From Wikipedia, the free encyclopedia
ಕಾನನ್ ದೇವಿ (ಜನನ: 1916 - ಮರಣ: 17 ಜುಲೈ 1992) ಭಾರತೀಯ ಚಲನಚಿತ್ರರಂಗದ ಆರಂಭಿಕ ಕಾಲದಲ್ಲಿ, ಹಾಡುಗಾರಿಕೆಯ ಮೂಲಕ ಚಿರಪರಿಚಿತರಾಗಿದ್ದರು. ಬಂಗಾಳಿ ಚಲನಚಿತ್ರರಂಗದ ಮೊದಲ ತಾರೆ ಎಂದೂ ಪ್ರಸಿದ್ಧರಾಗಿದ್ದರು.[1] ಅವರದ್ದು ವೇಗಗತಿಯ ರಾಗ ಮತ್ತು ಸಾಮಾನ್ಯವಾಗಿ ಧೃತಗತಿಯ ಹಾಡುಗಾರಿಕೆಯ ಶೈಲಿಯಾಗಿತ್ತು. ಇದರಿಂದಾಗಿ, ಇಂತಹ ಶೈಲಿಯನ್ನು ಬಳಸಿದ ಕೊಲ್ಕತ್ತಾದ ನ್ಯೂ ಥಿಯೆಟರ್ಸ್ನ ಚಿತ್ರಗಳ ಭಾರೀ ಯಶಸ್ಸುವಿಗೆ ಕಾರಣವಾಗಿತ್ತು.
ಈ ಲೇಖನದಲ್ಲಿಪರಿಶೀಲನೆಗಾಗಿ ಹೆಚ್ಚಿನ ಉಲ್ಲೇಖಗಳ ಅಗತ್ಯವಿದೆ. (July 2008) |
ಕಾನನ್ ದೇವಿ 1916ರಲ್ಲಿ ಅಥವಾ ಅದರ ಆಸುಪಾಸಿನಲ್ಲಿ, ಪಶ್ಚಿಮ ಬಂಗಾಳದ ಹೌರಾದಲ್ಲಿ ಕಾನನ್ ದಾಸಿ ಯಾಗಿ ಜನಿಸಿದರು. ತಮ್ಮ ಆತ್ಮಚರಿತ್ರೆಯಲ್ಲಿ, ತಾವು ಅಕ್ರಮ ಸಂತಾನ ಎಂದು ಕಾನನ್ ದೇವಿ ಹೇಳಿಕೊಂಡಿದ್ದಾರೆ. ಆವರದು ಬಡ ಕುಟುಂಬವಾಗಿತ್ತು. ತಮ್ಮ ಸಾಕುತಂದೆಯ ಮರಣಾನಂತರ, ಅವರು ಮತ್ತು ಅವರ ತಾಯಿ ತಮ್ಮ ಪಾಡಿಗೆ ಜೀವನ ನಡೆಸಿಕೊಂಡು ಹೋಗಲು ಎಲ್ಲಾ ತರಹದ ಕೆಲಸಗಳನ್ನೂ ಮಾಡುತ್ತಲಿದ್ದರು.
ಅವರ ಹೆಸರನ್ನು ಅದೇ ಸಮಯದಲ್ಲಿ ಕಾನನ್ ಬಾಲಾ ಎಂದು ಬದಲಿಸಲಾಯಿತು. ಆವರು ಕೇವಲ ಹತ್ತು ವರ್ಷ ವಯಸ್ಸಿನವರಾಗಿದ್ದಾಗ, ಹಿತೈಷಿಯೊಬ್ಬರು ಅವರನ್ನು ಜ್ಯೋತಿ ಸ್ಟುಡಿಯೊಗೆ ಕರೆತಂದರು. ಅಲ್ಲಿ ಜಯದೇವ್ (1926) ಚಲನಚಿತ್ರದಲ್ಲಿ ಕಾನನ್ರಿಗೆ ಬಾಲಕಿಯ ಕಿರುಪಾತ್ರ ನೀಡಲಾಯಿತು. ಆನಂತರ, ರಾಧಾ ಫಿಲ್ಮ್ಸ್ ಸಂಸ್ಥೆಯೊಂದಿಗೆ ತಮ್ಮ ವೃತ್ತಿ ಮುಂದುವರೆಸಿದರು. ಇವುಗಳಲ್ಲಿ ಹಲವು ಚಲನಚಿತ್ರಗಳನ್ನು ಜ್ಯೋತೀಶ್ ಬಾನರ್ಜಿ ನಿರ್ದೇಶಿಸಿದ್ದರು. ಖೂನೀ ಕೌನ್ ಮತ್ತು ಮಾ ಚಲನಚಿತ್ರಗಳಲ್ಲಿ ತಮ್ಮ ನಟನಾ ಪ್ರತಿಭೆಯಿಂದ ಗುರುತಿಸಿಕೊಂಡ ಕಾನನ್ ಕೋಲ್ಕತ್ತಾದ ನ್ಯೂ ಥಿಯೆಟರ್ಸ್ ಸೇರಿದರು. ರಾಯಚಂದ್ ಬೊರಾಲ್ ಎಂಬ ಮೇರು ಸಂಗೀತಗಾರರೊಂದಿಗೆ ಭೇಟಿಯಾದರು. ಇವರು ಕಾನನ್ ದೇವಿಗೆ ತರಬೇತಿ ನೀಡಿದರಲ್ಲದೆ, ಹಿಂದಿ ಭಾಷೆಯ ಉಚ್ಚಾರಣೆಯೊಂದಿಗೂ ಚಿರಪರಿಚಿತಗೊಳಿಸಿದರು. ಅವರು ಉಸ್ತಾದ್ ಅಲ್ಲಾಹ್ ರಖಾ ಅವರಿಂದ ಆರಂಭಿಕ ಸಂಗೀತ ತರಬೇತಿ ಪಡೆದರು. ಮೆಗಾಫೋನ್ ಗ್ರಾಮೊಫೋನ್ ಕಂಪೆನಿಯಲ್ಲಿ ಅವರು ಒಬ್ಬ ಗಾಯಕಿಯಾಗಿ ಸೇವೆ ಸಲ್ಲಿಸಿ, ಭೀಷ್ಮದೇವ್ ಚಟರ್ಜಿಯವರಿಂದ ಹೆಚ್ಚುವರಿ ತರಬೇತಿ ಪಡೆದರು. ನಂತರ, ಅವರು ಅನಾದಿ ದಸ್ತಿದರ್ ಅವರ ಮಾರ್ಗದರ್ಶನದಲ್ಲಿ ರವೀಂದ್ರ ಸಂಗೀತ್ ಕಲಿತರು. ಚಲನಚಿತ್ರಗಳಲ್ಲಿ ನಮೂದಿಸುವ ಉದ್ದೇಶಕ್ಕಾಗಿ ಅವರ ಹೆಸರನ್ನು ಪುನಃ ಕಾನನ್ ದೇವಿ ಎಂದು ಬದಲಾಯಿಸಲಾಯಿತು.
ತಮ್ಮ ಚಲನಚಿತ್ರ ದೇವದಾಸ್ (1935)ನಲ್ಲಿ ಪ್ರಧಾನ ನಟಿಯಾಗಬೇಕೆಂದು ನ್ಯೂ ಥಿಯೆಟರ್ಸ್ನ ಪಿ.ಸಿ. ಬರುವಾ ಕಾನನ್ ದೇವಿಯವರನ್ನು ಕೇಳಿಕೊಂಡರು. ಆದರೆ, ಕೆಲವು ಕಾರಣದಿಂದಾಗಿ ಅವರು ಚಲನಚಿತ್ರದಲ್ಲಿ ನಟಿಸಲಾಗಲಿಲ್ಲ. ಆನಂತರ, ಅವರು ಬರುವಾರ ಮುಕ್ತಿ (1937) ಚಲನಚಿತ್ರದಲ್ಲಿ ಪ್ರಮುಖ ನಟಿಯಾದರು. ಬಹುಶಃ ಇದು ಅವರ ಅತ್ಯುತ್ತಮ ಪಾತ್ರ ನಿರ್ವಹಣೆಯಾಗಿದ್ದು, ಸ್ಟುಡಿಯೊದ ಅತಿ ಜನಪ್ರಿಯ ತಾರೆಯಾದರು. ನ್ಯೂ ಥಿಯೆಟರ್ಸ್ನ ಚಲನಚಿತ್ರಗಳಿಂದಾಗಿ ಕಾನನ್ ದೇವಿ ಭಾರೀ ಬೇಡಿಕೆಯಲ್ಲಿರುವ ಗಾಯಕಿಯೆನಿಸಿದರು. ಕೆ. ಸಿ. ಡೇಯವರೊಂದಿಗಿನ ಸಹಯೋಗದಿಂದಾಗಿ ಕಾನನ್ ದೇವಿ ಬಹಳಷ್ಟು ಜನಪ್ರಿಯತೆ ಗಳಿಸಿದರು. 1941ರಲ್ಲಿ ತಮ್ಮ ಹಾಡುಗಾರಿಕೆಯ ಕರಾರು ಗುತ್ತಿಗೆಯಿಂದ ರಾಜೀನಾಮೆ ನೀಡುವ ತನಕ, ಕಾನನ್ ದೇವಿ ನ್ಯೂ ಥಿಯೇಟರ್ಸ್ನ ಮೇರುನಟಿಯಾಗಿ ಉಳಿದರು. 1941ರಿಂದ ಅವರು ಬಂಗಾಳಿ ಮತ್ತು ಹಿಂದಿ ಚಲನಚಿತ್ರಗಳಲ್ಲಿ ಸ್ವತಂತ್ರವಾಗಿ ನಟನಾ ವೃತ್ತಿ ಮಾಡಲಾರಂಭಿಸಿದರು. ಎಂ. ಪಿ. ಪ್ರೊಡಕ್ಷನ್ಸ್ ಸಂಸ್ಥೆ ನಿರ್ಮಿಸಿ, ಬಿಡುಗಡೆಗೊಳಿಸಿದ ಜವಾಬ್ , ಕಾನನ್ ದೇವಿಯವರ ಭಾರಿ ಯಶಸ್ಸು ಗಳಿಸಿದ ಚಲನಚಿತ್ರವಾಗಿತ್ತು. ಈ ಚಲನಚಿತ್ರದಲ್ಲಿ ಅವರ ಹಾಡು ಯೆ ದುನಿಯಾ ಹೈ ತೂಫಾನ್ ಮೇಯ್ಲ್ ನೊಂದಿಗೆ, ಬಹಳಷ್ಟು ಹಾಡುಗಳು ಮೆಚ್ಚುಗೆ ಗಳಿಸಿದವು. ಇದೇ ರೀತಿ, ಹಾಸ್ಪಿಟಲ್ (1943), ಬನ್ಫೂಲ್ (1945) ಮತ್ತು ರಾಜಲಕ್ಷ್ಮಿ (1946) ಚಲನಚಿತ್ರಗಳಲ್ಲಿ ಇದೇ ರೀತಿ ಹಾಡಿ ಜನಪ್ರಿಯತೆಯನ್ನು ಪುನಃ ಹೆಚ್ಚಿಸಿಕೊಂಡರು.
1948ರಲ್ಲಿ ಅವರು ಮುಂಬಯಿಗೆ ಸ್ಥಳಾಂತರಗೊಂಡರು. ಕಾನನ್ ದೇವಿ ಮೊದಲ ಬಾರಿಗೆ ಹಿಂದಿ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡದ್ದು 1948ರಲ್ಲಿ. ಆ ವರ್ಷ ಅಶೋಕ್ ಕುಮಾರ್ರೊಂದಿಗೆ ನಟಿಸಿದ ಚಂದ್ರಶೇಖರ್ ಚಿತ್ರ ಬಿಡುಗಡೆಯಾಯಿತು. 1949ರಲ್ಲಿ ಕಾನನ್ ದೇವಿ ಶ್ರೀಮತಿ ಪಿಕ್ಚರ್ಸ್ ಎಂಬ ತಮ್ಮದೇ ಆದ ಚಲನಚಿತ್ರ ನಿರ್ಮಾಣ ಸಂಸ್ಥೆ ಸ್ಥಾಪಿಸಿ ಚಲನಚಿತ್ರ ನಿರ್ಮಾಪಕಿಯಾದರು. 1949ರಲ್ಲಿ ಅನನ್ಯಾ ಎಂಬ ಚಲನಚಿತ್ರದೊಂದಿಗೆ ಸಬ್ಯಸಾಚಿ ಕಲೆಕ್ಟಿವ್ ಎಂಬುದನ್ನು ಪರಿಚಯಿಸಿದರು. ಅವರ ಸ್ವಂತ ಚಲನಚಿತ್ರ ನಿರ್ಮಾಣಗಳು ಮುಖ್ಯವಾಗಿ ಶರತ್ ಚಂದ್ರ ಚಟ್ಟೋಪಾಧ್ಯಾಯ ಅವರ ಕಥೆಗಳನ್ನು ಆಧರಿಸಿದ್ದವು. ಕಾನನ್ ದೇವಿ ತಮ್ಮ ಮೊದಲ ಪತಿ ಶ್ರೀ ಅಶೋಕ್ ಮೈತ್ರಾ ಅವರನ್ನು ವಿವಾಹವಾದರು. ಆದರೆ ಈ ವಿವಾಹವು ಅಲ್ಪಕಾಲಿಕವಾಗಿದ್ದು, ವಿಚ್ಛೇದನದಲ್ಲಿ ಕೊನೆಗೊಂಡಿತು. ಆದರೂ, ಜೀವನದಲ್ಲಿ ಮೊದಲ ಬಾರಿಗೆ ತಮಗೆ ಸಾಮಾಜಿಕ ಸ್ಥಾನಮಾನ ನೀಡಿದ್ದಕ್ಕಾಗಿ ಅಶೋಕ್ ಮೈತ್ರಾಗೆ ಕೃತಜ್ಞತೆ ಸೂಚಿಸಿದರು. ಆನಂತರ, ತಮ್ಮ ಎರಡನೆಯ ಪತಿ ಹರಿದಾಸ್ ಭಟ್ಟಾಚಾರ್ಯರನ್ನು ವಿವಾಹವಾದರು. ಏಕೈಕ ಮಗು - ಸಿದ್ಧಾರ್ಥ ಭಟ್ಟಾಚಾರ್ಯ ಎಂಬ ಮಗನಿಗೆ ಜನ್ಮವಿತ್ತರು. ಕಾನನ್ ದೇವಿ ತಮ್ಮ ಕುಟುಂಬದೊಂದಿಗೆ ಕೋಲ್ಕತ್ತಾದಲ್ಲಿ ನೆಲೆಸಿದರು. ವಯೋವೃದ್ಧ ಮತ್ತು ಆರ್ಥಿಕ ತೊಂದರೆಯಲ್ಲಿದ್ದ ಕಲಾವಿದೆಯರಿಗೆ ಬೆಂಬಲ ನೀಡಲು ಹಾಗೂ ಬಂಗಾಳಿ ಚಲನಚಿತ್ರರಂಗದ ಏಳ್ಗೆಗಾಗಿ ಮಹಿಳಾ ಶಿಲ್ಪಿ ಮಹಲ್ ಎಂಬ ಸಂಸ್ಥೆ ಸ್ಥಾಪಿಸಿ, ಅದರ ಅಧ್ಯಕ್ಷೆಯಾಗಿ ಕಾರ್ಯನಿರ್ವಹಿಸಿದರು. ಬಂಗಾಳಿ ಚಿತ್ರರಂಗದ ಮೊಟ್ಟಮೊದಲ ನಾಯಕಿನಟಿ ಕಾನನ್ ದೇವಿಗೆ, ಭಾರತೀಯ ಚಿತ್ರರಂಗಕ್ಕೆ ನೀಡಿದ ಅಮೂಲ್ಯ ಕೊಡುಗೆಗೆ ಮನ್ನಣೆ ನೀಡಿದ ಭಾರತ ಸರ್ಕಾರವು ಅವರಿಗೆ 1976ರಲ್ಲಿ ದಾದಾಸಾಹೆಬ್ ಫಾಲ್ಕೆ ಪ್ರಶಸ್ತಿ ನೀಡಿ ಗೌರವಿಸಿತು. 1992ರ ಜುಲೈ 17ರಂದು ಕಾನನ್ ದೇವಿ ತಮ್ಮ ಎಪ್ಪತ್ತಾರನೆಯ ವಯಸ್ಸಿನಲ್ಲಿ, ಕೋಲ್ಕತ್ತಾದ ಆಸ್ಪತ್ರೆ ಬೆಲ್ಲೆ ವ್ಯೂ ಕ್ಲಿನಿಕ್ನಲ್ಲಿ ನಿಧನರಾದರು.
ವರ್ಷ | ಚಲನಚಿತ್ರದ ಹೆಸರು | ನಿರ್ದೇಶನ | ಸಹನಟ | ಟಿಪ್ಪಣಿ |
---|---|---|---|---|
1926 | ಜಯದೇವ್ | ಜ್ಯೋತೀಶ್ ಬಾನರ್ಜಿ | ನಟ | |
1931 | ಋಷಿರ್ ಪ್ರೇಮ್ | ಜ್ಯೋತೀಶ್ ಬಾನರ್ಜಿ | ನಟ | |
1931 | ಜೊರೆ ಬರಾತ್ | ಜ್ಯೋತೀಶ್ ಬಾನರ್ಜಿ | ನಟ | ಕಿರು ಅವಧಿಯ ಚಲನಚಿತ್ರ |
1932 | ಬಿಷ್ಣುಮಯ | ಜ್ಯೋತೀಶ್ ಬಂಡ್ಯೋಪಾಧ್ಯಾಯ್ | ನಟ | |
1932 | ಪ್ರಹ್ಲಾದ್ | ಪ್ರಿಯನಾಥ್ ಗಾಂಗೂಲಿ | ನಟ | |
1932 | ವಿಷ್ಣು ಮಾಯ | ಜ್ಯೋತೀಶ್ ಬಾನರ್ಜಿ | ನಟ | |
1933 | ಶ್ರೀ ಗೌರಂಗ | ಪ್ರಫುಲ್ಲ ಘೋಷ್ | ನಟ | |
1933 | ಚಾರ್ ದೇವೇಶ್ | ಪ್ರಫುಲ್ಲ ಘೋಷ್ | ನಟ | ಅತಿರೇಕದ ಕಲ್ಪನೆಯ ಚಲನಚಿತ್ರ |
1934 | ಮಾಂ | ಪ್ರಫುಲ್ಲ ಘೋಷ್ | ನಟ | |
1934 | ಹರಿ ಭಕ್ತಿ | ಪ್ರಫುಲ್ಲ ಘೋಷ್ | ನಟ | |
1935 | ಕಂಠಹಾರ್ | ಜ್ಯೋತೀಶ್ ಬಾನರ್ಜಿ | ನಟ | |
1935 | ಮನ್ಮಯಿ ಗರ್ಲ್ಸ್ ಸ್ಕೂಲ್ | ಜ್ಯೋತೀಶ್ ಬಾನರ್ಜಿ | ನಟ | |
1935 | ಬಾಸಬದತ್ತ | ಸತೀಶ್ ದಾಸಗುಪ್ತ | ನಟ | |
1936 | ಬಿಷಬೃಕ್ಷ | ಫಣಿ ಬರ್ಮಾ | ನಟ | |
1936 | ಕೃಷ್ಣ ಸುಧಾಮ | ಫಣಿ ಬರ್ಮಾ | ನಟ | |
1936 | ಖೂನೀ ಕೌನ್ | ಜಿ. ಆರ್. ಸೇಠಿ | ನಟ | |
1936 | ಮಾಂ | ಪ್ರಫುಲ್ಲ ಘೋಷ್ | ನಟ | |
1937 | ವಿದ್ಯಾಪತಿ | ದೇಬಕಿ ಬೋಸ್ | ನಟ | |
1937 | ಮುಕ್ತಿ | ಪ್ರಮಥೇಶ್ ಚಂದ್ರ ಬರುವಾ | ನಟ | |
1937 | ಮುಕ್ತಿ | ಪ್ರಮಥೇಶ್ ಚಂದ್ರ ಬರುವಾ | ನಟ | |
1937 | ಬಿದ್ಯಾಪತಿ | ದೇಬಕಿ ಬೋಸ್ | ನಟ | |
1938 | ಸಾಥಿ | ಫಣಿ ಮಜುಮ್ದರ್ | ನಟ | |
1938 | ಸ್ಟ್ರೀಟ್ ಸಿಂಗರ್ | ಫಣಿ ಮಜುಮ್ದರ್ | ನಟ | |
1939 | ಸಪೇರಾ | ದೇಬಕಿ ಬೋಸ್ | ನಟ | |
1939 | ಜವಾನೀ ಕೀ ರಾತ್ | ಹೇಮಚಂದ್ರ ಚುಂದರ್ | ನಟ | |
1939 | ಸಪೂರೆಯ್ | ದೇಬಕಿ ಬೋಸ್ | ನಟ | |
1940 | ಪರಾಜಯ್ | ಹೇಮಚಂದ್ರ ಚುಂದರ್ | ನಟ | |
1940 | ಹಾರ್ ಜೀತ್ | ಅಮರ್ ಮಲ್ಲಿಕ್ | ನಟ | |
1940 | ಅಭಿನೇತ್ರಿ | ಅಮರ್ ಮಲ್ಲಿಕ್ | ನಟ | |
1941 | ಪರಿಚಯ್ | ನಿತಿನ್ ಬೋಸ್ | ನಟ | |
1941 | ಲಗನ್ | ನಿತಿನ್ ಬೋಸ್ | ನಟ | |
1942 | ಶೇಷ್ ಉತ್ತರ್ | ಪ್ರಮಥೇಶ್ ಚಂದ್ರ ಬರುವಾ | ನಟ | |
1942 | ಜವಾಬ್ | ಪ್ರಮಥೇಶ್ ಚಂದ್ರ ಬರುವಾ | ನಟ | |
1943 | ಜೋಗಾಜೋಗ್ | ಸುಶೀಲ್ ಮಜುಮ್ದರ್ | ನಟ | |
1943 | ಜೋಗಾಜೋಗ್ | ಸುಶೀಲ್ ಮಜುಮ್ದರ್ | ನಟ | |
1944 | ಬಿದೇಶಿನಿ | ಪ್ರೇಮೇಂದ್ರ ಮಿತ್ರ | ನಟ | |
1945 | ಪಥ ಬೇಂಧೆ ದಿಲೊ | ಪ್ರೇಮೇಂದ್ರ ಮಿತ್ರ | ನಟ | |
1945 | ಬನ್ಫೂಲ್ | ನೀರೇನ್ ಲಹಿರಿ | ನಟ | |
1945 | ರಾಜ್ ಲಕ್ಷ್ಮಿ | ಪ್ರೇಮೇಂದ್ರ ಮಿತ್ರ | ನಟ | |
1946 | ತುಮಿ ಆರ್ ಆದ್ಮಿ | ಅಪೂರ್ವ ಕುಮಾರ ಮಿತ್ರ | ನಟ | |
1946 | ಕೃಷ್ಣ ಲೀಲಾ | ದೇಬಕಿ ಬೋಸ್ | ನಟ | |
1946 | ಅರಬಿಯನ್ ನೈಟ್ಸ್ | ನೀರೆನ್ ಲಹಿರಿ | ನಟ | |
1947 | ಚಂದ್ರಶೇಖರ್ | ದೇಬಕಿ ಬೋಸ್ | ನಟ | |
1947 | ಚಂದ್ರಶೇಖರ್ | ದೇಬಕಿ ಬೋಸ್ | ನಟ | |
1947 | ಫೈಸಲಾ | ಅಪೂರ್ಬ ಕುಮಾರ್ ಮಿತ್ರಾ | ನಟ | |
1948 | ಬಂಕಲೇಖಾ | ಚಿತ್ತಾ ಬೋಸ್ | ನಟ | |
1948 | ಅನಿರ್ಬಾನ್ | ಸೌಮ್ಯನ್ ಮುಖರ್ಜಿ | ನಟ | |
1949 | ಅನನ್ಯ | ಸಬ್ಯಸಾಚಿ | ನಟ | |
1949 | ಅನುರಾಧಾ | ಪ್ರಣಬ್ ರಾಯ್ | ನಟ | |
1950 | ಮೆಜದೀದಿ | ಅಜಯ್ ಕರ್ | ನಟ | |
1952 | ದರ್ಪಚೂರ್ಣ | ನಟ | ||
1954 | ನಬಬಿಧಾನ್ | ಹರಿದಾಸ್ ಭಟ್ಟಾಚಾರ್ಯ | ನಟ | |
1955 | ದೇಬತ್ರ | ಹರಿದಾಸ್ ಭಟ್ಟಾಚಾರ್ಯ | ನಟ | |
1956 | ಆಶಾ | ಹರಿದಾಸ್ ಭಟ್ಟಾಚಾರ್ಯ | ನಟ | |
1959 | ಇಂದ್ರನಾಥ್ ಶ್ರಿಕಾಂತ್-ಓ-ಅನ್ನದದೀದಿ | ಹರಿದಾಸ್ ಭಟ್ಟಾಚಾರ್ಯ | ನಟ | |
... ಕುಹಕ ಬರಹ ಎಂದೂ ಹೇಳಲಾಗಿದೆ
... ರಾಧಾ ಕೃಷ್ಣ ಪ್ರೇಮ ಎಂದೂ ಹೇಳಲಾಗಿದೆ ... ಶ್ರೀ ಕೃಷ್ಣನ ಕಥೆ ಎಂದೂ ಹೇಳಲಾಗಿದೆ
... ಶೇಷ್ ಉತ್ತರ್ ಎಂದೂ ಹೇಳಲಾಗಿದೆ (ಭಾರತ: ಬಂಗಾಳಿ ಶೀರ್ಷಿಕೆ) ... ಅಥವಾ ಅಂತಿಮ ಉತ್ತರ
... ಪರಿಚಯ ಎಂದೂ ಹೇಳಲಾಗಿದೆ ... ಅಥವಾ ವಿವಾಹ
... aka The Snake-Charmer (India: English title)
... aka The Snake-Charmer (India: English title)
... aka Freedom ... aka The Liberation of the Soul
... aka The Poison Tree
... aka Krishna and Sudama
... aka Merchant of Arabia (India: English title)
... aka Doings of Lord Vishnu
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.