From Wikipedia, the free encyclopedia
ಡೇವಿಡ್ ಮೈಕಲ್ ಬಟಿಸ್ಟಾ, ಜ್ಯೂ. [5] (ಜನನ: 1969ರ ಜನವರಿ 18),[1] ತನ್ನ ಬಟಿಸ್ಟಾ ಎಂಬ ಅಖಾಡದ ಹೆಸರಿನಿಂದ ಜನಪ್ರಿಯನಾಗಿದ್ದಾನೆ. ಇವನೊಬ್ಬ ಅಮೆರಿಕಾದ ವೃತ್ತಿಪರ ಕುಸ್ತಿಪಟು ಆಗಿದ್ದು, ಪ್ರಸ್ತುತ ವರ್ಲ್ಡ್ ರೆಸ್ಲಿಂಗ್ ಎಂಟರ್ಟೇನ್ಮೆಂಟ್ನ ಸ್ಮ್ಯಾಕ್ಡೌನ್ ಬ್ರ್ಯಾಂಡ್ನಲ್ಲಿ ಪ್ರದರ್ಶನವನ್ನು ನೀಡಲು ಅದರೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದ್ದಾನೆ.
![]() | |
Born | [1] Washington, D.C.[2] | ಜನವರಿ ೧೮, ೧೯೬೯
---|---|
Residence | Tampa, Florida[2] |
Website | Official website |
Professional wrestling career | |
Ring name(s) | Batista[3] Dave Batista Deacon Bautista[2] Leviathan[2] Kahn / Khan[2] |
Billed height | 6 ft 6 in (1.98 m)[3] |
Billed weight | 290 lb (130 kg)[3] |
Billed from | Washington, D.C.[3] |
Trained by | Afa Anoa'i[2][4] |
Debut | 1997[4] |
ವೃತ್ತಿಪರ ಕುಸ್ತಿಯಲ್ಲಿ, ಬಟಿಸ್ಟಾ ಐದು ಬಾರಿ ವಿಶ್ವ ಹೆವಿವೇಟ್ ಚಾಂಪಿಯನ್, ನಾಲ್ಕು ಬಾರಿ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಮತ್ತು ಒಂದು ಬಾರಿ WWE ಚಾಂಪಿಯನ್ಶಿಪ್ ಅನ್ನು ಗೆದ್ದಿದ್ದಾನೆ. ಈ ಚಾಂಪಿಯನ್ಶಿಪ್ಗಳಲ್ಲದೆ, ಬಟಿಸ್ಟಾ ವಿಶ್ವ ಟ್ಯಾಗ್ ಟೀಮ್ ಚಾಂಪಿಯನ್ಶಿಪ್ ಅನ್ನು ಮೂರು ಬಾರಿ (ರಿಕ್ ಪ್ಲೇರ್ಯೊಂದಿಗೆ ಎರಡು ಬಾರಿ ಮತ್ತು ಜಾನ್ ಸೆನಾಯೊಂದಿಗೆ ಒಂದು ಬಾರಿ) ಮತ್ತು ಒಮ್ಮೆ WWE ಟ್ಯಾಗ್ ಟೀಮ್ ಚಾಂಪಿಯನ್ಶಿಪ್ ಅನ್ನು (ರೇ ಮಿಸ್ಟೆರಿಯೊನೊಂದಿಗೆ) ಗೆದ್ದಿದ್ದಾನೆ. ಅದಲ್ಲದೆ, ಬಟಿಸ್ಟಾ 2005ರ ರಾಯಲ್ ರಂಬಲ್ ಪಂದ್ಯದ ವಿಜೇತನಾಗಿದ್ದಾರೆ.[3]
WCW ಪವರ್ ಪ್ಲಾಂಟ್ನಲ್ಲಿನ ಪ್ರಯತ್ನದ ನಂತರ, 2000ರಲ್ಲಿ ಬಟಿಸ್ಟಾ ವಿಶ್ವ ಕುಸ್ತಿ ಒಕ್ಕೂಟದೊಂದಿಗೆ (WWF) ಒಪ್ಪಂದ ಮಾಡಿಕೊಂಡನು. ನಂತರ ಬಟಿಸ್ಟಾನನ್ನು WWF ತನ್ನ ಅಭಿವೃದ್ದಿ ಒಕ್ಕೂಟವಾದ ಒಹಿಯೊ ವ್ಯಾಲಿ ರೆಸ್ಲಿಂಗ್ಗೆ (OVW) ಕಳುಹಿಸಿಕೊಟ್ಟಿತ್ತು. ಅಲ್ಲಿ ಬಟಿಸ್ಟಾ OVW ಹೆವಿವೇಟ್ ಚಾಂಪಿಯನ್ಶಿಪ್ ಗೆದ್ದನು.
ಗ್ರೀಕ್ ಮೂಲದ ಫಿಲಿಪೈನೊ ಮತ್ತು ಡಾನ್ನಾ ರಾಯೆ ಬಟಿಸ್ಟಾರ ಮಗನಾಗಿ ಡೇವಿಡ್ ಮೈಕಲ್ ಬಟಿಸ್ಟಾ ಹುಟ್ಟಿದನು.[5] ಅವನ ತಾಯಿ ಸಲಿಂಗಕಾಮಿ ಎನ್ನುವುದು ಬಹಿರಂಗಗೊಂಡ ನಂತರ ಅವನ ತಂದೆ ತಾಯಿ ಪ್ರತ್ಯೇಕಗೊಂಡರು(ಮತ್ತು ಕ್ರಮೇಣ ವಿಚ್ಛೇದನ ತೆಗೆದುಕೊಂಡರು).[6] ಅವನ ತಂದೆಯ ಹೆತ್ತವರು ಸಹ ಫಿಲಿಪೈನ್ಸ್ ಮೂಲದವರು. ಅವನ ಅಜ್ಜ ಕುಟುಂಬವನ್ನು ನಿರ್ವಹಿಸಲು ಮಿಲಿಟರಿಯಲ್ಲಿ ಸೇವೆ ಸಲ್ಲಿಸಿದರು, ಟ್ಯಾಕ್ಸಿ ಚಾಲಕ, ಕ್ಷೌರಿಕ ಮತ್ತು ಇತರೆ ಕೆಲಸಗಳನ್ನು ಮಾಡಿದರು. ಬಡತನದಲ್ಲಿ ಬದುಕಿದವನು ಎಂದು ಹೇಳಿಕೊಳ್ಳಲು ತನಗೆ ಸಂಕೋಚವಾಗುವುದಿಲ್ಲ ಎಂದು ಬಟಿಸ್ಟಾ ಹೇಳಿಕೊಳ್ಳುತ್ತಾನೆ.[7]
ಬಟಿಸ್ಟಾ ಒಂಬತ್ತು ವರ್ಷಗಳನ್ನು ತಲುಪುವ ಮುಂಚೆಯೇ, ಅವನ ಮನೆಯ ಮುಂಭಾಗದ ಹುಲ್ಲುಹಾಸಿನಲ್ಲಿ ಮೂರು ಹತ್ಯೆಗಳಾಗಿದ್ದನ್ನು ವಿವರಿಸುತ್ತಾ, ತನ್ನ ಕಷ್ಟದ ಜೀವನದ ಕುರಿತು ಸಾರ್ವಜನಿಕವಾಗಿ ಹೇಳಿಕೊಂಡಿದ್ದನು.[8] ಅವನು 13 ವರ್ಷದವನಾಗಿದ್ದಾಗಲೇ, ವಾಹನಗಳನ್ನು ಕದಿಯುತ್ತಿದ್ದನು.[9] ಅವನು 17 ವರ್ಷದವನಾಗಿದ್ದಾಗ, ತಂದೆತಾಯಿಗಳಿಂದ ದೂರವಾಗಿ ಸ್ವಂತ ಜೀವನ ಮಾಡಿದ.[10] ಆದರೂ, "ನಾನು ನನ್ನ ತಂದೆತಾಯಿಗಳಿಗೆ ಮಗನಾಗಿರುವುದಕ್ಕೆ ಹೆಮ್ಮೆಪಡುತ್ತೇನೆ" ಎಂದು ನಂತರ ಹೇಳಿದ್ದಾನೆ. ಅವರು ಉತ್ತಮ, ಪ್ರಾಮಾಣಿಕ, ಕಷ್ಟಪಟ್ಟು ದುಡಿಯುವ ಜನರಾಗಿದ್ದರು. ಅವರು ಕಷ್ಟಪಟ್ಟು ದುಡಿಮೆಯ ಮೌಲ್ಯವನ್ನು ಕಲಿಸಿಕೊಟ್ಟಿದ್ದಾರೆ" ಎಂದು ಹೇಳುವನು.[9] ಬಟಿಸ್ಟಾ ಕ್ಲಬ್ಗಳಿಗೆ ಪೂರ್ಣಾವಧಿಯ ಬೌನ್ಸರ್ ಆಗಿ ಕೆಲಸ ಮಾಡಿದ. ಜಗಳವೊಂದರಲ್ಲಿ ಇಬ್ಬರು ಗ್ರಾಹಕರು ತೀವ್ರವಾಗಿ ಗಾಯಗೊಂಡು, ಒಬ್ಬನು ರಸ್ತೆಯಲ್ಲಿ ಬಿದ್ದಿರುವುದು ಪತ್ತೆಯಾದ ನಂತರ, ಅವನನ್ನು ಬಂಧಿಸಲಾಯಿತು. ವಿಚಾರಣೆಯ ನಂತರ, ಅವನಿಗೆ ಒಂದು ವರ್ಷದ ಪರೀಕ್ಷಣಾವಧಿಯನ್ನು ವಿಧಿಸಲಾಯಿತು.[10] ಅವನು ದೇಹವರ್ಧನೆಯನ್ನು ವೃತ್ತಿಯಾಗಿ ತೆಗೆದುಕೊಳ್ಳುವ ಮೊದಲು, ಜೀವರಕ್ಷಕನಾಗಿ[11] ಸಹ ಕೆಲಸಮಾಡುತ್ತಿದ್ದನು.[10] ದೇಹವರ್ಧನೆಯಿಂದ ತನ್ನ ಜೀವ ರಕ್ಷಣೆಯಾಗುತ್ತಿದೆಯೆಂದು ಅವನು ಭರವಸೆ ಇಟ್ಟಿದ್ದನು[12]
WCW ಪವರ್ ಪ್ಲಾಂಟ್ನಲ್ಲಿ ಬಟಿಸ್ಟಾ ಪ್ರಯತ್ನಿಸಿದ, ಆದರೆ ಅವನು ಕುಸ್ತಿ ಉದ್ಯಮದಲ್ಲಿ ಭರವಸೆ ಹುಟ್ಟಿಸಲಾರ ಎಂದು ಸಾರ್ಜಂಟ್ ಬಡ್ಡಿ ಲೀ ಪಾರ್ಕರ್ ಹೇಳಿದರು.[13] ನಂತರ ಅವನು ವಿಶ್ವ ಕುಸ್ತಿ ಒಕ್ಕೂಟಕ್ಕೆತೆರಳಿದನು. ಅವನನ್ನು ವೈಲ್ಡ್ ಸಮೋನ್ ತರಬೇತಿ ಕೇಂದ್ರದಲ್ಲಿನಅಫಾ ಅನೊಯಿಯ ಶಾಲೆಯಲ್ಲಿ ಅವನನ್ನು ತರಬೇತಿಗಾಗಿ ಕಳುಹಿಸಲಾಯಿತು.[14]
2000ರಲ್ಲಿ ಬಟಿಸ್ಟಾ ಅಖಾಡದ ಹೆಸರು ಲೆವಿಯಾಥನ್ನೊಂದಿಗೆ ತನ್ನ ಒಹಿಯೊ ವ್ಯಾಲಿ ಕುಸ್ತಿಯ ಚೊಚ್ಚಲ ಪಂದ್ಯವನ್ನು ಆಡಿದನು. ಅಲ್ಲಿ ಅವನು ತಕ್ಷಣವೇ ಸಿನ್ನ ಶಕ್ತಿಗಳ ಜೊತೆಗೂಡಿದನು.[4] ಕ್ರಿಸ್ಮಸ್ ಚಾಯೊಸ್ ನಲ್ಲಿ ಸ್ಟೋನ್ ಕೋಲ್ಡ್ ಸ್ಟೀವ್ ಆಸ್ಟಿನ್ನ ಸಹಾಯದೊಂದಿಗೆ ಕೇನ್ ಅವನನ್ನು ಸೋಲಿಸುವವರೆಗೆ ಡಿಸಿಪಲ್ಸ್ ಆಫ್ ಸಿನ್ ತಂಡದ ಸದಸ್ಯನಾಗಿ ಬಟಿಸ್ಟಾ ಅಜೇಯನಾಗಿ ಉಳಿದ. ನಂತರ ಅವನು OVW ಹೆವಿವೇಟ್ ಚಾಂಪಿಯನ್ಶಿಪ್ ಅನ್ನು "ದಿ ಮೆಶಿನ್" ದೌಗ್ ಬಾಷಮ್ನೊಂದಿಗೆ ಆಟವಾಡಿ ಗೆದ್ದನು. ಆಮೇಲೆ ಆ ಬೆಲ್ಟನ್ನು ದಿ ಪ್ರೋಟೊಟೈಪ್ ವಿರುದ್ಧದ ಪಂದ್ಯದಲ್ಲಿ ಕಳೆದುಕೊಂಡನು. ಕೆಲವು ತಿಂಗಳ ನಂತರ, ವರ್ಲ್ಡ್ ರೆಸ್ಲಿಂಗ್ ಎಂಟರ್ಟೇನ್ಮೆಂಟ್ಗೆ ಬಡ್ತಿ ಹೊಂದಿದ ನಂತರ, ಬಟಿಸ್ಟಾ OVW ಅನ್ನು ಬಿಟ್ಟುಹೋದನು.[15]
ಬಟಿಸ್ಟಾ ತನ್ನ WWE ವೃತ್ತಿಜೀವನವನ್ನು ಸ್ಮ್ಯಾಕ್ಡೌನ್! ರ 2002ರ ಮೇ 9ರ ಸಂಚಿಕೆಯೊಂದಿಗೆ ಪ್ರಾರಂಭಿಸಿದನು. ಮೊದಲು ರೆವರಂಡ್ D-ವೋನ್ಗಾಗಿ ದುಷ್ಟ ಅಂಗರಕ್ಷಕನಾಗಿ ಪಾತ್ರವಹಿಸಿದ. ಬಟಿಸ್ಟಾ ತನ್ನ ಮೊದಲ WWE ಅಖಾಡದೊಳಗಿನ ಚೊಚ್ಚಲ ಪಂದ್ಯವನ್ನು ಫಾರೂಕ್ ಮತ್ತು ರ್ಯಾಂಡಿ ಆರ್ಟನ್ ವಿರುದ್ಧ D-ವೋನ್ನೊಂದಿಗೆ ಟ್ಯಾಗ್ ಟೀಮ್(ಜೋಡಿ ಕುಸ್ತಿ ತಂಡ) ಪಂದ್ಯ ಆಡಿದನು. ಅದರಲ್ಲಿ ಬಟಿಸ್ಟಾ ಆರ್ಟನ್ ಭುಜವನ್ನು ನೆಲಕ್ಕೆ ಅದುಮಿ ಹಿಡಿದು ಸೋಲಿಸಿದನು. ಹಲವು ವಾರಗಳ ತನಕ, D-ವೋನ್ ಮತ್ತು ಬಟಿಸ್ಟಾರನ್ನು ಆರ್ಟನ್ ಹಲವು ಸಹ ಆಟಗಾರರೊಂದಿಗೆ ಸೋಲಿಸಲು ಪ್ರಯತ್ನಿಸಿದ. ಆದರೆ ಅಂತಿಮವಾಗಿ ಪ್ರತಿ ಬಾರಿ ಸೋಲಪ್ಪಿದ.[16] ರಿಕಿಶಿ ವಿರುದ್ಧ ಪಂದ್ಯದಲ್ಲಿ, D-ವೋನ್ ಬಟಿಸ್ಟಾಗೆ ಆಕಸ್ಮಿಕವಾಗಿ ಗುದ್ದಿದ, ಈ ಸಂದರ್ಭವನ್ನು ಬಳಸಿಕೊಂಡು ರಿಕಿಶಿ ಬಟಿಸ್ಟಾನ ಭುಜವನ್ನು ನೆಲಕ್ಕೆ ಅದುಮಿಹಿಡಿದು ಸೋಲಿಸಿದ. ಇದು ಬಟಿಸ್ಟಾನ ಮೊದಲ ಸೋಲಾಗಿತ್ತು. ಈ ಕುರಿತು ಮುಂಬರುವ ವಾರಗಳಲ್ಲಿ ಬಟಿಸ್ಟಾ ಮತ್ತು D-ವೋನ್ರು ಮಾತಿನ ಚಕಮಕಿಗೆ ಇಳಿದರು. ಕಟ್ಟಕಡೆಗೆ ಬಟಿಸ್ಟಾ D-ವೋನ್ನಿಂದ ಪ್ರತ್ಯೇಕಗೊಂಡನು.[17] D-ವೋನ್ನಿಂದ ಬೇರೆಯಾದ ನಂತರ, ಬಟಿಸ್ಟಾ ರಾನೊಂದಿಗೆ ಒಪ್ಪಂದ ಮಾಡಿಕೊಂಡನು ಮತ್ತು ಅಲ್ಲಿ ಅವನು ಡೇವ್ ಬಟಿಸ್ಟಾ (ಅಥವಾ ಕೇವಲ ಬಟಿಸ್ಟಾ) ಎಂದು ಮರುನಾಮಕರಣಗೊಂಡ. ಬಟಿಸ್ಟಾ ತಾನಾಗಿಯೇ ರಿಕ್ ಪ್ಲೇರ್[18] ಜೊತೆಸೇರಿದನು ಮತ್ತು ಕೇನ್ನೊಂದಿಗೆ ವೃತ್ತಿಕಾಳಗ ಕಟ್ಟಿಕೊಂಡನು. ಅವನನ್ನು ಬಟಿಸ್ಟಾ ಆರ್ಮಗೆಡನ್ನಲ್ಲಿ ಸೋಲಿಸಿದನು.[19]
2003 ಜನವರಿಯಲ್ಲಿ ನೀಚತನ ಬಿಂಬಿಸುವ ತಂಡ ಎವಲ್ಯೂಷನ್ ಅನ್ನು ರಚಿಸಲು ಬಟಿಸ್ಟಾ ಟ್ರಿಪಲ್ H, ರಿಕ್ ಪ್ಲೇರ್ ಮತ್ತು ರ್ಯಾಂಡಿ ಆರ್ಟನ್ರನ್ನು ಸೇರಿಕೊಂಡನು.[20] ರಾ ನೇರ ಪ್ರಸಾರ ಕಾರ್ಯಕ್ರಮದಡಡ್ಲಿ ಬಾಯ್ಸ್ ವಿರುದ್ಧ ಟ್ಯಾಗ್ ಟೀಮ್ ಪಂದ್ಯದಲ್ಲಿ ಬಟಿಸ್ಟಾನ ಬಲಗಡೆಯ ಟ್ರಿಸೆಪ್ಸ್ ಸ್ನಾಯು ಬಿರುಕುಗೊಂಡ ನಂತರ, 2003ರಲ್ಲಿ ಹೆಚ್ಚಿನ ಸಮಯ ಅಖಾಡದಿಂದ ಹೊರಗೆ ಉಳಿದಿದ್ದ. ಗಾಯದ ನಂತರ ತರಬೇತಿಯ ಸಮಯದಲ್ಲಿ, ಬಟಿಸ್ಟಾನ ಟ್ರಿಸೆಪ್ಸ್ನಲ್ಲಿ ಮರುಬಿರುಕು ಉಂಟಾಯಿತು. ಇದರಿಂದಾಗಿ ಇನ್ನೂ ಹೆಚ್ಚಿನ ಸಮಯ ಅವನು ಅಖಾಡದಿಂದ ಹೊರಗಿರಬೇಕಾಯಿತು.[21] ಅಕ್ಟೋಬರ್ 20ರ ರಾ ಸಂಚಿಕೆಯಲ್ಲಿ ಬ್ಯಾಟಿಸ್ಟಾ ವಾಪಸಾದನು.ಬಿಲ್ ಗೋಲ್ಡ್ಬರ್ಗ್ ಮತ್ತು ಶಾನ್ ಮೈಕಲ್ಸ್ ನಡುವಿನ ಪಂದ್ಯದಲ್ಲಿ ಮಧ್ಯಪ್ರವೇಶಿಸಿ, ಕುರ್ಚಿಯಿಂದ ಗೋಲ್ಡ್ಬರ್ಗ್ನ ಕಣಕಾಲನ್ನು "ನಜ್ಜುಗುಜ್ಜು" ಮಾಡಿದ. ಈ ಮಧ್ಯಪ್ರವೇಶದ ನಂತರ, ಎವಲ್ಯೂಷನ್ ತಂಡವು ಅಖಾಡಕ್ಕೆ ಬಂದಿತು. ಆಗ ಟ್ರಿಪಲ್ H ಬಟಿಸ್ಟಾಗೆ $100,000 ಬಹುಮಾನವನ್ನು ನೀಡಿದನು.[22] ನವೆಂಬರ್ 10ರ ರಾ ಆವೃತ್ತಿಯಲ್ಲಿ, ಅನರ್ಹತೆ ಆಧಾರದ ಮೇಲೆ ಗೋಲ್ಡ್ಬರ್ಗ್ ಬಟಿಸ್ಟಾನನ್ನು ಸೋಲಿಸಿದ ಸಂದರ್ಭದಲ್ಲಿ ಟ್ರಿಪಲ್ H ಮಧ್ಯಪ್ರವೇಶಿಸಿದ.[23]
ಆರ್ಮಗೆಡನ್ನಲ್ಲಿ, ಬಟಿಸ್ಟಾ ಎರಡು ಪಂದ್ಯಗಳಲ್ಲಿ ಭಾಗವಹಿಸಿದ; ಸಿಂಗಲ್ಸ್ ಪಂದ್ಯದಲ್ಲಿ ಶಾನ್ ಮೈಕಲ್ಸ್ ವಿರುದ್ಧ ಸೋತನು[24] ಮತ್ತು ರಿಕ್ ಪ್ಲೇರ್ನೊಂದಿಗೆ ಟ್ಯಾಗ್ ಟೀಮ್ ಟರ್ಮಾಯಿಲ್ ಪಂದ್ಯ(ಸರಣಿ ಪಂದ್ಯ)ವನ್ನು ಗೆದ್ದು ವಿಶ್ವ ಟ್ಯಾಗ್ ತಂಡ ಚಾಂಪಿಯನ್ನರ ಅರ್ಧ ಭಾಗವೆನಿಸಿದ.[25] ಈ ಕಾರ್ಯಕ್ರಮದ ಕೊನೆಯಲ್ಲಿ, ಟ್ರಿಪಲ್ H ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಅನ್ನು ಮತ್ತು ರ್ಯಾಂಡಿ ಆರ್ಟನ್ WWE ಇಂಟರ್ಕಾಂಟಿನೆಂಟಲ್ ಚಾಂಪಿಯನ್ಶಿಪ್ ಅನ್ನು ಗೆಲ್ಲುವುದರ ಮೂಲಕ ಎವಲ್ಯೂಷನ್ನ ಎಲ್ಲಾ ನಾಲ್ಕು ಸದಸ್ಯರು ರಾದಲ್ಲಿನ ಪುರುಷರ ವಿಭಾಗದ ಪ್ರತಿ ಚಾಂಪಿಯನ್ಶಿಪ್ ಅನ್ನು ಹೊಂದಿದ್ದರು.[26] 2004 ಫೆಬ್ರುವರಿ 16ರ ರಾ ಸಂಚಿಕೆಯಲ್ಲಿ ಬೂಕರ್ T ಮತ್ತು ರಾಬ್ ವ್ಯಾನ್ ಡ್ಯಾಮ್ರಿಂದ ಸೋಲುವವರೆಗೆ, ಆ ಪ್ರಶಸ್ತಿಯನ್ನು ಹೊಂದಿದ್ದರು.[27] ಇದಾದ ನಂತರ, ಅವರು ಪ್ರಶಸ್ತಿಯನ್ನು ಮತ್ತೆ ಅಲ್ಪ ಕಾಲ ಗೆದ್ದುಕೊಂಡಿದ್ದರು.[28][29]
ಸರ್ವೈವರ್ ಸರಣಿಯಲ್ಲಿ ಮುಂದಿನ ತಿಂಗಳಲ್ಲಿ ರಾವನ್ನು ನಿಯಂತ್ರಿಸುವುದಕ್ಕಾಗಿ ನಡೆದ ಎಂಟು ಮಂದಿಯ ಎಲಿಮಿನೇಷನ್ ಟ್ಯಾಗ್ ಟೀಮ್ ಪಂದ್ಯದಲ್ಲಿ ಮಾವೆನ್, ಕ್ರಿಸ್ ಜೆರಿಕೊ, ಕ್ರಿಸ್ ಬೆನೊಯಿಟ್, ಮತ್ತು ರ್ಯಾಂಡಿ ಆರ್ಟನ್ರವರಿಂದ ಟ್ರಿಪಲ್ H, ಬಟಿಸ್ಟಾ, ಜೇನ್ಸ್ನಿಟ್ಸ್ಕೈ, ಮತ್ತು ಎಡ್ಜ್ ಸೋತರು;[30] ಗೆದ್ದ ತಂಡದ ಸದಸ್ಯರು ಒಂದು ವಾರದ ಅವಧಿಗೆ ರಾ ಪ್ರಧಾನ ವ್ಯವಸ್ಥಾಪಕರಾಗಬಹುದು. ಮುಂದಿನ ಎರಡು ತಿಂಗಳ ಕಾಲ, ಬಟಿಸ್ಟಾ ಮತ್ತು ಟ್ರಿಪಲ್ H ನಡುವಿನ ಸಂಬಂಧವು ಹಾಳಾಗತೊಡಗಿತು. ಕ್ರಿಸ್ ಜೆರಿಕೊ ಎದುರು ಸೋತ ನಂತರ, ಟ್ರಿಪಲ್ H ಮಾತಿನ ಮೂಲಕ ಬಟಿಸ್ಟಾನನ್ನು ಅವಮಾನಿಸುತ್ತಿದ್ದ. ಕಿರುಕುಳಕ್ಕೀಡಾದ ಬಟಿಸ್ಟಾ ಆ ರಾತ್ರಿಯೇ ಎವಲ್ಯೂಷನ್ನಿಂದ ಹೊರಬಂದನು. ಆದರೆ ನಂತರ ನಾನು ಇಂದಿಗೂ ಎವಲ್ಯೂಷನ್ ಸದಸ್ಯನಾಗಿದ್ದೇನೆ ಮತ್ತು ಅವರು ಎಲ್ಲರನ್ನು ಮೋಸಗೊಳಿಸಿದರು ಎಂದು ಹೇಳಿದನು.[31] ಈ ಸಂಚಿನ ನಡುವೆಯೂ, ಎವಲ್ಯೂಷನ್ನ ದುಷ್ಟ ತಂತ್ರಗಳಿಗೆ ಪ್ರತಿಯಾಗಿ ಬಟಿಸ್ಟಾ ಮುಂದಿನ ಕೆಲವು ವಾರಗಳುಅಭಿಮಾನಿಗಳಿಗೆ ನೆಚ್ಚಿನವನಂತೆ ವರ್ತಿಸಲು ಪ್ರಾರಂಭಿಸಿದನು. ಒಂದು ನಿರ್ದಿಷ್ಟ ಕ್ಷಣದಲ್ಲಿ ಜಿಮ್ ರೋಸ್, ಡ್ಯಾನಿ ಹಾಡ್ಜ್, ಮತ್ತು ಸ್ಟೇಸಿ ಕೀಬ್ಲರ್ರನ್ನು ತಾವು ಹೇಗೆ ಭಯಹುಟ್ಟಿಸುತ್ತಿದ್ದೆವು ಮತ್ತು/ಅಥವಾ ಸೋಲಿಸುತ್ತಿದ್ದೆವು ಎಂದು ಟ್ರಿಪಲ್ H ಮತ್ತು ರಿಕ್ ಪ್ಲೇರ್ ಜಂಬಕೊಚ್ಚಿಕೊಳ್ಳುತ್ತಿದ್ದ ಬಗ್ಗೆ ಬಟಿಸ್ಟಾ ಅತೃಪ್ತಿ ವ್ಯಕ್ತಪಡಿಸಿದ. ಇದೆಲ್ಲದರ ನಡುವೆಯೂ, ಅವನು ಅಖಾಡದಲ್ಲಿ ಟ್ರಿಪಲ್ H ಮತ್ತು ಎವಲ್ಯೂಷನ್ಗೆ ತನ್ನ ನಿಷ್ಠತೆಯನ್ನು ತೋರಿಸುವುದನ್ನು ಮುಂದುವರಿಸಿದನು ಮತ್ತು ಅಖಾಡಕ್ಕೆ ಓಡಿ ಪಂದ್ಯಗಳಲ್ಲಿ ಅವರಿಗೆ ಸಹಾಯಮಾಡುತ್ತಿದ್ದನು.
2005 ಪ್ರಾರಂಭದಲ್ಲಿ, ಟ್ರಿಪಲ್ H ತನ್ನ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗೆ ಬಟಿಸ್ಟಾ ಅಪಾಯ ತಂದೊಡ್ಡುವ ಸಾಧ್ಯತೆಯನ್ನು ಮನಗಂಡನು. ಅವನಿಗೆ ಟ್ರಿಪಲ್ H ರಾಯಲ್ ರಂಬಲ್ಗೆ ಪ್ರವೇಶಿಸದಂತೆ ಸೂಚಿಸಿ, ಹಾಗೆ ಮಾಡಿದಲ್ಲಿ ಸ್ವಾರ್ಥವೆನಿಸುತ್ತದೆಂದು ಹೇಳಿದ. ಟ್ರಿಪಲ್ H ಪ್ರಶಸ್ತಿಯನ್ನು ಉಳಿಸಿಕೊಳ್ಳುವುದರಲ್ಲಿ ಗಮನವನ್ನು ಕೇಂದ್ರಿಕರಿಸು ಎಂದು ಟ್ರಿಪಲ್ H ಅವನಿಗೆ ಹೇಳಿದ. ಆದರೂ ಬಟಿಸ್ಟಾ ರಾಯಲ್ ರಂಬಲ್ ಅನ್ನು ಪ್ರವೇಶಿಸಿ ರಂಬಲ್ನಲ್ಲಿ ಗೆದ್ದನು. ತನ್ನ ಆಯ್ಕೆಯ ವಿಶ್ವಚಾಂಪಿಯನ್ ವಿರುದ್ಧ ವ್ರೆಸಲ್ಮ್ಯಾನಿಯ 21 ಮುಖ್ಯ ಸ್ಪರ್ಧೆಯಲ್ಲಿ ಭಾಗವಹಿಸುವ ಹಕ್ಕನ್ನು ಗಳಿಸಿದ.[32] ತನ್ನ ಬದಲಿಗೆ WWE ಚಾಂಪಿಯನ್ ಜಾನ್ "ಬ್ರ್ಯಾಡ್ಶಾ" ಲೇಫೀಲ್ಡ್ಗೆ ಸವಾಲನ್ನು ಹಾಕುವಂತೆ ಬಟಿಸ್ಟಾನ ಮನವೊಲಿಸಲು ಟ್ರಿಪಲ್ H ಲೇಫೀಲ್ಡ್ ಬಳಸುವ ವಾಹನವನ್ನು ಹೋಲುವ ಲಿಮೋಸಿನ್ ಬಟಿಸ್ಟಾಗೆ ಡಿಕ್ಕಿಹೊಡೆಯುವ ಸಂಚನ್ನು ರೂಪಿಸಿದ. ಆರಂಭದಲ್ಲಿ ಡೇವ್ ಎವಲ್ಯೂಷನ್ನಿಂದ ಯಾವುದೇ ಸಹಾಯವನ್ನು ಕೇಳಲಿಲ್ಲ ಮತ್ತು JBLನನ್ನು ಸ್ವತಃ ಎದುರಿಸಲು ಇಷ್ಟಪಟ್ಟಿದ್ದನು. ಅದಕ್ಕೆ ಟ್ರಿಪಲ್ H, ಎವಲ್ಯೂಷನ್ ಒಗ್ಗಟ್ಟಿನಿಂದ ಇರುವುದೆಂದು ಹೇಳಿ, ಡೇವ್ ಜತೆಗೂಡಿ, ಬಟಿಸ್ಟಾಗೆ ಡಿಕ್ಕಿಹೊಡೆಯಲು ಬರುತ್ತಿದ್ದ ವಾಹನದಿಂದ ಪಾರು ಮಾಡಿದ.[33] ಸಹ ಎವಲ್ಯೂಷನ್ ಸದಸ್ಯರು ಗುಟ್ಟಾಗಿ ಮಾತನಾಡಿದ್ದನ್ನು ಕದ್ದು ಕೇಳಿಸಿಕೊಂಡ ಬಟಿಸ್ಟಾ ತನ್ನ ಮೇಲೆ ಸಂಚು ನಡೆಸಿದ್ದನ್ನು ಅರಿತುಕೊಂಡ. ನಂತರ ರೆಸಲ್ಮೆನಿಯಾ 21ನಲ್ಲಿ ವಿಶ್ವ ಹೆವಿವೇಟ್ ಚಾಂಪಿಯನ್ ಟ್ರಿಪಲ್ Hನೊಂದಿಗಿನ ಪಂದ್ಯವನ್ನು ಖಾತ್ರಿಪಡಿಸುವ ಒಪ್ಪಂದಕ್ಕೆ ಸಹಿಹಾಕಿದನು. ಹಾಗಾಗಿ ಎವಲ್ಯೂಷನ್ ಅನ್ನು ತ್ಯಜಿಸಿ, ಅಧಿಕೃತವಾಗಿ ಅಭಿಮಾನಿಗಳ ನೆಚ್ಚಿನ ಕುಸ್ತಿಪಟು ಆದನು. ಬಟಿಸ್ಟಾ ಮೊದಲು ಸ್ಮ್ಯಾಕ್ಡೌನ್! ಜತೆ ಒಪ್ಪಂದ ಮಾಡಿಕೊಳ್ಳುವುದಾಗಿ ನಟನೆ ಮಾಡಿದ. ಟ್ರಿಪಲ್ H ಮತ್ತು ಫ್ಲೇರ್ "ಒಪ್ಪಿಗೆಯ ಸಂಕೇತ"ವನ್ನು ತೋರಿಸಿದರು. ಆದರೆ ನಂತರ ಜೋಡಿಯ ಮೇಲೆ ದಾಳಿ ಮಾಡುವ ಮೊದಲೇ "ಅಸಮ್ಮತಿಯ ಸಂಕೇತ"ಕ್ಕೆ ತಿರುಗಿಸಿದನು. ಅವರು ಒಪ್ಪಂದಕ್ಕೆ ಸಹಿ ಮಾಡಲು ಬಳಸುವ ಮೇಜಿನ ಮೂಲಕ ಟ್ರಿಪಲ್ Hನನ್ನು ಪವರ್ಬಾಂಬ್ ಮಾಡುವುದರ ಮೂಲಕ ಅವನ ನಿರ್ಗಮನಕ್ಕೆ ಮಹತ್ವ ನೀಡಿದ.[34]
ಏಪ್ರಿಲ್ 3ರಲ್ಲಿ ನಡೆದ ರೆಸಲ್ಮೆನಿಯಾ 21ರಲ್ಲಿ ಬಟಿಸ್ಟಾ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಅನ್ನು ಗೆದ್ದನು.[3][35] ಬ್ಯಾಕ್ಲ್ಯಾಷ್ನಲ್ಲಿ ಬಟಿಸ್ಟಾ ಟ್ರಿಪಲ್ Hನೊಂದಿಗಿನ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗಾಗಿ ಇದ್ದ ಮರುಪಂದ್ಯವನ್ನು ಗೆಲ್ಲುತ್ತಾನೆ.[36] ಬಟಿಸ್ಟಾ ಎಡ್ಜ್ ವಿರುದ್ಧದ ಪಂದ್ಯದಲ್ಲಿ ಪ್ರಶಸ್ತಿಯನ್ನು ಉಳಿಸಿಕೊಂಡ ನಂತರ, ಅವನು ರಿಕ್ ಪ್ಲೇರ್ನಿಂದ ಮೋಸಕ್ಕೆ ಒಳಗಾಗುತ್ತಾನೆ.ಟ್ರಿಪಲ್ H ವೆಂಜನ್ಸ್ನಲ್ಲಿ ಹೆಲ್ ಇನ್ ಎ ಸೆಲ್ ಪಂದ್ಯಕ್ಕೆ ಬಟಿಸ್ಟಾನಿಗೆ ಸವಾಲು ಹಾಕುವ ಮೂಲಕ ರಿಕ್ ಪ್ಲೇರ್ ಟ್ರಿಪಲ್ Hಗೆ ದುಷ್ಟರೀತಿಯಲ್ಲಿ ದಾಳಿಗೆ ನೆರವಾಗುತ್ತಾನೆ.[37] ಬಟಿಸ್ಟಾ ವೆಂಜನ್ಸ್ನಲ್ಲಿ ನಡೆದ ಪಂದ್ಯದಲ್ಲಿ ಗೆದ್ದು, ಅವನ ಪ್ರಶಸ್ತಿಯನ್ನು ಪುನಃ ಉಳಿಸಿಕೊಳ್ಳುತ್ತಾನೆ. ಈ ಗೆಲುವಿನೊಂದಿಗೆ ಬಟಿಸ್ಟಾ ಹೆಲ್ ಇನ್ ಎ ಸೆಲ್ ಪಂದ್ಯದಲ್ಲಿ ಟ್ರಿಪಲ್ Hನನ್ನು ಮಣಿಸಿದ ಮೊದಲ ಕುಸ್ತಿಪಟು ಎನಿಸಿದ.[38]
ಜೂನ್ 30ರಲ್ಲಿ ಬಟಿಸ್ಟಾ 2005 WWE ಡ್ರ್ಯಾಫ್ಟ್ ಲಾಟರಿಯಲ್ಲಿ ಕೊನೆಯ ಆಯ್ಕೆಯೆಂದು ಬಹಿರಂಗಮಾಡಲಾಯಿತು; JBL ಆರು ಜನರ ಎಲಿಮಿನೇಷನ್ ಪಂದ್ಯದಲ್ಲಿ ತನ್ನ ವಿಜಯೋತ್ಸವವನ್ನು ಆಚರಿಸಿಕೊಳ್ಳುತ್ತಿರುವಾಗ, ಬಟಿಸ್ಟಾ ಹಠಾತ್ತಾಗಿ ಪ್ರವೇಶಿಸಿದನು. ಈ ಪಂದ್ಯವು ಹೊಸ ಸ್ಮ್ಯಾಕ್ಡೌನ್! ಚಾಂಪಿಯನ್ಷಿಪ್ ಗೆಲುವಿನ ಉದ್ದೇಶವಾಗಿತ್ತು.[39] ದಿ ಗ್ರೇಟ್ ಅಮೆರಿಕನ್ ಬ್ಯಾಷ್ನಲ್ಲಿ JBL ಬಟಿಸ್ಟಾನನ್ನು ಅನರ್ಹತೆ ಆಧಾರದ ಮೇಲೆ ಸೋಲಿಸಿದ.ಬಟಿಸ್ಟಾ ಉಕ್ಕಿನ ಕುರ್ಚಿ ಬಳಸಿದ್ದನ್ನು ತೀರ್ಪುಗಾರರು ನೋಡಿದ ನಂತರ ಅವನನ್ನು ಅನರ್ಹಗೊಳಿಸಿದರು.[40] ಸಮ್ಮರ್ಸ್ಲ್ಯಾಮ್ನಲ್ಲಿ ನಡೆದ ನೋ ಹೋಲ್ಡ್ಸ್ ಬಾರ್ಡ್ ಪಂದ್ಯ(ಅನರ್ಹತೆ ಗೊಳಿಸದ ಪಂದ್ಯ)ದಲ್ಲಿ ಅವರಿಬ್ಬರಿಗೂ ಮರುಪಂದ್ಯ ನಡೆಯಿತು. ಇದರಲ್ಲಿ ಬಟಿಸ್ಟಾ JBLನನ್ನು ನೆಲಕ್ಕೆ ಅದುಮಿಹಿಡಿದು ಮಣಿಸಿ ಸೋಲಿಸಿದನು.[41] ನಂತರ ನಡೆದ ಬುಲ್ ರೋಪ್ ಪಂದ್ಯದಲ್ಲಿ ಬಟಿಸ್ಟಾ ತನ್ನ ಚಾಂಪಿಯನ್ಶಿಪ್ ಅನ್ನು ಉಳಿಸಿಕೊಳ್ಳುವ ಮೂಲಕ ವೃತ್ತಿಕಾಳಗ ಪರಾಕಾಷ್ಠೆಗೆ ಮುಟ್ಟಿತು.[42] ಎಡ್ಡಿ ಗೆರೆರೊಯೊಂದಿಗೆ ಕಾಳಗದ ನಡುವೆ,ಪ್ರಶಸ್ತಿಯನ್ನು ಉಳಿಸಿಕೊಂಡ ನಂತರ,[43] ಸ್ಮ್ಯಾಕ್ಡೌನ್! ನವೆಂಬರ್ 11 ಆವೃತ್ತಿಗಾಗಿ ಚಿತ್ರೀಕರಣ ಸಂದರ್ಭದಲ್ಲಿ ಬಟಿಸ್ಟಾಗೆ ಬೆನ್ನಿನ ಸ್ನಾಯು ಬಿರುಕು ಸಂಭವಿಸಿದೆಯೆಂದು WWE.com ವರದಿ ಮಾಡಿತು. ಬಿಗ್ ಶೋ ಮತ್ತು ಕೇನ್ ಅವರಿಂದ ಅವಳಿ ಚೋಕ್ಸ್ಲಾಮ್ (ಕುತ್ತಿಗೆಯನ್ನು ಹಿಡಿದು ನೆಲಕ್ಕೆ ಕುಕ್ಕುವುದು) ಕಾರಣದಿಂದ ಸ್ನಾಯುಬಿರುಕು ಉಂಟಾಗಿತ್ತು. ನವೆಂಬರ್ 18ರ ಸಂಚಿಕೆಯಲ್ಲಿ ಟ್ರಿಪಲ್ ತ್ರೀಟ್ ಪಂದ್ಯದಲ್ಲಿ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲು ಬಟಿಸ್ಟಾಗಾಗಿ ಎಡ್ಡಿ ಗೆರೆರೊ ಮತ್ತು ರ್ಯಾಂಡಿ ಆರ್ಟನ್ನೊಂದಿಗೆ ಸೇರಿ, ಯೋಜನೆಗಳನ್ನು ಮಾಡಲಾಗಿತ್ತು. ಆದರೆ ಚಿತ್ರೀಕರಣದ ದಿನವಾದ ನವೆಂಬರ್ 13ರಂದು ಗೆರೆರೊ ಅನಿರೀಕ್ಷಿತ ಮರಣಹೊಂದಿದ್ದರಿಂದ, ಪಂದ್ಯವು ನಡೆಯಲಿಲ್ಲ. ಸ್ಮ್ಯಾಕ್ಡೌನ್! ಸಂದರ್ಭದಲ್ಲಿ ಬಟಿಸ್ಟಾ ಗೆರೆರೊಗೆ ಶೃದ್ಧಾಂಜಲಿಯನ್ನು ಸಲ್ಲಿಸಿದನು ಮತ್ತು ಗೆರೆರೊಯ ನೆನಪಿಗೆ ಮುಡುಪಿಡಲಾದ ರಾ ಪ್ರದರ್ಶನಗಳನ್ನು ಅರ್ಪಿಸಲಾಯಿತು.[44]
ಬಟಿಸ್ಟಾ ಸ್ಮ್ಯಾಕ್ಡೌನ್! ತಂಡದ ಸಾರಥ್ಯ ವಹಿಸಿಕೊಂಡ. ಸರ್ವೈವರ್ ಸರಣಿ ಮೊದಲು ಅಂತರ-ಬ್ರಾಂಡ್ ಕಾಳಗದಿಂದ ರಾ ತಂಡದ ವಿರುದ್ಧ ಈ ಸಾರಥ್ಯ ವಹಿಸಿಕೊಂಡ. ಈ ಕಾಳಗದ ಹಿನ್ನೆಲೆಯಲ್ಲಿ ಬಿಗ್ ಷೋ ಮತ್ತು ಕೇನ್ ತರುವಾಯದ ವಾರಗಳಲ್ಲಿ ಬಟಿಸ್ಟಾನನ್ನು ಇನ್ನೂ ಅನೇಕ ಬಾರಿ ಚೋಕ್ಸ್ಲಾಮಿಂಗ್ ಮಾಡಿದರು. ಇದರ ಫಲವಾಗಿ ಬಟಿಸ್ಟಾ ಗಾಯಗೊಂಡಿದ್ದಕ್ಕೆ ಸರ್ವೈವರ್ ಸರಣಿಯು ಕ್ಯಾಮೆರಾ ಎದುರು ವಿವರಣೆ ನೀಡಿತು. ಬಟಿಸ್ಟಾ ಅಂತಿಮವಾಗಿ ಪಂದ್ಯವನ್ನು ಗೆಲ್ಲಲು ತಂಡಕ್ಕೆ ನೆರವು ನೀಡಿದ.[45] ಬಟಿಸ್ಟಾ ಬಿಗ್ ಶೋ ಮತ್ತು ಕೇನ್ರಿಂದ ರೇ ಮಿಸ್ಟೆರಿಯೊನನ್ನು ಉಳಿಸಿದ ನಂತರ,[46] ಆರ್ಮಗೆಡನ್ನಲ್ಲಿ ಮಿಸ್ಟೆರಿಯೊಯೊಂದಿಗೆ ಬಟಿಸ್ಟಾ ಬಿಗ್ ಶೋ ಮತ್ತು ಕೇನ್ನನ್ನು ಎದುರಿಸಬೇಕು ಎಂದು ಪ್ರಕಟಿಸಲಾಯಿತು.
ಡಿಸೆಂಬರ್ 16ರಂದು ನಡೆದ ಸ್ಮ್ಯಾಕ್ಡೌನ್! ನ ಆವೃತ್ತಿಯಲ್ಲಿ, ಬಟಿಸ್ಟಾ ಮತ್ತು ಮಿಸ್ಟೆರಿಯೊ WWE ಟ್ಯಾಗ್ ಟೀಮ್ ಚಾಂಪಿಯನ್ಸ್[47] ಆದ MNMರನ್ನು ಸೋಲಿಸಿ, ಪ್ರಶಸ್ತಿಯನ್ನು ಗೆದ್ದುಕೊಂಡರು. ಅದನ್ನು ಅವರು ಎಡ್ಡಿ ಗೆರೆರೊಗೆ ಮುಡುಪಾಗಿಟ್ಟರು.ಹೀಗೆ ಬಟಿಸ್ಟಾ ಅವಳಿ ಚಾಂಪಿಯನ್ ಎನಿಸಿದ. ಆರ್ಮೆಗೆಡಾನ್ನಲ್ಲಿ ಬಿಗ್ ಶೋ ಮತ್ತು ಕೇನ್ ಎದುರಿನ ಪಂದ್ಯವು ಚಾಂಪಿಯನ್ನರ ವಿರುದ್ಧ ಚಾಂಪಿಯನ್ನರ ಪಂದ್ಯವಾಗಿ ತಿರುಗಿತ್ತು. ಆರ್ಮಗೆಡನ್ನಲ್ಲಿ ಬಟಿಸ್ಟಾ ಮತ್ತು ಮಿಸ್ಟೆರಿಯೊ ಕೇನ್ ಮತ್ತು ಬಿಗ್ ಶೋರಿಗೆ ಸೋಲಪ್ಪಿದರು.[48] ಸ್ಮ್ಯಾಕ್ಡೌನ್! ನಲ್ಲಿ ಎರಡು ವಾರಗಳ ನಂತರ,MNM ಹಿಂದಿರುಗಿದ ಮಾರ್ಕ್ ಹೆನ್ರಿಯ ಸಹಾಯದೊಂದಿಗೆ ಬಟಿಸ್ಟಾ ಮತ್ತು ಮಿಸ್ಟೆರಿಯೊರನ್ನು ಸೋಲಿಸಿ, WWE ಟ್ಯಾಗ್ ಟೀಮ್ ಚಾಂಪಿಯನ್ಶಿಪ್ಸ್ ಅನ್ನು ಉಳಿಸಿಕೊಂಡ. ಹೆನ್ರಿ ಮಧ್ಯಪ್ರವೇಶಿಸಿ ಬಟಿಸ್ಟಾ ಮೇಲೆ ದಾಳಿ ಮಾಡಿ, ಅವನ ವಿಶ್ವದ ಬಲಿಷ್ಠ ಪೆಟ್ಟು ಪ್ರಯೋಗಿಸಿದನು.[49] ಉಕ್ಕಿನ ಬೋನು ಪಂದ್ಯದಲ್ಲಿ ಮತ್ತೊಮ್ಮೆ ಈ ಎರಡು ತಂಡಗಳು ಭೇಟಿಯಾದವು. ಹೆನ್ರಿ ಕೂಡ ಈ ಪಂದ್ಯದಲ್ಲಿ ಭಾಗವಹಿಸಿದ್ದನು. ಬಟಿಸ್ಟಾ ಮತ್ತು ರೇ ಮತ್ತೆ ಸೋತರು.[50] ಜನವರಿ 6ರಲ್ಲಿ ನೇರ ಪ್ರಸಾರ ಕಾರ್ಯಕ್ರಮದಲ್ಲಿ ಮಾರ್ಕ್ ಹೆನ್ರಿ ವಿರುದ್ಧದ ಪಂದ್ಯದಲ್ಲಿ ಬಟಿಸ್ಟಾನ ಬಲ ಟ್ರಿಸೆಪ್ಸ್ ಬಿರುಕುಗೊಂಡಿದೆ ಎಂದು ಜನವರಿ 9ರಂದು WWE.comನಲ್ಲಿ ಪ್ರಕಟಿಸಲಾಯಿತು. ಬಟಿಸ್ಟಾ ತನ್ನ ಗಾಯದ ಕಾರಣದಿಂದಾಗಿ, ಸ್ಮ್ಯಾಕ್ಡೌನ್! ನ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ನಿಂದ ಹೊರಗುಳಿಯಬೇಕಾಯಿತು. ಟ್ರಿಪಲ್ H ಸುದೀರ್ಘ ಅಗ್ರಗಣ್ಯ ಚಾಂಪಿಯನ್ ಆಗಿದ್ದ ಹಿಂದಿನ ದಾಖಲೆ 280 ದಿನಗಳ ಗಡಿಯನ್ನು ದಾಟಿದ ಎರಡು ದಿನಗಳ ನಂತರ ಜನವರಿ 13ರಂದು ಚಿತ್ರೀಕರಿಸಲಾಯಿತು. ಬಟಿಸ್ಟಾ ಅನ್ಲೀಷಡ್ ಎಂಬ ತನ್ನ ಪುಸ್ತಕದಲ್ಲಿ, ಹೆನ್ರಿ ಪಂದ್ಯ ನಡೆಯುವಾಗ "ನಿರ್ಲಕ್ಷ್ಯದಿಂದಿದ್ದ". ಏಕೆಂದರೆ ಅವನು ಹೊಡೆತವನ್ನು ಹೊಡೆಯುವ ಸಂದರ್ಭದಲ್ಲಿ ಯಾವುದೇ ಎಚ್ಚರಿಕೆಯನ್ನು ನೀಡಿರಲಿಲ್ಲ ಎಂದು ಭಾವಿಸಿದ್ದಾಗಿ ಹೇಳಿದ್ದಾನೆ. ಜನವರಿ 12ರಂದು ಬಟಿಸ್ಟಾ ತನ್ನ ಭುಜಕ್ಕೆ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆಯನ್ನು ಮಾಡಿಸಿಕೊಂಡನು.[51]
ನೋ ವೇ ಔಟ್ನಲ್ಲಿ ಬಟಿಸ್ಟಾ ಅಖಾಡದಲ್ಲಿ ಮತ್ತೆ ಕಾಣಿಸಿಕೊಂಡನು ಮತ್ತು ಒಮ್ಮೆ ತನ್ನ ತೋಳು ಗುಣಮುಖವಾದರೆ, ನಾನು ಮತ್ತೆ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಗೆಲ್ಲುವೆನು ಎಂದು ಪ್ರೇಕ್ಷಕರಿಗೆ ಭರವಸೆ ನೀಡಿದ.[52] ರೆಸಲ್ಮೆನಿಯಾ 22ನಲ್ಲಿ ಅವನು ರ್ಯಾಂಡಿ ಆರ್ಟನ್ ಸಂದರ್ಶನದಲ್ಲಿ ಮಧ್ಯಪ್ರವೇಶಿಸಿ, ಸ್ಮ್ಯಾಕ್ಡೌನ್! ಗಮನಸೆಳೆದ. ನೋಟೀಸಿನಲ್ಲಿರಿಸಿದ;ರೆಸಲ್ಮೆನಿಯಾ 23ರಲ್ಲಿ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಅವನಿಗೆ ಹಿಂತಿರುಗಿ ಸಿಗುತ್ತದೆ. ಜುಲೈ 7ರ ಸ್ಮ್ಯಾಕ್ಡೌನ್! ರ ಆವೃತ್ತಿಯಲ್ಲಿ ಬಟಿಸ್ಟಾ ಅಧಿಕೃತವಾಗಿ ವಾಪಸಾಗುತ್ತಾನೆ. ಕೂಡಲೇ ಮಾರ್ಕ್ ಹೆನ್ರಿಯನ್ನು ಹೊರಗೆ ಕರೆದು, ಅವನ ವಿರುದ್ಧ ಕಾಳಗಕ್ಕೆ ಪ್ರವೇಶಿಸುತ್ತಾನೆ. ಸಾಟರ್ಡೇ ನೈಟ್'ಸ್ ಮೈನ್ ಈವೆಂಟ್ ನಲ್ಲಿ, ಬಟಿಸ್ಟಾ ರೇ ಮಿಸ್ಟೆರಿಯೊ ಮತ್ತು ಬಾಬಿ ಲೇಶ್ಲಿಯೊಂದಿಗೆ ಕಿಂಗ್ ಬೂಕರ್, ಫಿನ್ಲೆ ಮತ್ತು ಮಾರ್ಕ್ ಹೆನ್ರಿ ಎದುರು ಆರು ಜನ ಟ್ಯಾಗ್ ಪಂದ್ಯವನ್ನು ಗೆದ್ದನು.[53] ಹೆನ್ರಿ ತೀವ್ರ ಗಾಯಗೊಂಡಿದ್ದರಿಂದ ದಿ ಗ್ರೇಟ್ ಅಮೆರಿಕ ಬ್ಯಾಷ್ನಲ್ಲಿ ಇವರಿಬ್ಬರ ನಡುವೆ ನಿಗದಿಯಾಗಿದ್ದ ಪಂದ್ಯದಿಂದ ಅವನನ್ನು ಹೊರಗಿಡಲಾಯಿತು. ಬಟಿಸ್ಟಾನ ಆರಂಭದ ಗಾಯದ ನಂತರ ವಿಳಂಬವಾಗಿದ್ದ ಇವರಿಬ್ಬರ ನಡುವಿನ ಸಮರ್ಥ ಕಾಳಗ ಮತ್ತಷ್ಟು ವಿಳಂಬವಾಯಿತು.[54]
ಬಟಿಸ್ಟಾ ಗಾಯಗೊಂಡ ಹೆನ್ರಿಗೆ ಬದಲಿಯಾಗಿ ಬಹಿರಂಗವಾಗಿ ಸವಾಲು ಹಾಕುತ್ತಾನೆ. ಇದಕ್ಕೆ ಮಿಸ್ಟರ್ ಕೆನಡಿಯು ಉತ್ತರಿಸುತ್ತಾನೆ.[55] ಬಟಿಸ್ಟಾ ತನ್ನ ಬೂಟಿನಿಂದ ಕೆನಡಿಯನ್ನು ಟರ್ನ್ಬಕಲ್ನೆಡೆಗೆ ತಳ್ಳಿ ಉಸಿರುಗಟ್ಟಿಸುವುದನ್ನು ನಿಲ್ಲಿಸದೇ, ಕೆನಡಿ ಮೇಲೆ ದಾಳಿಯನ್ನು ಮುಂದುವರಿಸಿದ್ದರಿಂದ, ಅವನ ಹಣೆಯ ಮೇಲೆ ಸಿಗಿದ ಗಾಯಗಳಾದವು. ಹಾಗಾಗಿ ಗಾಯವು ಎಷ್ಟು ತೀವ್ರವಾಗಿತ್ತೆಂದರೆ, ಅವನ ತಲೆಬುರುಡೆಯ ಭಾಗವು ಕಾಣಿಸುತ್ತಿತ್ತು ಮತ್ತು ಆ ಗಾಯವನ್ನು ಮುಚ್ಚಲು ಕನಿಷ್ಠ 20 ಹೊಲಿಗೆಗಳು ಬೇಕಾದವು.ಇದರಿಂದಾಗಿ ಬಟಿಸ್ಟಾ ಅನರ್ಹತೆ ಮೂಲಕ ಈ ಪಂದ್ಯವನ್ನು ಕಳೆದುಕೊಂಡ.[56][57]
ಸ್ಮ್ಯಾಕ್ಡೌನ್! ನ ಮರುಪಂದ್ಯದಲ್ಲಿ ಬಟಿಸ್ಟಾ ಕೆನಡಿ ಜತೆ ಇನ್ನೊಂದು ಪಂದ್ಯವನ್ನು ಕೌಂಟ್ಔಟ್ ಮೂಲಕ ಕಳೆದುಕೊಂಡ. ಅಂತಿಮವಾಗಿ ಸ್ಮ್ಯಾಕ್ಡೌನ್! ಆಗಸ್ಟ್ 4 ಆವೃತ್ತಿಯಲ್ಲಿ ಕೆನಡಿಯನ್ನು ಕೆಳಕ್ಕೆ ಬೀಳಿಸಿ ಮಣಿಸಿ ಸೋಲಿಸಿದ.
ಈ ಅವಧಿಯಲ್ಲಿ ಬಟಿಸ್ಟಾ ECW ನಲ್ಲಿ ತನ್ನ ECW ವಿಶ್ವ ಚಾಂಪಿಯನ್ಶಿಪ್ಗಾಗಿ ಬಿಗ್ ಶೋನನ್ನು ಎದುರಿಸಿ[58] ಮತ್ತು ಸಮ್ಮರ್ಸ್ಲ್ಯಾಮ್ ಮತ್ತು ಸ್ಮ್ಯಾಕ್ಡೌನ್! ನಲ್ಲಿ ತನ್ನ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗಾಗಿ ಕಿಂಗ್ ಬೂಕರ್ನನ್ನು ಎದುರಿಸುವ ಮೂಲಕ ವಿಶ್ವ ಪ್ರಶಸ್ತಿಯನ್ನು ಪುನಃ ಉಳಿಸಿಕೊಳ್ಳಲು ಪ್ರಯತ್ನಿಸಿದ. ಬಟಿಸ್ಟಾ ಸಮ್ಮರ್ಸ್ಲ್ಯಾಮ್ ಪಂದ್ಯವನ್ನು ಗೆದ್ದನು. ಆದರೆ ಪ್ರಶಸ್ತಿಯನ್ನು ಗೆಲ್ಲಲು ಆಗಲಿಲ್ಲ. ಏಕೆಂದರೆ ಸ್ಪರ್ಧೆಗಳು ಅನರ್ಹತೆಯ ಮೂಲಕ ಕೊನೆಗೊಂಡಿದ್ದರಿಂದ ಬೂಕರ್ ಪ್ರಶಸ್ತಿಯನ್ನು ಉಳಿಸಿಕೊಂಡ.[59] ಸ್ಮ್ಯಾಕ್ಡೌನ್! ನಲ್ಲಿ ಹಲವು ವಾರಗಳ ನಂತರ ಬೂಕರ್ ತನ್ನ ಕೋರ್ಟ್ ಸಹಾಯದಿಂದ ಪ್ರಶಸ್ತಿಯನ್ನು ಉಳಿಸಿಕೊಂಡಿದ್ದನು.[60] ಫಿನ್ಲೆಯೊಂದಿಗೆ ಕಾಳಗ ಮಾಡುವಾಗ,[61] ಬಟಿಸ್ಟಾ ಹಲವು ಸಂದರ್ಭಗಳಲ್ಲಿ ಕಿಂಗ್ ಬೂಕರ್ ವಿರುದ್ಧ ವಿಶ್ವ ಚಾಂಪಿಯನ್ಶಿಪ್ಗಾಗಿ ಪ್ರಮುಖ ಸ್ಪರ್ಧಿಯಾಗಿ ಉಳಿದರು. ಕೊನೆಗೆ ಸರ್ವೈವರ್ ಸರಣಿಯಲ್ಲಿ ಬೂಕರ್ನನ್ನು ಸೋಲಿಸಿ, ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಉಳಿಸಿಕೊಂಡ.[3] ಕಾಕತಾಳೀಯವೆಂದರೆ ಅವನು ಜನವರಿಯಲ್ಲಿ ಪ್ರಶಸ್ತಿಯನ್ನು ಒಪ್ಪಿಸಿದ ಅಖಾಡದಲ್ಲಿಯೇ, ಈ ವಿಜಯವು ಲಭಿಸಿತು.[62]
ರೆಸಲ್ಮೆನಿಯಾ 23ನಲ್ಲಿ, ಬಟಿಸ್ಟಾ ರಾಯಲ್ ರಂಬಲ್ ಪಂದ್ಯದ ವಿಜೇತ ದಿ ಅಂಡರ್ಟೇಕರ್ ಎದುರು ಚಾಂಪಿಯನ್ಶಿಪ್ ಪಂದ್ಯವನ್ನು ಸೋಲುತ್ತಾನೆ.[63] ಬ್ಯಾಕ್ಲ್ಯಾಶ್ ಲಾಸ್ಟ್ ಮ್ಯಾನ್ ಸ್ಟ್ಯಾಂಡಿಗ್ ಪಂದ್ಯ[64] ಮತ್ತು ಸ್ಮ್ಯಾಕ್ಡೌನ್! ಮೇ 11 ಸಂಚಿಕೆಯ ಸ್ಟೀಲ್ ಕೇಜ್ ಪಂದ್ಯದಲ್ಲಿ ಪ್ರಶಸ್ತಿಗಾಗಿ ಅವರು ಕಾಳಗ ಮುಂದುವರಿಸಿ ಸಮ ಸ್ಥಿತಿಗೆ ತಲುಪಿದರು. ಅದರ ನಂತರ, ಎಡ್ಜ್ ಈ ಸಂದರ್ಭದ ಲಾಭವನ್ನು ಪಡೆದು, ದಿ ಅಂಡರ್ಟೇಕರ್ನಿಂದ ಮನಿ ಇನ್ ದಿ ಬ್ಯಾಂಕ್ ಒಪ್ಪಂದದಲ್ಲಿ ಗೆದ್ದುಕೊಂಡನು.[65] ಇದಾದ ನಂತರ, ಜಡ್ಜ್ಮೆಂಟ್ ಡೇಯ ಒನ್ ನೈಟ್ ಸ್ಟ್ಯಾಂಡ್ (ಉಕ್ಕಿನ ಬೋನು ಪಂದ್ಯದಲ್ಲಿ) ಮತ್ತು ವ್ವೆVengeance (ಕೊನೆಯ ಅವಕಾಶ ಪಂದ್ಯದಲ್ಲಿ) ಬಟಿಸ್ಟಾ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗಾಗಿ ಎಡ್ಜ್ನೊಂದಿಗೆ ಹೋರಾಡಿ ವಿಫಲನಾದನು.[66][67] ವೆಂಜನ್ಸ್ನಲ್ಲಿ ಬಟಿಸ್ಟಾ ಸೋತ ನಂತರ, ಎಡ್ಜ್ ಚಾಂಪಿಯನ್ ಆಗಿರುವವರೆಗೆ, ಬಟಿಸ್ಟಾಗೆ ಇನ್ನೊಂದು ಬಾರಿ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಆಗುವ ಅವಕಾಶವಿಲ್ಲ ಎಂದು ನಂಬಲಾಗಿತ್ತು.[68]
ದಿ ಗ್ರೇಟ್ ಅಮೆರಿಕನ್ ಬ್ಯಾಷ್ನಲ್ಲಿ ಬಟಿಸ್ಟಾ ದಿ ಗ್ರೇಟ್ ಕಾಲಿಯಿಂದ ಬಹಿರಂಗ ಸವಾಲನ್ನು ಒಪ್ಪಿಕೊಂಡು ಕಾಳಗಕ್ಕಿಳಿದನು. ಪೇ-ಪರ್-ವೀವ್ನ ಒಂದು ವಾರದ ಮೊದಲು ಎಡ್ಜ್ ಗಾಯಗೊಂಡದ್ದರಿಂದ, ಪ್ರಶಸ್ತಿಯನ್ನು ಬಿಟ್ಟುಕೊಟ್ಟನು. ಆದರೆ ಬ್ಯಾಟಲ್ ರಾಯಲ್ನಲ್ಲಿ ಬಟಿಸ್ಟಾನನ್ನು ಸೋಲಿಸುವ ಮೂಲಕ ಕಾಲಿ ಹೊಸ ವಿಶ್ವ ಹೆವಿವೇಟ್ ಚಾಂಪಿಯನ್ ಪಟ್ಟ ಗಳಿಸಿದನು. ಪ್ರಶಸ್ತಿಗಾಗಿ ಎಡ್ಜ್ನ ಎದುರಾಳಿಗಳಾದ ಬಟಿಸ್ಟಾ ಮತ್ತು ಕೇನ್ ದಿ ಗ್ರೇಟ್ ಅಮೆರಿಕನ್ ಬ್ಯಾಷ್ನ ಟ್ರಿಪಲ್ ತ್ರೆಟ್ ಪಂದ್ಯದಲ್ಲಿ ಕಾಲಿಯನ್ನು ಎದುರಿಸಿದರು. ಆದರೆ ಕಾಲಿ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲು ಸಫಲನಾದನು.[69] ಸಮ್ಮರ್ಸ್ಲ್ಯಾಮ್ನಲ್ಲಿ ಕಾಲಿ ಉಕ್ಕಿನ ಕುರ್ಚಿಯನ್ನು ಬಳಸಿದ್ದರಿಂದಾಗಿ ಅನರ್ಹಗೊಂಡು, ಬಟಿಸ್ಟಾ ಪಂದ್ಯವನ್ನು ಅನರ್ಹತೆಯಿಂದ ಗೆದ್ದು ಪ್ರಶಸ್ತಿಯನ್ನು ಉಳಿಸಿಕೊಂಡನು.[70] ಬಟಿಸ್ಟಾ ಕಾಲಿ ವಿರುದ್ದ ನಿರಂತರ ಎಂಟು ಪ್ರಯತ್ನಗಳ ನಂತರ, ಕೊನೆಗೂ ಅನ್ಫರ್ಗೀವನ್ನಲ್ಲಿ ರೇ ಮಿಸ್ಟೆರಿಯೊಯೊಂದಿಗೆ, ಕಾಲಿಯನ್ನು ಸೋಲಿಸಿ ತನ್ನ ಮೂರನೇ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಅನ್ನು ಗೆದ್ದುಕೊಂಡನು.[3][71] ನೋ ಮರ್ಸಿಯಲ್ಲಿ ನಡೆದ ದಿ ಗ್ರೇಟ್ ಕಾಲಿ ವಿರುದ್ಧ ಮೊದಲ ಪಂದ್ಯ ಪಂಜಾಬಿ ಪ್ರಿಸನ್ ಮ್ಯಾಚ್ನಲ್ಲಿ ಬಟಿಸ್ಟಾ ತನ್ನ ಪ್ರಶಸ್ತಿಯನ್ನು ಉಳಿಸಿಕೊಳ್ಳುವಲ್ಲಿ ಸಫಲವಾದನು. ಬಟಿಸ್ಟಾ ಒಳಗಿನ ಬಿದಿರಿನ ರಚನೆಯಿಂದ ಹೊರಗಿನ ಬಿದಿರಿನ ರಚನೆಗೆ ನೆಗೆಯುವುದರಿಂದ, ಕಾಲಿ ತಪ್ಪಿಸಿಕೊಂಡು ಹೋಗುವ ದಾರಿಯನ್ನು ಚಿಕ್ಕದಾಗಿ ನಂತರ ನೆಲಕ್ಕೆ ಕಾಲಿಯನ್ನು ಬೀಳಿಸಿ, ಪಂದ್ಯವನ್ನು ಗೆದ್ದನು.[72]
ಅನ್ಫರ್ಗೀವನ್ನಲ್ಲಿ ದಿ ಅಂಡರ್ಟೇಕರ್ ವಾಪಸಾದ ನಂತರ, ಇವರಿಬ್ಬರು ಕಾಳಗಕ್ಕೆ ಪುನಃ ಇಳಿದರು. ಸೈಬರ್ ಸಂಡೇಯಲ್ಲಿ ಕಾಳಗಕ್ಕೆ ಪ್ರೇಕ್ಷಕರು ಸ್ಟೋನ್ ಕೋಲ್ಡ್ ಸ್ಟೀವ್ ಆಸ್ಟಿನ್ನನ್ನು ವಿಶೇಷ ಅತಿಥಿ ತೀರ್ಪುಗಾರನಾಗಿ ಆಯ್ಕೆಮಾಡಿದ್ದರು. ಬಟಿಸ್ಟಾ ಎರಡು ಬಾರಿ "ಬಟಿಸ್ಟಾ ಬಾಂಬ್" ಗಳನ್ನು ಪ್ರಯೋಗಿಸಿದ ನಂತರ ದಿ ಅಂಡರ್ಟೇಕರ್ನನ್ನು ಕೆಳಕ್ಕೆ ಬೀಳಿಸಿ ಸೋಲಿಸಿದನು.[73] ಸರ್ವೈವರ್ ಸರಣಿಯ ಹೆಲ್ ಇನ್ ಎ ಸೆಲ್ ಪಂದ್ಯದಲ್ಲಿ ಇವರಿಬ್ಬರ ನಡುವೆ ಕಾಳಗ ಮುಂದುವರಿಯಿತು. ಪಂದ್ಯವು ನಡೆಯುತ್ತಿರುವಾಗ, ಎಡ್ಜ್ ಹಿಂತಿರುಗಿ ದಿ ಅಂಡರ್ಟೇಕರ್ಗೆ ಕಾನ್-ಚೇರ್-ಟು ಹೊಡೆತವನ್ನು ಪ್ರಯೋಗಿಸುವ ಮೂಲಕ ಮಧ್ಯಪ್ರವೇಶಿಸಿದ. ನಂತರ ಅವನು ಪ್ರಜ್ಞೆತಪ್ಪಿದ ಬಟಿಸ್ಟಾನನ್ನು ದಿ ಅಂಡರ್ಟೇಕರ್ ಮೈಮೇಲೆ ಎಳೆದು ಕೆಳಕ್ಕೆ ಬೀಳಿಸಿದ್ದರಿಂದ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಉಳಿಸಿಕೊಂಡನು.[74] ಆರ್ಮಗೆಡನ್ನಲ್ಲಿ ಬಟಿಸ್ಟಾನ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗಾಗಿ ನಡೆದ ಟ್ರಿಪಲ್ ತ್ರೆಟ್ ಪಂದ್ಯವನ್ನು ಎಡ್ಜ್ ಅಂಡರ್ಟೇಕರ್ ವಿರುದ್ಧ ಗೆದ್ದನು.[75]
ಬಟಿಸ್ಟಾ ರಾಯಲ್ ರಂಬಲ್ ಪಂದ್ಯದಲ್ಲಿ ಸ್ಪರ್ಧಿಸಿ, ಟ್ರಿಪಲ್ Hನಿಂದ ಸೋಲಪ್ಪಿದ. ನೋ ವೇ ಔಟ್ನಲ್ಲಿ ಸ್ಮ್ಯಾಕ್ಡೌನ್ ಎಲಿಮಿನೇಷನ್ ಚೇಂಬರ್ ಪಂದ್ಯದ ಭಾಗವಾಗಿದ್ದ ಮತ್ತು ಬಿಗ್ ಡ್ಯಾಡಿ Vಯನ್ನು ಸೋಲಿಸಿದ. ಆದರೆ ಕೊನೆಯಲ್ಲಿ ದಿ ಅಂಡರ್ಟೇಕರ್ನಿಂದ ಸೋಲಪ್ಪಿದ. ರೆಸಲ್ಮೆನಿಯಾ XXIVನಲ್ಲಿ ನಡೆದ ಇಂಟರ್ಪ್ರಮೋಷನಲ್ ಪಂದ್ಯದಲ್ಲಿ ಬಟಿಸ್ಟಾ ಉಮಗನನ್ನು ಸೋಲಿಸಿದನು. ಅದೇ ಕಾರ್ಯಕ್ರಮದಲ್ಲಿ ಶಾನ್ ಮೈಕಲ್ಸ್ ರಿಕ್ ಪ್ಲೇರ್ನನ್ನು ಸೋಲಿಸಿದ ನಂತರ,[76] ಬಟಿಸ್ಟಾ ಮೈಕಲ್ಸ್ನೊಂದಿಗೆ ಕಾಳಗ ಪ್ರಾರಂಭಿಸಿದ, ಅವನನ್ನು ಸ್ವಾರ್ಥಿ ಮತ್ತು ಅಹಂಕಾರಿ ಎಂದು ಕರೆದನು. ಇವರಿಬ್ಬರು ಬ್ಯಾಕ್ಲ್ಯಾಷ್ನಲ್ಲಿ ನಡೆದ ಪಂದ್ಯದಲ್ಲಿ ಎದುರಾದರು. ಆ ಪಂದ್ಯದಲ್ಲಿ ಕ್ರಿಸ್ ಜೆರಿಕೊ ವಿಶೇಷ ಅತಿಥಿ ತೀರ್ಪುಗಾರನಾಗಿದ್ದನು. ಮೈಕಲ್ಸ್ ಮಂಡಿ ಗಾಯವಾದಂತೆ ನಟನೆ ಮಾಡಿದ ಮತ್ತು ಸ್ವೀಟ್ ಚಿನ್ ಮ್ಯುಸಿಕ್ ಹೊಡೆತವನ್ನು ಪ್ರಯೋಗಿಸಿದನು.[77] ಸ್ಟ್ರೇಚರ್ ಪಂದ್ಯದಲ್ಲಿ ಒನ್ ನೈಟ್ ಸ್ಟ್ಯಾಂಡ್ನಲ್ಲಿ ಬಟಿಸ್ಟಾ ಮೈಕಲ್ಸ್ನನ್ನು ಸೋಲಿಸಿದನು. ಅಲ್ಲಿಗೆ ಅವರಿಬ್ಬರ ನಡುವಿನ ಕಾಳಗ ಅಂತ್ಯಗೊಂಡಿತು.[78]
ಜೂನ್ 23ರಂದು 2008 WWE ಡ್ರ್ಯಾಫ್ಟ್ನ ಸಂದರ್ಭದಲ್ಲಿ ಬಟಿಸ್ಟಾನನ್ನು ಸ್ಮ್ಯಾಕ್ಡೌನ್ನಿಂದ ರಾ ಬ್ರ್ಯಾಂಡ್ಗೆ ಸೇರಿಸಲಾಯಿತು.[79] ಆಗಸ್ಟ್ 4ರ ರಾ ಆವೃತ್ತಿಯಲ್ಲಿ ಬಟಿಸ್ಟಾ ಜಾನ್ ಸೆನಾ ಜೊತೆಗೂಡಿ ಕ್ಯಾಂಡಿ ರೋಡ್ಸ್ ಮತ್ತು ಟೆಡ್ ಡಿಬೀಸ್ರನ್ನು ಸೋಲಿಸುವುದರೊಂದಿಗೆ ಬಟಿಸ್ಟಾ ಮೂರನೇ ಬಾರಿ ವಿಶ್ವ ಟ್ಯಾಗ್ ಟೀಮ್ ಚಾಂಪಿಯನ್ ಎನಿಸಿಕೊಂಡ.[80][81] ಆದರೆ ಅವರು ರಾ ದ ಮುಂದಿನ ಸಂಚಿಕೆಯಲ್ಲಿ ಮಾಜಿ ಚಾಂಪಿಯನ್ಗಳ ಜತೆ ಪಂದ್ಯದಲ್ಲಿ ಪ್ರಶಸ್ತಿಯನ್ನು ಉಳಿಸಿಕೊಳ್ಳಲಾಗಲಿಲ್ಲ.[82] ಸಮ್ಮರ್ಸ್ಲ್ಯಾಮ್ನಲ್ಲಿ ಬಟಿಸ್ಟಾ ಸೆನಾನನ್ನು ಸ್ವಲ್ಪದರದಲ್ಲಿ ಸೋಲಿಸಿದನು.[83]
ಅಕ್ಟೋಬರ್ 26ರಲ್ಲಿ ನಡೆದ ಸೈಬರ್ ಸಂಡೇಯಲ್ಲಿ ಬಟಿಸ್ಟಾ ಕ್ರಿಸ್ ಜೆರಿಕೊನನ್ನು ಸೋಲಿಸಿ, ತನ್ನ ನಾಲ್ಕನೇ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ ಗೆದ್ದನು. ಆ ಪಂದ್ಯದಲ್ಲಿ ಸ್ಟೋನ್ ಕೋಲ್ಡ್ ಸ್ಟೀವ್ ಆಸ್ಟಿನ್ ವಿಶೇಷ ಅತಿಥಿ ತೀರ್ಪುಗಾರನಾಗಿ ಆಯ್ಕೆಯಾಗಿದ್ದನು.[84] ಬಟಿಸ್ಟಾ ಪ್ರಶಸ್ತಿ ಗೆದ್ದ ಎಂಟು ದಿನಗಳ ನಂತರ ನಡೆದ ರಾ ದ ಮೂರು ಗಂಟೆಯ ವಿಶೇಷ ಸಂಚಿಕೆಯಲ್ಲಿ ಉಕ್ಕಿನ ಬೋನು ಪಂದ್ಯದಲ್ಲಿ ಜೆರಿಕೊ ಬಟಿಸ್ಟಾನನ್ನು ಸೋಲಿಸಿ, ಪ್ರಶಸ್ತಿಯನ್ನು ಮತ್ತೆ ಪಡೆದನು.[85]
ಸರ್ವೈವರ್ ಸರಣಿಯಲ್ಲಿ ಬಟಿಸ್ಟಾ ಮಾಜಿ ಎವಲ್ಯೂಷನ್ ಸಹ ಆಟಗಾರನಾದ ರ್ಯಾಂಡಿ ಆರ್ಟನ್ನೊಂದಿಗೆ ಕಾಳಗಕ್ಕೆ ಪ್ರವೇಶಿಸಿದ. CM ಪಂಕ್, ಕೋಫಿ ಕಿಂಗ್ಸ್ಟನ್, ಮ್ಯಾಟ್ ಹಾರ್ಡಿ, R-ಟ್ರೂಥ್ ಒಳಗೊಂಡ ಬಟಿಸ್ಟಾ ನಾಯಕತ್ವದ ತಂಡವುಶೆಲ್ಟನ್ ಬೆಂಜಾಮಿನ್, ವಿಲಿಯಂ ರಿಗಲ್, ಕ್ಯಾಂಡಿ ರೋಡ್ಸ್, ಮತ್ತು ಮಾರ್ಕ್ ಹೆನ್ರಿಯನ್ನು ಒಳಗೊಂಡ ರ್ಯಾಂಡಿ ಆರ್ಟನ್ ತಂಡವನ್ನು ಎದುರಿಸಿತು. ಬಟಿಸ್ಟಾನನ್ನು ಆರ್ಟನ್ ನೆಲಕ್ಕೆ ಅದುಮಿಹಿಡಿದು,ತನ್ನ ತಂಡಕ್ಕಾಗಿ ಪಂದ್ಯವನ್ನು ಗೆಲ್ಲಿಸಿದನು. ಆರ್ಟನ್ನೊಂದಿಗಿನ ಅವನ ಕಾಳಗವು, ಆರ್ಮಗೆಡನ್ವರೆಗೂ ಮುಂದುವರಿದು ಅಲ್ಲಿ ಆರ್ಟನ್ನನ್ನು ಬಟಿಸ್ಟಾ ಸೋಲಿಸಿದ. ಡಿಸೆಂಬರ್ 15ರ ರಾ ಆವೃತ್ತಿಯಲ್ಲಿ, ಜಾನ್ ಸೆನಾ ಪಾಲುದಾರನಾಗಿ ಬಟಿಸ್ಟಾನನ್ನು ದಿ ಲೆಗಸಿ ವಿರುದ್ಧ ಹ್ಯಾಂಡಿಕ್ಯಾಪ್ ಪಂದ್ಯವನ್ನು ಆಡಿಸಲಾಯಿತು. ಪಂದ್ಯದ ವೇಳೆ, ಆರ್ಟನ್ ಬಟಿಸ್ಟಾನ ತಲೆಗೆ ಪಂಟ್ ಮಾಡಿ ಹೊಡೆದನು. ಬಟಿಸ್ಟಾ ಕೆಳಕ್ಕೆ ಬಿದ್ದ ಮತ್ತು (ಕೇಫಬೆ) ತಲೆ ಗಾಯದ ಕಾರಣದಿಂದ ಅವನನ್ನು ಅನಿರ್ದಿಷ್ಟಾವಧಿವರೆಗೆ ಪಂದ್ಯದಿಂದ ಹೊರಗಿಡಲಾಯಿತು. ನಂತರ ಬಟಿಸ್ಟಾ ತನ್ನ ಮಂಡಿರಜ್ಜು ಬಿರುಕನ್ನು ದುರಸ್ತಿ ಮಾಡಲು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾನೆ ಎಂದು WWE.com ವರದಿಮಾಡಿತು.[86] ಸಮ್ಮರ್ಸ್ಲ್ಯಾಮ್ನಲ್ಲಿ ಪಂದ್ಯದಲ್ಲಿ ಬಟಿಸ್ಟಾ ಮಂಡಿರಜ್ಜಿಗೆ ಗಾಯವಾಗಿತ್ತು. ಅದೇ ಪಂದ್ಯದಲ್ಲಿ ಹಿಂದಿನ ವಿಶ್ವ ಹೆವಿವೇಟ್ ಚಾಂಪಿಯನ್ ಜಾನ್ ಸೆನಾ ಕುತ್ತಿಗೆ ಗಾಯದೊಂದಿಗೆ ಪಂದ್ಯದಿಂದ ಹೊರಗುಳಿದ. ಅವನು ಆರರಿಂದ ಎಂಟು ತಿಂಗಳು ಕುಸ್ತಿಯಿಂದ ನಿಷ್ಕ್ರಿಯನಾಗಬಹುದೆಂದು ನಿರೀಕ್ಷಿಸಲಾಗಿತ್ತು.
ಏಪ್ರಿಲ್ 6ರಂದು ರಾ ಸಂಚಿಕೆಯಲ್ಲಿ ದಿ ಲೆಗಸಿಯಿಂದ ಟ್ರಿಪಲ್ H, ಶೇನ್ ಮ್ಯಾಕ್ಮಹೊನ್, ಮತ್ತು ವಿನ್ಸ್ ಮ್ಯಾಕ್ಮಹೊನ್ರನ್ನು ರಕ್ಷಿಸಲು ಬಟಿಸ್ಟಾ ವಾಪಸಾದನು. ನಂತರ ಬ್ಯಾಕ್ಲ್ಯಾಷ್ನಲ್ಲಿ ದಿ ಲೆಗಸಿ ಎದುರಿಸಲು ತನ್ನ ಸ್ಥಾನವನ್ನು ಬಟಿಸ್ಟಾ ತುಂಬಲಿದ್ದಾನೆ. ಅಲ್ಲಿ WWE ಚಾಂಪಿಯನ್ ಟ್ರಿಪಲ್ H, ಮತ್ತು ಶೇನ್ ಮ್ಯಾಕ್ಮಹೊನ್ರ ಜೊತೆ ಸೇರಲಿದ್ದಾನೆ ಎಂದು ವಿನ್ಸ್ ಮ್ಯಾಕ್ಮಹೊನ್ ಪ್ರಕಟಿಸಿದನು. ಪಂದ್ಯ ನಡೆಯುವ ಸಂದರ್ಭದಲ್ಲಿ ಬಟಿಸ್ಟಾ ಕುರ್ಚಿಯೊಂದನ್ನು ತಂದನು. ಆದರೆ ಅವರು ಅನರ್ಹತೆಗೆ ಒಳಗಾಗದಂತೆ ಟ್ರಿಪಲ್ H ಅವನನ್ನು ತಡೆಯಲು ಪ್ರಯತ್ನಿಸಿದ. ಈ ಚಿತ್ತಭಂಗದಿಂದಾಗಿ, ನಂತರ ಆರ್ಟನ್ಗೆ ಸೋಲುವ ಮೂಲಕ ಟ್ರಿಪಲ್ H ತನ್ನ ಚಾಂಪಿಯನ್ಶಿಪ್ ಕಳೆದುಕೊಂಡು ಬೆಲೆ ತೆತ್ತ. ಅದರ ನಂತರದ ದಿನದ ರಾತ್ರಿಯ ರಾ ನಲ್ಲಿ, ಜಾನ್ ಸೆನಾ ಮಾಡಿದ ಚಿತ್ತಭಂಗದಿಂದಾಗಿ, ಬಟಿಸ್ಟಾ ಬಿಗ್ ಶೋ ವಿರುದ್ಧ ಸಿಂಗಲ್ಸ್ ಪಂದ್ಯವನ್ನು ಗೆದ್ದನು ಮತ್ತು ಜಡ್ಜ್ಮೆಂಟ್ ಡೇನಲ್ಲಿ ನಡೆಯುವ WWE ಚಾಂಪಿಯನ್ಶಿಪ್ನ ಮೊದಲ ಸ್ಪರ್ಧಿಯಾದನು.[87] ಎಕ್ಸ್ಟ್ರೀಮ್ ರೂಲ್ಸ್ನ ಉಕ್ಕಿನ ಬೋನು ಪಂದ್ಯದ ಮರುಪಂದ್ಯದಲ್ಲಿ WWE ಚಾಂಪಿಯನ್ಶಿಪ್ ಸ್ವಾಧೀನಕ್ಕೆ ಬಟಿಸ್ಟಾ ಆರ್ಟನ್ನನ್ನು ಸೋಲಿಸುತ್ತಾನೆ.[88] ಆದರೂ, ಜೂನ್ 8ರ ರಾ ಆವೃತ್ತಿಯಲ್ಲಿ ಆರ್ಟನ್ ಮತ್ತು ದಿ ಲೆಗಸಿಯಿಂದ ಪೂರ್ವನಿಯೋಜಿತ ಪಾಶವೀ ದಾಳಿಯಿಂದಾಗಿ ಬಟಿಸ್ಟಾ ಪ್ರಶಸ್ತಿಯನ್ನು ಬಿಟ್ಟುಕೊಟ್ಟನು. ಆ ಸಮಯದಲ್ಲಿ ಬಟಿಸ್ಟಾನ ಎಡ ತೋಳಿನ ಸ್ನಾಯು ಬಿರುಕುಗೊಂಡಿತ್ತು ಎಂದು ನಂತರ ಬಹಿರಂಗಗೊಂಡಿತು. ಬಟಿಸ್ಟಾನ ಗಾಯಕ್ಕೆ ಲೆಗಸಿಯನ್ನು ತೆರೆಯ ಮೇಲೆ ಕಾರಣಕರ್ತನನ್ನಾಗಿ ಮಾಡಲಾಯಿತು.[89]
ಟ್ರಿಶ್ ಸ್ಟ್ರಾಟಸ್ ಆಯೊಜಿಸಿದ ರಾ ವೀಕ್ನಲ್ಲಿ ಬಟಿಸ್ಟಾ ತನ್ನ ವೃತ್ತಿ ಬದಲಾವಣೆ ಪ್ರಕಟಣೆಯನ್ನು ಮಾಡುವನೆಂದು ಹಲವು ವಾರಗಳ ಹಿಂದೆಯೇ ಪ್ರಕಟಿಸಲಾಗಿತ್ತು. ಸಪ್ಟೆಂಬರ್ 14ರ ಸಂಚಿಕೆಯಲ್ಲಿ ತೋಳು ಪಟ್ಟಿಯೊಂದಿಗೆ ಬಟಿಸ್ಟಾ ವಾಪಸಾದನು ಮತ್ತು ತನ್ನ ಪ್ರಕಟಣೆಯನ್ನು ಪ್ರಾರಂಭಿಸಿದನು. ಬಟಿಸ್ಟಾ ತನ್ನ ನಿವೃತ್ತಿಯನ್ನು ಹೇಳುವನು ಎಂದು ಭಾವಿಸಿ, ರ್ಯಾಂಡಿ ಆರ್ಟನ್ ಹೊರಬಂದು, ಬಟಿಸ್ಟಾ ವೃತ್ತಿಜೀವನ ಕೊನೆಯಾಗಲು ತಾನೇ ಕಾರಣ ಎಂದು ಹೇಳುತ್ತಾನೆ. ಬಟಿಸ್ಟಾ ಆರ್ಟನ್ನನ್ನು ಪ್ರಚೋದನೆಯಿಂದ ದೂರವಿಡಲು ಹಾಕಿಕೊಂಡಿದ್ದ ನಕಲಿ ತೋಳಿನ ಪಟ್ಟಿಯನ್ನು ತೆಗೆಯುತ್ತಾ,ಅವನ ಮೇಲೆ ದಾಳಿ ಮಾಡಲು ಧಾವಿಸುತ್ತಾನೆ. ನಂತರ ಬಟಿಸ್ಟಾ ನಾನು ವೃತ್ತಿಯಿಂದ ನಿವೃತ್ತಿಯಾಗುವುದಿಲ್ಲ. ಆದರ ಬದಲು ಸ್ಮ್ಯಾಕ್ಡೌನ್ಗೆ ಮರಳುತ್ತೇನೆ ಎಂದು ಹೇಳಿದ. ನಂತರ ರಾತ್ರಿ ಅನರ್ಹತೆ ನಿಷೇಧ ಪಂದ್ಯದಲ್ಲಿ ಅವನು ಆರ್ಟನ್ನನ್ನು ಸೋಲಿಸಿದನು. ಇದು ರಾ ಬ್ರ್ಯಾಂಡ್ನ ಅವನ ನಾಲ್ಕು ತಿಂಗಳ ಅವಧಿಯಲ್ಲಿ ಕೊನೆಯ ಪಂದ್ಯವಾಗಿತ್ತು.[90]
ಸಪ್ಟೆಂಬರ್ 18ರ ಸ್ಮ್ಯಾಕ್ಡೌನ್ ಆವೃತ್ತಿಯಲ್ಲಿ, ಬಟಿಸ್ಟಾ ವಾಪಸಾಗುವುರೊಂದಿಗೆ, ಕ್ರಿಸ್ ಜೆರಿಕೊ ವಿರುದ್ಧದ ಪಂದ್ಯವನ್ನು ಗೆದ್ದನು. ನಂತರ ಜೆರಿಕೊನ ಟ್ಯಾಗ್ ಟೀಮ್ ಪಾಲುದಾರ ದಿ ಬಿಗ್ ಶೋ ಮುಂದಿನ ವಾರ ಪಂದ್ಯಕ್ಕೆ ಬರುವಂತೆ ಬಟಿಸ್ಟಾನಿಗೆ ಸವಾಲು ಹಾಕುತ್ತಾನೆ. ಆ ಪಂದ್ಯದಲ್ಲಿ ಬಟಿಸ್ಟಾ, ಶೋ ಮತ್ತು ಜೆರಿಕೊ ಇಬ್ಬರನ್ನು ತನ್ನ ಕಣಕಾಲನ್ನು ಬಳಸಿ ಬಂಧಿಸುವ ಮೂಲಕ ತನ್ನ ಹೊಸ ಪಟ್ಟನ್ನು ಹಾಕುತ್ತಾನೆ. ಬಟಿಸ್ಟಾ ತನ್ನ ಟ್ಯಾಗ್ ಟೀಮ್ ಸಹಭಾಗಿ ರೇ ಮಿಸ್ಟೆರಿಯೊಯೊಂದಿಗೆ ಹೆಲ್ ಇನ್ ದಿ ಸೆಲ್ ಪೇ ಪರ್ ವೀವ್ನಲ್ಲಿ ಟ್ಯಾಗ್ ಟೀಮ್ ಪ್ರಶಸ್ತಿಗಳಿಗಾಗಿ ತಮ್ಮನ್ನು ಎದುರಿಸಲು ಜೆರಿಕೊ ಮತ್ತು ಶೋಗೆ ಸವಾಲನ್ನು ಹಾಕುತ್ತಾನೆ. ಶೋ ರೇಯನ್ನು ನಾಕ್ಔಟ್ ಪೆಟ್ಟಿನಿಂದ ಕೆಳಕ್ಕೆ ಬೀಳಿಸಿದ್ದರಿಂದ ಟ್ಯಾಗ್ ಪ್ರಶಸ್ತಿಗಳನ್ನು ಗೆಲ್ಲುವುದಕ್ಕೆ ಬಟಿಸ್ಟಾ ಮತ್ತು ರೇ ವಿಫಲರಾಗುತ್ತಾರೆ. ಕೆಲವು ವಾರಗಳ ನಂತರ ಬ್ರಾಗಿಂಗ್ ರೈಟ್ಸ್ನಲ್ಲಿ ಮಾರಣಾಂತಿಕ ನಾಲ್ವರು ಕುಸ್ತಿಪಟುಗಳ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ನಲ್ಲಿ ಅಂಡರ್ಟೇಕರ್ನನ್ನು ಬಟಿಸ್ಟಾ ಭುಜ ಅದುಮಿಹಿಡಿದು ಮಣಿಸುವುದರಿಂದ ಮಿಸ್ಟೀರಿಯೊ ತಪ್ಪಿಸಿದ ನಂತರ ಬಟಿಸ್ಟಾ ಮಿಸ್ಟಿರಿಯೊಗೆ ಖಳನಾಯಕ ಸ್ವರೂಪಿಯಾದ. ಸರ್ವೈವರ್ ಸರಣಿಯಲ್ಲಿ ತೀರ್ಪುಗಾರ ಪಂದ್ಯವನ್ನು ನಿಲ್ಲಿಸಿದಾಗ ಬಟಿಸ್ಟಾ ಮಿಸ್ಟೆರಿಯೊನನ್ನು ಸೋಲಿಸಿದ್ದನು. ಸ್ಮ್ಯಾಕ್ಡೌನ್ನ ನವೆಂಬರ್ 27ರ ಆವೃತ್ತಿಯಲ್ಲಿ, ಬಟಿಸ್ಟಾ ಕೇನ್ನನ್ನು ಸೋಲಿಸುವುದರ ಮೂಲಕ, TLC: ಟೇಬಲ್ಸ್, ಲೇಡರ್ಸ್ ಆಂಡ್ ಚೇರ್ಸ್ನ ಚೇರ್ಸ್ ಪಂದ್ಯದಲ್ಲಿ ನಡೆಯುವ ವಿಶ್ವ ಹೆವಿವೇಟ್ ಚಾಂಪಿಯನ್ಶಿಪ್ಗೆ ದಿ ಅಂಡರ್ಟೇಕರ್ನನ್ನು ಎದುರಿಸುವ ನಂಬರ್ ಒನ್ ಸ್ಪರ್ಧಿಯಾದ. ಆದಾಗ್ಯೂ, ಈ ಪಂದ್ಯಾವಳಿಯಲ್ಲಿ ಪ್ರಶಸ್ತಿಯನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ.
ಕುಸ್ತಿ ಅಲ್ಲದೆ, ಬಟಿಸ್ಟಾ ಹಲವು ಜಾಹೀರಾತುಗಳು ಮತ್ತು ಹಲವು ನಿಯತಕಾಲಿಕೆಯ ಮುಖಪುಟಗಳಲ್ಲಿ ಕಾಣಿಸಿಕೊಂಡಿದ್ದಾನೆ. 2004ರಲ್ಲಿ WWE ಸಮ್ಮರ್ಸ್ಲ್ಯಾಮ್ ಜಾಹೀರಾತಿನಲ್ಲಿ ಬಟಿಸ್ಟಾ ಬ್ರೇಕ್ ಡಾನ್ಸ್ ಮಾಡುತ್ತಿರುವುದನ್ನು ತೋರಿಸಲಾಗಿತ್ತು. ಅದರಲ್ಲಿ ತನ್ನ "ವಾಡಿಕೆಯ ಪ್ರದರ್ಶನ" ನೀಡಿದ್ದರು. ಈ ಪ್ರದರ್ಶನವು ಒಲಿಂಪಿಕ್ ಗೇಮ್ಸ್ನಲ್ಲಿ ತೋರಿಸಿದ ವಾಡಿಕೆಯ ಪ್ರದರ್ಶನವನ್ನು ವಿವಾದಾತೀತವಾಗಿ ಅಣಕಿಸಿತ್ತು.[91] 2005ರ ಏಪ್ರಿಲ್ನ ಫ್ಲೆಕ್ಸ್ ನಿಯತಕಾಲಿಕೆ[92] ಮತ್ತು 2008ರ ಸಪ್ಟೆಂಬರ್ನ ಮಸಲ್ ಆಂಡ್ ಫಿಟ್ನೆಸ್ ನಿಯತಕಾಲಿಕೆಯ ಮುಖಪುಟಗಳಲ್ಲಿ ಕಾಣಿಸಿಕೊಂಡಿದ್ದಾನೆ.[93]
ಅದಲ್ಲದೇ,ಬಟಿಸ್ಟಾ ಸ್ವಂತ ಮತ್ತು ಬಟಿಸ್ಟಾನ ಒಳ-ಪಾತ್ರವಾಗಿ ಅನೇಕ ಕಿರುತೆರೆ ಪ್ರದರ್ಶನಗಳಲ್ಲಿ ಬಟಿಸ್ಟಾ ನಟನೆ ಮತ್ತು ಅತಿಥಿ ಪಾತ್ರವನ್ನು ವಹಿಸಿದ್ದಾನೆ. ಅಮೆರಿಕಾದ ನಾಟಕ, ಆಕ್ಷನ್/ಸಾಹಸ ಕಿರುತೆರೆ ಸರಣಿ ಸ್ಮಾಲ್ವಿಲ್ಲೆ ದ ಸೀಸನ್ 6ರ ಎಂಟನೇ ಸಂಚಿಕೆಯಲ್ಲಿ ಅತಿಥಿ ನಟನಾಗಿ ಅಭಿನಯಿಸಿದ್ದಾನೆ; ಫ್ಯಾಂಟಮ್ ಜೋನ್ನಿಂದ ತಪ್ಪಿಸಿಕೊಂಡ ಅಲ್ಡಾರ್ ಎಂಬ ಹೆಸರಿನ ಅನ್ಯಗ್ರಹದ ಜೀವಿಯು ಪೋಷಣೆಗಾಗಿ ಜನರ ಮೂಳೆಗಳನ್ನು ಹೀರಿಕೊಳ್ಳುವ ಪಾತ್ರದಲ್ಲಿ ನಟಿಸಿದ್ದಾನೆ.[94] 2007ರ ಜನವರಿಯಲ್ಲಿ ಜಾನ್ ಸೆನಾ ಮತ್ತು ಆಶ್ಲೇ ಮಸ್ಸರೊ ಅವರೊಂದಿಗೆ, ಬಟಿಸ್ಟಾ ಜನವರಿ 2007ರ ಎಕ್ಸ್ಟ್ರೀಮ್ ಮೇಕ್ಓವರ್:ಹೋಮ್ ಎಡಿಷನ್Extreme Makeover: Home Edition ಸಂಚಿಕೆಯಲ್ಲಿ WWEಯನ್ನು ಪ್ರತಿನಿಧಿಸುತ್ತಾ ಕಾಣಿಸಿಕೊಂಡು, ನವೀಕರಿಸಿದ ಮನೆಯ ಕುಟುಂಬದ ಮಕ್ಕಳಿಗೆ WWE ಸರಕು ಮತ್ತು ವ್ರೆಸಲ್ಮಾನಿಯ 23ಕ್ಕೆ 8 ಟಿಕೆಟ್ಗಳನ್ನು ನೀಡಿದ.[95]
2007 ನವೆಂಬರ್ 5ರಂದು ಬಟಿಸ್ಟಾ ಇತರ WWE ಸುಪರ್ಸ್ಟಾರ್ಗಳೊಂದಿಗೆ ಫ್ಯಾಮಿಲಿ ಫ್ಯೂಡ್ ನಲ್ಲಿ ಕಾಣಿಸಿಕೊಂಡಿದ್ದನು.[96] ಸೆಪ್ಟೆಂಬರ್ 7, 2008ರಂದು ನಡೆದ ಐರನ್ ಚೆಫ್ ಅಮೆರಿಕಾ ಸಂಚಿಕೆಯಲ್ಲಿ ಬಸವನಹುಳುಗಳ ಮುಖ್ಯ ವಿಷಯದೊಂದಿಗೆ ಬಟಿಸ್ಟಾ ತೀರ್ಪುಗಾರರಲ್ಲಿ ಒಬ್ಬನಾಗಿ ಕಾಣಿಸಿದ್ದಾನೆ[97].2008ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಮತ ದಾಖಲಿಸುವಂತೆ ಅಭಿಮಾನಿಗಳ ಮನವೊಲಿಸುವ ಪ್ರಯತ್ನವಾಗಿಕ್ಯಾಂಡೈಸ್ ಮಿಚೆಲೆ, ಶೆಲ್ಟನ್ ಬೆಂಜಾಮಿನ್, ಮತ್ತು ಜೋಶ್ ಮ್ಯಾಥೀವ್ಸ್ರೊಂದಿಗೆ ಬಟಿಸ್ಟಾ 2008ರ ಡೆಮೋಕ್ರಾಟಿಕ್ ರಾಷ್ಟ್ರೀಯ ಸಮಾವೇಶದಲ್ಲಿ WWEಯನ್ನು ಪ್ರತಿನಿಧಿಸಿದ್ದರು. ಬಟಿಸ್ಟಾ ತನ್ನ ಮನೆ ಮತ್ತು ಕಾರುಗಳನ್ನು ತೋರಿಸುವ ಕಾರ್ಯಕ್ರಮವಾದ MTV ಕ್ರಿಬ್ಸ್ ನಲ್ಲಿ ಸಹ ಕಾಣಿಸಿಕೊಂಡಿದ್ದನು.[98]
ಮೇ 2, 2009ರಂದು ಬಟಿಸ್ಟಾ ಬ್ರಿಟಿಷ್ ಬಾಕ್ಸರ್ ರಿಕಿ ಹಾಟ್ಟನ್ ವಿರುದ್ಧ ಕಾಳಗದಲ್ಲಿ ಫಿಲಿಪೈನ್ ಬಾಕ್ಸರ್ ಮಾನಿ ಪಾಕ್ವಿಯೊ ಜತೆಗೂಡಿದ್ದನ್ನು ಕ್ಯಾಮೆರಾದಲ್ಲಿ ತೋರಿಸಲಾಯಿತು. ಈ ಕಾಳಗದಲ್ಲಿ ಪಾಕ್ವಿಯೊ ಎರಡನೇ ಸುತ್ತಿನಲ್ಲಿ ಜಯಗಳಿಸಿದ. UK ಸನ್ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಬಟಿಸ್ಟಾ, ತಾನು ಹ್ಯಾಟನ್ನನ್ನು ಇಷ್ಟಪಡುತ್ತೇನೆ, ಆದರೆ ಮನ್ನಿ ನನ್ನ ಸ್ವಂತ ಲೀಗ್ನಲ್ಲಿದ್ದಾನೆ. ಮನ್ನಿಯ ಕುಸ್ತಿಪಂದ್ಯ ಪ್ರಾರಂಭವಾಗುವ ಮೊದಲು ಅವನನ್ನು ಬೆಂಬಲಿಸುವುದು ರೋಮಾಂಚನ ಉಂಟುಮಾಡಿದೆ ಎಂದು ಹೇಳಿದನು.[99]
2009ರ ಜೂನ್ನಲ್ಲಿ ಬಟಿಸ್ಟಾ ಆಸ್ಟ್ರೇಲಿಯಾದ ಸೋಪ್ ಒಫೆರಾ ನೈಬರ್ಸ್ ನ ಸಂಚಿಕೆಯ ಕಿರುದೃಶ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ.[100] ರಿಲೇಟಿವ್ ಸ್ಟ್ರೇಂಜರ್ಸ್ ನ ಕಿರುದೃಶ್ಯದಲ್ಲಿ ಕೂಡ ಕಾಣಿಸಿಕೊಂಡಿದ್ದಾರೆ.[9]
ಪ್ರಸ್ತುತ ಬಟಿಸ್ಟಾ ರಾಬ್ ವ್ಯಾನ್ ಡ್ಯಾಮ್ ಮತ್ತು ಜಾ ರುಲ್ರ ಜತೆಯಲ್ಲಿ ಮುಂಬರುವ ಚಿತ್ರ ರಾಂಗ್ ಸೈಡ್ ಆಫ್ ಟೌನ್ ಹೆಸರಿನ ಚಲನಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾನೆ.[101] ಬಟಿಸ್ಟಾ ಮನ್ನಿ ಪ್ಯಾಕ್ವಿಯೊ ಮತ್ತು ನಿಕೊಲ್ ಸ್ಕೆರಿಂಜರ್ರೊಂದಿಗೆ ವಾಪಕ್ಮ್ಯಾನ್ ಚಿತ್ರದಲ್ಲಿ ಸಹ ನಟಿಸಲಿದ್ದಾನೆ. ಅವನು ಚಲನಚಿತ್ರದಲ್ಲಿ ಖಳನಟನಾಗಿ ನಟಿಸುವುದು ಖಚಿತಪಚ್ಚಿದೆ.[102][103]
ಡೇವ್ ಬಟಿಸ್ಟಾ "ಬಟಿಸ್ಟಾ: ಐ ವಾಕ್ ಎಲೋನ್" ಎಂಬ ಹೆಸರಿನ ಮೊದಲ ಆತ್ಮಚರಿತ್ರೆ DVDಯನ್ನು WWE ಪ್ರೊಡಕ್ಷನ್ಸ್ ಮೂಲಕ ಬಿಡುಗಡೆಗೊಳಿಸಿದ್ದಾನೆ. ಅಕ್ಟೋಬರ್ 20 2009ರಂದು ಅದು ಬಿಡುಗಡೆಯಾಯಿತು.[104]
2005ರಲ್ಲಿ ಬಟಿಸ್ಟಾ ದಿ ಸನ್ ಎಂಬ ಬ್ರಿಟಿಷ್ ಟ್ಯಾಬ್ಲಾಯ್ಡ್ ಸುದ್ದಿಪತ್ರಿಕೆ ದಿ ಸನ್ ಗೆ ಎರಡು ಬಾರಿ ವಿವಾದಾತ್ಮಕ ಸಂದರ್ಶನಗಳನ್ನು ನೀಡಿದ್ದನು. WWEಯ ರಾ ಬ್ರ್ಯಾಂಡ್ನಲ್ಲಿ ಕುಸ್ತಿಯಾಡುವಾಗ ಬಟಿಸ್ಟಾ ಮೊದಲ ಸಂದರ್ಶನದಲ್ಲಿ ಸ್ಮ್ಯಾಕ್ಡೌನ್! ಕುರಿತು ಟೀಕಿಸಿ ಹೀಗೆ ಹೇಳಿದನು, "ನಾನು ಅವರ ನೇರ ವಿಡಿಯೊ ದೃಶ್ಯಗಳನ್ನು ವೀಕ್ಷಿಸಿದ್ದೇನೆ. ಅದರಲ್ಲಿ ಹೆಚ್ಚು ಮಂದಿ ಸ್ವಲ್ಪವೂ ಜಾಗರೂಕತೆ ಹೊಂದಿಲ್ಲ ಅಲ್ಲಿ ಉತ್ಸಾಹ ಮತ್ತು ಹೆಮ್ಮೆಯ ಕೊರತೆಯಿದೆ. ಎರಡೂ ಪ್ರದರ್ಶನಗಳಲ್ಲಿರುವ ಸ್ಪರ್ಧಿಗಳು ಸೋಮಾರಿಗಳಾಗಿದ್ದು, ಜಾಗರೂಕರಾಗಿರುವುದಿಲ್ಲ ಮತ್ತು ನಿಷ್ಠತೆ ಹೊಂದಿಲ್ಲ."[105] ಎರಡನೇ ಸಂದರ್ಶನದಲ್ಲಿ, ತನ್ನ ಹೇಳಿಕೆಗಳು ಸ್ಮ್ಯಾಕ್ಡೌನ್!ಸದಸ್ಯರಿಂದ ವೇದಿಕೆಯ ಹಿಂದೆ ಗಣನೀಯ ಪ್ರತಿಕ್ರಿಯೆಯನ್ನು ಆಕರ್ಷಿಸಿದೆಯೆಂದು ಬಟಿಸ್ಟಾ ಒಪ್ಪಿಕೊಂಡಿದ್ದಾರೆ. ಬ್ರಾಂಡ್ ಮತ್ತು ವಿನ್ಸ್ಮೆಕ್ಮೋಹನ್ರಿಂದ ಕೂಡ ಪ್ರತಿಕ್ರಿಯೆ ಹುಟ್ಟಿಸಿದೆ.
“ | Oh yes... tons of heat! I got lectured by Vince McMahon, The Undertaker and all the way down. I had good friends who just turned on me. Well, I thought they were good friends. Some of them are not with the company now. But I spoke from my heart then and I still feel that today. Maybe I chose the wrong forum to voice that opinion but I was speaking from the heart. When we were having that discussion we were talking about the competition between Raw and Smackdown. I didn't mention anybody on Raw, but there were guys on Raw I had the same sentiment about - who were absolutely lazy, had no passion and I thought should not be there. The same goes now. I'm putting my foot in my mouth again, but I still think there are guys on both shows who are lazy, couldn't care less and show no dedication. But we're slowly weeding those guys out. I want everybody in this company to work as hard as me, Triple H and The Undertaker do. I want them to sack the guys who lack the passion for this business and this company. I don't want them to be part of my show. Some of the guys who I think should be on their way out the door are still being given opportunities to shine, and it's up to them to take the bull by the horns and show that they really want to be out there. Then there are some guys, like Christian, who are dying for that chance and aren't being given that opportunity. I'm a huge fan of Christian. I enjoy every aspect of his work, the fans love and appreciate him, he has a great attitude, awesome work ethic, is always in shape and is very smart about the business. I feel very strongly that he's underutilized.[106] | ” |
ಬಟಿಸ್ಟಾ ಎದುರಾಳಿ ಕುಸ್ತಿ ಪ್ರವರ್ತನೆ ಸಂಸ್ಥೆಯಾದ ಟೋಟಲ್ ನಾನ್ಸ್ಟಾಪ್ ಆಕ್ಷನ್ ರೆಸ್ಲಿಂಗ್ ಬಗ್ಗೆ ಟೀಕಿಸುತ್ತಾ, ಹೀಗೆ ಹೇಳುವನು, "A.J. ಸ್ಟೈಲ್ಸ್ ಸಾಹಸಗಳನ್ನು ಮಾಡುವ ಪಂದ್ಯಗಳಲ್ಲಿ ಅವರ ಕಾರುಗಳು ನಾಶವಾಗುವ ತುಣುಕುಗಳನ್ನು ನಾನು ನೋಡಿದ್ದೇನೆ. ಅದು ಕುಸ್ತಿಯಲ್ಲ. ಕುಸ್ತಿಯು ಕಥೆಹೇಳುವುದಾಗಿದೆ."[107] ಇದಕ್ಕೆ 2006 ಏಪ್ರಿಲ್ನಲ್ಲಿ ಬಟಿಸ್ಟಾನ ಟೀಕೆಗಳಿಗೆ ಸ್ಟೈಲ್ಸ್ ಪ್ರತಿಕ್ರಿಯಿಸಿ, ಹೀಗೆ ಹೇಳಿದನು, "ನೆಲಕ್ಕೆ ಬಿದ್ದು ಬೆನ್ನನ್ನು ಹರಿದುಕೊಳ್ಳುವ ವ್ಯಕ್ತಿ ನನಗೆ ಕುಸ್ತಿಯಾಡುವುದು ಗೊತ್ತಿಲ್ಲವೆಂದು ಹೇಳುವುದು ಹಾಸ್ಯಾಸ್ಪದ"[108]
ಸಮ್ಮರ್ಸ್ಲ್ಯಾಮ್ ಪೇ-ಪರ್-ವೀವ್ ಜಾಹೀರಾತಿನ ಚಿತ್ರೀಕರಣದಲ್ಲಿ ಬಟಿಸ್ಟಾನ ತೆರೆಮರೆಯ ಸಮಸ್ಯೆಗಳು ಮುಂದುವರಿಯುತ್ತದೆ. ಬಟಿಸ್ಟಾ ಬೂಕರ್ Tಯೊಂದಿಗೆ ನಿಜ-ಜೀವನದ ಮುಷ್ಠಿಕಾಳಗ ನಡೆಸಿದ್ದಾನೆ ಎಂದು ವರದಿಯಾಗಿತ್ತು. ಇಬ್ಬರು ವ್ಯಕ್ತಿಗಳು ಅವರ ಪರವಾದ ಕಥೆಯನ್ನು ಹೇಳಿಕೊಂಡಿರುವ ಘಟನೆಯು WWE.comನಲ್ಲಿ ವರದಿಯಾಗಿದೆ. ಬಟಿಸ್ಟಾ ತನ್ನ ಮುಖ್ಯ ಕಾರ್ಯಕ್ರಮ ಸ್ಥಾನಮಾನ ಮತ್ತು ವೇಗದಲ್ಲಿ ಅದರ ಸಾಧನೆ ಹಿನ್ನೆಲೆಯಲ್ಲಿ ಉಳಿದವರಿಗಿಂತ ತಾನು ಉತ್ತಮನೆಂಬ ಪರಿಗಣನೆಯ ಕಲ್ಪನೆಯಿಂದ ಈ ಕಾಳಗ ಹುಟ್ಟಿಕೊಂಡಿದೆಯೆಂದು ನಂಬಲಾಗಿದೆ. ಬಟಿಸ್ಟಾ ಕಾಳಗಕ್ಕೆ ಪ್ರಚೋದನೆ ನೀಡಿದನೆಂದು ನಂಬಲಾಗಿದೆ. ಹಫ್ಮನ್ ಮೇಲುಗೈ ಪಡೆದಂತೆ ಕಂಡುಬಂದರೂ ವಿವಿಧ ಸೂಪರ್ಸ್ಟಾರ್ಗಳು ಇಬ್ಬರನ್ನೂ ಹಿಂದಕ್ಕೆ ಎಳೆದರು. ಹಫ್ಮ್ಯಾನ್ ಸೇಡು ತೀರಿಸಿಕೊಳ್ಳುವುದಾಗಿ ಹೇಳಿದನು. ಆದರೆ ಇಬ್ಬರೂ ಅದನ್ನು ಮರೆತಂತೆ ಕಂಡುಬಂದರು.[109][110][111]
ಬಟಿಸ್ಟಾ ಅನಬಾಲಿಕ್ ಸ್ಟೆರಾಯ್ಡ್ ಅನ್ನು ಬಳಸುತ್ತಿದ್ದ ಎಂದು ಆಗಸ್ಟ್ 2007ರಂದು ಆರೋಪಿಸಲಾಯಿತು.ಫ್ಲೋರಿಡಾದ ಒರ್ಲಾಂಡೊದಲ್ಲಿರುವ ಸಿಗ್ನೇಚರ್ ಔಷಧಾಲಯದ ಗ್ರಾಹಕರಾಗಿರುವ ಕುಸ್ತಿಪಟುಗಳ ಹೆಸರುಗಳನ್ನು ESPN ಲೇಖನವು ಬಹಿರಂಗಪಡಿಸಿದ ನಂತರ ಈ ಆರೋಪವು ಕೇಳಿಬಂತು. ಅಕ್ರಮವಾಗಿ ಪರವಾನಗಿ ಔಷಧಗಳನ್ನು ಭರ್ತಿಮಾಡುತ್ತಿದ್ದ ಕಾರಣಕ್ಕಾಗಿ ತನಿಖೆಗೊಳಪಟ್ಟ ಔಷಧಾಲಯದಲ್ಲಿ ಫ್ಲೋರಿಡಾ ಕೂಡ ಒಂದಾಗಿದೆ. ಬಟಿಸ್ಟಾ ESPNನ ಆರೋಪಗಳನ್ನು ನಿರಾಕರಿಸುವ ಹೇಳಿಕೆಯನ್ನು ಬಿಡುಗಡೆಗೊಳಿಸಿದನು ಮತ್ತು ಆ ವರದಿಯ ಬಗ್ಗೆ ತೀವ್ರ ಕೋಪಗೊಂಡಿದ್ದನೆಂದು ವರದಿಯಾಗಿತ್ತು. ನಾನು ಎಂದೂ ಸಿಗ್ನೇಚರ್ನ ಗ್ರಾಹಕನಾಗಿರಲಿಲ್ಲ ಮತ್ತು "WWE ನನ್ನನ್ನು ನಿಯಮಿತವಾಗಿ ಪರೀಕ್ಷಿಸುತ್ತಿದೆ, ಮತ್ತು ನಾನು WWE ಕ್ಷೇಮ ಕಾರ್ಯಕ್ರಮದ ವನ್ನು ಸಂಪೂರ್ಣವಾಗಿ ಅನುಸರಿಸುತ್ತಿದ್ದೇನೆ" ಎಂದು ಹೇಳಿದನು.[112] ಈ ವಿವಾದದಲ್ಲಿರುವ ಹತ್ತು ಕುಸ್ತಿಪಟುಗಳನ್ನು ಅಮಾನತ್ತುಗೊಳಿಸಿದೆ ಎಂದು WWE ವರದಿಮಾಡಿದೆ. ಆದರೂ ಬಟಿಸ್ಟಾ ಅವರಲ್ಲಿ ಒಬ್ಬನಾಗಿರಲಿಲ್ಲ.[113]
ಬಟಿಸ್ಟಾ 1990 ದಶಕದ ಮೊದಲ ಭಾಗದಲ್ಲಿ ಗ್ಲೆಂಡಾ ಎಂಬ ಮಹಿಳೆಯನ್ನು ಮದುವೆಯಾಗಿದ್ದನು ಮತ್ತು ವಿಚ್ಛೇದನ ನೀಡುವ ಮೊದಲು, ಕೀಲನಿ (1990ರಲ್ಲಿ ಹುಟ್ಟಿದ್ದು) ಮತ್ತು ಅಥೆನಾ (1992ರಲ್ಲಿ ಹುಟ್ಟಿದ್ದು) ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದರು.[114] ಅಕ್ಟೋಬರ್ 13ರ 1988ರಂದು ಬಟಿಸ್ಟಾ ತನ್ನ ಎರಡನೇ ಪತ್ನಿ ಎಂಜಿಯನ್ನು ಮದುವೆಯಾದನು. ಅವರು 2006ರಲ್ಲಿ ವಿಚ್ಛೇದನ ತೆಗೆದುಕೊಂಡರು. ಬಟಿಸ್ಟಾ ತನ್ನ 40 ವರ್ಷದ ಮೊದಲೇ ಎರಡು ಮೊಮ್ಮಕ್ಕಳಿಗೆ ಅಜ್ಜನಾಗಿದ್ದ. ಅವನ ಮೊದಲ ಮಗಳು ಕೀಲನಿಗೆ ಜಾಕೊಬ್ ಮತ್ತು ಏಡನ್ ಎಂಬ ಇಬ್ಬರು ಗಂಡುಮಕ್ಕಳು.[115][116] ಎಂಜಿಯೊಂದಿಗೆ ಮದುವೆಯಾಗುವಾಗ, ಬಟಿಸ್ಟಾ ಉತ್ತಮ ಲೋಹದ ಊಟದ ಡಬ್ಬಗಳ ಸಂಗ್ರಾಹಕನಾಗಿದ್ದನು. 1967ರ ಗ್ರೀನ್ ಹಾರ್ನೆಟ್ ಊಟದ ಡಬ್ಬಿಯಲ್ಲಿ ಬ್ರೂಸ್ ಲೀಯ ಚಿತ್ರವಿರುವುದರಿಂದ, ಅದು ಅವನ ನೆಚ್ಚಿನ ಊಟದ ಡಬ್ಬವಾಗಿತ್ತು ಎಂದು ಹೇಳಿದ್ದಾನೆ. ಅವನು ಎಂಜಿಗಾಗಿ ET ಊಟದ ಡಬ್ಬವನ್ನು ತಂದಾಗಿನಿಂದ, ಅದರ ಸಂಗ್ರಹಣೆಯನ್ನು ಪ್ರಾರಂಭಿಸಿದನು ಮತ್ತು ಆ ಊಟದ ಡಬ್ಬವನ್ನು ಒಡೆಯಲು ಅವಳಿಗೆ ಇಷ್ಟವಿರಲಿಲ್ಲ, ಹಾಗಾಗಿ ಅವನು ಇನ್ನೊಂದು ಡಬ್ಬವನ್ನು ತಂದನು.[117] WWE ಮ್ಯಾಗಜೀನ್ ನ 2006 ಆಗಸ್ಟ್ರ ಆವೃತ್ತಿಯಲ್ಲಿ ತಾನು ಮತ್ತು ಎಂಜಿ ಪ್ರತ್ಯೇಕವಾಗಿದ್ದನ್ನು ಬಹಿರಂಗಪಡಿಸಿದ್ದಾನೆ.[118] ನಂತರ ಬಟಿಸ್ಟಾ ತನ್ನ ಆತ್ಮಚರಿತ್ರೆಯಲ್ಲಿ 2006ರಲ್ಲಿ ಅವನ ಪತ್ನಿಯೊಂದಿಗೆ ವಿಚ್ಛೇದನ ತೆಗೆದುಕೊಂಡ ನಂತರ WWE ಡಿವಾ ಮಲಿನಾ ಫೆರೆಜ್ನೊಂದಿಗೆ ಸಂಬಂಧದ ಕುರಿತು ಬರೆದಿದ್ದಾನೆ. ಇದು ಸ್ಮ್ಯಾಕ್ಡೌನ್! ನಲ್ಲಿ ಸಣ್ಣ ಚಕಮಕಿಗೆ MNMಯೊಂದಿಗಿನ ಕಾಳಗದಲ್ಲಿ ದಾರಿ ಕಲ್ಪಿಸಿತು.
2007 ಅಕ್ಟೋಬರ್ನಲ್ಲಿ ಅವನ ಆತ್ಮಚರಿತ್ರೆ ಬಟಿಸ್ಟಾ ಅನ್ಲಿಷಡ್ ಬಿಡುಗಡೆಗೊಂಡಿತು.[15] ಪುಸ್ತಕದ ಕುರಿತ ಸಂದರ್ಶನದಲ್ಲಿ, ಬಟಿಸ್ಟಾ ಹೀಗೆ ಹೇಳಿದ್ದಾನೆ "ನನ್ನ ಕಥೆಯು ಸತ್ಯವಲ್ಲದಿದ್ದರೆ, ನಾನು ಅದನ್ನು ಹೇಳಲು ಬಯಸುವುದಿಲ್ಲ," ಮತ್ತು ಮುಂದುರಿಸುತ್ತಾ, "ನೀವು ಮೂರು ವಕೀಲರ ತಂಡದ ಮೂಲಕ ಹಾದುಹೋಗಬೇಕು: ಸಿಮನ್ ಆಂಡ್ ಶುಸ್ಟರ್ ವಕೀಲರು, WWE ವಕೀಲರು, ನನ್ನ ವಕೀಲರು. ಪ್ರತಿಯೊಂದೂ ಒಂದು ಉದ್ದೇಶದಿಂದ ಕೂಡಿರುವಂತೆ, ಸರಳವಾದ ವಿಷಯಕ್ಕೂ ನಿಮ್ಮ ಮೇಲೆ ಮೊಕದ್ದಮೆ ದಾಖಲಿಸಬಹುದು" ಎಂದು ಹೇಳಿದನು.[119] ಕ್ರಿಸ್ ಬೆನೊಯಿಟ್ ಅವಳಿ ಕೊಲೆ ಮತ್ತು ಆತ್ಮಹತ್ಯೆ ಕಾರಣದಿಂದಾಗಿ ಪುಸ್ತಕದಲ್ಲಿ ಉಲ್ಲೇಖಿಸಿದ ಕ್ರಿಸ್ ಬೆನೊಯಿಟ್ನನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಗಿದೆ ಎನ್ನುವುದು ವಿವಾದದ ಒಂದು ಮೂಲವಾಗಿದೆ. ಅದಕ್ಕೆ ಬಟಿಸ್ಟಾ ಪ್ರತಿಕ್ರಿಯಿಸುತ್ತಾ "ನಾನು ಆ ಹುಡುಗನನ್ನು ಇಷ್ಟಪಡುತ್ತೇನೆ. ಅವನು ಹಾಗೆ ಮಾಡಿರುವುದನ್ನು ನಾನು ಕೀಳಾಗಿ ಕಾಣುತ್ತೇನೆ, ಆದರೆ ಇದು ನನ್ನ ಜೀವನದಿಂದ ಅವನನ್ನು ಅಳಿಸಿಹಾಕುವುದಿಲ್ಲ. ನಾನು ಅವನನ್ನು ಅಲ್ಲಿ ಉಳಿಸಿಕೊಳ್ಳಲು ಹೋರಾಡಿದೆ, ಹಾಗೆ ಮಾಡಿದ್ದಕ್ಕೆ ನನಗೆ ಸಂತೋಷವಾಯಿತು" ಎಂದು ಪ್ರತಿಕ್ರಿಯಿಸಿದನು.[119] ಬಟಿಸ್ಟಾನ ಹಿಂದಿನ ಪತ್ನಿ ಎಂಜಿಯ ಬಗ್ಗೆ ಅವನಲ್ಲಿ ಕೇಳಿದಾಗ, "[ನಾವು] ಮತ್ತೆ ಆಪ್ತರಾಗುತ್ತಿದ್ದೇವೆ, ಸುಮಾರು ವರ್ಷಗಳ ಕಾಲ ನಾವು ಒಟ್ಟಿಗಿರಲಿಲ್ಲ. ನಾನು ಅವಳ ಬಗ್ಗೆ ತುಂಬಾ ತಿಳಿದುಕೊಂಡಿದ್ದೇನೆ ಮತ್ತು ಅವಳು ನನ್ನ ಬಗ್ಗೆ ಪುಸ್ತಕವನ್ನು ಓದುವುದರಿಂದ ತುಂಬಾ ತಿಳಿದುಕೊಂಡಿದ್ದಾಳೆ. ಅವಳು ಪುಸ್ತಕವನ್ನು ಓದಿದ್ದರಿಂದ ಭಿನ್ನ ದೃಷ್ಟಿಕೋನದಿಂದ ವಾಸ್ತವಾಗಿ ವಿಷಯವನ್ನು ಗ್ರಹಿಸುತ್ತಾಳೆ. ಹಾಗಾಗಿ ಅದು ಖಂಡಿತವಾಗಿ ಚಿಕಿತ್ಸಕ ಗುಣವುಳ್ಳದ್ದು" ಎಂದು ಹೇಳಿದನು.[119]
ಬಟಿಸ್ಟಾ ತನ್ನ ದೇಹದಲ್ಲಿ ಅನೇಕ ಹಚ್ಚೆಗಳನ್ನು ಹಾಕಿಸಿಕೊಂಡಿದ್ದಾನೆ. ಬೆನ್ನಿನಲ್ಲಿ ಚೀನಾದ ಡ್ರ್ಯಾಗನ್ನ ಹಚ್ಚೆ, ಅವನ ಹಿಂದಿನ ಪತ್ನಿ ಎಂಜಿಯ ನೆನಪಿಗಾಗಿ ಅವನ ಎಡ ಭುಜದ ಮೇಲೆ ಕೆಂಪು ಕಾಂಜಿ ಅಕ್ಷರದಿಂದ ಕೂಡಿದ "ಎಂಜೆಲ್" ಎನ್ನುವ ಹಚ್ಚೆ, ಅವನ ಬಲ ಭುಜದ ಮೇಲೆ ಅಂಕಿತದ ವಿನ್ಯಾಸ ಮತ್ತು ಅವನ ಹೂಕ್ಕಳನ್ನು ಸುತ್ತುವರಿದಿರುವ ಹೊಟ್ಟೆಯ ಮೇಲೆ ಚಿಕ್ಕ ಸೂರ್ಯನ ಗುರುತಿನ ಹಚ್ಚೆ ಇವುಗಳಲ್ಲಿ ಸೇರಿದೆ.[120] ಅವನ ಭುಜದ ಮೇಲೆ ಫಿಲಿಫೈನ್ಸ್ ಮತ್ತು ಗ್ರೀಸ್ ಬಾವುಟಗಳು ಒಂದುಗೂಡಿದ ಬಾವುಟಗಳ ಹಚ್ಚೆಯಿದೆ. 2009ರಲ್ಲಿ ಗಾಯಗೊಂಡು ಬಿಡುವಾಗಿದ್ದಾಗ, ಬಟಿಸ್ಟಾ ತನ್ನ ಬಲ ಭುಜದ ಮೇಲೆ "ಸೋಲ್ಜರ್" ಎಂದು ಬರೆದ, ಬುಡಕಟ್ಟು ಶೈಲಿಯ ಹಚ್ಚೆಗಳನ್ನು ಭುಜದ ಮೇಲ್ಭಾಗದಲ್ಲಿ ಹಾಕಿಸಿಕೊಂಡಿದ್ದನು.
ಟೆಂಪ್ಲೇಟು:Image stack
ಟೆಂಪ್ಲೇಟು:Image stack
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.