From Wikipedia, the free encyclopedia
ಪ್ರೆಸಿಡೆನ್ಸಿ ಕಾಲೆಜ್, ಚೆನ್ನೈಯನ್ನು ಮದ್ರಾಸ್ ವಿಶ್ವವಿದ್ಯಾಲಯದ ಅಗ್ರಗಾಮಿ ಕಾಲೆಜ್ ಎಂದು ಪರಿಗಣಿಸಲಾಗುತ್ತದೆ.
ಸರ್ ಥೋಮಸ್ ಮನ್ರೋವಿನ ಆಜ್ಞೆಯಂತೆ ೧೮೨೬ರಲ್ಲಿ ಒಂದು ಸಾರ್ವಜನಿಕ ಶಿಕ್ಷಣ ಸಮಿತಿಯನ್ನು ರಚಿಸಲಾಯಿತು. ೧೮೩೬ರಲ್ಲಿ ಈ ಸಮಿತಿಯ ಕರ್ತವ್ಯಗಳನ್ನು ‘ದೇಶೀಯ ಶಿಕ್ಷಣ ಸಮಿತಿ(Committee of Native Education)’ ಕೈಗೆತ್ತಿಕೊಂಡಿತು. ಸಮಿತಿಯು ತಯಾರಿಸಿದ ರೂಪರೇಷೆಗಳು ಮದ್ರಾಸಿನ ಗವರ್ನರ್ ಆಗಿದ್ದ ಲಾರ್ಡ್ ಎಲ್ಫಿನ್ಸ್ಟನರಿಗೆ ಒಪ್ಪಿಗೆಯಾಗಲಿಲ್ಲ. ಆ ಕಾರಣ ಅವರು ೧೯ ಠರಾವುಗಳನ್ನು ಸೂಚಿಸಲಾಗಿ ಅವೆಲ್ಲವೂ ಸರ್ವಾನುಮತದಿಂದ ಅಂಗೀಕೃತವಾದವು.
ಈ ಪ್ರಕಾರ ೧೫ನೇ ಅಕ್ಟೋಬರ್ ೧೮೪೦ರಂದು ಮದ್ರಾಸಿನ (ಇಂದಿನ ಚೆನ್ನೈ) ಎಗ್ಮೋರಿನ ‘ಎಡಿನ್ ಬರ್ಗ್ ಹೋಮ್’ ಕಟ್ಟಡವನ್ನು ಬಾಡಿಗೆಗೆ ಪಡೆದು, ಪ್ರೆಸಿಡೆನ್ಸಿ ಶಾಲೆಯನ್ನು ತೆರೆಯಲಾಯಿತು. ಇದರ ಪ್ರಥಮ ಪ್ರಾಂಶುಪಾಲರಾಗಿ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ಗಣಿತದ ಪ್ರೌಢಪಾಂಡಿತ್ಯದಲ್ಲಿ ಶ್ರೇಷ್ಠವರ್ಗದಲ್ಲಿ ತೇರ್ಗಡೆಯಾಗಿದ್ದ ಏರ್ ಬರ್ಟನ್ ಪವೆಲ್ (Eyre Burton Powell) ನೇಮಕವಾಗಿದ್ದರೂ ಇಂಗ್ಲೆಂಡ್ನಿಂದ ಆತ ಭಾರತವನ್ನು ಸೇರುವದು ತಡವಾದ ಕಾರಣ, ಕೊಲ್ಕತ್ತದ ಹುಗ್ಲಿ ಕಾಲೆಜಿನ ಪ್ರಾಧ್ಯಾಪಕ ಕೂಪರ್ ಎನ್ನುವವರು ತಾತ್ಕಾಲಿಕ ಪ್ರಾಂಶುಪಾಲರಾಗಿದ್ದರು. ಪವೆಲ್ ಬಂದು ಸೇರಿದ ನಂತರ ಎಪ್ರಿಲ್ ೧೮೪೧ರಲ್ಲಿ ಪ್ರೌಢಶಾಲಾ ವಿಭಾಗವನ್ನು ತೆರೆಯಲಾಯಿತು. ಆ ವರ್ಷದಲ್ಲೇ ಶಾಲೆಯನ್ನು ಪೊಫಮಿನ ಬ್ರಾಡ್ವೇಗೆ ಸ್ಥಳಾಂತರಿಸಲಾಯಿತು.
ಈ ಶಾಲೆಯು ಬೆಳೆದು ಪ್ರೆಸಿಡೆನ್ಸಿ ಕಾಲೆಜ್ ಆಯಿತು. ೧೮೫೭ರಲ್ಲಿ ಮದ್ರಾಸ್ ವಿಶ್ವವಿದ್ಯಾಲಯವು ಸ್ಥಾಪಿತವಾದಾಗ ಪ್ರೆಸಿಡೆನ್ಸಿ ಕಾಲೆಜ್ ಅದಕ್ಕೆ ಸೇರಸಲ್ಪಟ್ಟಿತು. ೧೮೭೦ರಲ್ಲಿ ಕಾಲೆಜನ್ನು ಮರಿನ ಬೀಚಿನ ಎದುರಿರುವ ಕಾಮರಾಜ್ ಸಾಲೈಗೆ ಸ್ಥಳಾಂತರಿಸಲಾಗಿ, ಇಂದಿಗೂ ಅಲ್ಲೇ ಇದೆ.
ಪ್ರೆಸಿಡೆನ್ಸಿ ಕಾಲೆಜಿನ ಕೆಲವು ಪ್ರಸಿದ್ಧರಾಗಿರುವ ವಿದ್ಯಾರ್ಥಿಗಳ ಪರಿಚಯ ಹೀಗಿವೆ:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.