![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/99/Upernavik_town_aerial_1_2007-07-11.jpg/640px-Upernavik_town_aerial_1_2007-07-11.jpg&w=640&q=50)
Upernavik
From Wikipedia, the free encyclopedia
Upernaviup kommunea illoqarfiit avannarpasinnerpaat tulleraat, 1772-milu tunngavilerneqarluni. Kisitsisit 2004-meersut naapertorlugit 2.905-inik katillugu inoqarpoq. Oqaluttuarisaanerup ingerlanerani Upernaviup kommunea piniarneq inuutissarsiutitut annerusumik ingerlassimavaa, 1980-ikkunnili aalisarneq pingaarutilimmik eqqunneqarsimavoq aallunneqalerluni. Kommune-p isorartussusaa avannaaniit kujammut annertuvoq, 450 km-t. Assersuutitut Jylland-ip avannaaniit, Skagen-imiit, kujammut Tysklandi-p killeqarfianut. Nunaqarfiit qiviassagaanni Upernaviup kommuneani, kommune-kkuutaarnerit eqqarsaatigalugit, nunaqarfiit amerlanersaat inissisimapput. Taakku quliupput, Kullorsuarlu inuttunersaavoq 400-t missaanni inoqarluni. Minnersaraat Tussaaq, tassanilungooq inuk ataasiinnaq najugaqarpoq. Nunaqarfiit sinneri ukuupput: Upernavik Kujalleq (194), Kangersuatsiaq (237), Aappilattoq (200), Naajat (55), Innaarsuit (155), Tasiusaq (237), Nutaarmiut (55), kiisalu Nuussuaq (197).
Takornariaqarneq, minnerunngitsumillu angallanneq eqqarsaatigigaanni, Upernavik ukiuni kingullerni oqilisaaffigineqarsimavoq. Tamanna pivoq Oktoberip aallaqqaataani 2000, mittarfittaarneratigut. Upernaviup eqqangisaa avatangiisiilu aamma alianaaqaaq kusanarluni, soorlu kullorsuartut isikkulik Kullorsuup eqqannguaniittoq tikinneqarsinnaasoq.
![](http://upload.wikimedia.org/wikipedia/commons/thumb/5/58/Upernavik_evening_panorama_2007-08-08_cropped_sharpened.jpg/640px-Upernavik_evening_panorama_2007-08-08_cropped_sharpened.jpg)
![](http://upload.wikimedia.org/wikipedia/commons/thumb/0/09/Aappilattoq_%28Upernavik%29_pano_2007-08-09_filtered.jpg/640px-Aappilattoq_%28Upernavik%29_pano_2007-08-09_filtered.jpg)
![](http://upload.wikimedia.org/wikipedia/commons/thumb/8/86/Naajaat_panorama_2007-08-09_2_cropped_USM_downsampled.jpg/640px-Naajaat_panorama_2007-08-09_2_cropped_USM_downsampled.jpg)
- c. 1900
- Duda Lasø
- Bell 212