![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Wingsuit-01.jpg/640px-Wingsuit-01.jpg&w=640&q=50)
ರೆಕ್ಕೆದಿರಿಸು ಹಾರಾಟ
From Wikipedia, the free encyclopedia
ರೆಕ್ಕೆದಿರಿಸು ಹಾರಾಟ ಎಂಬುದು ರೆಕ್ಕೆದಿರಿಸು ಎಂದು ಕರೆಯಲ್ಪಡುವ ಒಂದು ವಿಶೇಷವಾದ ಜಿಗಿತದ ದಿರಿಸನ್ನು ಬಳಸಿಕೊಂಡು ಗಾಳಿಯ ಮೂಲಕ ಮಾನವ ಶರೀರವನ್ನು ಹಾರಿಸುವ ಕ್ರೀಡೆಯಾಗಿದೆ. ಈ ಹಾರಾಟದಲ್ಲಿ ಮೇಲ್ಮುಖ ಒತ್ತಡದಲ್ಲಿನ ಒಂದು ಗಮನಾರ್ಹ ಹೆಚ್ಚಳಕ್ಕೆ ಅನುವು ಮಾಡಿಕೊಡಲು ಸದರಿ ರೆಕ್ಕೆದಿರಿಸು ಮಾನವ ಶರೀರದ ಮೇಲ್ಮೈ ವಿಸ್ತೀರ್ಣವನ್ನು ಹೆಚ್ಚಿಸುತ್ತದೆ. ಹಾರಾಟದಲ್ಲಿ ತೊಡಗುವವರ ಕಾಲುಗಳ ನಡುವೆ ಹಾಗೂ ತೋಳುಗಳ ಅಡಿಯಲ್ಲಿ ನೆಯ್ದ ಬಟ್ಟೆಯನ್ನು ಬಳಸಿಕೊಂಡು ಆಧುನಿಕ ರೆಕ್ಕೆದಿರಿಸಿನ ವಿನ್ಯಾಸಗಳು ಮೇಲ್ಮೈ ವಿಸ್ತೀರ್ಣವನ್ನು ಸೃಷ್ಟಿಸುತ್ತವೆ. ಒಂದು ರೆಕ್ಕೆದಿರಿಸಿಗೆ ಒಂದು ಹಕ್ಕಿಗ ದಿರಿಸು (ಬರ್ಡ್ಮನ್ ಸೂಟ್) ಅಥವಾ ಅಳಿಲು ದಿರಿಸು (ಸ್ಕ್ವಿರಿಲ್ ಸೂಟ್) ಎಂದು ಉಲ್ಲೇಖಿಸಬಹುದಾಗಿದೆ.
![Thumb image](http://upload.wikimedia.org/wikipedia/commons/thumb/d/df/Wingsuit-01.jpg/320px-Wingsuit-01.jpg)
ಒಂದು ಧುಮುಕುಕೊಡೆಯು (ಪ್ಯಾರಾಶೂಟ್) ತೆರೆದುಕೊಳ್ಳುವುದರೊಂದಿಗೆ ರೆಕ್ಕೆದಿರಿಸಿನ ಹಾರಾಟವೊಂದು ಕೊನೆಗೊಳ್ಳುತ್ತದೆ. ಆದ್ದರಿಂದ, ಗಾಳಿಯ ಮೂಲಕ ಜಾರಿಕೊಂಡು ಹೋಗುವುದಕ್ಕೆ ಸಾಕಷ್ಟಿರುವ ಉನ್ನತಿಯನ್ನು ಒದಗಿಸುವಂಥ, ಹಾಗೂ ಸಜ್ಜುಗೊಳ್ಳುವುದಕ್ಕೆ ಒಂದು ಧುಮುಕುಕೊಡೆಗೆ ಅವಕಾಶ ನೀಡುವಂಥ ಯಾವುದೇ ತಾಣದಿಂದ ಒಂದು ರೆಕ್ಕೆದಿರಿಸು ಹಾರಾಟವನ್ನು ನಡೆಸಬಹುದು; ಆಕಾಶ ನೆಗೆತದ ಆಕಾಶಬುಟ್ಟಿ ಅಥವಾ BASE ಜಿಗಿತದ ನಿರ್ಗಮನ ತಾಣಗಳಂಥವು ಸದರಿ ತಾಣಗಳಲ್ಲಿ ಸೇರಿವೆ.
ಆಕಾಶ ನೆಗೆತ ಅಥವಾ BASE ಜಿಗಿತಕ್ಕಾಗಿ ವಿನ್ಯಾಸಗೊಳಿಸಲಾದ ಧುಮುಕುಕೊಡೆ ಸಾಧನವನ್ನು ರೆಕ್ಕೆದಿರಿಸು ಹಾರಾಟಗಾರನು ಧರಿಸುತ್ತಾನೆ ಹಾರಾಟಗಾರನು ಒಂದು ಯೋಜಿತ ಉನ್ನತಿಯಲ್ಲಿ ಧುಮುಕುಕೊಡೆಯನ್ನು ಸಜ್ಜುಗೊಳಿಸುತ್ತಾನೆ ಮತ್ತು ಒಂದು ವೇಳೆ ಅವಶ್ಯಕವೆನಿಸಿದರೆ, ತೋಳಿನ ರೆಕ್ಕೆಗಳನ್ನು ಬಿಚ್ಚುತ್ತಾನೆ; ಇದರಿಂದಾಗಿ ನಿಯಂತ್ರಣದ ಅಡ್ಡಕಡ್ಡಿಗಳವರೆಗೆ ಅವರು ತಲುಪುವುದು ಮತ್ತು ಒಂದು ಸಾಮಾನ್ಯವಾದ ಧುಮುಕುಕೊಡೆಯ ಇಳಿಯುವಿಕೆಯ ಮಟ್ಟಕ್ಕೆ ಹಾರುವುದು ಸಾಧ್ಯವಾಗುತ್ತದೆ.