ಇರಲಿಲ್ಲ. ಅವುಗಳನ್ನು ಕಮಾನಿಗೆ ಉತ್ತಮ ಚೌಕಟ್ಟು ಒದಗಿಸಲು ಹಾಗೂ ಒಂದು ಸುಂದರ ದೃಶ್ಯ ವೈಭವದ ಸಮತೋಲನವನ್ನು ಒದಗಿಸಲು ನಿರ್ಮಿಸಲಾಯಿತು. ಮಹಾದ್ವಾರಗಳು ಮೂಲ ವಿನ್ಯಾಸದಲ್ಲಿ ಇಲ್ಲವಾಗಿತ್ತು. ಆದರೆ ಸಾರ್ವಜನಿಕರಿಗೆ ಸೇತುವೆಯ ಒಂದು ಉತ್ತಮ ಚಿತ್ರ ಒದಗಿಸಿಕೊಡಲು ಹಾಗೂ ಅದರಿಂದ ಸಾರ್ವಜನಿಕರಿಗೆ ಒದಗುವ ಭದ್ರತೆಯ ಭಾವನೆಯನ್ನು ದೃಷ್ಟಿಯಲ್ಲಿರಿಸಿಕೊಂಡು ನಿರ್ಮಿಸಲಾಯಿತು.[15]
ಮೂಲವಾಗಿ ಈ ಮಹಾದ್ವಾರಗಳು ಸೇತುವೆಯ ಸೌಂಧರ್ಯಾತ್ಮಕ ಮೌಲ್ಯವನ್ನು ಹೆಚ್ಚಿಸಿವೆ. ಈಗ ನಾಲ್ಕೂ ಮಹಾದ್ವಾರಗಳು ತೆರೆದಿದ್ದು ಉಪಯೋಗವಾಗುತ್ತಿವೆ. ಆಗ್ನೆಯ ಭಾಗದಲ್ಲಿರುವ ಮಹಾದ್ವಾರವು ಮ್ಯೂಸಿಯಮ್ ಮತ್ತು ಪ್ರವಾಸಿ ಕೇಂದ್ರವನ್ನು ಹೊಂದಿದೆ. ಇಲ್ಲಿಂದ ೩೬೦ ಡಿಗ್ರಿ ಕೋನದಲ್ಲಿ ಸಂಪೂರ್ಣ ಹಾರ್ಬರ್ ಸಿಟಿಯ ದೃಶ್ಯವನ್ನು ಕಾಣಬಹುದಾಗಿದೆ. ನೈರುತ್ಯ ಭಾಗದ ಮಹಾದ್ವಾರವನ್ನು ನ್ಯೂ ಸೌತ್ ವ್ಹೇಲ್ಸ್‌ನ ರೋಡ್ಸ್ ಆಂಡ್ ಟ್ರಾಫಿಕ್ ಅಥಾರಿಟಿ (ಆರ್‌ಟಿಎ)ಯು ತನ್ನ ಸಿಸಿಟಿವಿ ಕೆಮೆರಾಗಳಿಂದ ಸೇತುವೆಯ ಸುತ್ತಮುತ್ತಲಿನ ಪ್ರದೇಶದ ಮೇಲೆ ನಿಗಾ ವಹಿಸಲು ಬಳಸುತ್ತಿದೆ. ಸಿಡ್ನಿ ಹಾರ್ಬರ್ ಸುರಂಗದಿಂದ ಬರುವ ಚಿಮಣಿ ಮತ್ತು ದಕ್ಷಿಣ ಮಹಾದ್ವಾರದಲ್ಲಿಯ ಆರ್‌ಟಿಎಯಿಂದ ನೋಡಲ್ಪಡುವ ಭಾಗ ಹಾಗೂ ಉತ್ತರ ಮಹಾದ್ವಾರದ ಕೆಳಭಾಗವು ವಾಹನ ದಟ್ಟಣೆ ನಿರ್ವಹಣೆಯ ಮತ್ತು ವಾಹನಗಳನ್ನು ಎಳೆದು ತರುವ ಟ್ರಕ್ ಮತ್ತು ಸುರಕ್ಷಾ ವಾಹನಗಳಿಗಾಗಿ ಶೆಡ್‌ ಅನ್ನು ಉತ್ತರಲ್ಲಿರುವ ಎರಡು ಮಹಾದ್ವಾರಗಳು ಹೊಂದಿವೆ.
ಆರಂಭಿಕ ಪ್ರಸ್ತಾಪಗಳು
೧೮೧೫ರಲ್ಲಿಯೇ ಪ್ರಸಿದ್ಧ ಕಟ್ಟಡ ವಿನ್ಯಾಸಕಾರ ಫ್ರಾನ್ಸಿಸ್ ಗ್ರೀನ್‌ವೆ ಅವರು ಗವರ್ನರ್ ಲಾಚ್‌ಲಾನ್ ಮೆಕಾರಿ ಅವರಿಗೆ ಹಾರ್ಬರ್ನ ಉತ್ತರದಿಂದ ದಕ್ಷಿಣ ದಡಕ್ಕೆ ಸೇತುವೆಯನ್ನು ನಿರ್ಮಿಸುವ ಕುರಿತು ಬೇಡಿಕೆಯನ್ನು ಸಲ್ಲಿಸಿದ್ದರು.[4][16] ೧೮೨೫ರಲ್ಲಿ ಗ್ರೀನ್‌ವೆ ದಿ ಆಸ್ಟ್ರೇಲಿಯನ್ ಪತ್ರಿಕೆಗೆ ಒಂದು ಪತ್ರವನ್ನು ಬರೆದರು. ಅದರಲ್ಲಿ ಅವರು ’ಆ ರೀತಿಯ ಒಂದು ಸೇತುವೆಯು ಒಂದು ಶಕ್ತಿ ಮತ್ತು ಅದ್ಭುತವನ್ನು ಹೇಳುತ್ತದೆ. ಅಲ್ಲದೆ ದೇಶದ ಹೆಮ್ಮೆ ಮತ್ತು ಯಶಸ್ಸನ್ನು ಇದು ಬಿಂಬಿಸುತ್ತದೆ ಎಂದು ಹೇಳಿದ್ದರು.[16]
ಗ್ರೀನ್‌ವೆಯ ಈ ಅಭಿಪ್ರಾಯಕ್ಕೆ ಯಾವುದೇ ಉತ್ತರ ಬರಲಿಲ್ಲ ಆದರೆ ಇದಕ್ಕೆ ಸಂಬಂಧಿಸಿದ ಯೋಜನೆ ಮಾತ್ರ ಜೀವಂತವಾಗಿತ್ತು. ನಂತರ ಹತ್ತೊಂಬತ್ತನೆಯ ಶತಮಾನದಲ್ಲಿ ಇನ್ನೂ ಹೆಚ್ಚಿನ ಅಭಿಪ್ರಾಯಗಳನ್ನು ಸೇರಿಸಲಾಯಿತು. ೧೮೪೦ರಲ್ಲಿ, ನೌಕಾದಳದ ವಿನ್ಯಾಸಕಾರ ರಾಬರ್ಟ್‌ ಬ್ರಿಂಡ್ಲೆ ತೇಲುವ ಸೇತುವೆಯನ್ನು ನಿರ್ಮಿಸಬಹುದು ಎಂದು ಒಂದು ಪ್ರಸ್ತಾವನೆಯನ್ನು ನೀಡಿದನು. ೧೮೫೭ರಲ್ಲಿ ಪೀಟರ್‌ ಹೆಂಡರ್ಸನ್‌ ಹಾರ್ಬರ್‌ನಲ್ಲಿ ಕಟ್ಟಬಹುದಾದ ಸೇತುವೆಯ ಮೊಟ್ಟ ಮೊದಲ ವಿನ್ಯಾಸದ ಚಿತ್ರವನ್ನು ನೀಡಿದನು.[16] ಟ್ರಸ್‌ ಬ್ರಿಡ್ಜ್ ಕಟ್ಟುವ ಕುರಿತಾದ ಪ್ರಸ್ತಾವನೆಯನ್ನು ೧೮೭೯ರಲ್ಲೇ ನೀಡಲಾಗಿತ್ತು. ಮತ್ತು ೧೮೮೦ರಲ್ಲಿ ಉನ್ನತ ಮಟ್ಟದ ಸೇತುವೆಯನ್ನು £೮೫೦,೦೦೦ಕ್ಕೆ ನಿರ್ಮಿಸುವ ಪ್ರಸ್ತಾವನೆಯನ್ನು ನೀಡಲಾಗಿತ್ತು.[16] ೧೯೦೦ರಲ್ಲಿ ಸೂಕ್ತವಾದ ವಿನ್ಯಾಸವನ್ನು ಹುಡುಕುವುದಕ್ಕಾಗಿ ಒಂದು ಸ್ಪರ್ಧೆಯನ್ನು ಪ್ರಾರಂಭಿಸಲಾಯಿತು. ಇದಕ್ಕೆ ಬಂದ ಸಾವಿರಾರು ವಿನ್ಯಾಸಗಳಲ್ಲಿ ಯಾವುದನ್ನೂ ಕೂಡ ಸೂಕ್ತವಾದುದು ಎಂದು ಪರಿಗಣಿಸಲಾಗಲಿಲ್ಲ ಅಲ್ಲದೆ ಮುಂದಿನ ಕೆಲವು ವರ್ಷಗಳವರೆಗೆ ಈ ಕುರಿತು ಯಾವುದೇ ಕ್ರಮವನ್ನೂ ಕೈಗೊಳ್ಳಲಾಗಲಿಲ್ಲ.[4]
ಯೋಜನೆ
೧೯೧೨ರಲ್ಲಿ ಜೆ.ಜೆ.ಸಿ ಬ್ರಾಡ್ಫೀಲ್ಡ್ ಅವರನ್ನು ’ಸಿಡ್ನಿ ಹಾರ್ಬರ್ ಬ್ರಿಡ್ಜ್ ಮತ್ತು ಮೆಟ್ರೊಪಾಲಿಟನ್ ರೈಲ್ವೆ ಕನ್ಸ್ಟ್ರಕ್ಷನ್‌ಗೆ ಮುಖ್ಯ ಇಂಜಿನಿಯರ್ ’ ಆಗಿ ನೇಮಿಸಲಾಯಿತು. ಮತ್ತು ಹಲವು ವರ್ಷಗಳವರೆಗೆ ಈ ಸೇತುವೆಯ ಮೇಲೆ ಕೆಲಸ ಮಾಡಿದ ಅವರನ್ನು ಈ ಸೇತುವೆ ನಿರ್ಮಾಣಕ್ಕೆ ಕಾರಣ ಕರ್ತ ಎಂಬ ಹೆಮ್ಮೆಯನ್ನು ಗಳಿಸಿಕೊಟ್ಟಿತು.[2] ಈ ಸಮಯದಲ್ಲಿ ಬ್ರಾಡ್‌ ಫಿಲ್ಡ್‌ ಅಟ್ಟಣಿಗೆಯಿಲ್ಲದ ಚಾಚು ಮೂಲ ಸೇತುವೆ (ಕ್ಯಾಂಟಿಲಿವರ್ ಬ್ರಿಡ್ಜ್)ಯನ್ನು ಕಟ್ಟುವಲ್ಲಿ ಒಲವು ತೋರಿಸಿದ್ದನು. ೧೯೧೬ರಲ್ಲಿ ಎನ್‌ ಎಸ್ ಡಬ್ಲ್ಯೂ ಲೆಜಿಸ್ಲೇಟಿವ್ ಅಸೆಂಬ್ಲಿಯು ಈ ರೀತಿಯ ನಿರ್ಮಾಣಕ್ಕೆ ಸಂಬಂಧಿಸಿದಂತಹ ಬಿಲ್ ಕೂಡಾ ಪಾಸ್ ಮಾಡಿತ್ತು. ಆದರೆ ಲೆಜಿಸ್ಲೇಟಿವ್ ಕೌನ್ಸಿಲ್ ಇದೇ ಹಣವನ್ನು ಯುದ್ಧದ ಸಂಬಂದ ಖರ್ಚು ಮಾಡಬಹುದು ಎಂದು ಇದಕ್ಕೆ ಒಪ್ಪಿಗೆ ನೀಡದ ಕಾರಣ ಈ ಪ್ರಸ್ತಾವನೆಯನ್ನ ಕೈಬಿಡಲಾಯಿತು.[16]
ಮುಂದೆ ಮೊದಲನೇ ವಿಶ್ವಯುದ್ಧದ ಸಮಯದಲ್ಲಿ ಈ ಸೇತುವೆ ನಿರ್ಮಾಣದ ವಿಷಯಕ್ಕೆ ಮತ್ತೆ ತತ್ಕಾಲದ ತಡೆ ಬಿದ್ದಿತ್ತು.[4] ಬ್ರಾಡ್ಫಿಲ್ಡ್ ಈ ಯೋಜನೆಯ ಕುರಿತಾದ ಕಾರ್ಯನಿರ್ವಹಣೆಯಲ್ಲಿ ತೊಡಗಿದ್ದ. ಅವನ ಪ್ರಸ್ತಾವನೆಯ ಕ್ಯಾಂಟಿಲಿವರ್ ಬ್ರಿಡ್ಜ್ ಕುರಿತಾದ ಪ್ರಸ್ತಾವನೆಗೆ ಸಂಬಂಧಿಸಿದಂತಹ ಪೂರಕ ಮಾಹಿತಿ, ಹಣಕಾಸು ಮುಂತಾದವನ್ನು ಕಲೆಹಾಕಲು ಪ್ರಾರಂಭಿಸಿದನು. ಈ ಕುರಿತಾದ ಟೆಂಡರ್‌ಗಳನ್ನು ಪಡೆದುಕೊಳ್ಳುವ ಸಲುವಾಗಿ ವಿದೇಶ ಪ್ರವಾಸಕ್ಕೆ ಬ್ರಾಡ್ಫಿಲ್ಡ್ ೧೯೨೧ರಲ್ಲಿ ಹೊರಡುತ್ತಾನೆ. ಈ ಪ್ರವಾಸದ ವೇಳೆಯಲ್ಲಿ ನಡೆಸಿದ ಸಂಶೋಧನೆಯಿಂದ ಬ್ರಾಡ್ಫಿಲ್ಡ್ ಕಮಾನು ಉಳ್ಳ ವಿನ್ಯಾಸ ಕೂಡ ಇದಕ್ಕೆ ಸಲ್ಲುತ್ತದೆ ಎಂದು ತಿಳಿದುಕೊಂಡನು.[16] ಅಲ್ಲದೆ ಅವನು ಮತ್ತು ಎನ್ಎಸ್ಡಬ್ಲ್ಯೂ ಡಿಪಾರ್ಟ್‌ಮೆಂಟ್‌ ಆಫ್ ಪಬ್ಲಿಕ್ ವರ್ಕ್ಸ್‌ನ ಅಧಿಕಾರಿಗಳು ಸೇರಿಕೊಂಡು ಒಂದು ವಿನ್ಯಾಸವನ್ನು[2][4] ರಚನೆ ಮಾಡಿದರು. ಇದು ನ್ಯೂಯಾರ್ಕ್‌ನಲ್ಲಿಯ ಎಕಕಮಾನು ಸೇತುವೆ ಹೆಲ್‌ಗೇಟ್‌ ಬ್ರಿಡ್ಜ್ ಅನ್ನು ಮಾದರಿಯಾಗಿಟ್ಟುಕೊಂಡು ನಿರ್ಮಿಸಿದ ವಿನ್ಯಾಸವಾಗಿತ್ತು.[17] ೧೯೨೨ರಲ್ಲಿ ಸರ್ಕಾರವು ಸಿಡ್ನಿ ಹಾರ್ಬರ್ ಬ್ರಿಡ್ಜ್ ಆಕ್ಟ್‌ ನಂ.೨೮ ಅನ್ನು ಪಾಸ್ ಮಾಡಿತು. ಇದರಲ್ಲಿ ಉನ್ನತ ಮಟ್ಟದ ಕ್ಯಾಂಟಿಲಿವರ್ ಸೇತುವೆಯನ್ನು ಅಥವಾ ಕಮಾನು ಸೇತುವೆಯನ್ನು ಹಾರ್ಬರ್‌ನಲ್ಲಿ ಕಟ್ಟಲು ನಿರ್ಧರಿಸಲಾಯಿತು. ದೇವಸ್‌ ಪಾಯಿಂಟ್ ಮತ್ತು ಮಿಲ್ಸನ್ ಪಾಯಿಂಟ್ ನಡುವೆ ಸಂಪರ್ಕಕ್ಕೆ ಅಗತ್ಯವಿರುವ ಕಾರ್ಯ ಹಾಗೂ ವಿದ್ಯುತ್ ಚಾಲಿತ ರೈಲ್ವೆ ಲೈನ್‌ಗಳನ್ನು ನಿರ್ಮಿಸಲು ನಿರ್ಧರಿಸಲಾಯಿತು.[16] ಅಲ್ಲದೆ ಪ್ರಪಂಚದಾದ್ಯಂತದಿಂದ ಈ ಯೋಜನೆಗೆ ಟೆಂಡರ್ ಕರೆಯಲಾಯಿತು.[2]
ಟೆಂಡರ್ ಪ್ರಕ್ರಿಯೆಯಲ್ಲಿ ಸರ್ಕಾರಕ್ಕೆ ಆರು ಕಂಪೆನಿಗಳಿಂದ ಇಪ್ಪತ್ತು ಪ್ರಸ್ತಾವನೆಗಳು ಬಂದವು. ಮಾರ್ಚ್ ೨೪, ೧೯೨೪ರಂದು ಈ ಗುತ್ತಿಗೆಯನ್ನು ಮಿಡ್ಲ್ಸ್‌ಬ್ರೋನ ಇಂಗ್ಲಿಷ್ ಕಂಪೆನಿ ಡೊರ್ಮನ್ ಲಾಂಗ್ ಆಂಡ್ ಕೊ. ಲಿಮಿಟೆಡ್‌ಗೆ, ಕಮಾನು ಉಳ್ಳ ಸೇತುವೆ ನಿರ್ಮಾಣಕ್ಕಾಗಿ ನೀಡಲಾಯಿತು. ಇದಕ್ಕಾಗಿ ಕಂಪೆನಿಯು AU£೪,೨೧೭,೭೨೧ ೧೧s ೧೦d.[2][16] ಹಣವನ್ನು ಬಿಡ್ ಮಾಡಿತ್ತು. ಕಮಾನು ಉಳ್ಳ ವಿನ್ಯಾಸವು ಕ್ಯಾಂಟಿಲೇಟರ್ ವಿನ್ಯಾಸಕ್ಕಿಂತ ಕಡಿಮೆ ವೆಚ್ಚಕ್ಕೆ ನಿರ್ಮಿಸಬಹುದಾದಂತಹುದಾಗಿತ್ತು ಅಲ್ಲದೆ ಸೇತುವೆಗೆ ಉತ್ತಮ ದೃಢತೆಯನ್ನು ಅದು ಒದಗಿಸುವುದು ದೃಢವಾಗಿತ್ತು. ಅಲ್ಲದೆ ಹೆಚ್ಚಿನ ಭಾರವನ್ನು ಇದು ತಡೆದುಕೊಳ್ಳುವಂತಿತ್ತು.[16]
ವಿದೇಶಿ ಕಂಪನಿಯೊಂದು ಸೇತುವೆ ಕಟ್ಟುವ ಈ ಕಾರ್ಯದಲ್ಲಿ ಭಾಗವಹಿಸುತ್ತಿರುವುದರಿಂದ ಕೆಲವು ಅಪಸ್ವರಗಳು ಕೇಳಿ ಬಂದವು. ಬ್ರಾಡ್ಫಿಲ್ಡ್ ಸೇತುವೆ ನಿರ್ಮಾಣದ ಕಾರ್ಯದಲ್ಲಿ ತೊಡಗುವ ಕೆಲಸಗಾರರು ಆಸ್ಟ್ರೇಲಿಯಾದವರೇ ಆಗಿರಬೇಕು ಎಂದು ಷರತ್ತು ಹಾಕುವ ಮೂಲಕ ಈ ಸಮಸ್ಯೆಯನ್ನು ಬಗೆಹರಿಸಿದರು.[ಸೂಕ್ತ ಉಲ್ಲೇಖನ ಬೇಕು] ಬ್ರಾಡ್ಫಿಲ್ಡ್ ಮತ್ತು ಅವನ ಸಿಬ್ಬಂದಿಗಳು ವಿದೇಶಿ ಕಂಪೆನಿ ನಿರ್ಮಿಸುತ್ತಿರುವ ಸಂಪೂರ್ಣ ಸೇತುವೆಯ ವಿನ್ಯಾಸ ಮತ್ತು ಕಟ್ಟಡ ನಿರ್ಮಾಣದ ಪ್ರತೀ ಹಂತವನ್ನೂ ಗಮನಿಸುತ್ತಿತ್ತು. ಆ ಸಂದರ್ಭದಲ್ಲಿ ಡೊರ್ಮನ್ ಲಾಂಗ್ ಆಂಡ್ ಕಂಪೆನಿಯ, ಇಂಜಿನಿಯರ್, ಸರ್ ರಾಲ್ಫ್ ಫ್ರಿಮನ್. ಸರ್ ಡೊಗ್ಲಾಸ್ ಆಂಡ್ ಪಾರ್ಟನರ್ಸ್‌ ಮತ್ತು ಅವನ ಸಹಾಯಕ ಜಿ.ಸಿ.ಇಂಬಾಲ್ಟ್‌ ಅವರು ವಿವರವಾದ ವಿನ್ಯಾಸ ಮತ್ತು ಹಿಗ್ಗುವಿಕೆಯ ಪ್ರಕ್ರಿಯೆಯ ಕುರಿತಾದ ಸಂಪೂರ್ಣ ವಿವರವನ್ನು ತಯಾರು ಮಾಡಿದ್ದರು.[2] ಈ ಗುತ್ತಿಗೆಗೆ ವಿನ್ಯಾಸಕಾರರನ್ನು ಸ್ಕಾಟ್‌ಲ್ಯಾಂಡ್‌ನ ಗ್ಲಾಸ್ಕೊ ಬ್ರಿಟಿಷ್‌ ಸಂಸ್ಥೆ ಜಾನ್‌ ಬರ್ನೆಟ್‌ ಆಂಡ್ ಪಾರ್ಟನರ್‌ ಕಂಪೆನಿಯಿಂದ ಕರೆಸಲಾಗಿತ್ತು.[14]
ಈ ನಿರ್ಮಾಣವು ಇಂದು ಸಿಟಿ ಸರ್ಕಲ್ ಎಂದು ಕರೆಯಲಾಗುವ ಸಿಡ್ನಿಯ ಅಂತರ್ಗತ ರೈಲ್ವೆ ಸಿಬಿಡಿಯ ಸ್ಥಳಕ್ಕೆ ಹೊಂದಿಕೊಂಡು ನಿರ್ಮಾಣವಾಗುವುದಿತ್ತು. ಆದ್ದರಿಂದ ಸೇತುವೆಯ ನಿರ್ಮಾಣವನ್ನು ಇದನ್ನು ಲಕ್ಷ್ಯದಲ್ಲಿರಿಸಿಕೊಂಡು ಮಾಡಲಾಯಿತು. ಸೇತುವೆಯು ನಾಲ್ಕು ಪಥಗಳ ರಸ್ತೆಯನ್ನು ಹೊಂದಿರುವಂತೆ ವಿನ್ಯಾಸ ಗೊಳಿಸಲಾಗಿತ್ತು. ಎರಡೂ ಕಡೆಗಳಲ್ಲಿ ಒಂದು ರೈಲ್ವೆ ಹಳಿ ಇರುವಂತೆ ನೋಡಿಕೊಳ್ಳಲಾಗಿತ್ತು. ಎರಡು ರೈಲ್ವೆ ಹಳಿಗಳನ್ನು ದಕ್ಷಿಣದಲ್ಲಿಯ ಗುಹಾಂತರ ವೇನ್‌ಯಾರ್ಡ್‌ ಸ್ಟೇಷನ್‍ಗೆ ಸಮಾನಾಂತರ ಮೆಟ್ಟಿಲು ಮತ್ತು ಗುಹೆಯನ್ನು ಹೊಂದಿತ್ತು. ಪೂರ್ವದ ರೈಲ್ವೆ ಟ್ರ್ಯಾಕ್‌ಗಳನ್ನು ಪೂರ್ವಯೋಜಿತ ಉತ್ತರದ ಬೀಚ್‌ಗೆ ಸೇರಿಸುವ ರೈಲ್ವೆ ಲಿಂಕ್‌ ಅನ್ನು ಬಳಸಲು ನಿರ್ಧರಿಸಲಾಯಿತು. ಅವುಗಳನ್ನು ಉತ್ತರದ ತೀರದಿಂದ [ಸೂಕ್ತ ಉಲ್ಲೇಖನ ಬೇಕು]ವೆನ್‌ಯಾರ್ಡ್‌ ನಿಲ್ದಾಣದಲ್ಲಿಯ ಟರ್ಮಿನಲ್‍ಗೆ ಎರಡು ಟ್ರ್ಯಾಮ್‌ಗಳಿಗಾಗಿ ಬಳಸಲಾಗುತ್ತಿತ್ತು. ೧೯೫೮ರಲ್ಲಿ ಟ್ರ್ಯಾಮ್ ಸೇವೆಯು ಕೊನೆಗೊಂಡನಂತರದಲ್ಲಿ ಅದನ್ನು ಹೆಚ್ಚಿನ ಟ್ರಾಫಿಕ್ ದಾರಿಯಾಗಿ ಬಳಸಲಾಗುತ್ತಿದೆ. ಸೇತುವೆಯ ಮುಖ್ಯ ರಸ್ತೆ ಸಂಚಾರ ಮಾರ್ಗವಾಗಿರುವ ಬ್ರಾಡ್ಫಿಲ್ಡ್ ಹೈವೆಗೆ ಬ್ರಾಡ್ಫಿಲ್ಡ್ ಅವರ ಶ್ರಮವನ್ನು ಪರಿಗಣಿಸಿ ಅವರ ನೆನಪಿಗಾಗಿ ಈ ಹೆಸರನ್ನು ನೀಡಲಾಗಿದೆ.
ನಿರ್ಮಾಣ
ಸೇತುವೆ ನಿರ್ಮಾಣದ ಕಾಮಗಾರಿಯು ಬ್ರಾಡ್‌ಫಿಲ್ಡ್‌ನ ಉಸ್ತುವಾರಿಯಲ್ಲಿ ನಡೆಯುತ್ತಿತ್ತು. ಅಷ್ಟೇ ಅಲ್ಲದೆ ಲಾರೆನ್ಸ್ ಎನ್ನಿಸ್, ಎಡ್ವರ್ಡ್ ಜಡ್ಜ್ ಮತ್ತು ಸರ್ ರಾಲ್ಫ್ ಫ್ರೀಮನ್ ಎಂಬುವವರು ಅವ್ಯಾಹತವಾಗಿ ಈ ಸೇತುವೆ ನಿರ್ಮಾಣದ ಕಾರ್ಯದಲ್ಲಿ ನಿರಂತರವಾಗಿ ಭಾಗಿಯಾಗಿದ್ದರು. ಎನ್ನಿಸ್, ಡೊರ್ಮನ್ ಲಾಂಗ್ ಆಂಡ್ ಕೊ, ಎಂಜಿನಿಯರ್ ಆಗಿದ್ದನು ಅಲ್ಲದೆ ಪ್ರಧಾನ ಸ್ಥಳ ಮೇಲ್ವಿಚಾರಕನಾಗಿ ಕಾರ್ಯ ನಿರ್ವಹಿಸುತ್ತಿದ್ದನು. (ಬ್ರಾಡ್ಫಿಲ್ಡ್ ಸೇತುವೆ ನಿರ್ಮಾಣ ಕಾರ್ಯ ಮುಗಿಯುವವರೆಗೆ ಆಗಾಗ ಭೇಟಿ ನೀಡುತ್ತಿದ್ದನು. ಅಲ್ಲದೆ ನಿರ್ಮಾಣ ಕಾರ್ಯದ ಕೆಲವು ಮುಖ್ಯ ಘಟ್ಟಗಳಲ್ಲಂತೂ ತಪ್ಪದೇ ಅಲ್ಲಿ ಹಾಜರಿರುತ್ತಿದ್ದು ಮುಖ್ಯವಾದ ನಿರ್ಧಾರ ತೆಗೆದುಕೊಳ್ಳುವ ಹಾಗೂ ಪ್ರಗತಿ ಪರಿಶಿಲನೆ ಮಾಡುವ ಕಾರ್ಯದಲ್ಲಿ ನಿರತನಾಗುತ್ತಿದ್ದನು.) ಜಡ್ಜ್, ಡೊರ್ಮನ್ ಲಾಂಗ್ ಕಂಪೆನಿಯ ಮುಖ್ಯ ತಾಂತ್ರಿಕ ಇಂಜಿನಿಯರ್ ಆಗಿದ್ದನು ಮತ್ತು ಫ್ರೀಮನ್ ಇವರು ಒಪ್ಪಿತ ವಿನ್ಯಾಸದ ಅತೀ ಸೂಕ್ಷ್ಮವಿಷಯಗಳನ್ನು ವಿವರವಾಗಿ ಬಿಡಿಸುವ ಕಾರ್ಯದಲ್ಲಿ ನಿರತರಾಗಿದ್ದರು. ಕೊನೆಗೆ ಬ್ರಾಡ್ಫಿಲ್ಡ್ ಮತ್ತು ಫ್ರೀಮನ್ ನಡುವೆ ಕೊನೆಗೆ ಯಾರು ಸೇತುವೆ ವಿನ್ಯಾಸ ಮಾಡಿದವರು ಎಂಬ ಕುರಿತು ಮನಸ್ತಾಪ ಕಂಡು ಬಂದಿತು. ಸೇತುವೆಯ ವಿನ್ಯಾಸಕ್ಕೆ ಸಂಬಂಧಿಸಿದಂತೆ ಕೇಳಿಬಂದ ಇನ್ನೊಂದು ಹೆಸರು ಅರ್ಥರ್ ಪ್ಲಂಕೆಟ್‌ ಅವರದ್ದಾಗಿದೆ.[ಸೂಕ್ತ ಉಲ್ಲೇಖನ ಬೇಕು]
ಸೇತುವೆ ನಿರ್ಮಾಣದ ಮೊಟ್ಟಮೊದಲ ಆರಂಭಿಕ ಗುದ್ದಲಿ ಪೂಜೆಯು ೨೮ ಜುಲೈ ೧೯೨೩ರಂದು ನಡೆಯಿತು. ಇದು ಉತ್ತರ ತೀರದ ಮಿಲ್ಸನ್ ಪಾಯಿಂಟ್‌ನಲ್ಲಿ ಪ್ರಾರಂಭವಾಯಿತು. ಇಲ್ಲಿಯೇ ಸೇತುವೆ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಎರಡು ವರ್ಕ್‌‌ಶಾಪ್‌ಗಳು ತಲೆ ಎತ್ತಿದ್ದವು.[18]
ಉತ್ತರ ತೀರದಲ್ಲಿ ನಿರ್ಮಿಸಲಾಗಿದ್ದ ೪೬೯ ಖಾಸಗಿ ಮನೆಗಳು ಮತ್ತು ವಾಣಿಜ್ಯ ಕಟ್ಟಡಗಳನ್ನು ಸೇತುವೆ ನಿರ್ಮಾಣ ಸುಗಮವಾಗಿ ನಡೆಯಲಿ ಎಂಬ ಉದ್ದೇಶದಿಂದ ಕೆಡವಲಾಯಿತು. ಈ ಕಟ್ಟಡ ತೆರವು ಕಾರ್ಯಾಚರಣೆಯ ಸಂದರ್ಭದಲ್ಲಿ ಅತಿ ಕಡಿಮೆ ಪರಿಹಾರ ಧನ ಅಥವಾ ಪರಿಹಾರ ಧನ ಕೊಡದೆ ತೆರವು ಕಾರ್ಯಾಚರಣೆಯನ್ನು ನಡೆಸಲಾಯ್ತು. ಸೇತುವೆ ನಿರ್ಮಾಣ ಕಾಮಗಾರಿಯು ಸೇತುವೆಯ ಕಮಾನುಗಳನ್ನು ನಿರ್ಮಾಣ ಮಾಡುವ ಮೂಲಕ ಪ್ರಾರಂಭವಾಯಿತು. ಸೆಪ್ಟೆಂಬರ್ ೧೯೨೬ರ ಸಮಯದಲ್ಲಿ ಕಾಂಕ್ರೀಟ್ ಕಂಬಗಳನ್ನು ನಿರ್ಮಿಸುವ ಕಾರ್ಯ ಪ್ರಾರಂಭವಾಯಿತು.[18]
ಕಮಾನಿನ ಕೆಲಸ ಆರಂಭವಾದಂತೆ ಅದರ ತೂಕವನ್ನು ತಡೆದುಕೊಳ್ಳುವಂತಹ ಕಾಂಕ್ರಿಟ್ ಪಿಲ್ಲರ್‌ಗಳ ತಳಪಾಯ ಹಾಕುವ ಕಾರ್ಯ ಕೂಡ ಪ್ರಾರಂಭವಾಯಿತು. ಕಾಂಕ್ರಿಟ್ ಮತ್ತು ಗ್ರಾನೈಟ್ನಿಂದ ನಿರ್ಮಿತವಾದ ಆಸರೆ ಕಂಬಗಳನ್ನು ಕೂಡಾ ಕಟ್ಟಲಾಯಿತು. ಅಲ್ಲದೆ ಕೋನಿಯ ಕಂಬಗಳನ್ನು ಅದರ ಎರಡೂ ಕಡೆಗಳಲ್ಲಿ ಕಟ್ಟಲಾಯಿತು.[18]
ಆಧಾರ ನೀಡುವ ಕೆಲಸಗಳು ಪೂರ್ಣಗೊಂಡಾಗ ಹಾರ್ಬರ್ನ ಎರಡೂ ಕಡೆಗಳಿಂದ ದೊಡ್ದ ಕ್ರೀಪರ್ ಕ್ರೇನ್ ಮೂಲಕ ಕಾರ್ಯವನ್ನು ಪ್ರಾರಂಭಿಸಲಾಯಿತು.[19] ಈ ಕ್ರೇನ್ಗಳನ್ನು ಕ್ರಾಡಲ್‌ನಿಂದ ಫಿಟ್ ಮಾಡಲಾಗಿತ್ತು ಮತ್ತು ಇದರ ಮೂಲಕ ಕಾರ್ಮಿಕರು ಮತ್ತು ಕಬ್ಬಿಣವನ್ನು ಕಮಾನು ನಿರ್ಮಾನಕ್ಕಾಗಿ ಸಾಗಿಸಲು ನೆರವಾಗುವಂತೆ ಮಾಡಲಾಯಿತು. ಕಮಾನುಗಳನ್ನು ನಿರ್ಮಿಸುವ ಕಾರ್ಯ ಸುಗಮವಾಗಿ ಸಾಗಲು ಎರಡೂ ದಡಗಳಲ್ಲಿರುವ ಸುರಂಗವನ್ನು ಕಾಲಿ ಮಾಡಲಾಯಿತು. ಅಲ್ಲದೆ ಈ ಸುರಂಗಗಳ ಮೂಲಕ ಕಬ್ಬಿಣದ ಕೇಬಲ್‌ಗಳನ್ನು ಮೇಲ್ಬಾಗಕ್ಕೆ ಹಾಯಿಸುವ ಮೂಲಕ ಫಿಕ್ಸ್ ಮಾಡಲಾಗುತ್ತಿತ್ತು. ಇದರಿಂದ ಅವುಗಳ ಎತ್ತರ ಹೆಚ್ಚಾದಂತೆ ಅವು ಭಾರದಿಂದ ಕೆಳಗೆ ಬೀಳದಂತೆ ತಡೆಯಲಾಗುತ್ತಿತ್ತು.[18]
ಕಮಾನು ನಿರ್ಮಾಣವು ೨೬ ಅಕ್ಟೋಬರ್ ೧೯೨೮ರಂದು ಪ್ರಾರಂಭವಾಯಿತು. ಸೇತುವೆಯ ದಕ್ಷಿಣ ತುದಿಯ ಸೇತುವೆಯನ್ನು ಉತ್ತರ ತುದಿಗೆ ತಲುಪುವಂತೆ ಕಟ್ಟಲು ಪ್ರಾರಂಭಿಸಲಾಯಿತು. ಯಾವುದೇ ರೀತಿಯ ತಪ್ಪು ಸಂಭವಿಸದಂತೆ ನೋಡಿಕೊಳ್ಳುವ ದೃಷ್ಟಿಯಿಂದ ಇದನ್ನು ಪ್ರಾರಂಭಿಸಲಾಯಿತು. ನಿರ್ಮಾಣಕಾರ್ಯ ಸಾಗಿದಂತೆ ಅದರ ಮೇಲೆ ಕ್ರೇನ್ ಮುಂದಿನ ಕೆಲಸಕ್ಕೆ ಅನುವಾಗುವಂತೆ ಹಾಗೂ ಮಧ್ಯದಲ್ಲಿ ಸೇರುವಂತೆ ನಿರ್ಮಾಣ ಕಾರ್ಯ ಪ್ರಾರಂಭವಾಯಿತು. ಎರಡು ವರ್ಷಗಳ ಅಂತರದಲ್ಲಿ, ಮಂಗಳವಾರ, ೧೯ ಆಗಸ್ಟ್ ೧೯೩೦ರಂದು ಎರಡೂ ಕಡೆಗಳಿಂದ ನಿರ್ಮಾಣವಾಗುತ್ತಿದ್ದ ಕಮಾನುಗಳು ಒಂದನ್ನೊಂದು ಸಂಧಿಸಿದವು. ಮೇಲ್ಬಾಗ ಮತ್ತು ಕೆಳಭಾಗವನ್ನು ಕೆಲಸಗಾರರು ಒಮ್ಮೆಲೆ ರಿವಿಟ್‍ನಿಂದ ಜೋಡಿಸಿದರು. ಇದರಿಂದ ಕಮಾನು ತನ್ನಷ್ಟಕ್ಕೆ ಆಧಾರವನ್ನು ಪಡೆದುಕೊಂಡ ನಂತರ ಕಬ್ಬಿಣದ ಕೇಬಲ್‌ಗಳನ್ನು ತೆಗೆಯಲಾಯಿತು. ಆಗಸ್ಟ್ ೨೦, ೧೯೩೦ರಂದು ಎರಡು ಕಮಾನುಗಳನ್ನು ಜೋಡಿಸುವ ಕಾರ್ಯವನ್ನು ಯುನೈಟೆಡ್ ಕಿಂಗ್‌ಡಮ್ ಮತ್ತು ಆಸ್ಟ್ರೇಲಿಯಾದ ಭಾವುಟಗಳನ್ನು ಹಾರಿಸುವ ಮೂಲಕ ಸಂಭ್ರಮದಿಂದ ಕೈಗೊಳ್ಳಲಾಯಿತು. (ಆಸ್ಟ್ರೇಲಿಯಾ ಆ ಸಮಯದಲ್ಲಿ ಹೆಚ್ಚಿನದಾಗಿ ಬ್ರಿಟೀಷ್ ಕಾಮನ್‌ವೆಲ್ತ್‌ಗೆ ಸೇರಿದ್ದಾಗಿತ್ತು.)[18]
ಕಮಾನು ಕಟ್ಟುವ ಕಾರ್ಯ ಒಮ್ಮೆ ಪೂರ್ಣಗೊಂಡನಂತರದಲ್ಲಿ ಕ್ರೇನ್‌ಗಳು ಕಮಾನಿನ ಕೆಳಭಾಗದಲ್ಲಿ ರಸ್ತೆ ಮತ್ತು ಇನ್ನುಳಿದ ಸೇತುವೆಯ ಕೆಳಭಾಗದ ಕೆಲಸ ಮಾಡಲು ಅನುವು ಮಾಡಿಕೊಡಲು ಪ್ರಾರಂಭಿಸಿದವು. ಲಂಬವಾದ ತೂಗು ಸೇತುವೆಯು ಕಮಾನಿಗೆ ಸೇರಿಕೊಂಡಿರುವುದಾಗಿತ್ತು ಮತ್ತು ಅಲ್ಲದೆ ಇವುಗಳನ್ನು ಕ್ರಾಸ್‌ಬೀಮ್‌ಗೆ ಸೇರಿಸಲಾಗಿತ್ತು. ರಸ್ತೆ ಸಂಚಾರಕ್ಕೆ ಮತ್ತು ರೈಲು ಸಂಚಾರಕ್ಕೆ ಹೆಚ್ಚಿನ ಸ್ಥಳವನ್ನು ಕ್ರಾಸ್‌ಬೀಮ್‌ಗಳ ಸಮೀಪ ನೀಡಲಾಗಿತ್ತು. ಜೂನ್ ೧೯೩೧ರ ಸಮಯದಲ್ಲಿ ಮೇಲ್ಚಾವಣಿಯ ಕೆಲಸ ಮುಕ್ತಾಯವಾಗಿತ್ತು. ತದನಂತರದಲ್ಲಿ ಕ್ರೀಪರ್ ಕ್ರೇನ್ಗಳನ್ನು ಕೆಳಕ್ಕಿಳಿಸಲಾಯಿತು. ಟ್ರೇನ್ ಮತ್ತು ಟ್ರಾಮ್‌ಗಳಿಗಾಗಿ ಹಳಿಯನ್ನು ಹಾಕಿಸಲಾಯಿತು. ರಸ್ತೆಯನ್ನು ಕಾಂಕ್ರೀಟ್ ಮತ್ತು ಆಸ್‌ಪಾಲ್ಟ್‌‍ನಿಂದ ನಿರ್ಮಿಸಲಾಯಿತು.[18] ವಿದ್ಯುತ್ ಮತ್ತು ಟೆಲೆಫೋನ್ ಲೈನ್‌ಗಳು, ನೀರು, ಗ್ಯಾಸ್ ಮತ್ತು ಡ್ರೈನೇಜ್ ಪೈಪ್‌ಗಳನ್ನು ಕೂಡ ೧೯೩೧ರ ಸಮಯದಲ್ಲಿ ಸೇತುವೆಗೆ ಅಳವಡಿಸಲಾಯಿತು.
೧೯೩೧ರಿಂದ ಜುಲೈನಿಂದ ಸಮರೋಪಾದಿಯಲ್ಲಿ ಸಾಗುತ್ತಿದ್ದ ನಿರ್ಮಾಣ ಕಾರ್ಯದಲ್ಲಿ ಆಧಾರ ಸ್ತಂಭ‌ಗಳ ಮೇಲ್ಭಾಗದಲ್ಲಿ ಗೋಪುರವನ್ನು ಕಟ್ಟಲಾಯಿತು. ಮರಗೆಲಸ ಮಾಡುವವರು ಕಾಂಕ್ರೀಟ್ ಮತ್ತು ಸಿಮೆಂಟ್‌ ಮಿಶ್ರಣವನ್ನು ಹಾಕಲು ಅಗತ್ಯವಾದ ಕಾರ್ಯಗಳನ್ನು ಮಾಡುತ್ತಿದ್ದರು. ಕಬ್ಬಿಣದ ಕೆಲಸದ ಗ್ಯಾಂಗರ್‌ಗಳು ಟವರ್‌ನ ಮೇಲ್ಬಾಗದಲ್ಲಿ ಕಬ್ಬಿಣದ ಕೆಲಸವನ್ನು ಮಾಡಲು ತೊಡಗಿದರು ಹಾಗೆಯೇ ದಿನಗೂಲಿ ನೌಕರರು ಗ್ರಾನೈಟ್ ಮತ್ತು ವೈರ್ ಬ್ರಶ್‌ಗಳನ್ನು ಕ್ಲೀನ್ ಮಾಡತೊಡಗಿದರು. ವಾಯುವ್ಯ ಭಾಗದ ಆಧಾರ ಸ್ತಂಭಕ್ಕೆ ಕೊನೆಯ ಕಲ್ಲನ್ನು ೧೫ ಜನವರಿ ೧೯೩೨ರಲ್ಲಿ ಕಟ್ಟಲಾಯಿತು ಮತ್ತು ಕ್ರೇನ್‌ಗಳಿಗೆ ಸಹಾಯ ಮಾಡಲು ಕಟ್ಟಿದ ಕಟ್ಟಿಗೆಯ ಗೋಪುರವನ್ನು ತೆಗೆದು ಹಾಕಲಾಯಿತು.[11][18]
ಜನವರಿ ೧೯, ೧೯೩೨ರಂದು ಮೊಟ್ಟಮೊದಲ ಉಗಿ ಇಂಜಿನ್‌ನ ಟ್ರೈನ್ ಸುರಕ್ಷಿತವಾಗಿ ಸೇತುವೆಯನ್ನು ದಾಟಿತು.[ಸೂಕ್ತ ಉಲ್ಲೇಖನ ಬೇಕು] ಫೆಬ್ರುವರಿ ೧೯೩೨ರಲ್ಲಿ ಅದರ ಭಾರ ತಡೆದುಕೊಳ್ಳುವ ಸಾಮರ್ಥ್ಯವನ್ನು ಪರೀಕ್ಷಿಸಲಾಯಿತು. ಇದಕ್ಕಾರಿ ಸುಮಾರು ೯೬ ಬಂಡಿಗಳ, ಸಂಪೂರ್ಣ ಭಾರವನ್ನೊಳಗೊಂಡ ಉಗಿಬಂಡಿಯನ್ನು ಪ್ರಾಯೋಗಿಕವಾಗಿ ಓಡಿಸಲಾಯಿತು. ಇದು ಯಶಸ್ವಿಯಾಗಿ ಆಚೆಯ ದಡವನ್ನು ಸೇರಿತು. ಸೇತುವೆಯು ಮೂರು ವಾರಗಳವರೆಗೆ ಪರೀಕ್ಷೆ ನಡೆಸಲಾಯಿತು. ಅದರ ನಂತರ ಸಾರ್ವಜನಿಕರ ಬಳಕೆಗೆ ಸೂಕ್ತ ಎಂದು ನಿರ್ಧರಿಸಲಾಯಿತು.[18] ಕೆಲಸಗಾರರಿಗಾಗಿ ನಿರ್ಮಿಸಲಾಗಿದ್ದ ಶೆಡ್‌ಗಳನ್ನು ಸೇತುವೆ ನಿರ್ಮಾಣದ ನಂತರ ಕೆಡವಲಾಯಿತು. ಈಗ ಈ ಜಾಗದಲ್ಲಿ ಈಗ ಲೂನಾ ಪಾರ್ಕ್‌ ನಿರ್ಮಿಸಲಾಗಿದೆ.
ಉದ್ಯಮಿಗಳು ನಿರ್ಮಾಣಕಾರ್ಯದಲ್ಲಿ ತೆಗೆದುಕೊಳ್ಳಬೇಕಾದ ಮುಂಜಾಗ್ರತೆ ಕ್ರಮಗಳನ್ನು ಗಮನಿಸಿದಾಗ ಈಗಿನ ಕ್ರಮಗಳಿಗೆ ಹೋಲಿಸಿದರೆ ಸಾಕಷ್ಟು ಇಲ್ಲವಾಗಿತ್ತು. ಕಟ್ಟಡ ನಿರ್ಮಾಣ ಕಾರ್ಯದ ಸಮಯದಲ್ಲಿ ಸುಮಾರು ಹದಿನಾರು ಕೆಲಸಗಾರರು ದುರ್ಮರಣ ಹೊಂದಿದ್ದರು.[20] ಆದರೆ ಇದರಲ್ಲಿ ಸೇತುವೆಯ ಮೇಲಿನಿಂದ ಬಿದ್ದು ಸತ್ತವರು ಕೇವಲ ಎರಡೇ ಜನ ಆಗಿದ್ದರು. ಹಲವಾರು ಜನ ಈ ಸುರಕ್ಷಿತವಲ್ಲದ ಕೆಲಸದಿಂದಾಗಿ ಗಾಯಗೊಂಡಿದ್ದರು. ಹಲವಾರು ಜನ ಭವಿಷ್ಯದಲ್ಲಿ ಕಿವುಡರಾಗಿದ್ದು ಇದೇ ನಿರ್ಮಾಣ ಕಾರ್ಯದಿಂದ ಎಂದು ಹೇಳಲಾಗುತ್ತದೆ. ಹೆನ್ರಿ ಮಲಾರ್ಡ್, ೧೯೩೦ರಿಂದ ೧೯೩೨ರವರೆಗೆ ಈ ಸೇತುವೆ ನಿರ್ಮಾಣದ ನೂರಾರು ಛಾಯಾಚಿತ್ರಗಳನ್ನು[21] ಮತ್ತು ಫಿಲ್ಮ್ ಫೂಟೇಜ್‌ ಅನ್ನು ತೆಗೆದ. ಇದು ತುರ್ತು ಪರಿಸ್ಥಿತಿಯಲ್ಲೂ ಕೂಡ ಹೇಗೆ ಕಾರ್ಯ ನಿರ್ವಹಿಸಿದರು ಎಂಬುದನ್ನು ತೋರ್ಪಡಿಸುತ್ತದೆ.[22]
ಒಟ್ಟಾರೆ ಈ ಸೇತುವೆಯ ಖರ್ಚು $೧೦ ಮಿಲಿಯನ್ ಆಗಿತ್ತು. (ಯೋಜನೆಯ ಮೂಲ ಬೆಲೆಗಿಂತ ಎರಡುಪಟ್ಟು ಹೆಚ್ಚು) ೧೯೮೮ರವರೆಗೆ ಇದನ್ನು ಸಂಪೂರ್ಣವಾಗಿ ಸಂದಾಯ ಮಾಡಲಾಗಿರಲಿಲ್ಲ.[ಸೂಕ್ತ ಉಲ್ಲೇಖನ ಬೇಕು]
ಸಾರ್ವಜನಿಕ ಉಪಯೋಗಕ್ಕೆ ಮುಕ್ತವಾದುದು
ಸೇತುವೆಯನ್ನು ಸಾರ್ವಜನಿಕ ಉಪಯೋಗಕ್ಕೆ ಮೊದಲು ೧೯ನೇ ಮಾರ್ಚ್ ೧೯೩೨ರಂದು ತೆರೆಯಲಾಯಿತು.[23] ಈ ಸಂದರ್ಭದಲ್ಲಿ ರಾಜ್ಯದ ಗವರ್ನರ್ , ಸಾರ್ವಜನಿಕ ಕಾರ್ಯ ಮಂತ್ರಿ ಸರ್.ಪಿಲಿಫ್ ಗೇಮ್, ಮತ್ತು ಎನ್ನಿಸ್ ಭಾಷಣ ಮಾಡಿದರು. ನ್ಯೂ ಸೌಥ್ ವೇಲ್ಸ್‌ನ ಲೆಬರ್ ಪ್ರಿಮಿಯರ್ ಜಾಕ್‌ ಲಾಂಗ್ ಸೇತುವೆಯನ್ನು ರಿಬ್ಬನ್ ತುಂಡು ಮಾಡುವ ಮೂಲಕ ದಕ್ಷಿಣ ಭಾಗದ ಉದ್ಘಾಟನೆ ಮಾಡಿದನು.
ಲಾಂಗ್ ರಿಬ್ಬನ್ ಕತ್ತರಿಸಿ ಸೇತುವೆಯನ್ನು ಸಾರ್ವಜನಿಕರ ಉಪಯೋಗಕ್ಕೆ ಮುಕ್ತಗೊಳಿಸುತ್ತಿದ್ದಂತೆ ಅತ್ತಕಡೆಯಿಂದ ಮಿಲಿಟರಿ ಯುನಿಫಾರ್ಮ್‌ನಲ್ಲಿ ಕುದುರೆಯ ಮೇಲೆ ತನ್ನ ಕತ್ತಿಯನ್ನು ಝಳಪಿಸುತ್ತ ಸಿಡ್ನಿ ಹಾರ್ಬರ್ ಸೇತುವೆಯನ್ನು ಮುಕ್ತಗೊಳಿಸುತ್ತ ನ್ಯೂಸೌತ್ ವೇಲ್ಸ್ ಜನರಿಗೆ ಶುಭಹಾರೈಸಿದನು. ಸರ್ಕಾರಿ ಕಾರ್ಯಕ್ರಮ ಪ್ರಾರಂಭವಾಗುವ ಮೊದಲೇ ಅಪರಿಚಿತ ವ್ಯಕ್ತಿ ಹೀಗೆ ಮಾಡಿದ್ದರಿಂದ ಅವನನ್ನು ಬಂಧಿಸಲಾಯಿತು.[24] ರಿಬ್ಬನ್ ಅನ್ನು ಗಡಿಬಿಡಿಯಲ್ಲಿ ಮತ್ತೆ ಮರುಜೋಡಿಸುವ ಮೂಲಕ ವಿಧ್ಯುಕ್ತವಾಗಿ ಉದ್ಘಾಟನೆಯನ್ನು ಮಾಡಲಾಯಿತು. ಅವನು ಈ ರೀತಿ ಮಾಡಿದ ನಂತರದಲ್ಲಿ ೨೧-ಗನ್‌ಗಳ ಸೆಲ್ಯೂಟ್‌ ಗೌರವ ನೀಡಲಾಯಿತು. ಮತ್ತಿ ಆ‌ರ್‌ಎ‌ಎ‌ಎಫ್‌ನ ಹಾರಾಟವನ್ನು ಗೌರವವಾಗಿ ನೀಡಲಾಯಿತು. ಈ ಕಾರ್ಯಕ್ರಮಕ್ಕೆ ಸಮಸ್ಯೆ ಮಾಡಿದವನನ್ನು ಫ್ರಾನ್ಸಿಸ್ ಡೆ ಗ್ರೂಟ್‌. ಅವನಿಗೆ ಅನುಚಿತ ವರ್ತನೆಗಾಗಿ £೫ ದಂಡವನ್ನು ಹಾಕಲಾಯಿತು ಅಲ್ಲದೆ ಮನೋರೋಗ ಚಿಕಿತ್ಸೆಯನ್ನು ನೀಡಲಾಯಿತು. ಅವನು ನ್ಯೂ ಗಾರ್ಡ್ ಪ್ಯಾರಾಮಿಲಿಟರಿ ಗುಂಪಿನ ಸದಸ್ಯನಾಗಿದ್ದ. ಲಾಂಗ್‌ನ ಎಡಪಂತೀಯ ವಿಚಾರದಾರೆಗಳಿಗೆ ಈತ ವಿರುದ್ದವಾಗಿದ್ದನು. ಅಲ್ಲದೆ ಶ್ರೀಮಂತ ಕುಟುಂಬದ ಸದಸ್ಯರು ಇದನ್ನು ಉದ್ಘಾಟನೆ ಮಾಡುವುದನ್ನು ಆತ ವಿರೋಧಿಸಿದ್ದನು.[24] ಡೆ ಗ್ರೂಟ್‌ ಆರ್ಮಿಯ ಖಾಯಂ ಸದಸ್ಯನಾಗಿರಲಿಲ್ಲ. ಆದರೆ ಅವನ ಸೈನ್ಯದ ಸಮವಸ್ತ್ರವು ಇವನನ್ನು ಎಲ್ಲರೂ ಮೋಸಹೋಗುವಂತೆ ಮಾಡಿತ್ತು. ಲಾಂಗ್ ಮತ್ತು ನ್ಯೂ ಗಾರ್ಡ್‌ನ ನಡುವೆ ನಡೆದ ಹಲವಾರು ಘಟನೆಗಳಲ್ಲಿ ಒಂದಾಗಿತ್ತು.
ಉತ್ತರದ ಕಡೆ ಇದೇ ರೀತಿಯ ಉದ್ಘಾಟನಾ ಸಮಾರಂಭವು ನಡೆಯಿತು. ಅಲ್ಲಿ ಮೇಯರ್ ಆಲ್ಡರ್‌ಮನ್ ಪ್ರೈಮ್‌ರೋಸ್ ಈ ಕಾರ್ಯವನ್ನು ಮಾಡಿದನು. ಕೊನೆಗೆ ತಿಳಿದು ಬಂದ ವಿಷಯವೇನೆಂದರೆ ಪ್ರೈಮ್‌ರೋಸ್ ಕೂಡಾ ನ್ಯೂ ಗಾರ್ಡ್ ತಂಡದ ಸದಸ್ಯನಾಗಿದ್ದ ಆದರೆ ಗ್ರೂಟ್‌ನ ಘಟನೆಯಲ್ಲಿ ಈತನ ಪಾತ್ರ ಎಷ್ಟು ಎಂಬುದು ಇನ್ನುವರೆಗೂ ತಿಳಿದುಬಂದಿಲ್ಲ.[ಸೂಕ್ತ ಉಲ್ಲೇಖನ ಬೇಕು] ಎರಡು ಬಂಗಾರದ ಕತ್ತರಿಗಳನ್ನು ಎರಡೂ ಕಡೆಯ ಉದ್ಘಾಟನಾ ರಿಬ್ಬನ್ ಅನ್ನು ತುಂಡು ಮಾಡಲು ಬಳಸಲಾಯಿತು. ಅಲ್ಲದೆ ಇದನ್ನೇ ಬೇಯಾನ್ ಬ್ರಿಡ್ಜ್ ಅನ್ನು ಉದ್ಘಾಟಿಸಲು ಬಳಸಲಾಗಿತ್ತು. ನ್ಯೂಯಾರ್ಕ್ ಸಿಟಿಯ ಬೆಯಾನ್ ಎನ್‌ಜೆಯಲ್ಲಿ ಒಂದು ವರ್ಷದ ಮೊದಲು ಈ ಉದ್ಘಾಟನೆಯನ್ನು ನೆರವೇರಿಸಲಾಗಿತ್ತು.[25][26]
ಮಹಾಕುಸಿತದ ನಡುವೆ ನಡೆದ ಈ ಸೇತುವೆಯ ಉದ್ಘಾಟನೆಯು ದಾರಾಳತೆಯಿಂದ ಕೂಡಿತ್ತು. ಇದು ಹಲವಾರು ಸೈನಿಕರ ಗುಂಪು, ಪ್ರಯಾಣಿಕರ ಹಡಗಿನ ಪ್ರಯಾಣ ಹಾಗೂ ವೆನಿಸ್‌ನ ಹಬ್ಬಗಳನ್ನು ಮಾಡುವ ಉದ್ದೇಶ ಹೊಂದಿತ್ತು.[16] ನ್ಯೂಸೌತ್ ವೇಲ್ಸ್‌ನ ಹಳ್ಳಿ ಟೊಟ್ಟೆಹಾಮ್‌ನ ಒಂದು ಪ್ರಾಥಮಿಕ ಶಾಲೆಯಿಂದ ಸೇತುವೆಯು ಸಾರ್ವಜನಿಕರ ಉಪಯೋಗಕ್ಕೆ ಮುಕ್ತವಾದುದನ್ನು ತಿಳಿಸುವ ಬ್ಯಾನರ್ ಹಿಡಿದುಕೊಂಡು ಜಾತಾ ಹೊರಡಿಸಲಾಯಿತು.515 km (320 mi) ಇದನ್ನು ಟೊಟ್ಟೆನ್‌ಹ್ಯಾಮ್‌ನ ಸುತ್ತ ಮೆರವಣಿಗೆಯಲ್ಲಿ ತೆಗೆದುಕೊಂಡು ಹೋಗಲಾಯಿತು. ಅಲ್ಲದೆ ಸೇತುವೆಯ ಮೇಲೆ ಶಾಲಾ ಮಕ್ಕಳ ಮೆರವಣಿಗೆ ನಡೆಸಲಾಯಿತು. ಕೊನೆಯ ಓಟವನ್ನು ಅಲ್ಲೇ ಹತ್ತಿರದ ಫೋರ್ಟ್ ಸ್ಟ್ರೀಟ್ ಬಾಯ್ಸ್ ಮತ್ತು ಹೆಣ್ಣು ಮಕ್ಕಳ ಶಾಲೆಯಿಂದ ಇಬ್ಬರು ಶಾಲಾ ಮಕ್ಕಳಿಂದ ನಡೆಸಲಾಯಿತು. ವಿದ್ಯುಕ್ತ ಉದ್ಘಾಟನಾ ಕಾರ್ಯಕ್ರಮ ಮುಗಿದ ನಂತರದಲ್ಲಿ ಸಾರ್ವಜನಿಕರಿಗೆ ಈ ಸೇತುವೆಯ ಸುತ್ತ ಸಂಚರಿಸಲು ಅದನ್ನು ವೀಕ್ಷಿಸಲು ಅವಕಾಶ ನೀಡಲಾಯಿತು. ೫೦ನೇ ವರ್ಷದ ಸಂಭ್ರಮಾಚರಣೆಯವರೆಗೂ ಈ ಸಂಪ್ರದಾಯವನ್ನು ಮಾಡಲಾಗಿರಲಿಲ್ಲ. ಐವತ್ತನೇಯ ವರ್ಷದ ಸಂಭ್ರಮಾಚರಣೆಯ ನಂತರ ಇದನ್ನು ಮತ್ತೆ ನಡೆಸಲಾಯಿತು.[16] ಸುಮಾರು ೩೦೦,೦೦೦ದಿಂದ ಒಂದು ಮಿಲಿಯನ್ ಜನರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.[16] ಅಂದು ನೀಡಿರುವ ಅಂಕಿಅಂಶದ ಪ್ರಕಾರ ಅದು ಸಂಪೂರ್ಣ ಸಿಡ್ನಿಯ ಜನಸಂಖ್ಯೆಯನ್ನು ಪ್ರತಿನಿಧಿಸುತ್ತದೆ. ಈ ಸಮಯದಲ್ಲಿ ಒಂದು ಮಿಲಿಯುನ್‌ಗಿಂತ ಸ್ವಲ್ಪ ಹೆಚ್ಚು ಜನಸಂಖ್ಯೆ ಇದ್ದಿರಬಹುದೆಂದು ಅಂದಾಜಿಸಲಾಗಿದೆ.
ಈ ಸಮಾರಂಭಕ್ಕಾಗಿ ಸಾಕಷ್ಟು ಪ್ರಾಥಮಿಕ ತಯಾರಿಗಳನ್ನು ಮಾಡಿಕೊಳ್ಳಲಾಗಿತ್ತು. ಮಾರ್ಚ್ ೧೪, ೧೯೩೨ರಂದು ಮೂರು ಅಂಚೆ ಸ್ಟ್ಯಾಂಪ್‌ಗಳನ್ನು ಈ ಸೇತುವೆಯ ಉದ್ಘಾಟನೆಯ ಕುರಿತು ಬಿಡುಗಡೆ ಮಾಡಲಾಯಿತು. ಈ ಸ್ಟ್ಯಾಂಪ್‌ನ ಮುಖಬೆಲೆ ಒಂದು ಶಿಲ್ಲಾಂಗ್‌ನಷ್ಟಿತ್ತು.[ಸೂಕ್ತ ಉಲ್ಲೇಖನ ಬೇಕು] ಹಲವಾರು ಹಾಡುಗಳನ್ನೂ ಕೂಡ ಈ ಕುರಿತು ರಚಿಸಲಾಗಿತ್ತು.
ಆರ್ಥಿಕ ಕುಸಿತದ ಆ ಸಮಯದಲ್ಲಿ ಸೇತುವೆ ನಿರ್ಮಾಣವೇ ಒಂದು ಮಹತ್ಸಾದನೆಯಾಗಿತ್ತು. ಆರ್ಥಿಕ ಕುಸಿತದ ಸಮಯದಲ್ಲಿ ಜನರಿಗೆ ಕೆಲಸ ನೀಡಿದ ಈ ಸೇತುವೆಯನ್ನು ಕಬ್ಬಿಣದ ಶ್ವಾಸಕೋಶ (ಐರನ್ ಲಂಗ್‍ ) ಎಂದು ಕರೆಯಲಾಗುತ್ತಿತ್ತು. [ಸೂಕ್ತ ಉಲ್ಲೇಖನ ಬೇಕು]
ರಸ್ತೆ ಸಾರಿಗೆ
ಸಿಡ್ನಿಯ CBD ಭಾಗದಿಂದ ದ್ವಿಚಕ್ರ ವಾಹನಗಳು ಪ್ರವೇಶಿಸಲು ಸಾಮಾನ್ಯವಾಗಿ ಗ್ರೊಸ್‌ವೆನರ್‌ ಸ್ಟ್ರೀಟ್, ಕ್ಲಾರೆನ್ಸ್‌ ಸ್ಟ್ರೀಟ್, ಕೆಂಟ್‌ ಸ್ಟ್ರೀಟ್, ಚಾಹಿಲ್‌ ನಗರದ ಮೋಟಾರುದಾರಿ ಅಥವಾ ಪಾಶ್ಚಿಮಾತ್ಯ ಕೂಡುದಾರಿಗಳ ಮೂಲಕ ಅನುಮತಿ ನೀಡಲಾಗಿತ್ತು. ಉತ್ತರ ದಿಕ್ಕಿನಿಂದ ಬರುವ ಚಾಲಕರು ವಾರಿಂಗಾದ ಮುಕ್ತಮಾರ್ಗವನ್ನು ಅವರೇ ಕಂಡುಕೊಳ್ಳುತ್ತಿದ್ದರು,ಇದರಿಂದಾಗಿ ಉತ್ತರ ಸಿಡ್ನಿಗೆ ಹೋಗುವ ಸಲುವಾಗಿ ಪಶ್ಚಿಮ ದಿಕ್ಕಿಗೂ ಅಥವಾ ತಟಸ್ತ ಕಡಲ ತೀರಕ್ಕೆ ಹೋಗಲು ಪೂರ್ವದಿಕ್ಕಿಗೆ ಹೋಗುವ ಸಲುವಾಗಿಯೂ ಮತ್ತು ಉತ್ತರ ದಿಕ್ಕಿನಿಂದ ಆಗಮಿಸುತ್ತಿರುವ ವಾಹನಗಳನ್ನು ದಾಟಿ ಸಾಗುವುದು ಸುಲಭವಾಗಿದೆ.
ಸೇತುವೆಯು ಪ್ರಾರಂಭವಾದ ಸ್ವಲ್ಪ ದಿನದಲ್ಲಿ ತೆಗೆದ ಚಾಯಾಚಿತ್ರದಲ್ಲಿ ಸ್ಟಷ್ಟವಾಗಿ ಕಾಣಿಸುವ,ಮೂಲದಲ್ಲಿ ಈ ಸೇತುವೆಯು ನಾಲ್ಕು ಅಗಲವಾದ ಮಾರ್ಗಗಳನ್ನು ಮಧ್ಯದಲ್ಲಿ ಹೊಂದಿದ್ದು ಈಗ ಅವು ಆರು ಮಾರ್ಗಗಳನ್ನು ಹೊಂದಿವೆ. ೧೯೫೮ರಲ್ಲಿ ರಸ್ತೆ ರೈಲುಬಂಡಿಗಳ ಸಂಚಾರವನ್ನು ಸ್ಥಗಿತಗೊಳಿಸಿ ಮತ್ತೆರಡು ಮಾರ್ಗಗಳನ್ನು ಜೋಡಿಸಲಾಯಿತು. ಆ ಎರಡು ರಸ್ತೆಮಾರ್ಗಗಳು ಸೇತುವೆಯ ಪೂರ್ಣ ಎಡಭಾಗದಲ್ಲಿದ್ದು ಉಳಿದ ಆರುಮಾರ್ಗಗಳ ಸೇತುವೆಯಿಂದ ಇದನ್ನು ಬೇರ್ಪಡಿಸಿ ನೋಡಬಹುದಾಗಿದೆ. ಈಗ ಏಳು ಮತ್ತು ಎಂಟನೇ ಮಾರ್ಗಗಳು ಚಾಹಿಲ್‌ ಮುಕ್ತಮಾರ್ಗದೊಂದಿಗೆ ಈಸ್ಟರ್ನ್‌ ಡಿಸ್ಟ್ರಬ್ಯೂಟರ್ಸ್‌‌ನೊಂದಿಗೆ ಒಂದುಗೂಡಿಸುತ್ತದೆ.
೧೯೮೮ರಲ್ಲಿ ಸೇತುವೆಗೆ ಪೂರಕವಾಗಿ ಸುರಂಗವೊಂದನ್ನು ಕೊರೆಯಲು ಪ್ರಾರಂಭಮಾಡಲಾಯಿತು. ಇದಕ್ಕೆ ಕಾರಣವೆಂದರೆ ೧೯೮೦ರಲ್ಲಿ ಆದ ಜನದಟ್ಟಣೆಯಿಂದಾಗಿ ಈ ಸೇತುವೆಯು ಬಹಳಕಾಲ ಬಾಳಿಕೆ ಬರಲಾರದು ಎಂದು ಅಂದಾಜಿಸಲಾಗಿತ್ತು. ಸಿಡ್ನಿ ಹಾರ್ಬರ್ ಸುರಂಗವು ಅಗಸ್ಟ್‌ ೧೯೯೨ರಲ್ಲಿ ಮುಕ್ತಾಯವಾಯಿತು. ಮತ್ತು ಇದು ಕೇವಲ ದ್ವಿಚಕ್ರ ವಾಹನ ಚಾಲಕರಿಗೆ ಮಾತ್ರ ಮೀಸಲಾಗಿತ್ತು.
ಬ್ರಾಡ್‌ಪಿಲ್ಡ್‌ ಹೆದ್ದಾರಿಯನ್ನು ಟ್ರಾವೆಲಿಂಗ್ ಸ್ಟಾಕ್ ರೂಟ್‌ ಎಂದು ಕರೆಯಲಾಗುತ್ತಿತ್ತು. ಅಂದರೆ ಈ ಮಾರ್ಗದ ಮೂಲಕ ಅತ್ಯಂತ ಭಾರವಾದ ವಸ್ತುಗಳನ್ನು ಸಾಗಿಸಬುದಾಗಿತ್ತಾರೂ ಅದು ಕೇವಲ ಮಧ್ಯರಾತ್ರಿಯಿಂದ ಬೆಳಗು ಹರಿಯುವ ವೇಳೆಯವರೆಗೆ ಮಾತ್ರ ಅನುಮತಿ ನೀಡಲಾಗಿತ್ತು. ನಂತರ ಒಯ್ಯಲೇ ಬೇಕಾದ ಸಂದರ್ಭದಲ್ಲಿ ಕಾರಣನೀಡಬೇಕಿತ್ತು. ಅತಿಯಾದ ನಾಗರೀಕತೆಯು ಸಿಡ್ನಿಯಲ್ಲಿ ಬೆಳೆದಿದ್ದರಿಂದಾಗಿ ಮತ್ತು ಕಾಸಾಯಿಕಾರ್ಖಾನೆಗಳು ಮತ್ತು ಮಾರುಕಟ್ಟೆಗಳ ಸ್ಥಳಬದಲಾವಣೆಯಿಂದಾಗಿ ಅರ್ಧಶತಮಾನಗಳಷ್ಟು ಕಾಲವೂ ಕೂಡ ಈ ಪದ್ಧತಿಯು ರೂಢಿಯಲ್ಲಿರಲಿಲ್ಲ.
ವಾಹನ ಸಂಚಾರದ ಏರಿಳಿತ
ಈ ಸೇತುವೆಯನ್ನು ಏರಿಳಿತವನ್ನು ತಡೆದುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿತ್ತು. ಮತ್ತು ಬೆಳಿಗ್ಗೆ ಮತ್ತು ಸಂಜೆಯ ಸಮಯದ ಅತಿಹೆಚ್ಚು ಜನಸಂದಣಿಯ ಸಮಯದಲ್ಲಿ ತನ್ನ ಸ್ಥಿತಿತ್ವವನ್ನು ಕಾಯ್ದುಕೊಂಡು ಜನಸಂದಣಿಗೂ ತೊಂದರೆಯಾಗದಂತೆ ತಡೆದುಕೊಳ್ಳುವ ಶಕ್ತಿಯನ್ನು ಹೊಂದಿರುವಂತೆ ವಿನ್ಯಾಸಗೊಳಿಸಲಾಗಿತ್ತು.
ಈ ಸೇತುವೆಯು ಒಟ್ಟಾರೆ ಎಂಟು ಮಾರ್ಗಗಳನ್ನು ಹೊಂದಿದೆ. ಒಂದನೇ ಮಾರ್ಗವು ಪಶ್ಚಿಮದಿಂದ ಪೂರ್ವಕ್ಕೆ ಸಂದಿಸುತ್ತದೆ. ಮೂರು, ನಾಲ್ಕು, ಮತ್ತು ಐದನೇ ಮಾರ್ಗಗಳು ವಿರುದ್ದದಿಕ್ಕಿನಲ್ಲಿವೆ. ಒಂದು ಮತ್ತು ಎರಡನೇ ಮಾರ್ಗಗಳು ಯಾವಾಗಲು ಉತ್ತರದಿಕ್ಕಿಗೆ ಸಾಗುವವರಿಗೆ ಮೀಸಲಾಗಿದೆ. ಆರು ಏಳು ಮತ್ತು ಎಂಟನೇ ಮಾರ್ಗಗಳು ಯಾವಾಗಲೂ ದಕ್ಷಿಣ ದಿಕ್ಕಿಗೆ ಸಾಗುವವರಿಗೆ ಮೀಸಲಾಗಿದೆ. ಎರಡೂ ದಿಕ್ಕಿಗೂ ನಾಲ್ಕು ಮಾರ್ಗಗಳನ್ನು ಅನುಮತಿಸಲಾಗಿದೆ. ಬೆಳಿಗ್ಗೆಯ ಜನಜಂಗುಳಿಯ ಸಂದರ್ಭದಲ್ಲಿ ಮಾರ್ಗಗಳು ತೆಗೆದುಕೊಳ್ಳುವ ಬದಲಾವಣೆಯನ್ನು ವಾರಿಂಗಾ ಮುಕ್ತಮಾರ್ಗವೂ ತೆಗೆದುಕೊಳ್ಳಬೇಕಾಗುತ್ತವೆ ಆದ್ದರಿಂದ ಪಶ್ಚಿಮ ಭಾಗದ ಮಾರ್ಗಗಳಿಗೆ ದಕ್ಷಿಣಭಾಗದ ಮೂರು ಮತ್ತು ನಾಲ್ಕನೇ ಮಾರ್ಗಗಳಿಗೆ ಸಂಪರ್ಕವನ್ನು ಕಲ್ಪಿಸಲಾಗುತ್ತದೆ.
ವಾಹನಗಳಿಗೆ ಯಾವ ದಿಕ್ಕಿನಲ್ಲಿ ಸಾಗಬೇಕೆಂದು ಸೂಚಿಸುವ ಸಲುವಾಗಿ ಈ ಸೇತುವೆಯು ನಾಗಾಲುಪೀಠಗಳ ಶ್ರೇಣಿಗಳನ್ನು ಒಳಗೊಂಡಿವೆ. ಒಂದು ಹಸಿರು ಬಾಣದಗುರುತು ಕೆಳಮುಖವಾಗಿದ್ದರೆ ಆ ಮಾರ್ಗದಲ್ಲಿ ಚಲಿಸಬಹುದು ಎಂಬ ಸೂಚನೆಯನ್ನು ನೀಡುತ್ತದೆ. ಕೆಂಪು ಬಣ್ಣದಲ್ಲಿ 'X’ಚಿನ್ಹೆಯಿದ್ದರೆ ಆ ಮಾರ್ಗವು ಮುಚ್ಚಿದೆ ಎಂದು ಸೂಚಿಸುತ್ತದೆ. ಆದರೆ ಈಗಲೂ ಕೂಡ ಈ ಚಿನ್ಹೆಯು ಬೇರೆ ದಿಕ್ಕಿನಲ್ಲಿ ಹೋಗುವಂತೆ ಸೂಚಿಸುವುದಿಲ್ಲ. ದಪ್ಪನೆಯ ಕೆಂಪುಬಣ್ಣದಲ್ಲಿ 'X' ಚಿನ್ಹೆಯಿದ್ದರೆ ಅದು ಮುಂದಿನಿಂದ ಆಗಮಿಸುತ್ತಿರುವ ಜಂಗುಳಿಗಾಗಿ ಕಾಯ್ದಿರಿಸಲಾಗಿದೆ ಎಂದು ಸೂಚಿಸುತ್ತದೆ.ಕೈಯಿಂದ ಹೋಗುವ ಮಾರ್ಗವನ್ನು ಸೂಚಿಸುವ ವಿಧಾನಕ್ಕೆ ಬದಲಾಗಿ ಈ ಒಪ್ಪಂದವು ೧೯೯೦ರಲ್ಲಿ ಜಾರಿಗೆ ಬಂದಿತು.
ರಾತ್ರಿ ವೇಳೆಯಲ್ಲಿ ಅಸಹಜವಾದ ಓಡಾಟದ ಕ್ರಮವನ್ನು ನೋಡಬಹುದಾಗಿದ್ದು ಕೆಲವು ಮಾರ್ಗಗಳು ನಿರ್ವಹಣೆಯ ಸಂದರ್ಭದಲ್ಲಿ ಸಂಪೂರ್ಣವಾಗಿ ಮುಚ್ಚಿರುತ್ತದೆ. ಆದರೆ ಈ ರೀತಿಯಲ್ಲಿ ಮಧ್ಯರಾತ್ರಿಯಲ್ಲಿ ಅಥವಾ ಬೆಳಗಿನ ಜಾವದಲ್ಲಿ ಮುಚ್ಚಿರುತ್ತದೆ. ಕಾರಣವೆಂದರೆ ಉಳಿದ ಸಂದರ್ಭಗಳಲ್ಲಿ ವಾಹನಗಳು ಹೊರಗಡೆ ತುಂಬ ದಟ್ಟಣೆಯಿಂದ ಕೂಡಿರುತ್ತದೆ.
ಸುಂಕ
ಈ ಮಾರ್ಗಗಳು ಸುಂಕದ ಆಧಾರದ ಮೇಲೆ ನಡೆಯುತ್ತಿವೆ. ೨೦೦೯ ಜನವರಿ ೨೭ರಿಂದ ದಕ್ಷಿಣ ದಿಕ್ಕಿನ CBDಯಡಿಯಲ್ಲಿ ಬೇರೆ ಬೇರೆ ವಾಹನಗಳಿಗೆ ಬೇರೆ ಬೇರೆ ರೀತಿಯ ಸುಂಕವನ್ನು ನಿಗದಿಪಡಿಸಿ ಪಡೆಯಲಾಗುತ್ತಿದೆ. ಸುಂಕವು ದಿನದ ಯಾವ ಸಮಯದಲ್ಲಿ ವಾಹನವು ಸೇತುವೆಯನ್ನು ದಾಟಿದೆಯೋ ಅದನ್ನು ಆಧರಿಸಿರುತ್ತದೆ. ಸುಂಕವು $೨.೫೦ರಿಂದ $೪ವರೆಗೆ ಬೇರೆ ಬೇರೆ ರೀತಿಯಲ್ಲಿರುತ್ತದೆ.[27] ಉತ್ತರದಲ್ಲಿರುವ ಮಾರ್ಗಕ್ಕೆ ಯಾವುದೇ ಶುಲ್ಕವನ್ನು ತೆಗೆದುಕೊಳ್ಳಲಾಗುವುದಿಲ್ಲ.(ಉತ್ತರಕ್ಕೆ ಚಲಿಸುವ ಬಾಡಿಗೆ ವಾಹನಗಳಲ್ಲಿ ಪ್ರಯಾಣಿಕರಿಂದ ವಾಹನ ನಿರ್ವಾಹಕರು ಸುಂಕವನ್ನು ಕಲೆಹಾಕಿಕೊಳ್ಳಬಹುದಾಗಿದ್ದು ತಿರುಗಿ ಬರುವಾಗ ಸುಂಕವನ್ನು ನೀಡುವುದು ಅನಿವಾರ್ಯವಾಗಿದೆ) ಉತ್ತರ ಮತ್ತು ದಕ್ಷಿಣ ತುದಿಗಳಲ್ಲಿ ಸುಂಕವನ್ನು ವಸೂಲಿಮಾಡುವ ಕಛೇರಿಗಳಿವೆ. ಎರಡು ಪಶ್ಚಿಮ ಮಾರ್ಗಗಳಲ್ಲಿ(ಚಾಹಿಲ್‌ ಎಕ್ಸ್‌ಎಕ್ಸ್‌ಪ್ರೆಸ್‌ವೆ ದೊಂದಿಗೆ ಮುಂದುವರಿಯುತ್ತದೆ) ಉತ್ತರದ ತುದಿಯಲ್ಲಿ ಸುಂಕದ ಕಛೇರಿಗಳನ್ನು ಹೊಂದಿವೆ. ಇನ್ನೊಂದು ದಕ್ಷಿಣಾಭಿಮುಖವಾದ (CBDರಸ್ತೆಗೆ)ರಸ್ತೆಯಲ್ಲಿ ಸೇತುವೆಯ ದಕ್ಷಿಣದ ಕೊನೆಯ ಭಾಗದಲ್ಲಿ ಸುಂಕ ವಸೂಲಿ ಕೇಂದ್ರವನ್ನು ಹೊಂದಿದೆ. ಆರು ಮತ್ತು ಏಳನೇ ಮಾರ್ಗಗಳು ಈಗಾಗಲೇ ಸುಂಕವನ್ನು ನೀಡಿದ(ಉತ್ತರದ ತುದಿಯಲ್ಲಿ) ಮತ್ತು ದಕ್ಷಿಣದ ತುದಿ(ಮುಂದೆ ಸುಂಕವನ್ನು ನೀಡಬೇಕಾದ) ವಾಹನಗಳನ್ನು ಬೇರ್ಪಡಿಸುವ ಸಲುವಾಗಿ ಉದ್ದನೆಯ ಅಂತರವನ್ನು ಹೊಂದಿದೆ.
ಸೇತುವೆಯನ್ನು ಕಟ್ಟಿದ ವೆಚ್ಚವನ್ನು ಭರಿಸುವ ಸಲುವಾಗಿ ಸುಂಕವಸೂಲಿಕೆಂದ್ರಗಳನ್ನು ಎಲ್ಲ ಮಾರ್ಗಗಳ ಎರಡೂ ತುದಿಯಲ್ಲಿಯೂ ಇರಿಸಲಾಗಿದೆ. ಇದನ್ನು ಕಟ್ಟಿದ ವೆಚ್ಚವು ೧೯೮೦ರಲ್ಲೇ ವಸೂಲಿಯಾಗಿದ್ದರೂ ಸಿಡ್ನಿ ಹಾರ್ಬರ್ ಸುರಂಗವನ್ನು ಕೊರೆದ ವೆಚ್ಚವನ್ನು ಭರಿಸುವ ಸಲುವಾಗಿ ಅಲ್ಲಿನ ರಾಜ್ಯ ಸರ್ಕಾರದ "ರೋಡ್ಸ್ ಎಂಡ್‌ ಟ್ರಾಫಿಕ್ ಆಥಾರಿಟಿ"ಯವರು ಶುಲ್ಕವನ್ನು ಹಾಗೆಯೇ ಇರಿಸಿದ್ದಾರೆ(ನಿಜವಾಗಿ ಹೇಳಬೇಕೆಂದರೆ ಹೆಚ್ಚಿಸಲಾಗಿದೆ).
೧೯೮೦ರ ದಶಕದ ಪ್ರಾರಂಭದಲ್ಲಿ ಸಿಡ್ನಿ ಹಾರ್ಬರ್ ಸುರಂಗವನ್ನು ಕೊರೆಯುವ ಯೋಜನೆಯನ್ನು ಹಾಕಿಕೊಂಡ ನಂತರ ಸುರಂಗದ ನಿರ್ಮಾಣ ವೆಚ್ಚಕ್ಕಾಗಿ ಶುಲ್ಕವನ್ನು (೨೦ ಸೆಂಟ್‌ಗಳಿಂದ $೧ಗೆ, ನಂತರ $೧.೫೦ಗೆ, ಮತ್ತು ಕೊನೆಯದಾಗಿ ಸುರಂಗವು ಪ್ರಾರಂಭವಾಗುವ ಸಂದರ್ಭದಲ್ಲಿ $೨ಗೆ) ಏರಿಸಲಾಯಿತು. ಸುರಂಗಮಾರ್ಗವೂ ಕೂಡ ಅದರ ದಕ್ಷಿಣ ತುದಿಯಲ್ಲಿ, ಪ್ರಾರಂಭಿಕವಾಗಿ $೨ರಷ್ಟು ಶುಲ್ಕವನ್ನು ಹೊಂದಿತ್ತು. $೧ಗೆ ಶುಲ್ಕವನ್ನು ಏರಿಸಿದ ನಂತರ ಜೆಲ್ಲಿಗಾರೆಗಳಿಂದ ಕೂಡಿದ ಕಂಬಿಗಳನ್ನು ಬ್ರಾಡ್‌ ಫಿಲ್ಡ್‌ ಹೆದ್ದಾರಿಯು ಚಾಹಿಲ್‌ ಎಕ್ಸ್‌ಪ್ರೆಸ್‌ ಮಾರ್ಗದಿಂದ ಬೇರ್ಪಡುವ ಸ್ಥಳದಲ್ಲಿ ಏತ್ತರಿಸಲಾಯಿತು. ಇದರ ಉದ್ದೇಶವೆಂದರೆ ಆರು ಮತ್ತು ಏಳನೇ ರಸ್ತೆಗಳಿಂದ ಬರುವ ಸಂಚಾಲಕರು ಬಹಳಷ್ಟು ಸಂಖ್ಯೆಯಲ್ಲಿ ಅನಧಿಕೃತವಾಗಿ ಶುಲ್ಕವನ್ನು ತಪ್ಪಿಸಿಕೊಳ್ಳುವ ದೃಷ್ಠಿಯಿಂದ ಬರುವುದನ್ನು ತಡೆಗಟ್ಟುವುದಾಗಿತ್ತು. ಮಾರ್ಚ್ ೨೦೦೪ರಲ್ಲಿ ದಕ್ಷಿಣ ದಿಕ್ಕಿನಲ್ಲಿ ಪ್ರವೇಶಿಸುವ ಎಲ್ಲ ವಾಹನಗಳಿಗೂ $೩ಕ್ಕೆ ಶುಲ್ಕವನ್ನು ಏರಿಸಲಾಯಿತು.
ನಿಜವಾಗಿಯೂ ಒಂದು ಕಾರು ಅಥವಾ ದ್ವಿಚಕ್ರವಾಹನವು ಸೇತುವೆಯ ಮೇಲೆ ಚಲಿಸಿದರೆ ಆರು ಪೆನ್‌ಗಳಷ್ಟು ಖರ್ಚು ಬರುತ್ತದೆ. ಸೈಕಲ್ಲುಗಳ(ಸೈಕಲ್ಲುಗಳು ಸಾಗುವ ಮಾರ್ಗವನ್ನು ಆಯ್ದುಕೊಳ್ಳಬೇಕು) ಮೂಲಕ ಸಾಗುವವರಿಗೆ ಮತ್ತು ಪಾದಾಚಾರಿಗಳಿಗೆ ಪ್ರಯಾಣವು ಉಚಿತವಾಗಿದೆ. Lನಂತರ ಸರ್ಕಾರವು ದ್ವಿಚಕ್ರ ವಾಹನಕ್ಕೆ ಪ್ರಯಾಣಿಕರ ವಾಹನದ ಶುಲ್ಕದ ಒಂದು ನಾಲ್ಕಾಂಶದಷ್ಟನ್ನು ವಿಧಿಸಿತು.ಆದರೆ ಈಗ ಪ್ರಯಾಣಿಕರ ವಾಹನದಷ್ಟೇ ಶುಲ್ಕವನ್ನು ತೆಗೆದುಕೊಳ್ಳಲಾಗುತ್ತಿದೆ.
ಜುಲೈ ೨೦೦೮ರಲ್ಲಿ ತಾಂತ್ರಿಕವಾದ ಶುಲ್ಕ ಸಂಗ್ರಹಣಾ ವಿಧಾನವಾದ E-Tagನ್ನು ಅಳವಡಿಸಲಾಯಿತು. ಸಿಡ್ನಿ ಹಾರ್ಬರ್ ಸೇತುವೆಯು ಬಹಳಷ್ಟು ಹಣಪಾವತಿ ಮಾರ್ಗಗಳನ್ನು ಹೊಂದಿದ್ದರೂ ಕೂಡ ಸಿಡ್ನಿ ಹಾರ್ಬರ್ ಸುರಂಗವು ಈ ಪದ್ದತಿಯನ್ನು ಅಳವಡಿಸಿಕೊಂಡಿತು. ೧೨ ಜನವರಿ ೨೦೦೯ರಿಂದ E-Tag ಪದ್ದತಿಯು ಎಲ್ಲ ಶುಲ್ಕ ಸಂಗ್ರಹಣಾ ಕೇಂದ್ರಗಳಲ್ಲೂ ಚಾಲ್ತಿಯಲ್ಲಿ ಬಂದಿವೆ.[28]
ಪಾದಾಚಾರಿಗಳು
ಉತ್ತರಭಾಗದಲ್ಲಿ ಪಾದಾಚಾರಿಗಳು ಮಿಲ್ಸ್‌ನ್‌ ಕೇಂದ್ರದಲ್ಲಿ ಸುಲಭವಾಗಿ ಸೇತುವೆಯನ್ನು ಏರಿ ಬರಬಹುದಾಗಿದೆ. ದಕ್ಷಿಣ ಭಾಗದಲ್ಲಿ ಪಾದಾಚಾರಿಗಳಿಗೆ ಸೇತುವೆಯೇರುವುದು ಸ್ವಲ್ಪ ವಿಭಿನ್ನ ಮಾರ್ಗವಾಗಿದ್ದು ಆದರೆ ರಾಕ್ಸ್ ಪ್ರದೇಶದಲ್ಲಿ ನೇರವಾಗಿ ಪಾದಚಾರಿಗಳು ದಕ್ಷಿಣಕ್ಕೆ ಸೇತುವೆಯನ್ನು ಸಂಪರ್ಕಿಸುವ ಸ್ಥಳದಲ್ಲಿ ಮೆಟ್ಟಿಲುಗಳ ಮೂಲಕ ಏರಬಹುದಾಗಿದೆ. ಈ ಮೆಟ್ಟಿಲುಗಳು ಗ್ಲೌಸಿಸ್ಟಾರ್‌ ಸ್ಟ್ರೀಟ್ ಮತ್ತು ಕಂಬರ್‌ಲ್ಯಾಂಡ್‌ ಸ್ಟ್ರೀಟ್‌ಗಳಲ್ಲಿ ಇವೆ.
ದಕ್ಷಿಣ ಭಾಗದಲ್ಲಿ ಚಾಹಿಲ್‌ಪ್ರದೇಶದಿಂದ ನಡೆದುಕೊಂಡು ಬೇಕಾದರೂ ಪ್ರವೇಶಿಸಬಹುದಾಗಿದೆ. ಇದು ಚಾಹಿಲ್‌ ಎಕ್ಸ್‌ಪ್ರೆಸ್‌ವೆ ಮೂಲಕವೆ ಸಾಗುವ ಮಾರ್ಗವಾಗಿದೆ. ಈ ನಡೆದುಕೊಂಡು ಹೋಗುವ ಮಾರ್ಗವನ್ನು ಮೆಟ್ಟಿಲುಗಳ ಮೂಲಕವೂ ಮತ್ತು ಲಿಪ್ಟ್‌ ಮೂಲಕವು ಸೇರಬಹುದಾಗಿದೆ. ಮತ್ತು ಈ ಮಾರ್ಗವನ್ನು ಬಂದರಿನ ಮೂಲಕವೂ ಮತ್ತು ಸಸ್ಯ ವಿಜ್ಞಾನ ತೋಟದ ಮೂಲಕವೂ ಪ್ರವೇಶಿಸಬಹುದಾಗಿದೆ.
ರೈಲು ವ್ಯವಸ್ಥೆ
ಅನುಕ್ರಮವಾಗಿ ಉತ್ತರ ಮತ್ತು ದಕ್ಷಿಣ ತೀರ ಪ್ರದೇಶಗಳಲ್ಲಿರುವ ಮಿಲ್ಸನ್ಸ್ ಪಾಯಿಂಟ್ ಮತ್ತು ವಿನ್‌ಯಾರ್ಡ್ ರೈಲು ನಿಲ್ದಾಣಗಳನ್ನು ಪಶ್ಚಿಮ ಬದಿಯ ಎರಡು ರೇಲ್ವೆ ಹಳಿಗಳ ಜೊತೆಯಲ್ಲಿ ಸೇತುವೆಯ ಸಂಪರ್ಕದಿಂದ ಜೋಡಿಸಲಾಗಿದೆ. ಮಿಲ್ಸನ್ಸ್ ಕೇಂದ್ರ ನಿಲ್ದಾಣವು ಉತ್ತರ ತೀರದ ರೈಲು ಹಾದಿ ಮತ್ತು ಉತ್ತರದ ರೈಲು ಹಾದಿಯ ಒಂದು ಭಾಗವಾಗಿದೆ.
೧೯೫೮ ರಲ್ಲಿ ಸೇತುವೆಯ ಮೇಲೆ ರಸ್ತೆ ರೈಲು ಬಂಡಿಗಳ ಓಡಾಟದ ವ್ಯವಸ್ಥೆಯನ್ನು ಹಿಂಪಡೆಯಲಾಯಿತು ಮತ್ತು ಆ ಬಂಡಿಗಳು ಉಪಯೋಗಿಸುತ್ತಿದ್ದ ಹಳಿಗಳನ್ನು ತೆಗೆಯಲಾಯಿತು. ಅದಕ್ಕೆ ಪರ್ಯಾಯವಾಗಿ ಎರಡು ಹೆಚ್ಚುವರಿ ರಸ್ತೆ ಮಾರ್ಗಗಳನ್ನು ಒದಗಿಸಲಾಯಿತು. ಈ ರಹದಾರಿಗಳು ಈಗ ಸೇತುವೆಯ ಮೇಲಿನ ತೀರಾ ಎಡಗಡೆಯ ದಕ್ಷಿಣಾಭಿಮುಖವಾದ ಮಾರ್ಗವಾಗಿದೆ. ಮತ್ತು ಅವುಗಳನ್ನು ಈಗಲೂ ಕೂಡಾ ಸ್ಪಸ್ಟವಾಗಿ ಆರು ಮಾರ್ಗಗಳ ರಹದಾರಿಯಿಂದ ಬೇರೆಯಾಗಿ ಗುರುತಿಸಬಹುದು. ಮೊದಲಿನಿಂದಿರುವ ಇಳಿಜಾರು ರಸ್ತೆಯು,ರಸ್ತೆ ರೈಲು ಬಂಡಿಯನ್ನು ನೆಲದಡಿಯಲ್ಲಿರುವ ಅಂತಿಮ ನಿಲ್ದಾಣವಾದ ವಿನ್‌ಯಾರ್ಡ್ ರೈಲು ನಿಲ್ದಾಣದವರೆಗೂ ಕೊಂಡೊಯ್ಯುತ್ತಿತ್ತು. ಇದನ್ನು ಈಗಲೂ ೭ ಮತ್ತು ೮ನೇ ಮಾರ್ಗಗಳ ಅಡಿಯಲ್ಲಿ ಮುಖ್ಯ ನಡೆದಾರಿಯ ದಕ್ಷಿಣ ತುದಿಯಲ್ಲಿ ಕಾಣಬಹುದು. ಆದಾಗಿಯೂ ಈ ಸುರಂಗಗಳು ಮುಚ್ಚಲ್ಪಟ್ಟಿವೆ.
ನಿರ್ವಹಣೆ
ಸಿಡ್ನಿ ಹಾರ್ಬರ್ ಸೇತುವೆಗೆ, ಸಾರ್ವಜನಿಕರಿಗೆ ಸುರಕ್ಷಿತವಾಗಿರಲು ಮತ್ತು ಸವಕಳಿಯಿಂದ ರಕ್ಷಣೆಯಾಗಲು ನಿರಂತರ ತಪಾಸಣೆ ಮತ್ತು ಇತರ ನಿರ್ವಹಣಾ ಕೆಲಸಗಳ ಅವಶ್ಯಕತೆಯಿರುತ್ತದೆ. ಸೇತುವೆಯ ಈ ಕೆಲಸಗಳಿಗಾಗಿ ಪೇಂಟರ್‌ಗಳು,ಕಬ್ಬಿಣಕೆಲಸಗಾರರು, ಬಾಯ್ಲರ್‌ ತಯಾರಕರು, ಫಿಟ್ಟರ್‌ಗಳು, ವಿದ್ಯುತ್ ಕೆಲಸಗಾರರು, ತೇಪೆಕೆಲಸಗಾರರು, ಬಡಗಿಗಳು, ಕೊಳಾಯಿಗಾರರು ಮತ್ತು ನೌಕಾಸಜ್ಜುಗಾರರು ನಿಯಮಿತರಾಗಿದ್ದಾರೆ.[17]
ಹೆಚ್ಚಾಗಿ ಗುರುತಿಸಬಹುದಾದ ಸೇತುವೆಯ ನಿರ್ವಹಣಾ ಕೆಲಸವೆಂದರೆ ಪೇಂಟಿಂಗ್‌ ಆಗಿದೆ. ಪೇಂಟಿಂಗ್‌ ಕೆಲಸವು ನಿರಂತರ ಕಾರ್ಯಾಚರಣೆಯಾಗಿದೆ. ಮತ್ತು ಪೇಂಟರ್‌ಗಳು ಸೇತುವೆಯ ಒಂದು ತುದಿಯಿಂದ ಪ್ರಾರಂಭಿಸಿ ಮತ್ತೊಂದು ತುದಿಯವರೆಗೆ ವ್ಯವಸ್ಥಿತವಾಗಿ ಪೇಂಟ್ ಮಾಡುತ್ತಾರೆ. ಇದಾದ ತಕ್ಷಣದಲ್ಲಿ ಪುನಃ ಈ ಪೇಂಟಿಂಗ್‌ ಪ್ರಕ್ರಿಯೆಯು ಆರಂಭದ ತುದಿಯಿಂದ ಪ್ರಾರಂಭವಾಗುತ್ತದೆ. ಸೇತುವೆಗೆ ಬಳಕೆ ಮಾಡಿದ, ಅರವತ್ತು ಫುಟ್‌ಬಾಲ್ ಅಂಗಳಕ್ಕೆ ಸಮನಾದ ಕಬ್ಬಿಣದ ಭಾಗಗಳಿಗೆ ಪೇಂಟ್ ಮಾಡುವ ಅವಶ್ಯಕತೆಯಿರುತ್ತದೆ.485,000 square metres (120 acres) ಸೇತುವೆಯ ಪ್ರತಿಯೊಂದು ಲೇಪಕ್ಕೂ 30,000 litres (6,600 imp gal)ಸಾಕಷ್ಟು ಪೇಂಟ್ ಬೇಕಾಗಿರುತ್ತದೆ.[17] ಯಾವುದೇ ಬಣ್ಣದ ಹನಿಯು ವಾಹನಗಳು ಸೇತುವೆಗೆ ತಲುಪುವ ಮುನ್ನವೇ ಆರುವಂತಹ ವಿಷೇಶವಾದ ಬೇಗ ಒಣಗುವ ಬಣ್ಣವನ್ನು ಇಲ್ಲಿ ಬಳಸುತ್ತಾರೆ.[10] ಹಿಂದಿನ ಕಾಲದಲ್ಲಿ ಸೇತುವೆಗೆ ಬಣ್ಣ ಬಳಿಯುವವರ ತಂಡದಲ್ಲಿ ೧೯೭೦ ರಲ್ಲಿ ಮಾಧ್ಯಮ ಕ್ಷೇತ್ರದಲ್ಲಿ ಖ್ಯಾತಿ ಗಳಿಸುವ ಮೊದಲು ಕೆಲಸ ಮಾಡುತ್ತಿದ್ದ, ಈಗ ಆಸ್ಟ್ರೇಲಿಯನ್ ಹಾಸ್ಯಗಾರರೂ ಮತ್ತು ಅಭಿನಯಗಾರರೂ ಆಗಿರುವ ಪೌಲ್ ಹೋಗನ್ ಅವರು ಒಬ್ಬ ಸಾಕ್ಷಿದಾರರಾಗಿದ್ದಾರೆ.[4]
೨೦೦೩ ರಲ್ಲಿ ರಸ್ತೆ ಮತ್ತು ಸಾರಿಗೆ ಅಧಿಕಾರಿಗಳು, ಸೇತುವೆಯ ದಕ್ಷಿಣ ತುದಿಯ ಪೂರ್ತಿ ಭಾಗಗಳನ್ನು ಸಂಪೂರ್ಣವಾಗಿ ಬಣ್ಣ ಬಳಿಯಲು ಪ್ರಾರಂಭಿಸಿದರು. ಈ ಪ್ರಕ್ರಿಯೆಯು, ದಾರಿ ಮಾರ್ಗದರ್ಶನಕ್ಕೆ ಬಳಿದಿದ್ದ ಬಣ್ಣವನ್ನು ಕಿತ್ತುಹಾಕುವ ಕೆಲಸವನ್ನೂ ಒಳಗೊಂಡಿತ್ತು ಮತ್ತು ಅಡಿಯೊಳಗಿನ ದಿಬ್ಬ ಪ್ರದೇಶಕ್ಕೆ ಪುನಃ ಬಣ್ಣ ಬಳಿಯಲು ಪ್ರಾರಂಭಿಸಿದರು. 90,000 square metres (22 acres) ಕೆಲಸಗಾರರು ಡೆಕ್ ಕೆಳಗಿನ ಪ್ಲಾಟ್‌ಫಾರಂಗಳಿಂದ ಕಾರ್ಯಾಚರಿಸುತ್ತಿದ್ದರು. ಗಾಳಿಯ ಮೂಲಕ ಹರಡುವ ಹಾನಿಕಾರಕ ಕಣಗಳನ್ನು ಶೋಧಿಸುವ ಸಲುವಾಗಿ ಪ್ರತಿಯೊಂದು ಪ್ಲಾಟ್‌ಫಾರಂಗಳು ಗಾಳಿ ಹೊರಹಾಕುವ ವ್ಯವಸ್ಥೆಯನ್ನು ಹೊಂದಿದ್ದವು. ಅಪಘರ್ಷಕ ಸ್ಪೋಟವನ್ನು ಬಳಸಿ ಸಂಗ್ರಹವಾದ ಸೀಸದ ತ್ಯಾಜ್ಯವನ್ನು ಸುರಕ್ಷಿತವಾಗಿ ಸ್ಥಳದಿಂದ ವಿಸರ್ಜಿಸಿ ಹೊರಹಾಕಲಾಗುತ್ತಿತ್ತು.[17]
ಆಗ್ನೆಯ ಕಮಾನು
ನಿರ್ಮಾಣದ ಹಂತದಲ್ಲಿಯೇ ಈ ಸೇತುವೆಯು ಸಿಡ್ನಿ ನಗರದ ಪ್ರಮುಖ ಆಕರ್ಷಣೆಯಾಗಿತ್ತು. ಹಾಗೂ ಪ್ರವಾಸಿಗರ ಆಸಕ್ತಿಯನ್ನು ಸೆಳೆಯಲಾರಂಭಿಸಿತು. ನೈರುತ್ಯ ಮಹಾದ್ವಾರವು ಪ್ರಸ್ತುತದಲ್ಲಿ ಪ್ರವಾಸಿ ಆಕರ್ಷಕ ತಾಣವಾಗಿದೆ. ಈ ಪ್ರದೇಶವು ಸೇತುವೆಯಲ್ಲಿ ಹಾದುಹೋದ ಪಾದಮಾರ್ಗಕ್ಕೆ ಹೊಂದಿಕೊಂಡಿದೆ ಮತ್ತು ಮಹಾದ್ವಾರದ ತುತ್ತತುದಿಗೆ ಏರಲು ೨೦೦ ಮೆಟ್ಟಿಲುಗಳನ್ನು ಏರಬೇಕಾಗಿರುತ್ತದೆ.[8]
ಸೇತುವೆಯು ಪ್ರಾರಂಭವಾದ ಕೆಲವು ದಿನಗಳಲ್ಲಿಯೇ ೧೯೩೪ ರಲ್ಲಿ ಆರ್ಕರ್‍ ವೈಟ್‌ಫೋರ್ಡ್ ಅವರು ಈ ಮಹಾದ್ವಾರವನ್ನು ಪ್ರವಾಸಿ ಸ್ಥಳವನ್ನಾಗಿ ಪರಿವರ್ತಿಸಿದರು.[29] ಅವರು ಹಲವಾರು ಆಕರ್ಷಣೆಗಳಾದ ಕೆಫೆ, ಕ್ಯಾಮರಾ ಒಬ್ಸ್‌ಕ್ಯುರಾ, ಅಬೋರಿಜಿನಲ್ ವಸ್ತು ಸಂಗ್ರಹಾಲಯ, ಸಂದರ್ಶಕರು ಪತ್ರ ಬರೆಯಯಬಹುದಾದ "ತಾಯಂದಿರ ಸ್ಥಳ", ಮತ್ತು "ಮೋಹಕ ಆಕೃತಿ" ಗಳನ್ನು ಸ್ಥಾಪಿಸಿದರು. "ಮೋಹಕ ಪರಿಚಾರಕ" ರು ಸಂದರ್ಶಕರಿಗೆ ದೂರರದರ್ಶಕದ [29] ಮೂಲಕ ಸ್ಥಳ ವೀಕ್ಷಣೆ ಮಾಡಲು ಮತ್ತು ಈಗಲೂ ಚಾಲ್ತಿಯಲ್ಲಿರುವ ಸಿಡ್ನಿಯಲ್ಲಿ ಮತ್ತು ಹೊರಭಾಗದಲ್ಲಿ ಏಕಕಾಲದಲ್ಲಿ ಕಾಣಬರುವ ಗ್ರಾನೈಟ್ ಗಾರ್ಡ್ ರೈಲಿಗೆ ತಾಮೃದ ಲೇಪನಕ್ಕೆ ಸಹಾಯ ಮಾಡಲು ನಿಯೋಜಿತರಾಗಿರುವುದು ಮುಖ್ಯ ಆಕರ್ಷಣೆಯಲ್ಲೊಂದಾಗಿದೆ.[30]
೧೯೩೯ ರಲ್ಲಿ ನಡೆದ ಎರಡನೇ ಜಾಗತಿಕ ಯುದ್ದದ ಪರಿಣಾಮವಾಗಿ ಸೇತುವೆಯಲ್ಲಿನ ಎಲ್ಲಾ ಪ್ರವಾಸೋಧ್ಯಮ ಚಟುವಟಿಕೆಗಳು ರದ್ದಾದವು ಮತ್ತು ಸೇನೆಯು ಸೇತುವೆಯ ನಾಲ್ಕೂ ಮಹಾದ್ವಾರಗಳನ್ನು ನಿಯಂತ್ರಣಕ್ಕೆ ತೆಗೆದುಕೊಂಡು ರಕ್ಷಣಾ ಗೋಡೆ ಮತ್ತು ವಿಮಾನ ನಿರೋಧಕ ಬಂದೂಕುಗಳನ್ನು ಅಳವಡಿಸಿ ಮಾರ್ಪಾಡುಗೊಳಿಸಿತು.[31]
ಯುದ್ದದ ನಂತರ ೧೯೪೮ ರಲ್ಲಿ ವ್ಯೋನ್‌ ರೆಂಟೌಲ್ ಅವರು ಮಹಾದ್ವಾರದಲ್ಲಿ "ಸಂಪೂರ್ಣ ಆಸ್ಟ್ರೇಲಿಯನ್ ಪ್ರದರ್ಶನ"ವನ್ನು ಪ್ರಾರಂಭಿಸಿದರು. ಇದು ನಿಸರ್ಗದ ಚಿತ್ರಕಲೆಗಳು, ಮತ್ತು ಆಸ್ಟ್ರೇಲಿಯಾದ ಭೌಗೋಳಿಕ ಹಾಗೂ ಪ್ರಾದೇಶಿಕ ದೃಶ್ಯಗಳಾದ ವ್ಯವಸಾಯ, ಕ್ರೀಡೆ, ಸಾಗಾಣಿಕೆ, ಗಣಿಗಾರಿಕೆ ಮತ್ತು ಶಸ್ತ್ರಸಜ್ಜಿತ ಸೈನ್ಯ ಇವುಗಳ ಪ್ರದರ್ಶನಗಳನ್ನು ಒಳಗೊಂಡಿತ್ತು. ದಾರಿ ಮಾರ್ಗದರ್ಶಕ ಮತ್ತು ದೂರದರ್ಶಕ ಸೇರಿ, ವೀಕ್ಷಣಾ ಪ್ಲಾಟ್‌ಫಾರಂ ಜೊತೆಯಲ್ಲಿ ಒಂದು ನೆಲೆಸೂಚಕ ವೇದಿಕೆಯನ್ನು ಸ್ಥಾಪಿಸಲಾಯಿತು. ಮಾಲೀಕರು ಬಿಳಿ ಬೆಕ್ಕುಗಳನ್ನು ಮೇಲ್ಚಾವಣಿಯಲ್ಲಿನ ಬೆಕ್ಕು ಸಾಕಣೆ ಕೇಂದ್ರದಲ್ಲಿ ಇಟ್ಟಿದ್ದರು. ಇವುಗಳು ಆಕರ್ಷಣೆ ಕೇಂದ್ರವಾಗಿ ಪರಿಣಮಿಸಿತು ಮತ್ತು ಅಲ್ಲಿ ಸಂಧರ್ಭೋಚಿತವಾದ ಅಂಗಡಿ ಮತ್ತು ಅಂಚೆ ಕಾರ್ಡುಗಳ ವಿಲೇವಾರಿ ವ್ಯವಸ್ಥೆಗಳು ಇದ್ದವು.[32] ರೆಂಟೌಲ್ ಅವರ ಗೇಣಿ ಅವಧಿಯು ೧೯೭೧ ರಲ್ಲಿ ಕೊನೆಗೊಂಡಿತು ಮತ್ತು ಸೇತುವೆಯ ಮಹಾದ್ವಾರ ಮತ್ತು ಅದರ ಉಸ್ತುವಾರಿ ವ್ಯವಸ್ಥೆಯು ದಶಕಗಳವರೆಗೆ ಸಾರ್ವಜನಿಕರಿಗೆ ಮುಚ್ಚಲ್ಪಟ್ಟಿತು.[33]
ಸೇತುವೆಯ ಮಹಾದ್ವಾರವು ೧೯೮೨ ರಲ್ಲಿ ಸೇತುವೆಯ ೫೦ ನೇ ವಾರ್ಷಿಕೋತ್ಸವದ ಆಚರಣೆಯೊಂದಿಗೆ ಪುನಃ ಮುಕ್ತವಾಯಿತು.[34] ೧೯೮೭ ರಲ್ಲಿ "ದ್ವಿಶತಕೋತ್ಸವ ಪ್ರದರ್ಶನ"ವು, ೧೯೮೮ ರಲ್ಲಿ ಆಸ್ಟ್ರೇಲಿಯಾದಲ್ಲಿ ಯುರೋಪಿಯನ್ ಒಪ್ಪಂದ ಏರ್ಪಟ್ಟ ೨೦೦ ನೇ ವರ್ಷಾಚರಣೆಯಾಗಿ ಆಯೋಜಿಸಲ್ಪಟ್ಟಿತು.[35]
ಮಹಾದ್ವಾರವು ಏಪ್ರಿಲ್ ನಿಂದ ನವೆಂಬರ್ ೨೦೦೦ ದ ವರೆಗೆ ರಸ್ತೆ ಮತ್ತು ಸಾರಿಗೆ ಅಧಿಕಾರಿಗಳಿಂದ ಮತ್ತು ಬ್ರಿಡ್ಜ್‌ಕ್ಲೈಂಬ್‌ ಅವರಿಂದ "ಪ್ರೌಡ್‌ ಆರ್ಕ್" ಎಂಬ ನೂತನ ಪ್ರದರ್ಶನ ಏರ್ಪಡಿಸುವ ಸಲುವಾಗಿ ಮುಚ್ಚಲ್ಪಟ್ಟಿತು. ಈ ಪ್ರದರ್ಶನವು ಬ್ರಾಡ್ಫೀಲ್ಡ್ ಮೇಲೆ ಕೇಂದ್ರೀಕರಣವಾಗಿತ್ತು ಮತ್ತು ಪ್ರಕೃತಿಯಲ್ಲಿನ ಕುತೂಹಲ ವಿದ್ಯಮಾನಗಳ ಕುರಿತು ಗಾಜಿನ ಸೂಚಕ ನಿರ್ದೇಶಕ ಒಳಗೊಂಡು ವಿವಿಧ ಮಹತ್ವದ ರಾಷ್ಟ್ರೀಯ ಸ್ಮಾರಕವನ್ನೊಳಗೊಂಡಿತ್ತು.[36]
ಸೇತುವೆಯನ್ನು ನಿರ್ಮಾಣ ಮಾಡುವಾಗ ಕೆಲಸಗಾರರು ಎದುರಿಸಿದ ಅಪಾಯಕರ ಸನ್ನಿವೇಶಗಳನ್ನು ವರ್ಣಿಸುವ "ಅಪಾಯಕಾರಿ ಕೆಲಸಗಳು" ಎಂಬ ಪ್ರದರ್ಶನವನ್ನು ಸ್ಥಾಪಿಸುವ ಸಲುವಾಗಿ ಮಹಾದ್ವಾರವು ಪುನಃ ೨೦೦೩ ರಲ್ಲಿ ನಾಲ್ಕು ವಾರಗಳವರೆಗೆ ಮುಚ್ಚಲ್ಪಟ್ಟಿತು ಮತ್ತು ಕೆಲಸಗಾರರ ನೆನಪಿನಲ್ಲಿರುವ ಎರಡು ಹಾಳಾದ ಗಾಜಿನ ಲಕ್ಷಣದ ಕಿಟಕಿಗಳು ಸೇರಿದ್ದವು.[37]
ಸೇತುವೆ ಚಾರಣ
೧೯೯೮ರಿಂದ ಸೇತುವೆ ಆರೋಹಣ ಸಂಸ್ಥೆಯು ಪ್ರವಾಸಿಗರಿಗೆ ಸೇತುವೆಯ ದಕ್ಷಿಣಾರ್ಧ ಭಾಗವನ್ನು ಏರಲು ಸಾಧ್ಯವಾಗಿಸಿತು.[38] ಪ್ರವಾಸವು ದಿನವಿಡೀ ಮುಂಜಾವಿನಿಂದ ಸಂಜೆಯವರೆಗೆ ಜಾರಿಯಲ್ಲಿರುತ್ತಿತ್ತು ಮತ್ತು ವಿಪರೀತ ಬೀಸುಗಾಳಿಯಿದ್ದರೆ ಮಾತ್ರ ರದ್ದಾಗುತ್ತಿತ್ತು. ರಾತ್ರಿ ಆರೋಹಣವು ಕೂಡಾ ಅಲ್ಲಿ ಲಭ್ಯವಿರುತ್ತದೆ.
ಆರೋಹಿಗಳ ತಂಡಕ್ಕೆ ಹವಾಗುಣದ ಪರಿಸ್ಥಿತಿಗೆ ತಕ್ಕುದಾದ ರಕ್ಷಣಾ ಬಟ್ಟೆಗಳನ್ನು ಒದಗಿಸಿ ಆರೋಹಣದ ಮೊದಲು ಭೌಗೋಳಿಕ ಅಂಶಗಳ ಮೇಲೆ ವಿವರಣೆಯನ್ನು ನೀಡಲಾಗುತ್ತದೆ. ಆರೋಹಣದ ಮಧ್ಯೆ ಆರೋಹಕರು ಜೀವರಕ್ಷಕ ಹಗ್ಗದ ಮೂಲಕ ಭಧ್ರತೆ ಹೊಂದಿರುತ್ತಾರೆ. ಪ್ರತಿಯೊಂದು ಆರೋಹಣವು ಸೇತುವೆಯ ಪೂರ್ವಭಾಗದಿಂದ ಪ್ರಾರಂಭವಾಗುತ್ತದೆ ಮತ್ತು ತುದಿಯವರೆಗೆ ಮೇಲೇರುತ್ತದೆ. ಕೊನೆಯಲ್ಲಿ ಇದು ಪಶ್ಚಿಮ ಭಾಗವನ್ನು ಮುಟ್ಟುತ್ತದೆ. ಹಾಗೆಯೇ ಇದು ಮೂರುವರೆ ಘಂಟೆಗಳ ಅನುಭವವನ್ನು ನೀಡುತ್ತದೆ.
೨೦೦೬ರಲ್ಲಿ ಸೇತುವೆ ಆರೋಹಣ ಸಂಸ್ಥೆಯು[38] ಸೇತುವೆಯ ಮೇಲಿನ ಛಾವಣಿಗೆ ಏರಲು ಪರ್ಯಾಯ ವಿಧಾನವನ್ನು ಪರಿಚಯಿಸಿತು. ಡಿಸ್ಕವರಿ ಆರೋಹಣವು ಆರೋಹಕರಿಗೆ ಸೇತುವೆಯ ತಳರೇಖೆಯವರೆಗೆ ಹೋಗಿ ಅದರ ಆಂತರಿಕ ರಚನೆಯನ್ನು ವೀಕ್ಷಿಸಲು ಅವಕಾಶ ನೀಡಿತು. ತಳರೇಖೆಯ ತುತ್ತ ತುದಿಯಿಂದ ಆರೋಹಕರು ಮೆಟ್ಟಿಲುಗಳನ್ನೇರುತ್ತಾ ಪ್ಲಾಟ್‌ಫಾರಂನ ತುತ್ತತುದಿಗೆ ತಲುಪಬಹುದು.
ಸೇತುವೆ ಆರೋಹಣ ಸಂಸ್ಥೆಯು ಅಕ್ಟೋಬರ್ ೧ ೨೦೦೮ ರಂದು ೧೦ ನೇ ವಾರ್ಷಿಕೋತ್ಸವವನ್ನು ಆಚರಿಸಿತು ಮತ್ತು ಪ್ರಪಂಚದಲ್ಲಿ ಇನ್ನಿತರ ಸೇತುವೆಗಳನ್ನು ಏರುವ ಸಾಧ್ಯಾಸಾಧ್ಯತೆಗಳನ್ನು ಅವಲೋಕಿಸಿತು. ಇದೀಗ, ನ್ಯೂಯಾರ್ಕ್ ನಗರದಲ್ಲಿರುವ ಬ್ರೂಕ್‌ಲಿನ್‌ ಸೇತುವೆಯ ಮೇಲೆ ಇಂತಹುದೇ ಆರೋಹಣ ಕಾರ್ಯಾಚರಣೆ ಆಯೋಜಿಸುವ ಬಗ್ಗೆ ಮಾತುಕತೆ ಆರಂಭವಾಗಿದೆ.[39]
ಆರಂಭದಿಂದಲೂ, ಈ ಸೇತುವೆ ರಾಷ್ಟ್ರೀಯ ಪ್ರತಿಷ್ಠೆ ಮತ್ತು ಪ್ರವಾಸಿ ಕೇಂದ್ರವೆಂದು ಬಿಂಬಿಸಲ್ಪಡುತ್ತಿದೆ. ೧೯೮೨ ರಲ್ಲಿ, ಈ ಸೇತುವೆಯು ತನ್ನ ೫೦ನೇ ವರ್ಷದ ಉತ್ಸವಾಚರಣೆಯನ್ನು ಆಚರಿಸಿಕೊಂಡಿತು. ೧೯೩೨ ರಲ್ಲಿ ಇದು ಆರಂಭವಾದ ನಂತರ, ಮೊದಲ ಬಾರಿಗೆ ಇಲ್ಲಿ ವಾಹನಗಳ ಓಡಾಟವನ್ನು ನಿಲ್ಲಿಸಲಾಯಿತು, ಮತ್ತು ಪಾದಚಾರಿಗಳಿಗೆ ದಿನದ ಸಮಯದಲ್ಲಿ ಓಡಾಟಕ್ಕೆ ಅವಕಾಶ ಕಲ್ಪಿಸಲಾಯಿತು.[7] ಈ ಆಚರಣೆಗಳು ಡೊರ್ಮನ್ ಲೋಂಗ್‌ಅನ್ನು ಚಿತ್ರಿಸಿದ್ದ ಎಡ್ವರ್ಡ್ ಜಡ್ಜ್‌ರವರನ್ನು ಒಳಗೊಂಡಿತ್ತು.
ಆಸ್ಟ್ರೇಲಿಯಾದ ೧೮೯೮ ಜನವರಿ ೨೬ರಂದು ಇನ್ನೂರನೇ ವರ್ಷದ ಆಚರಣೆಯು ದೊಡ್ಡ ಮಟ್ಟದ ಜನಸಂಖ್ಹ್ಯೆಯನ್ನು ಆಕರ್ಷಿಸಿತ್ತು. ಹಾಗೆಯೇ ಬಂದರಿನ ದೃಶ್ಯಗಳನ್ನು ವೀಕ್ಷಿಸಲು ಉತ್ಸಾಹಿ ಜನರ ಗುಂಪು ಮುಂಭಾಗದ ದಡಕ್ಕೆ ಸಾಲಾಗಿ ಬರುತ್ತಿತ್ತು. ಸಿಡ್ನಿಯಲ್ಲಿ ಸದಾ ಸಾಲಾಗಿ ಪ್ರದರ್ಶನಕ್ಕಿರುವಂತೆ ಕಾಣುವ ದೋಣಿಪಟಗಳು, ಜಗತ್ತಿನ ಎಲ್ಲಾ ಮೂಲೆಯ ಹಾಯಿ ಹಿಡಿದುಕೊಳ್ಳುವವರು, ಎಲ್ಲಾ ಬಗೆಯ ನೂರಾರು ಸಣ್ಣ ಕಸುಬಿನವರು ಸಿಡ್ನಿ ಹಾರ್ಬರ್ ಸೇತುವೆಯ ಕೆಳಗೆ ಗಂಭೀರವಾಗಿ ಹೋಗುತ್ತಿರುವುದು ಪ್ರಮುಖ ಆಕರ್ಷಣೆಯಾಗಿತ್ತು. ಸೇತುವೆಯ ಕೊನೆಯ ಮುಖ್ಯಭಾಗದಲ್ಲಿ ಸಿಡಿಮದ್ದುಗಳ ಪ್ರದರ್ಶನವು ಕಮಾನು ಮತ್ತು ರಾಜ ಮಾರ್ಗದಲ್ಲಿ ಆರಂಭಗೊಂಡು, ದಿನದ ಆಚರಣೆಗಳು ಮುಕ್ತಾಯಗೊಂಡವು. ಇದು ನಂತರದ ಪಟಾಕಿಗಳ ಪ್ರದರ್ಶನಕ್ಕೆ ಮಾದರಿಯಾಯಿತು.
೨೦೦೦ದ ಸಹಸ್ರ ವರ್ಷಾಚರಣೆಯ ನಂದರ್ಭ್ಹದಲ್ಲಿ ಸಿಡ್ನಿ ಹಾರ್ಬರ್ ಸೇತುವೆಯು ಶಾಶ್ವತತೆ ಅಕ್ಷರದೊಂದಿಗೆ, ತನ್ನ ಮೂಲ ರೂಪವನ್ನು, ಬಹಳ ವರ್ಷಗಳವರೆಗೆ ಕಲ್ಲಿನ ದಾರಿಯಲ್ಲಿ ಬಳಪದಲ್ಲಿ ತಾಮ್ರದ ಹಾಳೆಯಲ್ಲಿ ತನ್ನ ಅನಕ್ಷರತೆಯ ಬಗೆಗಿನ ಕ್ರೊಧವನ್ನು ಕೆತ್ತಿದ ಅರ್ಥರ್ ಸ್ಟೇಸ್‌ರವರ ಕಾಣಿಕೆಯಾಯಿತು.
೨೦೦೦ನೇ ಇಸವಿಯ ಮೇ ತಿಂಗಳಿನಲ್ಲಿ ವಾಹನಗಳ ಮಾರ್ಗವನ್ನು ಪ್ರಮುಖವಾದ, ರಾಜಿಗಾಗಿ ನಡೆದ-"ಸಂದಾನಕ್ಕಾಗಿ ನಡೆ"-ಯ ನಡಿಗೆಗಾಗಿ ತಡೆಯಲಾಯಿತು. ಇದು ಅಬಾರಿಜಿನಲ್ ಸ್ಟೋಲನ್ ಜನರೇಷನ್‌‌ಗಾಗಿ ನಡೆದ ವಿಚಾರಣೆಯದ್ದಾಗಿತ್ತು. ಇದರ ಪ್ರಕಾರ ಆಸ್ಟ್ರೇಲಿಯ ಮೂಲದ ಮಕ್ಕಳನ್ನು ಒತ್ತಾಯಪೂರ್ವಕವಾಗಿ ಬಿಳಿಯ ಪಾಲಕರ ಸುಪರ್ದಿಗೆ ಒದಗಿಸಲಾಗಿತ್ತು. ಇದು ರಾಜ್ಯ ಸರ್ಕಾರದ ಯೋಜನೆಯ ಪ್ರಕಾರ ನಡೆದುದಾಗಿತ್ತು. ಸುಮಾರು ಹತ್ತುಲಕ್ಷ [40] ಆಸ್ಟ್ರೇಲಿಯನ್ನರು ಸೇತುವೆಯನ್ನು ಸಂಜ್ಞಾತ್ಮಕವಾಗಿ ದಾಟಿದರು.
ಸಪ್ಟೆಂಬರ್ ಮತ್ತು ಅಕ್ಟೋಬರ್ ೨೦೦೦ದಲ್ಲಿ, ಸಿಡ್ನಿ ೨೦೦೦ ಓಲಂಪಿಕ್ಸ್ ಸಮಯದಲ್ಲಿ, ಈಸೇತುವೆಯು ಓಲಂಪಿಕ್ ರಿಂಗ್‍ಗಳಿಂದ ಸಿಂಗಾರ ಗೊಂಡಿತ್ತು. ಇದೂ ಕೂಡಾ ಓಲಂಪಿಕ್ ಜ್ಯೋತಿಯನ್ನು ಓಲಂಪಿಕ್ ಕ್ರೀಡಾಂಗಣಕ್ಕೆ ತೆಗೆದುಕೊಂಡು ಹೋಗುವ ಮಾರ್ಗವಾಗಿತ್ತು. ಪುರುಷರ ಮತ್ತು ಮಹಿಳೆಯರ ಓಲಂಪಿಕ್ ಮ್ಯಾರಥಾನ್‍ನಲ್ಲಿ, ಅವರು ಹೋಗಬೇಕಾದ ಮಾರ್ಗದಲ್ಲಿ ಈ ಸೇತುವೆಯೂ ಒಂದು ಭಾಗವಾಗಿತ್ತು. ಸಿಡಿಮದ್ದುಗಳ ಪ್ರದರ್ಶನವು ಸೇತುವೆಯ ಮೇಲೆ ಮುಕ್ತಾಯ ಸಮಾರಂಭದಲ್ಲಿ ಪೂರ್ಣಗೊಂಡಿತು. ಸೇತುವೆಯ ಪೂರ್ವಾಭಿಮುಖದಲ್ಲಿ ಪಟಾಕಿಗಳನ್ನು ನೇತುಹಾಕಿಡುತ್ತಿದ್ದರು.ಆದ್ದರಿಂದ ಈ ಭಾಗವು ಹೆಚ್ಚಾಗಿ ಉಪಯೋಗಿಸಲ್ಪಡುತ್ತಿತ್ತು.ಪ್ರಮುಖವಾಗಿ ಇದು ಹೊಸ ವರ್ಷದ ಹಿಂದಿನ ರಾತ್ರಿಯ ಆಚರಣೆಯಲ್ಲಿ ಹೆಚ್ಚಾಗಿ ನಡೆಯುತ್ತಿತ್ತು.
೨೦೦೫ರಲ್ಲಿ ಮಾರ್ಕ್‌ ವೆಬ್ಬರ್‌ ಎನ್ನುವಾತ ಈ ಸೇತುವೆಯೆ ಮೇಲೆ ವಿಲಿಯಮ್ಸ್‌ -ಬಿಎಮ್‌ಡಬ್ಲೂ ಫಾರ್ಮುಲಾ ಒನ್‌ ಕಾರನ್ನು ಓಡಿಸಿದ.[41]
ಅಕ್ಟೋಬರ್ ೨೫, ೨೦೦೯ರಂದು ಎಂಟು ಪಥಗಳ ಟಾರು ರಸ್ತೆಯ ಮೇಲೆ ಟರ್ಫ್ ಅನ್ನು ಹಾಕಲಾಯಿತು. ಸುಮಾರು ೬೦೦೦ ಜನ ಸೇತುವೆಯ ಮೇಲೆ ಪಿಕ್‌ನಿಕ್ ಅನ್ನು ಆಚರಿಸಿದರು. ಅದೂ ಲೈವ್‌ ಮ್ಯೂಸಿಕ್ ಜೊತೆಗೆ.[42] ವಾರ್ಷಿಕ ಆಚರಣೆಯನ್ನಾಗಿ ಮಾಡುವ ಸಲುವಾಗಿ ೨೦೧೦ರಲ್ಲಿ ಇದನ್ನು ಮತ್ತೆ ಆಚರಿಸಲಾಯಿತು.[43]
೭೫ನೇ ವಾರ್ಷಿಕೋತ್ಸವ
೨೦೦೭ರಲ್ಲಿ,ಇದರ ೭೫ನೇ ವರ್ಷಾಚರಣೆಯು, "ಬ್ರಿಡ್ಜಿಂಗ್ ಸಿಡ್ನಿ" ಎಂದು ಕರೆಯಲ್ಪಡುವ ಸಿಡ್ನಿಯ ಸಂಗ್ರಹಾಲಯದಲ್ಲಿ,ಪ್ರದರ್ಶನದೊಂದಿಗೆ ಸ್ಮಾರಕೋತ್ಸವವಾಯಿತು.[44] ಹಿಸ್ಟೋರಿಕ್‌ ಹೌಸಸ್‌ ಟ್ರಸ್ಟ್ , ಎಂಬ ಸಂಸ್ಥೆಯು ಒಂದು ಪ್ರದರ್ಶನವನ್ನು ಏರ್ಪಡಿಸಿತ್ತು.ಇದರಲ್ಲಿ ಅನೇಕ ಬಗೆಯ ಛಾಯಾ ಚಿತ್ರಗಳು, ವರ್ಣಚಿತ್ರಗಳು ಮತ್ತು ಬಹು ಅಪರೂಪವಾದ, ಹಿಂದೆಂದೂ ನೋಡಿರದ ಪರ್ಯಾಯ ಸೇತುವೆಗಳ ಮತ್ತು ಸುರಂಗಗಳ ನಕ್ಷೆ ಮತ್ತು ಸಂಕ್ಷಿಪ್ತ ಮಾಹಿತಿಗಳನ್ನು ಇಡಲಾಗಿತ್ತು.
೨೦೦೭ರ ಮಾರ್ಚ್ ೧೮ರಂದು,ಸಿಡ್ನಿ ಹಾರ್ಬರ್ ಬ್ರಿಡ್ಜ್ ತನ್ನ ೭೫ನೇ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿತು. ಈ ಸಂದರ್ಭವು,ಗವರ್ನರ್, ಮಾರೀ ಬಶೀರ್ ಹಾಗೂ ನ್ಯೂ ಸೌತ್ ವೇಲೀಯ ಪ್ರಧಾನಿ ಮೋರೀಸ್ ಲೆಮಾ ಅವರಿಂದ ರಿಬ್ಬನ್(ಪಟ್ಟಿ)ಕತ್ತರಿಸುವುದರೊಂದಿಗೆ ಸಂಕೇತಿಕವಾಯಿತು. ನಂತರ ಮಿಲ್ಸನ್ ಪಾಯಿಂಟ್‌ನಿಂದ ಅಥವಾ ಉತ್ತರ ಸಿಡ್ನಿಯಿಂದ ದಕ್ಷಿಣ ಭಾಗಕ್ಕೆ ಜನರಿಗೆ ಹೋಗಲು ಸೇತುವೆಯು ತೆರೆಯಲ್ಪಟ್ಟಿತು. ಪ್ರಮುಖವಾಗಿ ಸಿಬಿಡಿ ಯಲ್ಲಿ, ಹಲವಾರು ಮುಖ್ಯ ರಸ್ತೆಗಳನ್ನು, ಆ ದಿನದ ಮಟ್ಟಿಗೆ ನಿರ್ಭಂದಿಸಲಾಯಿತು. ಮೂಲವಾದಂತಹ ಧೂಮಪಾನ ಆಚರಣೆಯು ಸಂಜೆ ೭.೩೦ಕ್ಕೆ ಮುಖಕ್ತಾಯಗೊಂಡಿತ್ತು.
ಸುಮಾರು ೨೫೦,೦೦೦ ಜನರು(೫೦,೦೦೦ ಕ್ಕೂ ಹೆಚ್ಚು ಜನ ನೊಂದಾಯಿತವಾಗಿದ್ದರು) ಈ ಸಂದರ್ಭದಲ್ಲಿ ಪಾಲ್ಗೊಂಡಿದ್ದರು. ನಡೆದುಹೋಗುವವರಿಗೆಲ್ಲರಿಗೂ ನೆನಪಿನ ಕಾಣಿಕೆಯಾಗಿ, ದಟ್ಟಹಳದಿ ಬಣ್ಣದ ಟೋಪಿಗಳನ್ನು ವಿತರಿಸಿದ್ದರು. ಧ್ವನಿ ವ್ಯವಸ್ಥೆಗಳನ್ನು ಮಾಡುವುದಕ್ಕಾಗಿ ಧ್ವನಿವರ್ಧಕಗಳನ್ನು ಸೇತುವೆಯ ಉದ್ದಕ್ಕೂ ಕ್ರಮವಾಗಿ ಇಡಲಾಗಿತ್ತು ಇಡಲಾಗಿತ್ತು. ಪ್ರತಿಯೊಂದು ಸ್ಪೀಕರ್‌ ಕೂಡಾ ಕೆಲವೊಂದು ದಶಕದ ಉತ್ತಮ ಸಂಗೀತ ಮತ್ತು ಮ್ಯೂಸಿಕ್ ಅನ್ನು ಪ್ರಸಾರ ಮಾಡುತ್ತಿತ್ತು. (ಉದಾಹರಣೆಗೆ ೧೯೭೫ರಲ್ಲಿ ಕಿಂಗ್‌ ಎಡ್ವರ್ಡ್ VIII, ಪದತ್ಯಾಗದ ಭಾಷಣ , ಗೌ ವಿಟ್‌ಲ್ಯಾಮ್‌ ಪಾರ್ಲಿಮೆಂಟ್‌ನಲ್ಲಿ ಮಾಡಿದ ಭಾಷಣ ಮುಂತಾದವುಗಳನ್ನು ಪ್ರಸಾರ ಮಾಡುತ್ತಿತ್ತು.) ಸೇತುವೆಯ ಮೇಲೆ ನಡೆದು ಹೋಗುತ್ತಿರುವ ಜನರಿಗೆ ಪ್ರತಿಹೆಜ್ಜೆಯಲ್ಲೂ ಇತಿಹಾಸದ ಒಂದು ಮಜಲನ್ನು ದಾಟಿ ಹೋದಂತೆ ಎನಿಸುತ್ತಿತ್ತು. ಸೂರ್ಯಾಸ್ತದ ನಂತರ ವಿದ್ಯುತ್ ದೀಪಗಳ ಪ್ರದರ್ಶನ ಆರಂಭವಾಗಿ ತಡರಾತ್ರಿಯವರೆಗೂ ಮುಂದುವರೆಯಿತು.ಸೇತುವೆಯು ವೈವಿಧ್ಯತೆಗಳಿಂದ ತುಂಬಿ ಹೋಗಿ, ಇದರ ರಚನಾತ್ಮಕ ಲಕ್ಷಣಗಳನ್ನು ಪ್ರಕಾಶಿಸುವುದಕ್ಕಾಗಿ ವಿವಿಧ ಬಣ್ಣಗಳ ದೀಪಗಳನ್ನು ವಿನ್ಯಾಸಗೊಳಿಸಲಾಗಿತ್ತು. ಸಂಜೆಯ ಹೊತ್ತಿಗೆ ಹೊಳೆಯುವ ಹಸಿರು ಟೋಪಿಗಳ ಬದಲಾಗಿ, ಎಲ್ಇಡಿ ಲೈಟನ್ನೊಳಗೊಂಡ ಕೇಸರಿ ಬಣ್ಣದ ಟ್ಪೋಪಿಗಳನ್ನು ಹಾಕಿದ್ದರು. ಸಂಜೆ ೮.೩೦ಕ್ಕೆ ಸೇತುವೆಯನ್ನು ಪಾದಚಾರಿಗಳಿಗೆ ನಿರ್ಭಂದಿಸಲಾಯಿತು
ಹೊಸ ವರ್ಷದ ಹಿಂದಿನ ರಾತ್ರಿ
ಸಿಡ್ನಿಯ ಹೊಸ ವರ್ಷದ ಹಿಂದಿನ ರಾತ್ರಿಯ ಆಚರಣೆಗಳಿಗೆ ಸೂಕ್ತವಾದ ಹಾರ್ಬರ್ ಸೇತುವೆಯು, ಬಹುವಾಗಿ ಪಟಾಕಿಗಳ ವೈಭವಪೂರ್ಣ ಪ್ರದರ್ಶನಗಳ ಸಂದರ್ಭಗಳಲ್ಲಿ ಉಪಯೋಗಿಸಲ್ಪಡುತ್ತಿತ್ತು. ಸದ್ಯದ ಸಮಯದಲ್ಲಿ ಪೂರ್ವಾಭಿಮುಖದ ಮಧ್ಯದ ಕಮಾನಿಗೆ ಪಟಾಕಿಗಳ ಬದಲಾಗಿ ದೀಪದ ಬೆಳಕಿನ ಪ್ರೇಮ್‌ವರ್ಕ್ ಮಾಡಿ ಹಾಕಿದ್ದರು. ಈ ಸಮಾರಂಭಕ್ಕೆ ವಾರ ಮೊದಲು ಕಾರ್ಯಕ್ರಮಕ್ಕಾಗಿ ನಿರ್ಮಿಸಲಾಗಿದ್ದ ವೇದಿಕೆಗಳು, ಫ್ರೇಮ್‌ ವರ್ಕ್‌ಗಳು ಗೋಚರಿಸುತ್ತಿದ್ದವು.
The effects have been as follows:
- ೧೯೯೮–೧೯೯೯: ನವಿರಾದ ನಗು ಮುಖ;
- ೧೯೯೯–೨೦೦೦: ಅರ್ಥರ್ ಸ್ಟೇಸ್‌ರಿಗೆ ಗೌರವ ಸಲ್ಲಿಸುವ ಸಲುವಾಗಿ, ತಾಮ್ರಹಾಳೆಯ ಬರಹದಲ್ಲಿ "Eternity" ಎಂಬುದನ್ನು ಮೂಡಿಸಲಾಯಿತು;
- ೨೦೦೦–೨೦೦೧: ಹಾವು ಉಳ್ಳ ಕಾಮನಬಿಲ್ಲು ಮತ್ತು ಫೆಡರೇಷನ್ ಸ್ಟಾರ್;
- ೨೦೦೧–೨೦೦೨: ಉಲುರು;
- ೨೦೦೨–೨೦೦೩: ಶಾಂತಿ ಸಾರುವ ಪಾರಿವಾಳ;
- ೨೦೦೩–೨೦೦೪: ಲೈಟ್‌ ಶೊ;
- ೨೦೦೪–೨೦೦೫: ಡಿಸ್ಕೊ ಬಾಲ್;
- ೨೦೦೫–೨೦೦೬: ಲವ್ ಹಾರ್ಟ್‌ (ಮೂರು ಹೃದಯದ ಚಿತ್ರಗಳು ಬೆಳಕಿನಿಂದ ಹಿಂದೆ ಹೊಳೆಯುತ್ತಿರುತ್ತವೆ)
- ೨೦೦೬–೨೦೦೭: ಕೋಥ್‌ಆಂಗರ್ ಮತ್ತು ವಜ್ರದ ಆಕೃತಿ-೨೦೦೭ರ ವಜ್ರಮಹೋತ್ಸವ ಅಥವಾ ೭೫ನೇ ವರ್ಷದ ಆಚರಣೆಗಾಗಿ
- ೨೦೦೭–೨೦೦೮: ಗಡಿಯಾರದ ಗಾಜು;
- ೨೦೦೮–೨೦೦೯: ಸೂರ್ಯ;
- ೨೦೦೯–೨೦೧೦: ಯಿನ್‌ ಆಂಡ್ ಯಾಂಗ್.
- ೨೦೧೦-೨೦೧೧: X ಮತ್ತು ನಗು ಮುಖದ ಹಲವಾರು ವಿನ್ಯಾಸಗಳು.
ಹೊಸ ವರ್ಷಕ್ಕೆ ಕ್ಷಣ ಗಣನೆಯ ಕುರಿತಾದ ಗಡಿಯಾರವನ್ನು ಕೂಡ ಸೇತುವೆಯ ಮೇಲೆ ಹಾಕಿರಲಾಗಿತ್ತು.
| “ | There the proud arch Colossus like bestride Yon glittering streams and bound the strafing tide. |
” |
ಸಿಡ್ನಿ ಕೋವ್‍ನ ಭವಿಷ್ಯಾತ್ಮಕ ಒಳಹೊಳಹುಗಳುಳ್ಳ ಬರಹವನ್ನು ಚಾರ್ಲ್ಸ್ ಡಾರ್ವಿನ್‌ನ ಮುತ್ತಜ್ಜ ಎರಾಸ್ಮಸ್ ಡಾರ್ವಿನ್ ತನ್ನ ಕವನ ’ವಿಸಿಟ್‌ ಹೊಪ್ ಟು ಸಿಡ್ನಿ ಕೊವ್, ನಿಯರ್ ಬಾಟನಿ ಬೇ’, (೧೭೮೯) ಎಂಬುದರಲ್ಲಿ ಬರೆದಿದ್ದಾನೆ.
| “ | I open this bridge in the name of His Majesty the King and all the decent citizens of NSW. | ” |
ಫ್ರಾನ್ಸಿಸ್ ಡೆ ಗ್ರೂಟ್‌, ಸಿಡ್ನಿ ಹಾರ್ಬರ್ ಸೇತುವೆಯನ್ನು ಉದ್ಘಾಟಿಸುತ್ತಿರುವುದು(೧೯೩೨). ಅವನ ಸಂಘಟನೆಯಾದ ದಿ ನ್ಯೂ ಗಾರ್ಡ್, ಕಿಂಗ್‌ ಜಾರ್ಜ್ V ಇವರಿಗೆ ಸೇತುವೆ ಉದ್ಘಾಟನೆ ಮಾಡಲು ಹೇಳಿರಲಿಲ್ಲ ಎಂಬುದನ್ನು ತಿಳಿಸುತ್ತದೆ.
| “ | To get on in Australia, you must make two observations. Say, "You have the most beautiful bridge in the world" and "They tell me you trounced England again in the cricket." The first statement will be a lie. Sydney Bridge [sic] is big, utilitarian and the symbol of Australia, like the Statue of Liberty or the Eiffel Tower. But it is very ugly. No Australian will admit this. | ” |
ಜೇಮ್ಸ್ ಮಿಶೆನರ್‌ ತನ್ನ ಪುಸ್ತಕ ರಿಟರ್ನ್‌ ಟು ಪಾರಡೈಸ್‌ ಪುಸ್ತಕದಲ್ಲಿ ಸಿಡ್ನಿ ಹಾರ್ಬರ್ ಬ್ರಿಡ್ಜ್‌ನ ಕುರಿತಾಗಿ ಬರೆದಿದ್ದಾರೆ. (೧೯೫೧).
| “ | ...you can see it from every corner of the city, creeping into frame from the oddest angles, like an uncle who wants to get into every snapshot. From a distance it has a kind of gallant restraint, majestic but not assertive, but up close it is all might. It soars above you, so high that you could pass a ten-storey building beneath it, and looks like the heaviest thing on earth. Everything that is in it – the stone blocks in its four towers, the latticework of girders, the metal plates, the six-million rivets (with heads like halved apples) – is the biggest of its type you have ever seen... This is a great bridge. | ” |
ಸಿಡ್ನಿ ಹಾರ್ಬರ್ ಬ್ರಿಡ್ಜ್ ಬಗೆಗಿನ,ಅಮೇರಿಕಾದ ಸಂಚಾರಿ ಬರಹಗಾರ ಬಿಲ್ ಬ್ರೈಸನ್‌ನ ಅಭಿಪ್ರಾಯಗಳು,ಆತನ ಡೌನ್ ಅಂಡರ್,(೨೦೦೨).[45] ಎಂಬ ಪುಸ್ತಕದಲ್ಲಿದೆ.
- ಆಸ್ಟ್ರೇಲಿಯಾದ ಗಡಿ ಗುರುತುಗಳು
- ಅತಿದೊಡ್ಡ ಕಮಾನು ಸೇತುವೆಗಳ ಪಟ್ಟಿ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
