From Wikipedia, the free encyclopedia
ಅಲಗು ಅಂಚನ್ನು ಹೊಂದಿರುವ ಒಂದು ಉಪಕರಣ, ಆಯುಧ, ಅಥವಾ ಯಂತ್ರದ ಭಾಗ. ಇದನ್ನು ಮೇಲ್ಮೈಗಳು ಅಥವಾ ವಸ್ತುಗಳನ್ನು ತೂತುಮಾಡಲು, ಕೊಚ್ಚಲು, ಕತ್ತರಿಸಲು ಅಥವಾ ಹೆರೆಯಲು ವಿನ್ಯಾಸಗೊಳಿಸಲಾಗಿರುತ್ತದೆ. ಅಲಗನ್ನು ಚಕಮುಕಿ ಕಲ್ಲಿನಂತಹ ಹದಗೊಳಿಸುವ ಕಲ್ಲಿನಿಂದ, ಲೋಹ (ಸಾಮಾನ್ಯವಾಗಿ ಉಕ್ಕು), ಪಿಂಗಾಣಿ, ಅಥವಾ ಇತರ ವಸ್ತುವಿನಿಂದ ತಯಾರಿಸಬಹುದು. ಅಲಗುಗಳು ಮಾನವಕುಲದ ಅತ್ಯಂತ ಹಳೆಯ ಉಪಕರಣಗಳ ಪೈಕಿ ಒಂದಾಗಿವೆ, ಮತ್ತು ಯುದ್ಧ, ಆಹಾರ ತಯಾರಿಕೆ, ಮತ್ತು ಇತರ ಉದ್ದೇಶಗಳಿಗಾಗಿ ಬಳಕೆಯಾಗಲು ಮುಂದುವರಿದಿದೆ.
ಆಹಾರ ತಯಾರಿಕೆಯ ಅವಧಿಯಲ್ಲಿ, ಚಾಕೂಗಳನ್ನು ಮುಖ್ಯವಾಗಿ ಕತ್ತರಿಸಲು, ಕೊಚ್ಚಲು, ಮತ್ತು ಕೆತ್ತಲು ಬಳಸಲಾಗುತ್ತದೆ.[1]
ಯುದ್ಧದಲ್ಲಿ, ಅಲಗನ್ನು ಸೀಳಲು ಅಥವಾ ಇರಿಯಲು ಬಳಸಬಹುದು, ಮತ್ತು ಎಸೆಯಬಹುದು ಅಥವಾ ಚಿಮ್ಮಬಹುದು. ಇದರ ಕಾರ್ಯ ಒಂದು ನರ, ಸ್ನಾಯು ಅಥವಾ ಸ್ನಾಯುರಜ್ಜು ಎಳೆಗಳನ್ನು, ಅಥವಾ ರಕ್ತನಾಳವನ್ನು ಕತ್ತರಿಸುವುದು ಆಗಿದೆ. ಇದರಿಂದ ವೈರಿಯು ನಿಷ್ಕ್ರಿಯಗೊಳ್ಳುತ್ತಾನೆ ಅಥವಾ ಸಾಯುತ್ತಾನೆ. ಒಂದು ಮುಖ್ಯ ರಕ್ತನಾಳವನ್ನು ಕತ್ತರಿಸುವುದರಿಂದ ಸಾಮಾನ್ಯವಾಗಿ ಹೊರಸೂಸುವಿಕೆಯಿಂದ ಸಾವು ಉಂಟಾಗುತ್ತದೆ. ಸಿಡಿಚೂರುಗಳು ಚೂರುಗಳ ಅಲಗಿನಂಥ ಗುಣದ ಮೂಲಕ ಗಾಯಗಳನ್ನು ಉಂಟುಮಾಡುತ್ತವೆ.
ಅಲಗುಗಳನ್ನು ಹೆರೆಯಲು ಬಳಸಬಹುದು, ಹೇಗೆಂದರೆ ಅಲಗನ್ನು ಮೇಲ್ಮೈ ಉದ್ದಕ್ಕೆ ಅಥವಾ ಮೂಲಕದ ಬದಲಾಗಿ, ಒಂದು ಮೇಲ್ಮೈಗೆ ಅಡ್ಡಲಾಗಿ ಪಾರ್ಶ್ವಕ್ಕೆ ಚಲಿಸುವುದರಿಂದ, ಒಂದು ಶಾಯಿ ಅಳಿಸಿಗದಂತೆ.
ಕತ್ತರಿಸಲು ಉದ್ದೇಶಿತವಾಗಿರುವ ಒಂದು ಸರಳ ಅಲಗು ಒಂದು ಅಂಚಲ್ಲಿ ಸೇರುವ ಎರಡು ಮುಖಗಳನ್ನು ಹೊಂದಿರುತ್ತದೆ. ಆದರ್ಶಪ್ರಾಯವಾಗಿ ಈ ಅಂಚು ವರ್ತುಲತೆಯನ್ನು ಹೊಂದಿರುವುದಿಲ್ಲ ಆದರೆ ಆಚರಣೆಯಲ್ಲಿ ಎಲ್ಲ ಅಂಚುಗಳು ದೃಗ್ವೈಜ್ಞಾನಿಕವಾಗಿ ಅಥವಾ ಇಲೆಕ್ಟ್ರಾನ್ ಸೂಕ್ಷದರ್ಶಕದಿಂದ ವರ್ಧಿಸಿದಾಗ ಸ್ವಲ್ಪ ಪ್ರಮಾಣದಲ್ಲಿ ವರ್ತುಲವೆಂದು ಕಾಣಬಹುದು. ಅಲಗಿಗೆ ಕೈಹಿಡಿಯಿಂದ ಅಥವಾ ಅಲಗಿನ ಹಿಂಬದಿ ಮೇಲೆ ಒತ್ತಿ ಬಲ ಹಾಕಲಾಗುತ್ತದೆ. ನವಿರಾದ ಅಂಚಿಗೆ ಹೋಲಿಸಿದರೆ ಕೈಹಿಡಿ ಅಥವಾ ಅಲಗಿನ ಹಿಂಬದಿ ದೊಡ್ಡ ವಿಸ್ತೀರ್ಣ ಹೊಂದಿರುತ್ತದೆ. ಸಣ್ಣ ಅಂಚಿನ ವಿಸ್ತೀರ್ಣದ ಮೇಲೆ ಪ್ರಯೋಗಿಸಿದ ಬಲದ ಈ ಕೇಂದ್ರೀಕರಣ ಅಂಚಿನಿಂದ ಪ್ರಯೋಗಿಸಲಾದ ಒತ್ತಡವನ್ನು ಹೆಚ್ಚಿಸುತ್ತದೆ. ಈ ಹೆಚ್ಚಿನ ಒತ್ತಡವು ಅಲಗಿಗೆ ಅಣುಗಳು/ಸ್ಫಟಿಕಗಳು/ನಾರುಗಳ ನಡುವಿನ ಬಂಧಗಳನ್ನು ಮುರಿದು ಒಂದು ವಸ್ತುವನ್ನು ಕತ್ತರಿಸಲು ಅವಕಾಶ ಮಾಡಿಕೊಡುತ್ತದೆ. ಇದಕ್ಕಾಗಿ ಅಲಗು ಸಾಕಷ್ಟು ಬಲವಾಗಿರುವುದು ಅಗತ್ಯ, ಏಕೆಂದರೆ ಇತರ ವಸ್ತುವು ಮುರಿಯುವುದಕ್ಕೆ ಮುಂಚೆ ಒಂದು ಅಲಗು ಮುರಿತವನ್ನು ಪ್ರತಿರೋಧಿಸಬೇಕು.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.