ವಿಶ್ವಕಪ್ ಫುಟ್ಬಾಲ್
From Wikipedia, the free encyclopedia
ಫಿಫಾ ವಿಶ್ವ ಕಪ್ ಫುಟ್ಬಾಲ್ ಕ್ರೀಡೆಯ ಅತ್ಯುನ್ನತ ಪ್ರಶಸ್ತಿಯಾಗಿದೆ. ಇದನ್ನು ಸಾಮಾನ್ಯವಾಗಿ ವಿಶ್ವ ಕಪ್ ಫುಟ್ಬಾಲ್ ಎಂದೇ ಕರೆಯುವುದು ವಾಡಿಕೆ. ಈ ಪಂದ್ಯಾವಳಿಯು ಫಿಫಾ ( ಅಂತರರಾಷ್ಟ್ರೀಯ ಫುಟ್ಬಾಲ್ ಫೆಡರೇಷನ್ )ದ ಸದಸ್ಯರಾಷ್ಟ್ರಗಳ ಪುರುಷರ ತಂಡಗಳ ನಡುವೆ ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಡೆಯುವುದು. ೧೯೩೦ರಲ್ಲಿ ಆರಂಭವಾದ ಈ ಪಂದ್ಯಾವಳಿ ೧೯೪೦ ಮತ್ತು ೧೯೪೪ರಲ್ಲಿ ದ್ವಿತೀಯ ವಿಶ್ವಯುದ್ಧದ ಕಾರಣದಿಂದಾಗಿ ನಡೆಯಲಿಲ್ಲ. ಈ ಪಂದ್ಯಾವಳಿಯ ಅಂತಿಮ ಚರಣವು ಸಾಮಾನ್ಯವಾಗಿ ವಿಶಕಪ್ ಫುಟ್ಬಾಲ್ ಫೈನಲ್ಸ್ ಎಂದು ಕರೆಯಲ್ಪಟ್ಟು ವಿಶ್ವದ ಅತಿ ಹೆಚ್ಚಿನ ಸಂಖ್ಯೆಯ ಜನತೆಯಿಂದ ನೇರವಾಗಿ ದೂರದರ್ಶನದ ಮೂಲಕ ವೀಕ್ಷಿಸಲ್ಪಡುತ್ತದೆ. ೨೦೦೬ರಲ್ಲಿ ನಡೆದ ಇತ್ತೀಚಿನ ಫೈನಲ್ಸ್ ಸುಮಾರು ೭೧ ಕೋಟಿ ಜನರಿಂದ ವೀಕ್ಷಿಸಲ್ಪಟ್ಟಿತು. ಪ್ರಸ್ತುತ ಈ ಅಂತಿಮ ಹಂತದಲ್ಲಿ ೩೨ ದೇಶಗಳ ತಂಡಗಳು ಪಾಲ್ಗೊಳ್ಳುತ್ತವೆ. ಒಂದು ಯಾ ಹೆಚ್ಚು ಆತಿಥೇಯ ರಾಷ್ಟ್ರಗಳ ಹಲವು ನಗರಗಳಲ್ಲಿ ಸುಮಾರು ಒಂದು ತಿಂಗಳ ಕಾಲ ಈ ಅಂತಿಮ ಘಟ್ಟದ ಪಂದ್ಯಗಳು ಆಡಲ್ಪಡುತ್ತವೆ. ಅಂತಿಮ ಹಂತಕ್ಕೆ ತಂಡಗಳನ್ನು ಆಯ್ಕೆ ಮಾಡಲು ಸುಮಾರು ಮೂರು ವರ್ಷಗಳ ಅವಧಿಯಲ್ಲಿ ಪ್ರಪಂಚದೆಲ್ಲೆಡೆ ಅರ್ಹತಾಸುತ್ತಿನ ಪಂದ್ಯಗಳನ್ನು ಆಡಲಾಗುತ್ತದೆ. ಈವರೆವಿಗೆ ೧೮ ಬಾರಿ ಫೈನಲ್ಸ್ ನಡೆದಿದ್ದು ಕೇವಲ ೭ ರಾಷ್ಟ್ರಗಳು ಮಾತ್ರ ವಿಶ್ವಕಪ್ ಅನ್ನು ಗೆದ್ದಿವೆ. ಬ್ರಝಿಲ್ ೫ ಬಾರಿ ಗೆಲುವು ಸಾಧಿಸಿ ಅತಿ ಯಶಸ್ವೀ ತಂಡವೆನಿಸಿದೆ. ಉಳಿದಂತೆ ಇಟಲಿ ೪ ಬಾರಿ , ಜರ್ಮನಿ ೩ ಬಾರಿ, ಅರ್ಜೆಂಟೀನ ಮತ್ತು ಉರುಗ್ವೆ ೨ ಬಾರಿ ಹಾಗೂ ಇಂಗ್ಲಂಡ್ ಮತ್ತು ಫ್ರಾನ್ಸ್ ತಲಾ ಒಂದು ಬಾರಿ ಪ್ರಶಸ್ತಿ ಗೆದ್ದಿವೆ. ಈ ಹಿಂದಿನ ವಿಶ್ವಕಪ್ ದಕ್ಷಿಣ ಆಫ್ರಿಕಾದಲ್ಲಿ ೨೦೧೦ರಲ್ಲಿ ನಡೆಯಿತು. ಸ್ಪೇನ್ ತಂಡ ಇದರಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿತು. ಪ್ರಸ್ತುತ ಬ್ರೆಜಿಲ್ನಲ್ಲಿ ವಿಶ್ವಕಪ್ ನಡೆಯುತ್ತಿದೆ. ಮುಂದಿನ ವಿಶ್ವಕಪ್ ೨೦೧೮ರಲ್ಲಿ ರಷ್ಯಾದಲ್ಲೂ ಹಾಗು ೨೦೨೨ರಲ್ಲಿ ಕತಾರ್ನಲ್ಲೂ ನಡೆಯಲಿವೆ.(ಫೀಫಾ+2014ರ ವಿಶ್ವ ಕಪ್ ವಿವರ)
ನವೆಂಬರ್ ೨೦ ೨೦೨೨ರಿಂದ ಖತಾರ್ ನಲ್ಲಿ ಫಿಫಾ ವಿಶ್ವ ಕಪ್ ೨೨ನೆಯ ಆವೃತ್ತಿ ಶುರುವಾಗಿದೆ.
![Thumb image](http://upload.wikimedia.org/wikipedia/kn/2/24/150px-Fifa_world_cup_org.jpg)